ّ

وش فيك ما عاد تضحك يا الحجاج الضحوك؟ لو أعلم بْعينٍ تبكّيك؛ بكّيتها -وصل العطيَّاني

غير انا شف بالي ربعي وذود مغاتير لمنه اكتبر عشب الوسامي رعينابه حرضه نرعى بها من فيضة الصوق لنفود ومن المندفن لا ثجر وأسفل حراضه وننزلها من فوق سنح يجبر العود وسيع الفضا ماضيق الصدر بشعابه نباته تعاجيب ومن كل عنا عود ومن جاه ذكره ومن ورا العبر نوابه وميردنا عد غزير وهو قرهود عليه النعام ويعجب العين هيابه ويا زينها لا صدرت وانتحت جلحود كما دوله قدهي على الطبل لعابه تناصي خشم العان صوب السليل تقود وتنتحي تقورا صوب فروان وهضابه مداهيلينا وديارنا من عصور جدود حموها بصنع مقرطس زان حبابه ولاخير في هرج بليا لزوم وشهود وترى الكذب عيب لكل منهو تحاكابه

سبَّة ضعاف الروابع وظلَّام البخوت ‏كان ما هي نافعتني ما هي بتضرّني وإن رموني بالتهايم وفضّلت السكوت ؟ أضعف الإيمان في وسط قلبك برّني مستعد أموت لأجلك ولكن قبل أموت كان عندك شيء يثبت غلاتي ؟ ورّني منيف الجرّاش

أقربي مني ما هو وقت القصايد الحياة اللي بليا وصل مرة خالفي مع عاشقك بعض العوايد لا تغطّي بدرك الوضَّاح غرة أدفنيني في مداهيل القلايد في مكانٍ ما حدٍ غيري يمرّه في دماثٍ فيه من لين الوسايد ما يخلّي عيشتي عيشة مسرة وإن نزلت بواديٍ مسراه كايد واديٍ ما للخطاوي فيه جرة ما أقدر أوقف بينهن وقفة محايد لو علي يزعل حديهن ويتشرّه بندر الدويش

‏يا ثقلي ‏ويا ما أقوى عزومي ‏ويا صبري ‏أجامل على جرحي وأنا أشوف دكتوره وزوّد عذابي وكل شيءٍ على خبري ما شيءٍ تغيّر لا طبيعة ولا صورة جبرني غرامك يا لطيف الحشا جبري ‏على الموقف اللي فيه الأنظار محصورة ‏اليا رحت منكم كنّي احدى على قبري ‏وإلا جيتكم ودّي بالأحوال مستورة بانت بي وضوح الشيب ما هو بمن كبري ‏بلاي الخفايا اللي ورا الصدر مقهورة متى يعلن جهاد المحبة سبا هبري وترفع مساجين الغلا بيرق الثورة ‏سعد بن جدلان

أجلس مع الجلاس لو هم ثمانين ‏ويشرد بي الهاجوس كني لحالي .

الصدمه اللي تجي من جيز خلق الله تصدم جدار الثقه وتموت طوالي غير البلا جات من خلٍ على خله اليا تذكرتها ويلي على حالي ينتابني شي مايعلم به الا الله يجعلني اصد وجهي واجلس لحالي من ضيقة الصدر اخاف تخوني زله وتجرح لها واحدٍ في خاطري غالي عرش الهوى اللي تولى فيه واحتله لا طاح منه وش اللي عاد يبقى لي بتعم في صدري الفوضى وتحتله واعيش في حزني وفي خيبة امالي ياطيب عذره لو انه جا على حله غلاه يجعلني ادمحها ولا ابالي ومع ذالك الله يبيحه والله يحله يموت ماطاريٍ هجره على بالي. َ

‏البارحه ما بين يأسك ورجواك ‏ لا يائسٍ منّك ولاني براجيك ‏أكذب عليك إن قلت لك روح مبغاك ‏وأكذب على نفسي إن قلت بآغيك ‏عند العرب ماودي اسمع بطرياك ‏كلن يناظرني ليا حل طاريك ‏- منيف المنقره

‏دام راسي بخير ونجدتي من ذراعي ‏شرهتي بالضمير وصدتي عن قناعه ‏من يخوض المعارك لازم يكون واعي ‏الهزيمه سريعه والنصر صبر ساعه ‏والخزى والله اني عنه طاوٍ شراعي ‏ودي اني بسوقه ماتجي لي بضاعه ‏ماحتمل شرهة الطيب حميد المساعي ‏لاسمع مني اللي مايسره سماعه

‏يالله بصبحٍ يبدد ضيقة الضايقين ‏لا مال غصنٍ من النسمة و طيرٍ خفق ‏الوقت عكرٍ يبيله خطة مخططين ‏وأنا فقيرٍ يدرجها كما تتفق ‏ولا عندي إلا حسن ظنٍ يغيب والايبين ‏ما كنه إلا الشعاع اللي فأخير النفق ‏أعافر الوقت و أعوانه يسار و يمين ‏من شقة النور للظهر لزوال الشفق .

‏لابغيت اسج ولا انبسط ساعه ‏دق قلبي من ورا حدب الاضلاعيّ

عفى الله عن زولٍ ترك فالضمير رسوم ‏يزوّل لعيني ويـن ماروح و اوجّـه ‏َ ‏عليه الفواد من التوجاد فيه ثلـوم ‏وعليه العيون تجمّع الدمع وتمجّـه ‏َ ‏وأنا خابرٍ مالي مصدٍ عن المقسوم ‏لو أن النبات يصد عن مقدْم العَجّه .

شرّعي باب المعاتب بدون مقدمات وأطلقي ما كان في صدرك طلاق سجنا حاصريني بـ التشره من الأربع جهات أنتي المشروه منّك .. مثل رد الثنا أعتذر لك عن غيابٍ بدون مبررات لو ما بـ القلب خالي ولا الصدر دهنا صح ما ودي بهجرك لو يطول السكات بس ما ودي بوصلك وأنا مانيب أنا

خالد عبدالرحمن : حبيبي لو يطول العمر أو يقصر أبد خلّان تراك أنت الوحيد اللي يشتتني ويلملمني . طلال مداح : ما عاد وصلك يشرح القلب ويسرّ مَوقِف فؤادي من غرامك تحددّ .

" ‏صّلوا على رجُلا بعثه الله إلينا رسُولاً وشفيعاً فِـ يومّ لا ينفع فيه مالاً ولا بنونَ " _اللهم صلِ وسلمّ علَى نبينا مُحمد .

-