دومان

یاغیشی سئویرم دئییرسن یاغیش یاغینجا، چتیر آچیرسان گونشی سئویرم دئییرسن گونش آچینجا، کؤلگه‌یه قاچیرسان یئلی سئویرم دئییرسن یئل اسمه‌یه باشلایینجا، پنجره‌نی باغلاییرسان ائله بونون اوچون قورخورام منی ده سئودییینی دئییرسن! @dumane041

دوست گل منی دوست کیمی دیندیر،دانیشدیر دوست بیلسین قیراقدان جماعت بیزی! من دئییم:دوستومدور، سن دئه تانیشدیر هامیدان گیزله‌دک سئودیییمیزی! دانیشاق،گولوشک،گزک یان-یانا! اوندا آدیمیزا سؤزده دئییلمز گیزلی گؤروشوموز چیخسا مئیدانا دئیک‌کی:دوست،دوستلا گؤروشه بیلمز؟ یالاندان بیر اوغلان شکیلی گتیر، هئچ کیم بیلمه‌سین کی سئوگیلی‌ییک بیز! ایسته‌سن آرادا قولومادا گیر بوردا پیس نه وار کی،دوست دئییلیک بیز؟! زنگ ائله دانیشاق درسدن-فیلاندان آنانا دئنن کی بیر یولداشیم‌دی قوی هامی دوست بیلسین بیزی هر زمان دئنن‌کی:هئچ منیم سئون یاشیمدی؟! بو یوللا گیزله‌دک گل سئوگیمیزی جماعت دوست بیلسین،آنانسا یولداش! دوستلوغا بوکه‌رک حسرتیمیزی بیر آزجیق سئوینک گل یاواش-یاواش! دوستلوقلا بؤیوسون محبّتیمیز قوی داها اولماسین حسرت،گؤز یاشی گل اوّل حیاتدا یولداش اولاق بیز سونراسا اولاریق حیات یولداشی! @dumane041

آج گلمیشم  آج گئدیرم  دونیادان قسمتیمه دوُشن آزدان  دویمادیم آری کیمی گولدن گوله دولاشدیم نه پاییزدان نه ده یازدان دویمادیم واختسیز سولدو تئز توکولدو خزللر جان یاندیردی گوزباخیشلار کوُز اللر سایماز یانا   گلیب کئشدی   گوُزللر نه عیشوه دن نه ده نازدان دویمادیم نغمه لرنن  اوُره ییمی   آلدیلار شیرین شیرین خیاللارا  دالدیلار مین بیر یئرده مین بیر هاوا چالدیلار نه آشیقدان  نه ده سازدان دویمادیم @dumane041

سنین حسرتینده آغلاسا گوزوم اورگده قالماسا بیر ذرره دوزوم عالمه یاییلسا گیزلین سیر سوزوم اوندا تک سئوگیلیم اولارسان منیم؟ عشقینده کَرَم تک دوشسم چول لره مجنون یا فرهاد تک دوشسم دیل لره بو عشقیمی یایسام بوتون ائل لره اوندا تک سئوگیلیم اولارسان منیم؟ گوز یاشلاریم آخیب چایا قاریشسا کوسن باختیم بیران منله باریشسا قول لاریم‌ بوینووا غفیل ساریشسا اوندا تک سئوگیلیم اولارسان منیم؟ ظولمات گئجه ایشیق دانیمدان کئشسم یولوندا بو شیرین جانیمدان کئشسم شرفیمدن کئشسم شانیمدان کئشسم اوندا تک سئوگیلیم اولارسان منیم؟ (کنداوغلویام )توکسم گوزدن یاشیمی اونودسام باجیمی جان قارداشیمی بو دونیادان آتسام تاماه داشیمی اوندا تک سئوگیلیم اولارسان منیم؟ @dumane041 🌹🍃🌹🍃🌹🍃🌹🍃

یاز نامه‌نی گؤندر قوشدان،    قوی اوخویوم چیخیم هوشدان بیر گون آشیب، داغدان،داشدان گؤروشونه  گله‌جه‌یم حله ایشیم چاش ،باش اولوب،   سانکی  منه یول،داش اولوب اورییم له یولداش اولوب   گؤروشونه گله‌جه‌یم غم یاغدیریر منه پنجه،     اودور سیغینمیشام،کونجه باخ اوگؤلوم‌دن بیر گون اؤنجه گؤروشونه گله‌جه‌یم #عدالت_دومان @dumane041

نه اوْلار زهری آتاق قند و عسلدن دانیشاق عادی سؤزدن باش آچیب شعر وغزلدن دانیشاق گل معاشین غمینی بیر نئچه آنلیق اۇنوتاق اوْتوراق شوْق ایله بیر سر ازلدن دانیشاق آی باییرلاردا تیکان اوسته یاتان بیچاره دۇرگولان ذوق ایله بیر فتح قللدن دانیشاق نییه قالدیق بۇ قارا گۆنلره آی قارداش گل بوْشلویاق فرعی سؤزو اصلی عللدن دانیشاق بیر عمر لهو و لعب سؤزلره مشغول اوْلدوق نه اوْلار آزجا دا حکمتلی جملدن دانیشاق بیلمسن تاریخی هئچ بیر شئیی بیلمزسن اینان گل اوْتور صبر ایله تاریخ مللدن دانیشاق @dumane041 💜🤍 🤍💜 ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