مستفعلن جدًا

خاف ربك ‏من متى ماقلت أحبك ! ‏من متى وايديك خرسى ‏ماحكت لإيديني حبّك ! ‏خاف ربك ‏يعني عاجبكْ إني أرجع ‏لـ إنتظاري ‏لـ إحتضاري من غيابك ‏وابقى في الدنيا لحالي ‏يعني عاجبكْ إني أبكي ‏لما أسمع هـ الأغاني ؟! ‏ودي أعرف ‏ليه قلبك ما يعاني ؟! - رزان .

ترى الاماني في نفوس الشقيين ‏مثل الاوادم يوم تولد وتقبر ‏الموت ماهو رجعة الطين للطين ‏الموت لا من قيل للصابر اصبر ‏وليا انحنت لله روس المصلين ‏ماعاد للأصوات غير الله أكبر ‏لا اقبل زمانك صارو الناس زينين ‏لكن تعال ودوّر الناس لا أدبر - ناصر مناحي.

"على الشاعر الكبير أن يكون مستبطناً، إن لم يكن مستظهراً، أن يكون ميتافيزيقياً عميقاً. قد لا يتحقق ذلك له في الترابط المنطقي في ذهنه وفي لسانه، ولكن عليه أن يمتلك أذن عربي متوحش ينصت في الصحراء الصامتة وعين هندي أمريكي شمالي..." ‏الشاعر والناقد الإنجليزي كوليرج (1802)

رحت الحزين الحاير التعبان ‏المهمل اللي ما كفخ طيره ‏ماكني إلا آخر شهر شعبان ‏موجود والتفكير في غيره ! - عفاس بن حرباش.

تحتاج حاجة؟ قلت محتاج حاجات ‏ويسد عن شمس الضحى ظل نفلة ‏احتاج راحة بال .. راحت ولا جات ‏واحتاج صحوة ريح من بعد غفلة ‏واحتاج وجهي في قديم المرايات ‏واحتاج قلبي في مراسيل طفلة ‏واحتاج مطلع مثل شعر البدايات ‏واحتاج صورة بكر واحتاج قفلة - محمد علي العمري.

إلى متى ؟ ‏ولوين ؟ ‏كل ما أمدّ يدين .. و أوقّف أنفاسي .. ‏أصير بين اثنين ‏صدّك ، و إحساسي ! - إبراهيم الرشود.

ولا تدري .. لعل مْن البكا نلقى لنا ضحكة ‏تمد لْقلبك وقلبي بقايا من بياض الأمس ‏ولا تدري .. ‏لعل الليلة اللي عتمها قاتم ‏توصّل عينك وعيني لنور الشمس ‏ولا تدري .. وش اللي صار ‏بعد حتى الكلام اللي نخافه نكبر نٔخافه ‏يموت وما يعيش بْهمس - عمر المسفر .

المبدع ليا صار في مجلس وشاف الوضع ماش ‏ليا طلبوا منه الجديد يقول ما عندي جديد ! ‏أربع مع الجاهل ما ودك ينفتح فيها نقاش: ‏الدين والتاريخ والأنساب وبيوت القصيد ‏- مسلط بن الحميدي.

أمامَ البحرِ ‏والأطفالُ تصغي ‏إلينا والمقاعدُ والصخورُ ‏بلا وعيٍ ‏أمدُّ إليكَ كفّي ‏إذا لأصابعي امتدَّ الشعورُ ‏أحسُّ الموجَ ‏في قلبي عميقاً ‏أحسُّ الريحَ في بالي تدورُ ‏وأنّ شعورنا المسجون فينا ‏على الألـفـاظِ -آنستي- كبيرُ - إبراهيم الصواني.

الليلة مبيّن ماهي ليلة حكي ليلة قصيد ‏الشاعر الملهم يحس بجية الإلهام له ‏ ‏تجي القصيدة ناقصة لا صارت عيونك بعيد ‏سلمني عيونك وأسلمك القصيدة كاملة - بدر بندر.

أقسى الوجع .. دمعٍ على خدود الأيتام ‏وظلم القريب .. وبعد من هو تودّه ‏وحزن الكريم إن قصرت معه الأيام ‏ودّه يمد .. وما معه ما يمدّه - زايد الرويس.

عبدالله البصيّص: النقد ذوق. والذوق حاسة تقوى بتراكمات التجربة الذاتية، حتى تميز بين الجميل والقبيح، لهذا لا يمكن تعليم الذوق بالمعرفة. أما غالب النقد الآن فهو علوم بحتة تضبط شكل النص وتقيّم وزنه، لكنها لا تستطعمه. قلة من النقاد من يجمع بين الذوق والمعرفة.

ما عدت أحبّ الليل والقمرا ‏غابوا .. ولا غابت : أماكنهم ! ‏أخاف لوّ أسهر .. من الذكرى ‏البال .. ما يسأل سوى عنهم ‏بعض الجروح أخاف لو تبرى ‏ما ودّي أنسى : ما بقى منهم - عبادي الزهراني.

غيابك .. ما كفاه إنه.. منعني عن دفا الجلاس ‏بدا يعبث .. بأعز الذكريات .. اللي على بالي ‏وأنا يا صاحبي.. ما قلتلك يا صاحبي .. لا باس ‏ولكن .. قلت : يا حالي أنا .. لا باس يا حالي ‏أبد .. ما هو سجن ذاك المكان الممتلي حراس ‏ولكنّ السجن هذا المكان .. الموحش .. الخالي - تركي حمدان.

ترّمدت نجمة و جفّ أكثر الورد ‏و الحين نام الشمع في غير وقته ‏كل القصيد اللي كتبته عن البرد ‏احتجت له ليلة سفرك و حرقته - عبدالرحمن الرزيني.

الرياض الليلة : أجمل ‏الرياض الليلة: أكمل ‏وفي الرياض الليلة ‏ إحساسي : خرافي ‏كنت أحس فْـ برد لكن ‏أشعر إني حيل: دافي ! - طلال حمزة.

أدري إن الحزن قبل يمر في قلبي يمرك ‏وأدري إن البرد هو فقدك، و هو برد ابتعادك ‏ ‏ضحكتي ما بين أصحابي وناسي، لا تغرك ‏عادها صورتك في عيني، وفي هالقلب عادك ! - سعد يحيى.

عيب الرحيل انّه يبي له وقفة - فيصل المهلكي.

📍بورخيس... تواضع العظماء.