Translearner

نظرة موجزة على استراتيجيات الترجمة :) https://www.facebook.com/Translearner/photos/a.1562837357361099/2049514308693399/

إزاي اشتغل مترجم فريلانسر؟ 🤔 https://www.facebook.com/Translearner/photos/a.1562837357361099/2047431065568390/

مهما خدت كورسات ومهما خدت ما يسمى ب"تدريب" وهو مش أكتر من حصة عند مس ميرفت أصلا، لو معندكش رغبة حقيقية واستعداد تصبر وتجتهد وتقرأ وتبحث وتترجم وتغلط وتصحح، عمرك ما هتبقى مترجم محترف أبدًا

ملحوظة من البداية أنا مش ضد التدريب نهااااااااااااااااااائي فيه ناس بتفيدك فعلا وحقا بما يرضي الله، أنا ضد الاستغلال والعبثية، اتعلم تختار الى هتدرب معاه كويس واتأكد أنه يكون ماشي بنظام "الفييدباك" مش نظام "أستاذ وسبورة" الأسلوب ده مش "تدريب" ده اسمه "تدريس" زي محاضرات الكلية وأنت شاهد على الفايدة الى بتطلع بيها منها بنفسك، التدريب يعني تطبيق يعني تترجم وفييدباك وهكذا، واتأكد الأول أنك محتاج التدريب ده وأنك مشعارف تتعلم لوحدك، خصوصًا لو كانت فلوس التدريب ده جاية من جيب والدك أو والدتك ربنا يلطف بأهالينا جميعًا في الزمن الحالي...بعض المترجمين بيستغل سذاجة وقلة خبرة الطلبة والمبتدئين وواخد الموضوع تجارة (لأنها بالأرقام فعلا مربحة أكتر) فاحذروهم ...اللهم قد بلغت اللهم فاشهد :)

في تقريبا ما بين 2000 إلى 3000 كتاب فيهم كل حاجة حرفيًا في كل المجالات عن اللغتين العربي والإنجليزي وقواعدهم كتابة ونطق وعلم الترجمة ولوازمهم وفروعهم وأي زيادة هي تكرار لا أكثر، تخيل كدة لو جه واحد لا عمره دخل كلية ترجمة ولا لغات ولا ألسن أو حتى مدخلش كلية أساسًا وقدر بمعجزة ما يقرأهم كلهم (حسبوها 1000 كتاب ياخدوا سنة ونص قراءة منتظمة يومية 6-8 ساعات)؟ هل هيتخطى في مستواه مستوى مترجم خبرة مثلا 5 أو 10 سنين؟... أه ومترجم 30 و40 سنة خبرة كمان، ده طبعا لو منقطعش فجأة يعني...طب ليه؟ ... لآن مفيش حاجة سهلة في الحياة، لازم عشان تحقق أي حاجة معينة تضحي بوقت ومتع وأحيانا تضحي بشخصيات في حياتك عشانها، الشخصيات الى كل الى بتعمله هو إنها تضيع وقتك بأي طريقة. (الشخص في المتوسط بيضيع من 1400 - 1600 ساعة سنويا على التليفزيون والسوشيال ميديا) أيوة التقدم والنجاح مش بالسهولة الى أنت بتشوفها، لو شايف مترجم ناجح أو شخصية ناجحة في أي مجال "محترم" فأنت بتشوف المنتج النهائي بس، مبتشوفش إيه الى عمله وإيه الى حصله وإيه الى خسره عشان يوصل للمرحلة دي، أنت بس بتشوف الحلقة الأخيرة في المسلسل الى فيها بيكون هو خلاص وصل لهدفه وبيستمتع بإنجازه وده بيخليك تُحبط وتكتئب لآن المسافة بينك وبينه زي بين الأرض والسما وأنت ببساطة في المرحلة دي بتحس إن مجهوداتك عديمة الفائدة كأنك بتغرف من بحر بمعلقة خشب. بس الحقيقة إن المترجم الناجح الى أنت شايفه قدامك ده لما بدأ مكنش يفرق عنك حاجة خالص، الى عمله على مدار سنينك أنت الجاية، هو الى وصله من عندك لعنده...المشكلة الحقيقية إن المترجم المبتدئ ناو مكسل يقرأ بتاع 20 - 50 كتاب مش هياخدوا منه شهرين بالتزام وانضباط وهيوصلوه لمستوى مترجم متوسط ده طبعا بجانب تطبيق الى بيقرأه مش يقرأ وخلاص. أه وبالنسبة لموضوع الكارير شيفت، فيه غلطتين في الموضوع ده، الاحتيال على الناس بغير الحقيقة حاجة وكونك تبقى مش عايز حد ينافسك في مجالك حاجة تانية، 1 محدش بياخد رزق حد، 2 الى يجتهد أكتر منك في إنه يبقى متميز في مجالك فهو أحق منك بأنه يكون فيه (لا فضل لعربي على أعجمي إلا بالتقوى، مقالكش الى جه الأول يحجز المكان ويبقى بتاعه😀)، وده ينطبق على أي مجال في الدنيا، لكل مجتهد نصيب و"السماء لا تمطر ذهبا ولا فضة" يا ابني، أما بالنسبة للاحتيال فده كل واحد وضميره بس الترجمة مش هتمطر عليك ذهب ولا فضة غير لو اتفحت فيها وسخرت حياتك ليها يعني الى يقولك أنك هتخش "المكنة" تطلع من الناحية التانية مترجم بيكسب بالدولار يبقى محتااااااااااال 😁، دنتا هتاخدلك بتاع من 3 ل5 سنين حسب حظك مبتشوفش غير عملاء مصريين وعرب وهنود صِرف وحتى دول هيقرفوك في الريت من ناحية وفي الدفع من ناحية تانية، وبالصبر والوقت ومع الاجتهاد قد تصل لمرحلة الدولار المحترم يعني أنت وحظك بس الموضوع مش أكيد خالص والى يقولك إنه مضمون وأكيد كدة كداب والله، وأنا شخصيا بنصح أي مترجم متوسط أعرفه إنه يلاقي وظيفة بجانب الترجمة وده طبعا لأسباب كتير جدا بعضها بديهي وبعضها الناس بترفض تصدقه. فالغريب أنك هتلاقي ناس بتعمل كارير شيفت للترجمة وناس بتعمل كارير شيفت من الترجمة...وعجبي 😂

كالعادة اقرأ وقارن وتدرب :)

مصادر متنوعة للتدرب "الذاتي" على الترجمة؟ السبيل الوحيد لاكتساب خبرة دون احتياج لأي شخص أو أي مؤسسة :) https://www.facebook.com/Translearner/photos/a.1562837357361099/2043228609321969/