Tanish Tarona

Умид - кўнгилдаги истакни рўёбга чиқишига ўзини ишонтирмоқ, демак.Қўрқув эса орзу - истакларни рўёбга чиқмаслигига ишонтирувчи руҳий мойилликдир.

​Эҳтимол, ҳеч ким бировнинг азоб-уқубатларини охиригача ҳис этмагани учун ҳам номинг ўчгур уруш такрор-такрор қайталанаверар...

Кичкиналигимизда мактабда ўргатишарди: бўм-бўш бошоқ далада тик туради, ичи донга тўла бошоқ эса, эгилиб туради. Демак, аслида буюк одам камтарин, ҳақир одам мутакаббир бўлар экан. 

Баъзан энг осони - шунчаки қўйиб юборишдир... - Нимани? - Ҳукмингизда бўлмаган ҳамма нарсани: вақтни, туйғуларни, одамларни...

Баъзан шунчаки бир-икки чимдим меҳр, бутун ҳаётингни сақлаб қолишга қодир!

Cизни қадрламаган билан бахслашиш эмас, хайрлашиш керак.

Ҳар инсон у ёки бу шаклда мулойимликни ўрганади. Кимдир бир мусибатни бошидан кечиради, кимдир тузалмас дардга чалинади, кимдир яқинларидан айрилади яна кимдир мол-дунёсини йўқотади. Барчамиз қалбимиз қаттиқлигини мулойим қиладиган синовларни бошимиздан ўтказамиз. Баъзиларимиз бундаги ҳикматни тушуниб мулойимлашамиз. Минг афсуски баъзиларимиз бу синовлар сабабли дийдамиз қотиб яна ҳам қаттиқлашамиз.

Мен олдин шундай гапирар эдим: «Мен ҳамма нарса ўзгаради деб умид қиламан». Кейин билсам, ҳамма нарса ўзгариши учун – мен ўзим ўзгаришим керак экан.

Фикр билдир лекин ақл ўргатма.