9 949
Subscribers
+1224 hours
+277 days
+2730 days
Posts Archive
القاك وين
كلمات : قاسم ابوزيد
******************
القاك وين ... القاك وين
القاك وين كان الفرح
قفل مسامات الضياع
غناك مزمار الزمن
ارشيف عشق واصوات نغم
وتر التراخي موشحات
نلقاك وين.؟
من غبتي ما شرقت شمس
والدهشة ساساق الدروب
لي وين تمش
نار النضال لو تنهبش
توقد سنون المتعبين
تعقد زفاف أخر ضمير اتباع
مقنن بالقرش
نلقاك وين كان التعب ماخت ايدو
علي جبين تربال
يخم رمل الشقا المليان غُلب
دقست قوافلو مع السراب
رابط جليد الهم سعن
محزوم خشيمو من الصبر راجي
السحاب
القاك وين نلقاك وين
انا وانت والنيل والارض
والبور مشتت متنسي
ونجامة التعب الكعب
ما كان عول ريدي
ريدي الصبح ضفاف هدير البر
ايامي توب شحات
هزاه خم وخم
انا ما لقيتك ليه طعم الفراق دمدم
ختيتي فوقي الليل والليل سقاني
السم
انا خاطري في المطرة
ريحة الدعاش والشم
****************
