چوبان اوغلونون شعر کانالی

قارا گوُزلرین یاناغین گوُیچک دیر گولدن لاله دن سنین نه گوُزلدی قارا گوُزلرین منی حیفظ ائیله سین مروته گلسین وورماسین سینه مه یارا گوُزلرین عشقین خسته سی یم چکیرم جفا رحم ائله آ ظالیم گل بیر انصافا سندن اولا بلکه منه بیر شفا ائیله یه دردیمه چارا گوُزلرین داغلارین ککلیکی آلا گوُز نیگار شمشیر بو وصفینی یورولماز یازار قوجالمیش آشیغام گوُرمه گوناهکار قویما چکیر منی دارا گوُزلرین آشیق شمشیر ════‌༻‌♥️༺═══

کونول کریم اوا رشاد کریم او منی ده آپار ❤️ ════‌༻‌♥️༺═══

💠 🔸 سئوگیلیم هارا گئتسن بئله وورغون کؤنلومو، اؤزون‌له برابر آپار، سئوگیلیم! ایشدیر، آپارماسان الهام آتینی، او سنین دالینجا چاپار، سئوگیلیم! آیریلیق یوکودور کۆره‌ییمده‌کی، گؤتور باشیندان او قارا اؤرپه‌یی! سن گل اؤز الین‌له اۆره‌ییمده‌کی- یارانین کؤزونو قوپار، سئوگیلیم! سیخدی پنجه‌سینده سفالت سنی، لاکین یاشاداجاق محبّت سنی. هر یانا گئتسن ده، نهایت سنی- «سلیمان» آختاریب تاپار، سئوگیلیم! ✍ سلیمان رستم ❤️ ════‌༻‌♥️༺═══

گورنده گول غنچه وریر ،  اوگول خندانی گورنده ... دیل خُرّم اولور خسرو خوبانی گورنده ، سن نور سماواتسان ای گول گوزون ایدین ... بولمم اوزومی  او مَه تابانی گورنده ، عشق اهلی بولور سوز لریمین معناسی سن سن .. اشکار اله مم سیرّیمی ،  جانانی گورنده ، آیداندا ،  گونشدنده داها چوخلی گوزلسن .. سوز جوشا گلیر ،  چشم غزل خوانی گورنده سن نن گوزلیم کونلوم اولوب ّباغ و گولستان ، خوشدور منه او ، سرو خرامانی گورنده ، گر باده ی جنت دسه لر چشمه سی سن سن .... یوز جام ایچیرم ، کوثر رضوانی گورنده ، یوزلر سنین او وصف جمالیندا قالیب لار ... گوستر نه یازیم ؟ منبع عِرفانی گورنده ، بو بی سر و پایه نظرین تفسیره گلمز .... شوکر ایله کونول ، رحمت پونهانی گورنده ، او عکس رو خون دون گجه من باده ده گوردوم ... نه چاره ادیم عشقه ، او لیلانی گورنده ، فیکر ایلمه بو عشقیده راحیم اودا یاندین ... پروانه یانار ، شمع شبستانی گورنده ، ✍راحم تبریزی ❤️ ════‌༻‌♥️༺═══

💠 قیریلان قلمیم، یانان کیتابیم، یازیسی سارالمیش واراغیم سنسن. داغیلان حاصاریم، آتیلان قاپیم، گؤزومده قارالان چیراغیم سنسن. سینه‌مده دؤور ائدیب قوپان توفانیم، اوشوین اوره‌ییم، آلیشان جانیم، آلوودان قوورولان یازیق آرانیم، دوماندان آغلایان یایلاغیم سنسن. کؤمه‌شن آیاغیم، توتولان دیزیم، سارالان یاناغیم، سولان بنیزیم، قار باغلایان یولوم، بوز توتان ایزیم، کؤزو کوله دؤنموش اوجاغیم سنسن. تۆکنن ایسته‌ییم، بیتن سئوینجیم، چکیلن ماراغیم، اؤتن سئوینجیم، تاپیلان کدریم، ایتن سئوینجیم، گؤوده‌دن اوزولن بوداغیم سنسن. مؤحنت دالغا-دالغا، غم آخین-آخین، «حوسئین»ین گونونه، آیینا باخین! کؤنلومه حیاتدا یاخیندان یاخین، عؤمرومه اوزاقدان اوزاغیم سنسن. ✍ حسین عاریف ❤️ ════‌༻‌♥️༺═══

سلام سحریزخیراولسون ان شاءاللہ ڪے بوگونے... خوشلوغونـان بـاشلیـاسیز جان ساغلیقے و خیر و برڪت آرزولاییرام تورڪ خالقینا گون آیدین‌ سوگیلی‌ دوسلار..💥 ════‌༻‌♥️༺═══

بو گئجه یینه اوْل ماه بنیم آلدی قراریم بو گئجه چیقاجاقدور فلکه نالۀ زاریم بو گئجه شمع‌وَش محرمِ بزم ائیله‌میش اوْل ماه بنی یاناجاقدور یینه هجر اوْدینه واریم بو گئجه هم وصالی اورور اوْد جانیمه هم هجرانی بیر عجب شمع ایله دوشدی سر و کاریم بو گئجه نه توتوندور که چیقار چرخه، دلِ زاره مگر هجر داغینی اورور لاله‌عِذاریم بو گئجه صبحه سالدی بو گئجه شمع گیبی قتلیمی هجر اوْله کیم، صبح گلینجه گله یاریم بو گئجه پاره پاره جگریم ایتلرینه نذر اوْلسون اوْل سرِ کویه اگر دوشسه گُذاریم بو گئجه وار ایدی صبح وصالینه، فضولی، امّید چیقماسا حسرت ایله جانِ فَگاریم بو گئجه ‎‌ حکیم فضولی گئجه نیز غمسیز عزیز دوستلار 💫🌙💫 ════‌༻‌♥️༺═══

سیزلاییر اوره‌ییم سنسیزله‌ینده روحومو چولقاییر کدر غم منیم دوشورم چوللره باشسیز کولک تک یوخلوغون جانیما اولاندا قنیم ای منیم روحوما یاراشان ملک سئوگی‌لر گؤزونده ایتیر سن منی آلاجاق دینجینی چیرپینان اورک محبت باغیندا بیتیرسن منی قوی اوچسون خیالیم انگین سمادا اولدوزلار قوینوندا یئريني سالسین سنین‌له یاشانان شئعیر آنلاریم منیمچون ان گؤزل خاطیره قالسین بهروز صدیق ❤️ ════‌༻‌♥️༺═══

آلا گوزلوم سندن آیری دوشه لی هیجرانین غمیله کئف ائیله میشم آه و وایلا کئچیب گونوم دونیادا درد آلیب غم ساتیب نفع ائیله میشم سندن آیری شاد اولمورام گولمورم جانیمدان بئزمیشم اوله بیلمیرم نه مدتی قوللوقونا گلمیرم؛ باغیشلا تقصیریم سهو ائیله میشم حسرت قویما گوزو گوزه آماندی یاندی باغریم دوندو کؤزه آماندی؛ کئچن سوزی چکمه اؤزه آماندی هدیان دانیشمیشام لاف ائیله میشم انصافدیمی گوله همدم خار اولا؟ تولک ترلان اویلاغیندا سار اولا؟ علسگر ایسته ییر بیر بازار اولا سئچمیشم گوهری صاف ائیله میشم گوچه لی ده ده علسگر🍁🌾🍁 ════‌༻‌♥️༺═══

