EOTC ⛪️ ALL 🔔

🌺🌺🌺🌺🌺🌺🌺🌺🌺🌺🌺 ሥርዓተ ማኅሌት ዘሰኔ ሚካኤል "ሰኔ ፲፪" 🌷🌷🌷🌷🌷🌷🌷🌷🌷🌷🌷 የማንኛውም ወርኃ በዓልና ክብረ በዓል ሥርዓተ ማኅሌት መጀመሪያ "ሥርዓተ ነግሥ" ስምዓኒ እግዚኦ ጸሎትየ፡ ሃሌ ሉያ ሃሌ ሉያ፡ ወይብጻሕ ቅድሜከ ገዓርየ፡ ሃሌ ሉያ ሃሌ ሉያ፡ ወኢትሚጥ ገፀከ እምኔየ፡ በዕለተ ምንዳቤየ አጽምእ ዕዝነከ ኃቤየ፡ ሃሌ ሉያ ሃሌ ሉያ፡ አመ ዕለተ እጼውአከ ፍጡነ ስምዓኒ፡ ሃሌ ሉያ ሃሌ ሉያ፡ ለዓለም ወለዓለመ ዓለም፡ ሃሌ ሉያ ዘውእቱ ብሂል፡ ንወድሶ ለዘሃሎ እግዚአብሔር ልዑል፡ ስቡሕ ወውዱስ ዘሣረረ ኲሎ ዓለመ፡ በአሐቲ ቃል። ✝✝✝✝✝✝✝✝✝✝✝ መልክዐ ሥላሴ ሰላም ለጒርኤክሙ ስቴ አንብአ ሰብእ ዘኀሠሠ: ብኡላነ ሞገስ ሥላሴ ኢታንድዩኒ ሞገሰ: እመትትኃየዩኒሰ ኢትኅድጉኒ ጽኑሰ: ሚካኤልኑ ለአውጽኦ ስጋየ ጌሠ: ወእመ አኮ ገብርኤል ወሀበኒ ነፍሰ። ዚቅ ኢይጽሕቅ ዘይመክሮ ወኢየኀሥሥ ዘይመክሮ: አልቦቱ ጥንት ወኢተፍጻሜት: ኢየኀልቅ መንግሥቱ ወአልቦ ዘይክል መዊዓ ኀይሉ: ወአልቦ ኁልቊ ለሠራዊተ መላእክት እለ ይትለአክዎ: አንተ ውእቱ አቡሃ ለጥበብ: ገባሬ ኲሉ ፍጥረት ወገባሪሃ ለሕግ። ✝✝✝✝✝✝✝✝✝✝✝ ነግሥ ሰላም ለልሳንከ መዝሙረ ቅዳሴ ዘነበልባል: ወለድምፀ ቃልከ ሐዋዝ ቀርነ መንግሥቱ ለቃል: ሞገሰ ክብሩ ሚካኤል ለተላፊኖስ ባዕል: አልቦ ዘይትማሰለከ በልማደ ምሕረት ወሳሕል: እንበለ ባህቲታ እኅትከ ማርያም ድንግል። ዚቅ አመ ይነፍህ ሚካኤል ቀርነ በደብረ መቅደስየ: አሜሃ ይትነሥኡ ሙታን: ይትፌሥሁ መላእክት በዕርገቱ: በፍሥሃ ወበሰላም አዕኮትዎ ለንጉሠ ስብሐት። ✝✝✝✝✝✝✝✝✝✝✝ መልክዐ ሚካኤል ሰላም ለዝክረ ስምከ ምስለ ስመ ልዑል ዘተሳተፈ: ወልደ ያሬድ ሄኖክ በከመ ፀሃፈ: ሶበ እጼውእ ስመከ ከሢትየ አፈ: ረዳኤ ምንዱባን ሚካኤል በከመ ታለምድ ዘልፈ: ለረዲኦትየ ነዓ ሠፊሐከ ክንፈ። ዚቅ ሃሌ ሉያ ሃሌ ሉያ ዓቢተነ በመድኃኒትከ: ጸግወነ ንጸውዕ ስመከ: ኖላዊነ ኄር ትጉሕ ዘኢትነውም ሰላመከ ሀበነ። ወረብ ሀበነ ሰላመከ ንጸውዕ ስመከ/፪/ ዘኢትነውም ትጉሕ "ኖላዊነ ኄር"/፪//፪/ ✝✝✝✝✝✝✝✝✝✝✝ መልክዐ ሚካኤል ሰላም ለልሳንከ በነቢበ ጽርፈት ዘኢተኃበለ: በእንተ ስጋሁ ለሙሴ አመ ምስለ ሰይጣን ተበኃለ: ሚካኤል ክብርከ እምክብረ መላእክት ተልዕለ: ቀዊምየ ቅድመ ስዕልከ ሶበ አወትር ስዒለ: በብሂለ ኦሆ ፍጡነ አስምዓኒ ቃለ። ወረብ ቀዊምየ ቅድመ ስዕልከ ሶበ አወትር ስዒለ/፪/ "በብሂለ ኦሆ"/፪/ ፍጡነ አስምአኒ ቃለ/፪/ ዚቅ አመ ይነፍሕ ሚካኤል ቀርነ በደብረ መቅደስየ: አሜሃ ይትነሥኡ ሙታን: ይትፌሥሁ መላእክት በዕርገቱ: በፍሥሃ ወበሰላም አዕኮትዎ ለንጉሠ ስብሐት። ✝✝✝✝✝✝✝✝✝✝✝ መልክዐ ሚካኤል ሰላም ዕብል ለአስናኒከ ዘመንፈስ: ዘኢይረክቦን ጥረስ: ሚካኤል ረዳኢ ለእለ ውስተ ባሕር ወየብስ: እስመ ረሰይከ ካህነ ምሥዋኡ ክርስቶስ: መፍትው ሊተ ትተንብል ቀሲስ። ዚቅ ባሕራንኒ ይቤ ዘነገደ ባሕረ ምስሌሁ: ርኢክዎ ለሚካኤል ወስዕንኩ ጠይቆቶ: ዮም ሰማያዊ በምድር አስተርአየ። ወረብ ባሕራንኒ ይቤ ዘነገደ ባሕረ/፪/ ርኢክዎ ለሚካኤል ወስዕንኩ ጠይቆቶ ስዕንኩ/፪/ ✝✝✝✝✝✝✝✝✝✝✝ መልክዐ ሚካኤል ሰላም ለእስትንፋስከ ቁሱላነ ነፍስ ለአጥዕዮ: ዘይነፍሕ ፄና አንህዮ: ሚካኤል ነዓ ኲናተከ በተረስዮ: ለገቢር ከመ ቀዳሚ ለአርዌ አመፃ ደርብዮ: እስመ ኢኃደገ እንከ ዘትካት እከዮ። ዚቅ ወከሢቶ ረከበ ኀበ ይብል እዜንዎሙ ለነዳያን ፈነወኒ: ወእከስተ ሎሙ ግዕዛነ ለጼውዋን: ወእፈውስ ሎሙ ለቁሱላነ ልብ: ወእሰምዮ ለባሕራን ኅሩየ: ዝኬ ዘተነግረ በመዋዕለ ትካት: ለ፳ኤል ኅብስተ መና ዘአውረደ በገዳም: ወርእየቱ ከመ ተቅጻ ወከመ አያያተ መዓር ጥዑም ፈድፋደ። ወረብ "ወከሢቶ ረከበ"/፪/ ኀበ ይብል እዜንዎሙ ለነዳያን ፈነወኒ/፪/ ወእስብክ ሎሙ ግዕዛነ ለጼውዋን ወእስምዮ ለባሕራን ኅሩየ/፪/ ✝✝✝✝✝✝✝✝✝✝✝ መልክዐ ሚካኤል ሰላም ለአጻብኢከ መጽሐፈ እለ ለክዑ: ዕጒለ አባግዕ እምኖሎት በጊዜ ተመልዑ: ሚካኤል አንተ ለንጉሠ ነገሥት ካህነ ምሥዋኡ: አሣዕነ መድኃኒት ለእገርየ አጻብኢከ ይቅጽዑ: ከመ በፍናውየ የኀዝ ለሰላም ቅብዑ። ዚቅ ቅዱሳት አጻብኢከ ለጽሒፈ መጽሐፍ እለ ተቀንያ: ወብጹዓት አዕይንቲከ ምስጢረ መለኮት ዘርእያ: ሚካኤል መልአክ ወሐዋርያ። ወረብ ምስጢረ መለኮት ዘርእያ አዕይንቲከ/፪/ ሚካኤል መልአክ ወሐዋርያ "ሚካኤል መልአክ"/፪//፪/ ✝✝✝✝✝✝✝✝✝✝✝ መልክዐ ሚካኤል አምኃ ሰላም አቅረብኩ ለመልክዕከ ኲሉ: ለለአሐዱ አሐዱ ዘበበክፍሉ: ሚካኤል ክቡር ለልዑል መልአከ ኃይሉ: ተወኪፈከ አምኃየ እምኑኃ ሰማያት ዘላዕሉ: ዕሴተ ጸሎትየ ፈኑ ወአስብየ ድሉ። ዚቅ መልአከ ሰላምነ ሊቀ መላእክት ሚካኤል: ሰአል ወጸሊ በእንቲአነ: አዕርግ ጸሎተነ ቅድመ መንበሩ ለንጉሥ ዓቢይ። ወረብ መልአከ ሰላምነ/፬/ ሊቀ መላእክት ሚካኤል ሰአል በእንቲአነ/፪/ ✝✝✝✝✝✝✝✝✝✝ ምልጣን አመ ይሰቅልዎ አይሁድ ለእግዚእነ: ሚካኤል አርመመ ወገብርኤል ተደመ: ፀሐይ ጸልመ ወወርኅ ደመ ኮነ: ወሪዶ እመስቀሉ አብርሃ ለኲሉ። አመላለስ ወሪዶ እመስቀሉ/፪/ እመስቀሉ አብርሃ ለኲሉ/፬/ ወረብ አመ ይሰቅልዎ አይሁድ ለእግዚእነ/፪/ ሚካኤል አርመመ ወገብርኤል ተደመ/፪/ እስመ ለዓለም እምድኅረ ተንሥአ እሙታን ዓርገ ውስተ ሰማያት በስብሐት አምላከ ምሕረት: ወተቀብልዎ አዕላፋ አዕላፋት: ወሚካኤል ሊቀ መላእክት በንፍሐተ ቀርን እምኀበ እግዚአብሔር: ስብኩ ትንሣኤ ውስተ ኲሉ ምድር። ዓዲ (ወይም) እስመ ለዓለም ይቤሎሙ ኢየሱስ ለአርዳኢሁ: አዓርግ ሰማየ አቡየ ወአቡክሙ: ኀበ አምላኪየ ወአምላክክሙ: ዘንተ ይቤሎሙ ዓርገ ውስተ ሰማያት: ካዕበ ይመጽእ በዘዚአሁ ስብሐት: ሠርጎሙ ለሐዋርያት ብርሃኖሙ ለእለ ውስተ ጽልመት: መድኃኔ ነገሥት ክብሮሙ ለመላእክት ኖላዊሆሙ። አመላለስ በንፍሐተ ቀርን እምኀበ እግዚአብሔር/፪/ ስብኩ ትንሣኤ ውስተ ኲሉ ምድር/፪/      ✝መልካም በዓል ✝ 🌺🌺🌺🌺🌺🌺🌺🌺🌺🌺🌺 ▬▬▬▬▬▬▬▬▬▬▬▬▬ #Share_share_ሼር_ሼር 🙏      🙏      🙏      🙏     🙏 ▬▬▬▬▬▬▬▬▬▬▬▬▬ #Share 👇👇👇 🟩@EOTC_AL🟩 🟨@EOTC_AL🟨 🟥@EOTC_AL🟥 #ሼር

