آشیق رستم محمدی
کانال رسمی آشیق رستم محمدی ، به خصوص آذربایجانين استادآشيقلارينين ایفالاری اشتراکا قویولاجاخ همراه 👈09143016229
Show more132
Subscribers
No data24 hours
No data7 days
No data30 days
- Subscribers
- Post coverage
- ER - engagement ratio
Data loading in progress...
Subscriber growth rate
Data loading in progress...
سخاوتدن صحبت آشساخ او شاه مردانی یاز
کافرلره قیلش ووران مردیله میدانی یاز
پیغمرین یولون توتان خاتمین نیشان آلان
عرش اوزونده او حسینه ،آغلییان سلطانی یاز
حق یولوندا ایلقارندا، همیشه صادق قالان
میدان ایجره او مرحبین، قلبینه قورخو سالان
محرابیده نماز اوسته دینینه قوربان اولان
تابوتوندان ئوزو توتان، حجت یزدانی یاز
حی سیرولله یارانیب قوربان اولوم شانینه
حق ائوینده آیاق قویوب پیغمبرین چینینه
غالب اولوب دوشمانینا دایاخ دوروب دینیه
عدالتلی شجاعتلی بیرکامل اینسانی یاز
عاشیق رستم سسله گینن شیعه لرین آغاسین
لطف ائیله سه زرره قدر اورکده قالماز پاسین
دامنینن یاپیشگینان کونول قولسوز عاباسین
قیامتده داده یئتر ساغیی عطشانی یاز
(عاشیق رستم محمدی )
09143016229
09335137645
@ashiqrostam
نور خدا کان ادب امیر محشر علی
جانشین ختم مرسل او شیر داور علی
ابن ملجم شمشیر ووردو قان بورودو عینی نی
خلاص اولدوم بو جهاندان سئویله دی حیدر علی
حک اولوبدور تاریخلره یازیلیبدی بو اثر
سجده اوسته قانا باتوب او سلطان نامور
اولدو علی نین باشیندا سانکی آی شق القمر
یخیلدی محراب عشقه پیر غضنفر علی
قانه باتدی نماز اوسته، اوصاحب ذولفقار
او مولایه مثال داها، یاراتماییب کردگار
رستم اغلار بودنیاده، نقدرکی عمرو وار
مظلوم لارین دادخواهی، وارلیغا زیور علی
21 رمضان
(عاشق رستم محمدی)
@ashiqrostam
09143016229
09335137645
اوخویان عاشق رضا رفیعی
قارداشی بشیر دنیاسین
دئیشندن سورا بو شعریازیب
عاشق رضانین موبایل شماره
09149305619
@ashiqrostam
صدا ۰۰۹.m4a7.10 MB
یانارام گورسم اگر یاریله بیگانه لری
دلی لر تک گزرم هر گئجه ویرانه لری
لیلی نی، مجنونی، فرهادی، شیرین سوزلریله
ییغارام دوره مه عاشیقلری، دیوانه لری
آخارام یاندیقیجان شمع شب افروز کیمی
چکه رم مجلیسه من نوریله پروانه لری
آتمیشام فکرینی باشدان داها من دینجلدیم
نینیرم قان سوموران عشوه لی دوردانه لری
دئمه(نرگس)نیه آغلیر بئله سس سیز بو یازیخ
قورخورام آه و فغان سینیدیرا پیمانه لری.
عاشق رستم محمدی کانالی
09143016229
09335137645
@ashiqrostam
منده دی
دردیمه درمان آختارما
درد منده ،درمان منده دی
عرضینی شاها سؤیله مه
گوج منده ،فرمان منده دی
کؤهنه دونیانین غمی یم
بوتون غم لرین جمعی یم
سونبول دولو بیر زمی یم
دن منده خیرمان منده دی
داماردا قان اولور اولسون
جیسمیمده جان اولور اولسون
بیر زلیمخان اولور اولسون
نئچه زلیمخان منده دی.
عاشق رستم محمدی کانالی
09143016229
09335137645
@ashiqrostam
کئچدی
اومید اولدوم عؤمره ، گونه
یاش منی دوغرادی کئچدی
اَل آتدیم سال قایالارا
داش منی دوغرادی کئچدی .
ائندی اکینه - بیچینه
دوشدو دیلیمین اوجونا
زَهَر قاتدیلار ایچینه
آش منی دوغرادی کئچدی .
خیرمانیمی وَل آپاردی
چیچه ییمی یئل آپاردی
گؤزلریمی سئل آپاردی
یاش منی دوغرادی کئچدی.
