Farrukh Saliev | Blog

$1,000,000 topishni xohlaysizmi? Ha... Ko'p pul topishni xohlaysiz lekin katta ehtimol u pullarni qayerga ishlatishni bilmaysiz. Sizga kichik vazifa: hozir sizga zarur barcha narsalarni yozib chiqing va ularning narxlarini hisoblang. Masalan, hozir siz barcha sarflashingiz mumkin bo'lgan xarajatlaringizni hisoblasangiz, ehtimol $100,000 ga ham yetmaydi. Demak, siz hech qachon $1M topa olmaysiz, chunki hali bunga tayyor emassiz. Sizni daromadingizga sarflaydigan xarajatlaringiz uzviy bog'liq. Katta pul topishingiz uchun avval katta pullarni qayerga sarflashni biling. Katta pul topishdan avval katta xarajatlar qilishga tayyor bo'ling.

❤️‍🔥 Dada sizni yaxshi ko'raman. Videodagi hissiyotlarni so'z bilan ta'riflay olmadim. Barchamizga doim ota-onamizni xursand qilib yurish nasib qilsin.

Bu yilgi maqsadlarim orasida chet elga sayohatga chiqish bor edi... Lekin o'zimdan avval ota-onamga sayohatni sovg'a qilganim menga sayohatdan ham ko'proq hissiyotni berdi. 🥹 Alloh nasib qilsa o'zim ham chiqaman. Albatta, o'zim emas, turmush o'rtog'im bilan. ❤️‍🔥 ✅ Lekin bundan keyin har yili ota-onamni har xil davlatga jo'natishni maqsadlarim orasiga qo'shdim.

Bugun dadamni tug'ilgan kunlari edi... Qanday sovg'a berishga ko'p o'ylandim va nihoyat shu sovg'ani berishga qaror qildim. ❤️‍🔥 Hamma farzandlarga nasib qilsin iloyim! 🤲

O'tgan yili 1-mashinamni olganimda uydagilar bilishmagandi. Mashinani olgandan keyin aytgandim. Bu safar ham shunday qildim. 🤭

❤️‍🔥Bugun yangi ofis oldik. O'tgan yili birinchi kichkina va bir xonali ofisimni olgan edim. Shu yilni boshida ikki xonali ofisga o'tgan edik. Mana... Bugun yana keyingi qadamni tashladik... Shu sohaga kirganimdan beri yilma-yil emas, oyma-oy rivojlanib borayapman. Buning uchun doim Allohga shukr qilaman. Ha aytgancha, yangi ofisimiz sizga yoqdimi? 😇 P.S. Hali biroz ta'mirlash ishlarini olib boramiz va o'zgartirishlar kiritamiz Xudo xohlasa.

Menga shaxsiy assistent kerak ▪️Assistentning vazifalari: Mening barcha ishlarimda yordam berish, kontentlarim uchun idealar berish, maqsad va rejalarimni nazorat qilish. ▪️Men beradigan imkoniyatlar: Mendan bepulga bilim olish, yangi soha o’rganishi, soha bo’yicha o’sishiga yordam berish, kuchli networking, moddiy rag’batlar. Agar siz men bilan birga o’sishni va rivojlanishni xohlasangiz, quyidagi link orqali ma’lumotlaringizni qoldiring: https://forms.gle/RonNMXDJbKKvfeFA6

Bu Xitoyning “Beijing Xierqi” metro bekati. Chap tomondagi video hozirgi payt, o’ng tomondagi esa 10 yil oldingi holat. Bu uzoq yillar davomida shakllangan va insonlarni ongiga singib ketgan madaniyat darajasi. Ko’rib havasim keldi. P.S. O’zim jamoat transportlariga chiqmaganimga bir yildan oshibdi. Oxirgi marta chiqqanimda holat havas qilarli emasdi, agar keyin o’zgarmagan bo’lsa. 😅

Doston Ergashevning “Uylanamiz” qo’shig’ini menimcha hamma yigitlar eshitgan bo’lsa kerak, ayniqsa bo’ydoqlar (men ham to’yimdan oldin ko’p eshitgandim). 😁 Bugun Doston aka ofisimizga kelgandilar. Tanishib oldik. Juda oddiy va kamtar inson ekanlar. Tan berdim. 🤝

☪️ Barchamizga Ramazon oyi muborak bo’lsin yaqinlarim!

O’ylab qolaman… Bundan 3 yil ortga nazar solsam, hozirgi va o’tmishdagi holatim bilan ham ma’naviy ham moddiy tomondan farqimiz katta. O’sha payt ancha bilimsiz ekanimni anglayman. Hozir o’tmishdagi Farruxdan ko’p narsani bilaman va ko’p narsani uddalay olaman. Shu payt yana bir fikr keladi… Bundan 3 yildan keyin ham shu xayollarni qilishim mumkin-ku? Demak, 3 yildan keyingi Farrux ham hozirgi holatimdan kuchli bo’lishi kerak. U mendan ko’ra ko’p narsani bilishi va uddalay olishi shart. Hozir o’tmishdagi Farruxdan ko’ra ko’p narsani bilaman va undan ancha yaxshiman. Lekin kelajakdagi Farruxdan ancha kuchsizman. Hali bilimlarim va yutuqlarim juda kam. Shu sababli har kuni o’z ustimda ishlashim kerak.

