لا تحزن | La Tahzanim

ЎЛИМ ҲАҚ Имом ибн Касир роҳимаҳуллоҳ "Ал-бидая ван ниҳая" китобида амир Балкабек Сармазнинг таржимаи ҳолида шундай келтиради: "Балкабек Сармаз 493 ҳижрийда қатл қилинди. Уни Ботинийлардан бўлган бир киши биқинига ханжар тиқиб ўлдирди. У Ботинийлардан доим эҳтиёт бўлиб юрар, кийимининг остидан доим совут кийиб юрар эди. Фақатгина ўша машъум кечада совут киймаган эди". Ҳар бир махлуқ ажали томон ўз оёғи билан боради. Арабларда бир гап бор эди: "Ажал сиз омонлик деб ўйлаган макондан келади!". Ўқ чумчуқни дарахтда турганида қулатади. Балиқнинг ажали хўракда яширинган бўлади. Бир киши ҳақида ўқиган эдим. У бутун умрини чиройли ва ҳашаматли уй қуришга сарфлайди. Уйига кўчиб ўтганининг биринчи кунида ток уриб вафот этади. У ўзига қабр қурганидан бехабар эди. Яна биттаси ҳашаматли тўйхона қурди. Тўйхонасининг очилиш маросимига келаётиб автоҳалокатдан вафот этди. Гоҳида инсон орзу қилган қимматбаҳо машина унинг тобути бўлади, Аллоҳ сақласин! Гоҳо эса инсон юқори мансабга чуқур кетганида вафот қилади. Кўп ажаллар иссиқ тўшакда келади. Дунёни тарк қилишда ҳамманинг ўз йўли бор. Ҳамма ўлимнинг сабаби бор. Уни даф қилишнинг иложи йўқ. Биз қилишимиз мумкин бўлган биргина иш бор. У ўлимга ҳозирлик кўришдир! @Latahzanim

Endichi? Yana bahona qilasizmi? @Latahzanim

“Кун келиб барчаси поёнига етади”, – кимни даҳшатга солса, кимгадир тасалли беради бу гап. @Latahzanim

Ким нима қилса, ўзи учун қилади. Қилаётган (киши қилган яхшилик ва ёмонлигини оқибатини албатта) кўради ва тортади. Унутма! Бир нарсага эришиш учун бутун бир умр керак бўлади. Бир нарсани қўлдан бой бериш учун эса, бир лаҳзалик ғафлат кифоя... @Latahzanim

Хаёт жуда ҳам қисқа. Шундай экан кечир, табассум эт ва эттир, қўлингдан келганича кўнгил ол, қўлингдан келганича ёрдам бер, шукрни канда қилма, тилингдан кимса озорланмасин, Аллоҳ буюргандек яша ва бахтли бўл! Токи, бир кун вафот топиб кетганингда инсонлар озорларингни эслаб қайта кўнгиллари оғримасин, балки, яхшиликларингни эслаб, ортингдан хайр-дуо қилсинлар! Соғиниладиган инсон бўл, унутиладиган эмас! @Latahzanim

Уял, эй виждон! Уял! Бу борлиқни маълум бир низомга солиб қўйган Зотнинг ишларини идрок этгин-да, ўз қуллик баҳоинг нақадар паст эканига уял! – Сен бир тутам сочингни бир-бирига қоришиб, чигаллашиб кетмасин дея тинмай парвариш қилар экансан, қалашиб ётган, аммо бири иккинчисига ҳалал бермай, ўз вазифасини бажараётган миллион-миллион томирларга қараб уял!.. @Latahzanim

ДЎСТ Абдурраҳмон ас-Саққоф "Уд ал-Ҳиндий" номли китобида келтиради: "Оқилларнинг биридан сўрашди: -Қанча дўстингиз бор? У жавоб берди: - Билмайман. Чунки дунё ҳозир мен томон юз бурган, пулим кўп. Дунё мендан юз ўгириб пулим тугаганида қанча дўстим борлигини айтаман!". Инсонлар ичидаги хазиналар қийинчилик пайтида билинади. Ҳақиқий инсонларни суянадиган елкаларга эҳтиёжимиз тушганида таниймиз. Кўтарилаётган пайтимизда бизга узатилган қўллар аслида биз учун эмас. Қулаганимизда бизга узатилган қўллар бизникидир. Аммо кўтарилаётган инсон ҳам кўтарилиш йўлида тавозули бўлиши керак. Чунки тушаётганда ҳам айнан ўша инсонлар йўлиқиши мумкин. Бир пайтлар хонасига ўртакашсиз киритмайдиган катталаримизни кейинчалик нафақасини олиш учун ўртакаш излаётганини кўрдик. Биз инсонларга улардан эваз кутмасдан яхшилик қилишга амр қилинганмиз. Агар яхшилигимиз мева берса бош устига. Агар мева бермаса ажри Аллоҳнинг ҳузуридадир! @Latahzanim

Қиёмат, Қурбон (ҳайити) кунига ўхшайди. Мўминларга байрам куни бўлса, "ҳўкиз"ларга ҳалокат кунидир. Ҳазрати Мавлоно Жалолиддин Румий қуддиса сирруҳу. @Latahzanim

Байрамга ҳафагарчилик билан кирилмайди. Шу сабабдан кел, ялиниб-ёлвор ярашайлик.😊😊😊😊 @Latahzanim