عشقیم، نفسیم،  عشقیده سلطان منه سن سن تا وار نفسیم جلوه ی  جانان منه سن سن سن کعبه ی عشق اول دولانیم باشیوه مین یول احرام وفاده منه ارکان یئنه سن سن قان سان داماریمدا گزیسن کل وجودی بو عالم امکانیده امکان منه سن سن من خسته ی دردم منی هیجرانیوه یورما هر یاره م اولا یاره مه درمان منه سن سن ایستر یازا کونلوم آدیوی دفتر عشقه شاه بیت غزل، صاحب دیوان منه سن سن بیر بئیله دئییم عشقیمین اثباتینه دلبر جان صاحبی سن صاحب فرمان منه سن سن واعظ منی آلداتما عذاب ابدی دن من یاره دئدیم جنت و رضوان منه سن سن عشق عالمی بیر باشقا مکاندیر خبرین یوخ جنت اوزی مهمان سنه ، مهمان منه سن سن شرم ائیلیور عباس یازا حی ازلدن سینمده گولوم کفریله ایمان منه سن سن ❤️ ════‌༻‌♥️༺═══

ای گول، یانیرام غیـرایلـه سـن همـدم اولانـدا، بولبول آلیشـار خـار ایلـه گـول محـرم اولانـدا. چوخلار اولوب اول زلـفِ پـریشـانیـن اسیـری، ییغ، توپلا بو مجنونلاری فیکرین جمع اولاندا تر قطره سـی وئـرمیـش اوزونـه بـاشقـا لطـافـت گـول یـارپـاغـی زینتلــی اولــور شبنــم اولانــدا تک لیکده جهنّم گئچیـر عشـق اهلینـه هـر یئـر، یـارایلـه اونـا جنّـت اولــور بــا هــم اولانــدا جانانه اوره ک سیرّینـی دمسیـز دئمـک اولمـاز، جان اهلی جسـارتلـی اولـورمـوش دم اولانـدا. دوشمـن اولا دونیـا قـدری، اونـلارا بــاتمــاز، هر گاه ایکی دوسـتون آراسـی محکـم اولانـدا. بیر نازیله جان قویمـادی منـده هلـه گـل، گـؤر، عالم نه اولـور اورتـادا یـوز چـم خـم اولانـدا قیمت وئریر اول قاشـی هیـلالیـن سنـه، واحـد، باشین آغاریب اونداکی، قـدّیـن خـم اولانـدا علی آقا واحد💥🍁🌟 ════‌༻‌♥️༺═══

عؤموردن بیر گون ده کئچدی بئله‌جه یاری یوخولودور، یاری اویاقدیر دویغولار قوینوندا اؤتن بو گئجه، کیمینسه عؤمرونه قاییداجاقدیر. عؤموردن بیر گون ده کئچدی بئله‌جه بیر گون ده، گئجه‌ ده، پول کیمی ایتدی پشیمان بیر گؤزل قاییتسین نئجه؟ اؤزونو بیر قلبده اؤلدوروب گئتدی. عؤموردن بیر گون ده کئچدی بئله‌جه دومان‌لار ایچینده یوخودو بلکه کیمسه بو گونومه بلکه گوله‌جک کیمسه یازدیغیمی اوخودو بلکه. عؤموردن بیر گون ده کئچدی بئله‌جه گئتدی... بیر اومیده گومان آزالدی بیر خسته بیلدی کی موطلق اؤله‌جک دئمه‌لی مؤعجوزه اومان آزالدی. عؤموردن بیر گون ده کئچدی بئله‌جه قبریستان یولونا تزه ایز دوشدو بیر آنا بطنینین قارانلیغیندان، چارپایی اوستونه بیر گوندوز دوشدو. عؤموردن بیر گون ده کئچدی بئله‌جه یاش بیر بالیق کیمی سوروشور گون‌لر آخان اولدوزلارا آغلاییر گئجه دوغان گونشی‌له گولوشور گون‌لر. عؤموردن بیر گون ده کئچدی بئله‌جه بیر کل بوینوزونا گؤرن نه دولدو؟! بیرینی سوکاندا حاقلادی اجل بیر باغا چاناغی کول قابی اولدو. عؤموردن بیر گون ده کئچدی بئله‌جه عؤمور کیتابیندا ورق‌لر آغدی قاپ‌-قارا کؤلگه‌مدَن بئزیب بو کوچه کؤلگه‌می سکی‌لر آپاراجاقدی. عؤموردن بیر گون ده کئچدی بئله‌جه سحری گونشلی، آخشامی غوروب. عؤموردن بیر گون ده کئچدی بئله‌جه گؤره‌سن قارشیدا هانسی گون دوروب...؟ نوصرت کسمنلی ❤️ ════‌༻‌♥️༺═══