❤️‍🔥 Bugun “u” bilan kechki ovqatni restoranda qildik. Ishlar bilan bo’lib bormaganimizga ham ancha bo’lgandi…

Asosiy daromadi shulardan bo’lgan men: 😥

Bu blogimda nimalar haqida ko’proq yozishimni xohlaysiz? 😊

Bloggerlarga donat qilish uchun servis ochilibdi. Qiziqib men ham ma’lumotlarimni jo’natib qo’ygandim. Tasdiqlashibdi. https://tirikchilik.uz/farrukhsaliev Qiziq, bizni blogimizda ham donat qiladiganlar bormikan? 😁

Turmush o’rtog’im va men kitob o’qish bo’yicha ikki xilmiz. Menga sohaviy kitoblar yoqsa, turmush o’rtog’imga aksincha. Men kitobni ichimda ovozsiz o’qisam, u teskarisi. Men tezroq o’qib tugatsam, u aksincha. P.S. Bo’ydoq paytim “kelajakda turmush o’rtog’im bilan birga kitob o’qiymiz” deb niyat qilardim. Allohga shukr. 😊

O’tgan safargi “Latte omili” kitobini 2 kunda o’qib qo’ydim. Bugun yana bir ajoyib kitobni boshladim. Menga juda zarur kitob ekan. O’qib mazza qilayapman. Siz hozir qanday kitob o’qiyapsiz?

Ofisim burchagiga o’zimga kichik kutubxona qilib qo’ydim. Uyga ham shunday kutubxona qilishim kerak. Uyimda ham ancha kitoblar bor. 😅

Insonlarni maqsadlari juda tez o’zgaradi. Maqsad qo’yib, maqsadi sari oxirigacha boradigan insonlar kam. Oxirgi paytlar ko’pchilikka uncha ishonmay qo’ydim. Mening ishonuvchanligim biznesimda va boshqa ko’p holatlarda pand bergan. Atrofimdagilarning maqsadlariga ishonaman va imkoniyat beraman. Ammo birozdan keyin ularning maqsadlari o’zgarib qoladi. Unutmang, insonlarni maqsadlari juda tez o’zgaradi. Ularning maqsadlariga ishonib qarorlar qabul qilmang. O’zingiz jabr ko’rishingiz mumkin.

Qayerga ketayotganingizni bilmasangiz, boradigan manzilingizni yoqtirmasligingiz ehtimoli katta.

Oxirgi paytlar zarur bo’lmagan va keraksiz xarajatlarni ko’p qilayotgan edim. O’zi shu kitobni anchadan beri o’qiyman deb yurgandim. Kecha bir tanishim ham tavsiya qildi. Siz bu kitobni o’qiganmisiz? Pul boshqaruviga oid yana qanday kitoblarni tavsiya qilasiz?

Umrim davomida hozirgacha men ishlatgan telefonlar ketma-ketligi. Orasida siz ham ishlatgan telefonlar bormi? 😅

❤️‍🔥Singlimni xursand qildim…

Yaqinda YouTube uchun bir nechta kontentlar tayyorlagan edik. Lekin haliyam qo’ymadim. Qo’ysammikan? Nima deysiz? 😅

Bugun ofisimizni remont qilayapmiz. Xudo xohlasa tugaganidan keyin yana ko’rsataman. 😅

Agar viloyatda seminar o’tsam, eng avvalo Xorazmda o’taman! Xudo xohlasa balki shu yaqin orada qilarmiz. Xorazmga bormaganimga ham 5-6 yil bo’libdi. Bahonada tug’ilgan maskanimni ko’rib kelardim. 😄

Sevgi va uylanish haqidagi savollar ko’payib ketibdi. 😅 Agar haqiqatdan sevsangiz nega kurashmaysiz? Sevib va sevilib baxtli yashashga nima yetsin? Sizga buni so’z bilan tushuntirib berolmayman-da… 😁

Men uchun negativ va pessimist fikrlar uncha ahamiyatsiz. Hatto yaqinlarim tomonidan berilgan negativ fikrlar ham mening qarorlarimga deyarli ta’sir qilmaydi. Ammo tanqidni to’g’ri qabul qilaman. Haqiqiy tanqid bo’lsa, kamchiliklarim i to’g’irlayman va foyda olaman. O’zi umuman hayotda negativlardan uzoqroq yuravering. 😄

Sizga zo’r maslahat beraman: Atrofingizdagi negativ va pessimist insonlarni tark qiling.

Albatta, ko’proq vaqt. Boylar va kambag’allarning bir farqi bor. Kambag’allar odatda pul topish uchun vaqt sarflashadi. Boylar esa vaqt topish uchun pul sarflashadi. Vaqt - dunyodagi barcha boylarning maxfiy siridir. Cheksiz miqdorda pul topa olishim mumkin, ammo vaqtim chegaralangan.

Bu ko’pchilikdagi bo’ladigan holat. O’zingizga qiziq ko’ringan bir nechta sohalarni biroz o’rganib ko’ring. Orasidan aniq sizga yoqadigani uchraydi. Iloji bo’lsa eng yuqori darajasi yo’q soha tanlashingizni tavsiya qilaman. Ya’ni cheksizlikka qarab intiladigan yo’nalish bo’lsin. Aks holda qachondir sohangizdagi eng yuqori darajaga chiqasiz va boshqa motivatsiya topolmay qolasiz.

18 yoshli o’zimga TOP 5 maslahatlarim 1. Har kuni bilim ol va bilimdan pulni ayama 2. Tavakkal qilishdan qo’rqma 3. Doim kuchli insonlar bilan tanish va do’stlash 4. Salomatlikka e’tibor ber va sport bilan doim shug’ullan 5. Oilaga ko’proq vaqt ajrat