👧قصص الأطفال👦

( عالم المعرفة ) 😍😍 جميع أعداد سلسلة عالم المعرفة من : ١٩٧٨ حتى ٢٠١٧ بصيغة PDF كنز ثمين ومخزن وافر وفائدة عظيمه تجدونها في هذا الرابط قراءة ممتعة⭐️⭐️⭐️ https://drive.google.com/drive/mobile/folders/0B-eVUtt-Ola4a1RrSDVtdHNEdDQ

#سيرة_امهات_المؤمنين 🌴 السيدة أم سلمه رضي الله عنها3والأخيرة🌴 🌻كان ياما كان و مايحلي الكلام إلا بذكر النبي .... محمد عليه الصلاة و السلام .. 🌼اللهم صل علي سيدنا مُحَمَّد 🌻 وتزوجت أم سلمه الرسول ومن أول لحظه دخلت فيها البيت كانت ست عاقله وذكيه وبيأخد الرسول رأيها في كل حاجة 🌻وكانت ست جميله جدا وجمالها خلى زوجات الرسول يغيروا منها ماعدا السيده سوده مكنش بيفرق معاها الحاجات دي 🌻 وكانت دايماً تعمل كل حاجة تسعد الرسول صل الله عليه وسلم 🌻وكانت ست ودوده ورحيمه وكل الناس بتحبها وبتحاول تساعد كل الناس على قد ما تقدر 🌻 من الناس اللي هي ساعدتهم واحد اسمه أبي لبابه 🌻الرسول بعته ليهود بني قريظة علشان هو كان صاحبهم من زمان قبل ما يؤمن بالرسول 🌻ولما قرر الرسول إنه يعاقبهم على خيانتهم العهد معه في غزوة الخندق لما اتفقوا مع الكفار ضد الرسول 🌻قرر النبي صل الله عليه وسلم يبعتلهم أبي لبابه علشان يبلغهم بأوامر الرسول 🌻فاليهود أول ما شافوه رحبوا بيه وسألوه ايه رأيك نسمع كلام الرسول ولا لأ 🌻فراح أبو لبابه قالهم أيوه اسمعوا الكلام وشاور لهم بيده إن الرسول هيموتهم 🌻ولما رجع ندم وحس إنه خان الرسول وراح ربط نفسه في عمود في المسجد وقرر إنه مش هياكل ولا يشرب لحد ما يموت أو يتوب ربنا عليه 🌻وفضل كده لغايه ما سيدنا جِبْرِيل نزل على الرسول وهو في بيت السيدة أم سلمه وقاله إن ربنا تاب عليه فطلبت أم سلمه من الرسول إنها تروح تبشره بالخبر ده 🌻وفرحوا الناس كلهم لما سمعوا الخبر من أم سلمه بس أبو لبابه مرديش حد يفكه إلا الرسول علشان يطمئن إن الرسول سامحه 🌻وعلى صلاة الفجر فكه الرسول وحس إن كده خلاص الرسول سامحه 🌼وفيه مواقف تانية كتير كانت أم سلمة السبب في فرح وسعادة المسلمين 🌻وكانت أم سلمه بردو سبب في إن النبي سامح ابن عمه سفيان بن الحارث وابن عمته عبدالله بن أبي أميه 🌻وده حصل لما طلبوا الإذن في الدخول على الرسول بس الرسول موافقش 🌻فقالت أم سلمه للرسول دول أقربائك وقعدت تتحايل عليه إنه يسامحهم 🌻وساعدها سيدنا علي بن أبي طالب لما نصحهم إنهم يقولوا للرسول زي ما إخوة يوسف قالو له (والله لقد آثرك الله علينا و إن كنا لخاطئين) 🌻وفعلاً عمل كده أبو سفيان ورد عليه الرسول وقاله (لا تثريب عليكم اليوم يغفر الله لكم و هو أرحم الراحمين) 🌻والسيده أم سلمه ليها موقف مشهور أوي في صلح الحديبيه لما الرسول اتفق مع قريش إن المسلمين مش هيدخلوا يعملوا عمرة و يرجعوا السنه الجايه 🌻والمسلمين مسمعوش كلام الرسول وفضلوا قاعدين وكانت هتبقى كارثه كبيره إنهم ميسمعوش كلام الرسول 🌻لدرجه إن الرسول قالهم 3 مرات قوموا فأنحروا ثم احلقوا 🌻علشان إحنا عارفين إن اللي بيروح عمره أو حج بيكون واخد معاه هديه لفقراء مكه زي الجمل علشان يدبحوه و يخلي الفقرا ياكلوا منه 🌻وهنا جه دور أم سلمه بعقلها الكبير أنقذت الموقف وقالت للرسول أخرج أنت يا رسول الله واذبح واحلق أمامهم هتلاقيهم عملوا زيك بالضبط 🌻وفعلا الصحابه لما شافوا الرسول عمل كده عملوا زيه بس طبعاً كانوا زعلانين إنهم هما اللي على الحق ومش عارفين يدخلوا مكة يعملوا عمرة 🌻وبكده كانت أم سلمه هي السبب في نجاه المسلمين من غضب الله والرسول عليهم 🌻وليها موقف كمان مع الثلاثه اللي حكينا عنهم في غزوة تبوك لما كسلوا يخرجوا مع الرسول لغايه ما الجيش بعد عنهم وفضلوا قاعدين مع المنافقين 🌻 طبعا فاكرين القصه دي كلنا حكينا عنها في سيرة الرسول 🌻و بردوا ربنا نزل التوبه بتاعتهم و الرسول كان عند أم سلمه وفرحت أم سلمه بالخبر الحلو ده 🌻وطلبت منه إنها تروح تقولهم بس الرسول قالها انا هبشرهم بعد صلاة الفجر علشان انتي لو خرجتي دلوقتي الناس هتصحى وهنعمل إزعاج 🌻وبكده كانت أم سلمه الزوجه الثالثه اللي نزل الوحي في بيتها بعد السيده خديجه والسيدة عائشة 🌻وبعد لما مات الرسول كانوا الصحابه بيروحوا يسألوها في الأحكام والفتاوى وكل ما يخص المرأة المسلمه 🌻وبلغت وروت عن الرسول 378 حديث 🌻وعاشت أم سلمه 90 سنه يعني عاشت في عصر أبو بكر و عمر و عثمان وعلي ومعاويه لغايه ما وصلت لعهد يزيد بن معاويه 🌻وكانت أم سلمه آخر واحده ماتت من زوجات الرسول صل الله عليه وسلم 🌻وقالوا لها إن الحسين حفيد الرسول مات شهيد فحزنت عليه أوي وتعبت 🌻وماتت رضي الله عنها وأرضاها سنه 61 هجريه 🌻بعد ما عاشت بتعبد ربنا وتصلي وتصوم وتساعد الناس وتربي أولادها وتعلم الناس أحاديث الرسول 🌻 و بكره إن شاء الله معادنا مع السيده زينب بنت جحش رضي الله عنها 🌻ودلوقتي جه معاد النوم 🌻تصبحوا على خير يا حلوين 🌻وصل اللهم وسلم على سيدنا محمد 🌻🌼🌻🌼🌻🌼🌻🌼🌻