نَظَر آدلی بیچاق کسدی
سئوینج مندن آیاق کسدی
بوز گؤینَتدی ، سازاق کسدی
قیش منی دوغرادی کئچدی .
چیچک اولدوم ، یارپاق اولدوم
خزان وورموش بیر باغ اولدوم
تاپدالاندیم تورپاق اولدوم
خیش منی دوغرادی کئچدی .
زلیمخان یعقوب
عاشق رستم محمدی کانالی
09143016229
09335137645
@ashiqrostam
ساغدی فضولی
اوجادیر شهرتی اوجادیر باشی.
هونر دونیاسیندا داغدی فضولی.
شاعیری یارادان گول یارادیبدی.
نرگیسلی لاله لی باغدی فضولی.
هئچ شاعیر وئرمه ییب بو امتحانی.
اوچ دیلده یازیبدی گوزل دیوانی.
پولاددان موحکمدی دینی ایمانی.
دونیا وارسا، اوزو آغدی فضولی.
گونشدن ایشیغلی یانیر چیراغی.
سونمه ییب سونولمز اودلو اوجاغی.
ائلیمه مرهمدی(پنبه یه داغی )
نادانلار کوکسونه داغدی فضولی.
آیریلماز دونیانی وفالی بیلمز.
اوره ک غم کدرین دوستولا بولمز.
سوز یازان هئچ زامان اولمه ییب اولمز.
شئعیر دونیاسیندا ساغدی فضولی.
عاشق رستم محمدی کانالی
09143016229
09335137645
@ashiqrostam
یئنه اؤز یئرینده یووارلانیر آی
بولوتلار گؤرونور اوزاقدا لای لای
فقط نه جالال وار نه ده کی هومای
نه عؤمره آجیییر نه یاشا دونیا
گؤیلره باخیرام قاپیسی باغلی
یئرلره باخیرام باغچالی باغلی
بوتون کاییناتدیر سیرلی - سوراغلی
ازلدن یارانیب تاماشا دونیا.
اولدوزلار هاوانین باغرینی دلیر
قایالی داغلاردان دومان یوکسه لیر
خیالیم گئجه نی سالاما گلیر
چاپدیریر آتینی بیر باشا دونیا
بیرده گؤرورسن کی آچیلان سولور
دوشونن بیر بئیین بیر تورپاق اولور
بیر یاندان بوشالیر بیر یاندان دولور
سیررینی وئرمه ییر سیرداشا دونیا
ازلدن بئله دیر چونکو کایینات
جاهان دایمی دیر عؤمور آمانات
الدن اله کئچیر وفاسیز حیات
بیز گلدی گئدریک سن یاشا دونیا
#صمد_وورغون
عاشق رستم محمدی کانالی
09143016229
09335137645
@ashiqrostam
.
اوچدو مئیلیم قوشو قوندو سنه يار
بيرده قونماياجاق بير اؤزگه سينه
اويدور گؤزلريمي آت گينان چؤله
باخسا سندن غئيري بیر اؤزگه سينه.
عشقيمين گوللري چؤللري بزه ر
سنسيز بو دونيايا قيلمارام نظر
نازلي يار گميسي دريادا اوزر
يئل ووروب قایتارار بیر اؤزگه سينه.
باغبان اولان گئدیب بارا یالواریر
یوخسول اولان گئدیب وارا یالواریر
یاری اولان گئدیب یارا یالواریر
من نئجه یالواریم بیر اؤزگه سينه؟!
ازلدن ديلقمه يار اولان سنسن
گؤزللر ايچينده تاي اولان سنسن
عزراييل دونوندا جان آلان سنسن
من نئجه جان وئریم بیر اؤزگه سينه؟!
يحيي بي ديلقم
عاشق رستم محمدی کانالی
09143016229
09335137645
@ashiqrostam
قوشما
کاشکی بو دونیادا زکات یئرینه
معرفت اینسانا واجیب اولئیدی
مکّه عوضینه خُمس عوضینه
صداقت اینسانا واجیب اولئیدی
بیر حالدادی آغلیاندا گؤلنده
گرفتاردی بیلمیینده بیلنده
زامان شئلهسیله دوست ائیلهنده
دیانت اینسانا واجیب اولئیدی
"چوباناوغلو"خئییری نه، شری نه
چالیش تعنه وورما ایمانا دینه
کاشکی خَلور خَلور احسان یئرینه
قیناعت اینسانا واجیب اولئیدی
چوبان اوغلو
عاشق رستم محمدی کانالی
09143016229
09335137645
@ashiqrostam
Choose a Different Plan
Your current plan allows analytics for only 5 channels. To get more, please choose a different plan.