بيليرسن كي سنن دؤنن دئييلم عشقين ائله بير اود ساليب جانيما عؤمورلوك ياناجام،سؤنن دئييلم يوللارينا باخيب گرک له نیرم ایلقارینی گؤروب اوره كله نيرم عشقين له اؤيونوب فرحله نيرم نيه دئييرسن كي،او من دئييلم!؟ سئودييم!ساچیندان تئل قييما يادا ايوب جا كيم سئور سني دونيادا!؟ محبت قوجالمير،ساچ آغارسادا بیر اؤزگه عنوانا گئدن دئييلم. ایوب کلبجرلی ❤️ ════‌༻‌♥️༺═══

آیریلیق ألینده حسرت ایچینده نه دئسم اینجیمه سؤزومدن الله منی بو ظلمت دن سن اؤزون قورتار تؤشموشم صبریدن دؤزومدن الله قان تؤکور ألینده امکان اولانلار قرآن دان دم وورور شیطان اولانلار انسان دریسینده حیوان اولانلار دنیانی سالیبدی گؤزؤمدن الله نه قدر آه چکیم یالان دنیادا خائین لر ألینده تالان دنیادا ظالمه اویونچاق اولان دنیادا مظلومون گؤرمورم اؤزومدن الله اومودا زهردی چوردو بودنیا تله دی بودنیا توردو بو دنیا ازل دن بیلیرم گوردو بو دنیا دئمگه گلمیردی اؤزومدن الله اومود قاراداغلی ❤️ ════‌༻‌♥️༺═══

" یاغیش وارکی !"

یاغیش وارکی ! یاغار صحرایه درمان ائیلییر درمان، یاغیش وار کی! بلادیر یاغسا، لئیسان ائیلییر لئیسان. کولک وارکی! اَسَر ملحم کیمی، اَن ایستی گونلرده، کولک وار کی! بیر آنلیق قوپسا، طوفان ائیلییر طوفان. گونش وارکی! قارین آلتینداکی گول، جان آلار اوندان، گونش وار کی! سنی صحراده، قوربان ائیلییر قوربان. دنیز وارکی! موسانی قوریار قونوندا، فرعوننان، دنیز وار کی! بوغار فرعونی، عوصیان ائیلییر عوصیان. آدام وارکی ! اونو گورجک، قیامت ایستییر گلسین، آدام وار کی! اونون عشقیله، دووران ائیلییر دووران. ووقار بیلجری ════‌༻‌♥️༺═══

اوزاق‌دان اوزاغا سئویشن گؤزل دومان‌لی‌گؤزلری بولودا باغلا بیر غزل، بیر قوشما، بیر گرایلی یاز شعرینین سونون‌دا منی سوراغلا بیر داملا سایاغی قوناق اول بیزه قوی بولود آغلاسین، پنجره دولسون یاریلسین سینه‌سی قارا تورپاغین سئوگیمیز گونشین گؤز یاشی اولسون سئویشه-سئویشه، گؤی‌قورشاغین‌دان قوشولاق آغ یئله، زیروه‌دن آشاق گؤز-گوزه، ال-اله، آغری داغین‌دان بو گئجه دومان‌لی بیر ماهنی قوشاق من اولوم دلی داغ، سن ده اول یاغیش یاغیش‌دا جیم‌-جیلاق ایسلانام گرک! گولون قول‌لارینا شئه سوزن کیمی سوزوب کیپریگین‌دن آسلانام گرک! اوزاق‌دان اوزاغا سئویشن گؤزل دیله گل، آرزیمیز سئله دونمه‌میش بیر یانیق کرمی یارانماق‌دادیر گل-آپار ،آلیشیب کوله دونمه‌میش!... دومان بختیاری ❤️ ════‌༻‌♥️༺═══