چوبان اوغلونون شعر کانالی

قوی داغلارین باشیندا چن اولسون، سن اولماسان، شنلیک بو دونیادا نَدَن اولسون، سن اولماسان. اؤز عالمیمده بیر یئنی دوستاق یاراتمیشام، قوربت کی، سهلیدیر وطن اولسون، سن اولماسان. البت کی گؤزلریمده دنیز قان کؤپوکله‌سین البت‌کی، ساچلاریمدا دَن اولسون، سن اولماسان. من کی ایچیمده اوخشاییرام یاسلی‌لار کیمی، یئر، گؤی بوتون نه فایدا شن اولسون، سن اولماسان. پس من کیمین گؤزونده آنیم سئوگی تانریمی، کیمده او مایه وارکی، سن اولسون، سن اولماسان. کیم داغلارا بنؤوشه داغیتسین قوجاق- قوجاق، باغلاردا کیم چیچکله تن اولسون، سن اولماسان. آند اولسون عشقه لاپ اوره‌ییمدن سوزور بوسؤز، اینیمده کؤینه‌ییم کفن اولسون، سن اولماسان. رقیه محمودی @chobanoghloo

سَن مَنیم یانیمدا دَییلسن، آمما او کؤهنه سئوگیدن گوج آلیرام مَن مَن سَنین یانیندا اوشاقلاشیردیم سَن گئدن گوندن قوجالیرام مَن...

اورخان

Tokulur senli saatlar, o omurden, bu omurden, Eyilib qaldiran olmur, onu yerden, bunu yerden. Evime derd girir her gun , o bashindan, bu bashindan, Gozume kolge salirsan, o mashindan, bu mashindan. Seni Sakitce sorushdum o yagishdan, bu yagishdan, Sachinin etrini Aldim, o balishdan, bu balishdan. Suzulur sel kimi yashlar o gozunden, bu gozunden, Seni hicran opur her gun, o uzunden, bu uzunden. Bezmishem sensiz heyatin o adindan, bu adindan, Zerre zerre seni yigdim o qadindan, bu qadindan. یازار: ایلقار فهمی ❤️ ════‌༻‌♥️༺═══

Könlümü şad etməyə gəlmişdi canan bir dəfə. Qismət oldu,gördüm ol dildarı pünhan bir dəfə. Qiymətin mən bilmədim,bildikdə canan gəlmədi, Çərxi-kəcraftarı dövrün verdi imkan bir dəfə. Qarşısında canımı qurban verərdim, ol nigar, Lütf edib, ləli-ləbindən etsə ehsan bir dəfə. Bir Hüseyn ibni Əli 72-qurban verib, Bir də,İbrahim verib Allaha qurban bir dəfə. Eşq rahın çox adam dərk eyləmir,eşqin özü, Qəm verir min bir dəfə amma alır can bir dəfə. Eşqə canın kim fəda etmişsə,min-min qəm görər, Zövq alar qəmdən,Xuda verməklə dərman bir dəfə. Ey mənə rişxənd edən,sən əsl aşiqsənsə gər, Mən təki pərvanə ol,şəm eşqinə yan bir dəfə. Yarı kəbəm bildiyimdən,Həqqi düz zikr etmədim, Səhvi yüz bir dəfə etdim,zikri doxsan bir dəfə Təbriz eşq uğurunda canın da tamam məhv eyləsə, Sevdiyi canan deməz əfsus ona can bir dəfə. ════‌༻‌♥️༺═══