🌺🌺🌺🌺🌺🌺🌺🌺🌺🌺🌺 ሥርዓተ ዋዜማ ዘሰኔ ሚካኤል "ሰኔ ፲፪" ዋዜማ ሃሌ ሉያ አርኅዉ ኆኃተ መኳንንት: ወይባዕ ንጉሠ ስብሐት: ወረዳ ህየ አምላክ ምስለ ኃይል: ወሠበረ ኆኃተ ብርት: ወቀጥቀጠ መናሥግተ ዘሐፂን: ነአምን ሕማሞ ለዘኢየሐምም: ተገምረ ዘኢይትገመር: ኃጢአተነ ነሥአ ዘአልቦ ኃጢአት: ዓርገ ወልድ በስብሐት ውስተ ሰማያት። በ፭ ለእግዚአብሔር ምድር በምልዓ ወዕርገቱ ዮም ሰማያት በስብሐት ምስለ መላእክት ወዕርገቱ ዮም ሰማያት። እግዚአብሔር ነገሠ ዓርገ እግዚአብሔር በይባቤ: ወእግዚእነ በቃለ ቀርን: ኲሎሙ መላእክቲሁ ትንሣኤሁ ሰበኩ: ወዜነዉ ዕርገቶ ውስተ ሰማያት: ዓርገ በስብሐት ውስተ ሰማያት: ወዕርገቱ ዮም በይባቤ ወበቃለ ቀርን: ለአምላክነ ዘምሩ። ይትባረክ ክብሮሙ ለመላእክት ከመ መንኮራኲር ወረደ መልአከ እግዚአብሔር ኀበ መቃብር: ወአንኮርኮራ ለይእቲ ዕብን: ወነበረ ዲቤሃ ዓቢይ መልአክ። ሰላም በ፬ ምሉዓ ሞገስ ፍጹመ ፀጋ ወፍቅር ኢየሱስ ክርስቶስ ወልደ እግዚአብሔር: ዘሐመ ወሞተ በእንተ ፍቅረ ሰብእ: ወተንሥአ በሣልስት ዕለት: ወዓርገ በስብሐት ውስተ ሰማያት: ወተቀበልዎ መላእክት ወኲሎሙ ሊቃነ መላእክት: ሚካኤል ወገብርኤል ሱራፌል ወኪሩቤል ይሴብሕዎ: እንዘ ይብሉ ስብሐት ለእግዚአብሔር በሰማያት: ወሰላም በምድር: ለዘሠምሮ ለሰብእ። 🌺🌺🌺🌺🌺🌺🌺🌺🌺🌺🌺 #share_ሼር_ሼር ▬▬▬▬▬▬▬▬▬▬▬ 🙏            🙏            🙏         ▬▬▬▬▬▬▬▬▬▬▬ #Share 👇👇👇 🟩@EOTC_AL🟩 🟨@EOTC_AL🟨 🟥@EOTC_AL🟥 #ሼር

🌹🌹🌹🌹🌹🌹🌹🌹🌹🌹🌹🌹 ሥርዓተ ማኅሌት ዘግንቦት ማርያም (ደብረ ምጥማቅ) "ግንቦት ፳፩" የማንኛውም ወርኃ በዓልና ክብረ በዓል ሥርዓተ ማኅሌት መጀመሪያ "ሥርዓተ ነግሥ" ስምዓኒ እግዚኦ ጸሎትየ፡ ሃሌ ሉያ ሃሌ ሉያ፡ ወይብጻሕ ቅድሜከ ገዓርየ፡ ሃሌ ሉያ ሃሌ ሉያ፡ ወኢትሚጥ ገፀከ እምኔየ፡ በዕለተ ምንዳቤየ አጽምእ ዕዝነከ ኃቤየ፡ ሃሌ ሉያ ሃሌ ሉያ፡ አመ ዕለተ እጼውአከ ፍጡነ ስምዓኒ፡ ሃሌ ሉያ ሃሌ ሉያ፡ ለዓለም ወለዓለመ ዓለም፡ ሃሌ ሉያ ዘውእቱ ብሂል፡ ንወድሶ ለዘሃሎ እግዚአብሔር ልዑል፡ ስቡሕ ወውዱስ ዘሣረረ ኲሎ ዓለመ፡ በአሐቲ ቃል። መልክዐ ሥላሴ ሰላም ለኲልያቲክሙ እለ ዕሩያን በአካል: ዓለመክሙ ሥላሴ አመ ሐወጸ በሣሕል: እምኔክሙ አሐዱ እግዚአብሔር ቃል: ተፈጸመ ተስፋ አበው #በማርያም_ድንግል: ወበቀራንዮ ተተክለ መድኃኒት መስቀል። ዚቅ ወሀለወት አሐቲ ድንግል ብርህት ከመ ፀሐይ: እንተ ታስተርኢ እምአርዕስተ አድባር: ወትትመረጎዝ በትእምርተ መስቀል። ነግሥ ሰላም ለልሣንከ መዝሙረ ቅዳሴ ዘነበልባል: ወለድምፀ ቃልከ ሐዋዝ ቀርነ መንግሥቱ ለቃል: ሞገሰ ክብሩ ሚካኤል ለተላፊኖስ ባዕል: አልቦ ዘይትማሰለከ በልማደ ምሕረት ወሣሕል: እንበለ ባሕቲታ እኅትከ ማርያም_ድንግል። ዚቅ መላእክት በልሳነ እሳት ይሴብሑኪ: መላእክት በአክናፈ ብርሃን ይኬልሉኪ: #ማርያም እምነ ወእሙ ለእግዚእነ: መላእክት በቀለመ ወርቅ ይጽሕፉ ውዳሴኪ: እስከ ዳግም ምጽአቱ ለበኲርኪ። ነግሥ ሰላም ለዝክረ ስምኪ ዘመንክር ጣዕሙ: ለወልድኪ አምሳለ ደሙ: መሠረተ ህይወት #ማርያም ወጥንተ መድኃኒት ዘእምቀዲሙ: ኪያኪ ሠናይተ ዘፈጠረ ለቤዛ ዓለሙ: እግዚአብሔር ይትባረክ ወይትአኮት ስሙ። ዚቅ እግዚአብሔር ውእቱ ብርሃንኪ ለዓለም: ወመሠረትኪ ለትውልደ ትውልድ: ኢየኀልቅ ብዝኃ ሰላምኪ: ወነገሥት ይትቀነዩ ለኪ: ያመጽኡ አምኃኪ እምርኁቅ ብሔር። መልክአ ማርያም ሰላም ሰላም ለዝክረ ስምኪ ሐዋዝ: እምነ ከልበኔ ወቊስጥ ወእምነ ሰንበልት ምዑዝ: #ማርያም_ድንግል ለባሲተ ዓቢይ ትዕዛዝ: ይስቅየኒ ለለጽባሑ ወይነ ፍቅርኪ አዚዝ: ከመ ይሰቅዮ ውኂዝ ለሠናይ አርዝ። ዚቅ በአልባሰ ወርቅ ዑጽፍት ወኁብርት: እኅትየ መርዓት ርግብየ ሠናይት: ርቱዕ አፍቅሮትኪ እምወይን: መዓዛ ዕፍረትኪ እምኲሉ አፈው: እትፌሣሕ ወእትኃሠይ ብኪ: ናፍቅር አጥባትኪ እምወይን: ኲለንታኪ ሠናይት እንተ እምኀቤየ: አልብኪ ነውር ወኢምንትኒ ላዕሌኪ: ፃዒ እምሊባኖስ እኅትየ መርዓት። ወረብ "በአልባሰ ወርቅ"/፪/ ዑጽፍት ወኁብርት/፪/ እኅትየ መርዓት