گيلکˇ نتاج

📢 ⁦🛠️⁩ 📢 ✨ گيلک ٚ نتاجي-يان سلام 🌾 🎶 چن سال بۊدؤب وادؤب ٚ پسي، گيلک ٚ نتاج اۊ هدفاني کي خؤره دؤجين بۊکۊده-بۊيأ فأنرسه 📌 حؤکمن ايراد أمي جأ بۊ ⁦✂️⁩ احتياجه ويشتر أمي کارانأ وارسي بۊکۊنيم ؤ عأيب ؤ ايرادانأ چأکۊنيم. 📱هأن ٚ وأسي ايتأ چن وخت، تلگرام ؤ اينستا ؤ آپارات ٚ دۊرۊن نئسائيم تا ايتأ برنامه-ئي کي به رۊزتر ببه مرأ دۊمرتبه وأگرديم. ✨ ناجه دأريم أ دۊري درازه ندأره ؤ زۊتر وأگرديم شيمي ويجأ🙏💐 @gilekenetaj

https://www.instagram.com/p/CLuXYqcrh46/?igshid=11t2ko3du7a1d أگه حال نأريد بخأنيد يا أنقد شيمي سر شۊلؤغه کي نتأنيد وأمجيد؛ أ صفه' دۊمبال بۊکۊنيد کي هر رۊز کلمه'نأ شمه ره معني ؤ جۊمله أمرأ نيشان ديهه⁦✌️⁩

https://lordarma.ir/top-1000-words-in-gilaki/ @gilekenetaj

🎊🎉🎊🎉🎊🎉🎊🎉🎊🎉🎊🎉 مأري زوان ٚ رۊز همه-تا گيلکانأ مۊوارک 🎉🎊🎉🎊🎉🎊🎉🎊🎉🎊🎉🎊 أنم أمي کادؤ مأري زوان ٚ رۊز ٚ ره👇 چنتا فؤرمت ٚ دۊرۊن ايتأ تشکؤر #عليرضا_مؤيد_احمدي جأ کي خأيلي زأمت بکشه @gilekenetaj

ايتأ خاهش أگه لالائي-ئي دأنيدي کي أشان ٚ ميان ننأ بۊ أمه ره اۊسه کۊنيد شيمي نام ٚ مرأ هأيأ بنيم 🙏 @gilekenetaj

#لالائي #گاره_سري مي زأکأ خاب أيه خۊفتن نتأنه چۊمأ وازأ کۊده بيدارأ مأنه فريشته وا بأیه ايمشب بخأنه بۊخۊسانه مي جغله' بي بهانه @gilekenetaj

#لالائي #گاره_سري لالا لای بۊخۊسه مي جان ٚ رؤشن بيجار أمؤن درم چٚوٚر نوأ شؤن دره تا شالقۊزه مي دؤنه پا چۊل بۊخۊسه مرز ٚ سر مي پسر ٚ گۊل تي لالا گؤفتنم لبريز ٚ خاب بۊ هيزار وار بختر از گاواره تاب بۊ @gilekenetaj

#لالائي #گاره_سري لالا لالا مي ما پاره دوستم من ترأ گاره تي گاره طلاکاره تي ور وندان قلمکاره @gilekenetaj

#لالائي #گاره_سري کۊجي لاکؤی تۊ يار داري-يأ نأني محبت ؤ وفاداري-يأ نأني من تي دؤر مۊجم شب تا صؤبأ به چۊتؤ تۊ خاب ؤ بيداري-يأ نأني؟ @gilekenetaj

#لالائي #گاره_سري مأری مأری مرا دادي به غؤربت مرا دادي به دست ٚ بي مٚرٚوت أگه زنده ببم أيم تي خدمت أگه مۊرده ببم تي سر سلامت مأری مأری مرا دادي به تالش مرا دادي به دست ٚ غۊل ٚ گالش أطلسي مي لحاف بۊ پر ٚ قۊ مي بالش عجب فيضي ببرده غۊل ٚ گالش مأری مأری مۊ سرگردۊنم چي ره ؟ يه لب خندۊن يه لب گريۊنم چي ره؟ عرق‌چين ترمه را من تا بۊکۊدم مگه من دؤختر ٚ بابا نبۊدم؟ مرا دادی به دست ٚ پير ٚ مردک مگه من قابل ٚ رئکأ نبۊدم؟ @gilekenetaj