گول کیمی هر کیم کی، گلزار ایچره نقدِ جانی وار، سعی‌ ایله تؤکسون سنین یولونا تا امکانی وار! تا آیاغین تورپاغینا تؤکمه‌سه، توتماز قرار- هر کیمین مجلسده مینا تک بیر اوووج قانی وار. نه عجب عاشقلری گر باشدان آچسین ناز ایله، کاکُلِ مشکین کیمی هر کیم کی سرگردانی وار. ایچمه‌میش، جان بخش ائدر نظّاره‌دن عاشقلره، ترلی رخسارین عجایب چشمه‌ی حیوانی وار. ائیله‌ییبدیر نقطه‌ی خالین منی پَرگارسیز، یوخسا دریا اوزره هر بیر قطره‌نین دورانی وار. گزدیررلر ال‌به‌ال داغین کؤنوللر پاره‌سی، یئرده قالماز جام تک هر کیم کی ایستی قانی وار. پوچ‌دور هر سؤز کی دئرلر معرفتدن اهلِ قال، بحردن چیخماز صدف تا گوهرِ غلطانی وار. چوخ دئییل حیرت یئری گر وارسا شیرین سؤزلری، طوطینین «صائب!» نظرده گوزگو تک میدانی وار... صائب _ تبریزلی

مرحمت ایت آی نیگاریم درده درمان سنده دیر بدیرله نمیش گول صورتین ماه تابان سنده دیر یاشاماغیم بوحیاطدا تکجه سنه باغلیدیر یاشاد منی یادا اولدور حکم فرمان سنده دیر آز قالیبدیر مجنون اولام  من اوز قویام چوللره گیجه گوندوز  آغلامیشام  دردیم دوشوب دیللره قوجا واختی عاشق ایتدین منی ماوی گوزلره ویصال  اوچون جان آتیرام چاره  هر آن سنده دیر سن دانیشدین اسدی جسمیم دیزده تاوان قالمادی گوسته رنده گول  جمالین دین و ایمان قالمادی کرمینی درده سالدون دای منده جان قالمادی گل هیجرانه سون قوی گونان ایندی دوران سنده دیر یازار کرمی یارانیش تاریخی1404/6/15

ائده‌سن قَلبیمه مَلحم مَنه دَرمان اولاسان بو کؤنول مولکونه سَن دَهرده سولطان اولاسان ائویمی ییخمیسان اونسوز دا، باری هَردن بیر گَله‌سن ،خانه‌یِ ویرانه‌مه مئهمان اولاسان مَنی پئشمان ائله‌دین ،سَن ده بیرین سئو، آمما سئوه‌سن سئومه‌سین او کَس سَنی پئشمان اولاسان بو مَحَببت ده سیناقدیر، آدامی وادار ائدیر کی، تامامن دَییشیب باشقا بیر اینسان اولاسان دئمه ائی مئهری، بو یولدا نییه قوربان اولدوم کاش، اولاندا ائله اؤز عشقینه قوربان اولاسان. مئهری_میکاییلووا

توتما اول گول دامنین محشر گونونده، جان اوچون! قیلما اوزسوزلوک نگار ایلن، بیر اوووج قان اوچون! آچماگیل آغزین، گؤرنده خالِ مشکین دانه‌سی! اَیمه باش پرگار تک هر نقطه‌یه دوران اوچون! یولداش اولدور کیم، قارا گونلرده یولدان چیخماسین، کسمه یولداشدان خضر تک، چشمه‌ی حیوان اوچون! یئنگی آی، باشین ایَر خورشیده، تا اولسون تمام، ساده‌دل بیلمز که بسلر اؤزونو نقصان اوچون. مشرب اوچون قویماگیل الدن عنانِ اختیار، خاملیقدان آتینی اؤلدورمه‌گیل میدان اوچون! منّت ایلن دیریلیک، «صائب!» اؤلومدن‌دیر بتر، جان وئریرلر اهلِ غیرت، دردِ بی‌درمان اوچون... صائب تبریزی سلاملار سایغیلار سئوگیلر حؤرمتلی دوستلارا گون آیدین ════‌༻‌♥️༺═══

قوشما چوخلارئنین آرزولاری اُوء رکده قالیب قالیب پاسلاناجاق صبر ائله سنی بیئنمین بیر گون یاخانان دوء کمه کمین آسلاناجاق صبر ائله قوی کیتمان ائله سین حقی بیلن لر قوی اُوءلسونلر حسادت دن اُوءلن لر سین بو حالوا بو گون گولن لر فلک وئرئب یاسلاناجاق صبر ائله بیر گون باش اَیَجَک خانلار خاقانلار سرافراز اُوءلاجاق خالقه یانانلار دریانئن سوئینان ایسلان مینانلار گوءز یاشیلا ایسلاناجاق صبر ائله دیلیئنن دیئ شنن آچلماز دوءگون گوءزلریم دونیادن گوءروب گوءردون اُوِءزون قانمازلقا وئرانلار بیر گون یا اُوًءله جک یا قانا جاق صبر ائله مجیلسه گیرنده اَوَِلّده گوءز قوی باغلا چوبان اوغلو شَرطینی سوءز قوی شیمشه نی دوءز ساخلا تارازی دوءز قوی دوشمن گلیب دوسلاناجاق صبر ائله چوبان اوغلو @chobanoghloo

آی اوزون گؤردو کؤنول یاتمادی راحت گئجه لر قالدی جان صؤبحه کیمی وصلینه حسرت گئجه لر باغریما سالدی شرر غمزلی سوزگون باخیشین هر نازیندان باشیما قوپدی قیامت گئجه لر بیر گئجه رحمه گلیب گلمه دین ائی گول یوخوما نه قه در من اوخودوم آیه یی رحمت گئجه لر سالمیسان گؤر نه گونه یوخدی حالیمدان خبرین قالمادی منده دؤزوم  صبره دیانت گئجه لر دیلی بیماریم اوچون بیر سنی درمان بیلیرم کاش ائدئیدی اؤزو بو درده قضاوت گئجه لر ( سئوناز)ام  سن گؤزلیم حسرتیمه سون قوی اؤزون گل شیرین لای لانیلا وئر منه عادت گئجه لر زهرا_میرزائیان_سئوناز* گئجه_نیز_خوش ════‌༻‌♥️༺═══

آی اوزون گؤردو کؤنول یاتمادی راحت گئجه لر قالدی جان صؤبحه کیمی وصلینه حسرت گئجه لر باغریما سالدی شرر غمزلی سوزگون باخیشین هر نازیندان باشیما قوپدی قیامت گئجه لر بیر گئجه رحمه گلیب گلمه دین ائی گول یوخوما نه قه در من اوخودوم آیه یی رحمت گئجه لر سالمیسان گؤر نه گونه یوخدی حالیمدان خبرین قالمادی منده دؤزوم  صبره دیانت گئجه لر دیلی بیماریم اوچون بیر سنی درمان بیلیرم کاش ائدئیدی اؤزو بو درده قضاوت گئجه لر ( سئوناز)ام  سن گؤزلیم حسرتیمه سون قوی اؤزون گل شیرین لای لانیلا وئر منه عادت گئجه لر زهرا_میرزائیان_سئوناز* گئجه_نیز_خوش @chobanoghloo

بیلیرسن، سنه راست گلندن سونرا، اوخودوغوم کیتابلارین آراسیندا همیشه سنی، سنین کؤلگه‌نی، سنین گؤزل اوزونو گؤروردوم ویگتور هوگو ❤️ ════‌༻‌♥️༺═══

قوربان اولدوغوم بیلمم، منی نِیچون آتمیش، اونوتموش? جُؤورو_جفاسینا قوربان اولدوغوم. یوخسا اؤزگه‌سینه اؤزونو توتموش، ینی سئوداسینا قوربان اولدوغوم. من دیلبری سوردوم گلیب_گئدندن! ددیلر: باریشماز، کوسموشدور سندن. من ایلتیفات ائتدیم، او قاچدی مندن، قاچقین اداسینا قوربان اولدوغوم. او منیم سئوگیلیم، او منیم آنام، اونسوز اوزوم گولمز، آچماز آینام. بیلمم، هاردا قالدی او نازلی دورنام، او خوش صداسینا قوربان اولدوغوم. آیریلیق اودونا کونول دایانماز، عشق اودونا یانان بیر داها یانماز. چکدیغیم ناله دن نِیچون اویانماز، شیرین رویاسینا قوربان اولدوغوم . میکاییل مشفق ❤️ ════‌༻‌♥️༺═══