ርግብየ ሠናይት እኅትየ/፪/ መልክዐ ማርያም ሰላም ለገጽኪ ዘጥቀ ይልሂ: እምሥነ ከዋክብት ወወርኅ ወእምሥነ ፀሐይ መብርሒ: #ማርያም_ድንግል ፍንዋትየ ሠርሂ: በመዓልት ወበሌሊት ኢይርከበኒ ጸናሂ: መሥገርተ አበሳ ዘይጠፍር ወግብ ይድሂ። ዚቅ ከበበ ገፃ ከመ ወርኅ: ወአዕይንቲሃ ከመ ኮከበ ጽባሕ: ወቆማ ከመ በቀልት #ለማርያም_ድንግል: ወላህያ ከመ ጽጌረዳ: ከመ ፍህም ቀይሕ ከናፍሪሃ: እስመ ወለደት ለነ መና ኅቡዓ: ዘውእቱ ህብስተ ህይወት: መፍትሔ ሕማማት። ወረብ ከበበ ገፃ ከመ ወርኅ ወአዕይንቲሃ ከመ ኮከበ ጽባሕ/፪/ ወቆማ ከመ በቀልት ለማርያም ድንግል/፪/ መልክዐ ማርያም ሰላም ለጒርኤኪ ሠናይ እምወይን: በከመ ይቤ ሰሎሞን: #ማርያም_ድንግል ለባሲተ ዓቢይ ብርሃን: ክድንኒ ገርዜነ ጸጋ ኢያዕጽበኒ ዕርቃን: ዘኢአነምዎ ጠቢባን በኪን። ዚቅ በከመ ይቤ ሰሎሞን በእንተ #ማርያም: ንዑ ንትፈጋዕ ወኢይኅልፈነ ጽጌ ደመና መስቀል ዘዮም አብርሃ በስነ #ማርያም: ጴጥሮስኒ ሰመያ እመ_ብርሃን: ጳውሎስኒ ይቤላ ደብተራ_ግዕዛን: አጽገዩ ሕዝበ ወመሐይምናን: በቤተ መርዓ ተመልዑ ክርስቲያን። ወረብ በከመ ይቤ "ሰሎሞን"/፪/ በእንተ #ማርያም/፪/ ንዑ ንትፈጋዕ ወኢይኅልፈነ "ጽጌ"/፪/ ደመና አብርሃ በስነ ማርያም/፪/ መልክዐ ማርያም ሰላም ለመልክዕኪ ዘተሠርገወ አሚረ: ዘያበርህ ወትረ: ፍቅርትየ አንቲ እንተ ታበድሪ ፍቅረ: አርእይኒ ገፀ ዚአኪ #ማርያም ምዕረ: ዘኢይሰምዖ ካልዕ እንግርኪ ነገረ። ዚቅ ትበርህ እምኮከበ ጽባሕ: ወታስተርኢ እምአርእስተ አድባር: አዳም ወሠናይት ጽዕዱት: ወብርህት ከመ ፀሐይ። ወረብ ትበርህ እምኮከበ ጽባሕ ወታስተርኢ እምአርዕስተ አድባር/፪/ አዳም ወሠናይት ጽዕዱት ወብርህት ከመ ፀሐይ ብርህት/፪/ መልክዐ ማርያም በዝንቱ ቃለ ማኅሌት ወበዝንቱ ይባቤ: ለዘይስዕለኪ ብእሲ ጊዜ ረከቦ ምንዳቤ: ብጽሒ ፍጡነ ትሰጠዊዮ ዘይቤ: #ማርያም ዕንቊየ ክርስቲሎቤ ወምዕዝተ ምግባር እምከርቤ: ዘጸገየ ማሕጸንኪ አፈወ ነባቤ። ዚቅ ኢይትአጸው አናቅጽኪ: ክቡራት ዕንቊ መሠረትኪ ሠናይት ሰላማዊት እንተ ናፈቅራ በጽድቅ: መዓዛ አፉሃ ከመ ኮል። ወረብ ኢይትአጸው አናቅጽኪ ክቡራት ዕንቊ መሠረትኪ/፪/ ሠናይት ሰላማዊት "እንተ ናፈቅራ"/፪/ በጽድቅ/፪/ ማኅሌተ ጽጌ ኦ ሰላመ ሰጣዊት እንተ ትሔውጺ እምርኁቅ: ወትትረአዪ ለኲሉ #በደብረ_ምጥማቅ: ተፈሥሒ ድንግል ዘገዳመ ጽጌ ማዕነቅ: እስመ ተሰምዓ በምድርነ ቃለ ተአምርኪ ጽድቅ: ለአድኅኖ ኃጥዕ ዘይበቊዕ እምብሩር ወወርቅ። ዚቅ እንተ ታስተርኢ እምአርእስተ አድባር ርኁቅ: ጻድቃን ኪያሃ አብደሩ እምወርቅ: ሀገረ ክርስቶስ ሐዳስ ንድቅ: ወበውስቴታ የሐጽር ጽድቅ። ምልጣን ዓይ ይእቲ ዛቲ እንተ ታስተርኢ እምርኁቅ ከመ ማኅቶት: ብርህት ከመ ፀሐይ: ሙሴኒ ርእያ ሀገር ቅድስት: ዕዝራኒ ተናገራ: ዳዊት ዘመራ። አመላለስ ዕዝራኒ ተናገራ/፪/ ተናገራ ዳዊት ዘመራ ተናገራ ዘመራ ዳዊት/፪/ እስመ ለዓለም ዓይ ይእቲ ዛቲ እንተ ትሔውጽ ከመ ጎህ: አዳም ከመ ወርኅ: ሠናይት ከመ ሥርዓት: ብርህት ከመ ፀሐይ: እምሊባኖስ ትወጽእ መርዓት: እምነ ጽዮን አግዓዚት: ታቦተ ፍሥሃ ምስሌሃ: ወአሕዛብኒ ቅድመ ገፃ: ወትረ ተሃሉ ምስሌነ። 🟩@EOTC_AL🟩 🟨@EOTC_AL🟨 🟥@EOTC_AL🟥 #ሼር

🌹🌹🌹🌹🌹🌹🌹🌹🌹🌹 ሥርዓተ ዋዜማ ዘግንቦት ማርያም (ደብረ ምጥማቅ) "ግንቦት ፳፩" ዋዜማ ዓይ ይእቲ ዛቲ እንተ ትወርድ እምሰማይ ብርህት ከመ ፀሐይ: አዳም ቆማ ወክሣዳ ከመ አርማስቆስ: እኅቶሙ ለመላእክት: ደብተራ ፍጽምት። በ፭ ለእግዚአብሔር ምድር በምልዓ ሰአሊ ለነ ማርያም እንተ እግዚእ ኃረያ ሰአሊ ለነ። እግዚአብሔር ነግሠ ትበርህ እምፀሐይ ወትትሌዓል እምአድባር: እንተ በአማን ድንግል: ሰአሊ ለነ ወልድኪ ይምሐረነ ወመዋርሥቲሁ ይረስየነ። ይትባረክ እግዝእትየ እብለኪ ወእሙ ለእግዚእየ እብለኪ: ቃል ቅዱስ ሀደረ ላዕሌኪ። ሰላም አዳም ቆማ ለማርያም ወክሣዳ ከመ አርማስቆስ: መዓርዒረ ቃል ወኲሉ ነገራ በሰላም። 👇👇👇👇👇👇👇👇👇 https://t.me/AJJAABA_hVJACAVAB https://t.me/AJJAABA_hVJACAVAB