سئوگیلیم! یارانان سئوگی عالمی، نه سنی ساخلادی! نه منه قالدی! کؤنلومون آتشی، گؤزونون نمی, نه سنی ساخلادی! نه منه قالدی! سئون اورییمین یاراسی درین. مرحمیم اولمادی قارا تئل‌لرین. الیمدن اوزولن ایستی ال‌لرین، نه سنی ساخلادی! نه منه قالدی! گئدیش یول‌لارینا تیکیلدی گؤزوم. دؤندو آغیت اولدو سئوگیسل سؤزوم. قلبیمدن قلبینه دولاشان دؤزوم، نه سنی ساخلادی! نه منه قالدی! مندن اوس ایسته‌مه اولموشام دلی! مجنونام! کرمم! سنی سئوه‌لی. حسرتی پای وئرن گؤروشون الی، نه سنی ساخلادی! نه منه قالدی! باخمادین ائلدارین اودلو آهیناق دئدین: یانمالیسان اؤز گوناهینا! یالواریش، یاخاریش عشق آللاهینا، نه سنی ساخلادی! نه منه قالدی! ✍عقیل _ مرادی ❤️ ════‌༻‌♥️༺═══

سبینه ایلیاس‌اووا سنین او قارا تئللرین🌸 Səbinə İlyasova Sənin o qara tellərin🌸   ❤️ ════‌༻‌♥️༺═══

کاش بلا تیرینه سانجاندا سینیق قلبیمی سن قارا تئللرلن ائدیدین چارا سنسیزلیییمی سازاغین قامچی سینا قیشدا دؤزن بیر آغاجام سیزلارام گاه سازاغا، گاه قارا سنسیزلیییمی علی لطفی 💔 ════‌༻‌♥️༺═══

اَلیمده اولسایدی وئریب بیر عؤمرو ایچینده سَن اولان بیر گون آلاردیم بیر عؤمور بَدبخت تَک یاشاماقدانسا عؤمرومده بیرجه گون خوشبخت اولاردیم... ضییا فدایی ❤️ ════‌༻‌♥️༺═══

گؤزوم قاليب گؤزی يولدا قويما منی گؤزلرينده گؤزوم قاليب تله سيرم گؤرم سنی اوره ييمده سؤزوم قاليب غم اسگيلمه ز بختی كوردان قارا گؤزلوم گؤروم هردن عؤمور چاتار سونا بيردن چوخوم گئدیب آزيم قاليب دئمه بو نه آهدی اوفدو عشقين منه درد اولوبدو يوللاريندان پوزولوبدو يوخسا هله ايزيم قاليب من يئنه ده همین منم حسرتینله گؤينه ر سينه م گرك يانام كوله دؤنه م هله بيراز كؤزوم قاليب شوجاعتم پيسدی حاليم ياشات منی دردين آليم يا وور داشا يا قوی چاليم بير كلمه نده سازيم قاليب شجاعت ❤️ ════‌༻‌♥️༺═══

'گل-گل' دئیه هیجرینده کامان تک مله‌دیم من، بیر عؤمرو سنین عشقینه قوربان ائله‌دیم من. آسوده طیفیلدین، نه غمین واردی، نه دردین، دردیمله سنین گؤزلرینی سۆرمه‌له‌دیم من. حیسّیم سنه 'گل-گل' دئدی، عقلیم دئدی 'گئت-گئت' بو قانلی دؤیوشدن منه ایمداد دیله‌دیم من. عشقیم ده قاخینج اولدو منیم باشیما هر گۆن، بیر عشقین اوجوندان نه قدر طعنه یئدیم من. اؤز حیسّینی دوستاق ائله‌ین بختیار اولماز، اؤز عشقیمه، اؤز کؤنلومو زیندان ائله‌دیم من. بختیار وهاب زاده 🌿🌼🌿 ❤️ ════‌༻‌♥️༺═══

🎤Rubail Azimov 🎼Gel Ay Ceyran روباییل عظیم او گل آی جیران ════‌༻‌♥️༺═══