Nurulloh Muhammad Raufxon

Sovet ularni o'ziga xizmat qildira olmadi! I "Asr shohidi" ko'rsatuvi, 1... https://youtube.com/watch?v=XPeYr8glIEE&si=lvqWQvz1NdQF721V

Ривожланган давлатларда эркинлик кучли дейилади. Савол: У давлатлар ривожланган бўлгани учун эркинлик кучлими ёки эркинлик кучли бўлгани учун ривожланиб кетганми?

#Тушунчаларни_тузатиш Бир-икки йил бурун: "Агар мактабларга ҳижобда келишга рухсат берилса, яҳудийлар ҳам бошларига кипа кийиб, насронийлар бўйнига ҳоч осиб кела бошлайди", деган бир антиқа гап юриб қолган эди. Яқинлардан: "Агар мактабларда исломий таълимга рухсат берилса, яҳудийлару насронийлар ҳам худди шуни талаб этади. Ҳатто мусулмон болалар орасида насронийликни ёя бошлашади", деган гап чиқибди. Бу гаплар кўпларга тўғри бўлиб туюляпти ва болаларига хавотирли бир қараб қўйиб, дамини ичига ютяпти. Бундай хавотирга ҳам, қўрқишга ҳам ўрин йўқ деб ўйлайман: биринчидан, яҳудий ва насроний ватандошларимиз мусулмон мамлакатда яшаётганларини жуда яхши билишади ва ўзларини шунга мувофиқ тутишади; иккинчидан, шундай бўлган тақдирда ҳам, улар мамлакатда жуда озчиликни ташкил этишади ва, демак, мактабларимизни ва кўча-кўйни кипа ё ҳоч босиб кетамайди. (Бордию шундай хавотир бўлса, олдиндан бунинг чорасини топса бўлади.) Ҳолбуки, мамлакат аҳолисининг асосий катта қисми мусулмондир ва улар ўз юртларида (ЎЗ ЮРТЛАРИДА!) динларига эмин-эркин амал қилишга ҳақлидирлар. Ўнта-ўн бешта мусулмон боласи насронийлашиб кетади деб "қўрқиб" милёнлаган мусулмон болаларимизни бирламчи эҳтиёжлари бўлмиш диний таълимдан тўсиш адолатсизликдир. Менга бу иккала "далил" ҳам мантиқсиз туюлади. Асл мақсад насронийлашувнинг эмас, исломийлашувнинг йўлини тўсишга ўхшайди. Чунки мактабларда диний таълимга рухсат берилмасдан туриб ҳам (аслида, Исломга йўл роса торайтириб ташлангани оқибатида), анча-мунча мусулмонларимиз насронийлашиб, даҳрийлашиб, кофирлашиб, деистлашиб... бўлди ва бу ҳолат давом этмоқда. Бундайларнинг товуши кундан-кунга, йилдан-йилга юксалиб чиқяпти. Хавотир олиш керак бўлса, бу ҳолдан хавотирланиш керак. Қолаверса, Исломга кўра (эркин жамиятларда ҳам) ҳар ким ўз динига эътиқод қилишга, ўз дини буюрган амалларни бажаришга, таълим-тарбиясини олишга ҳақлидир, рухсатдир.

"Аср шоҳиди"да давом этаётган туркум суҳбатларимдан бири тагидаги изоҳлар ерига кимдир: "Бу одам давлатга ишлайди", деб ёзиб қўйибди. Одамларни мендан шубҳалантириш, чўчитиш, сўзимнинг эътиборини кетказиш ниятида ёзган кўринади. Чунки ким ҳақдадир: "давлатга ишлайди..."; "давлат одами..." дейиш урфда салбий кайфият уйғотадиган, ҳатто ҳақорат саналадиган бўлиб қолган. Бироқ мен хафа бўлмадим, тўғри маънода тушундим. Ҳатто шаънимга мақтов деб қабул қилдим. Чунки чиндан ҳам мен давлатга ишлайман ва буни шараф деб биламан! Чиндан ҳам мен ДАВЛАТ ОДАМИман! Давлат одамигина эмас, ҳатто давлатнинг ўзиман! Бу туйғуни камдан-кам одам англайди. Айниқса, давлат ичида ё тепаларида туриб давлатга қарши ишлайдиганлар, давлатни каламушдек кемириб-емириб ётганлар буни умуман тушунмайди. Ҳатто қўрқиб кетади. Ҳатто ўртадан кўтармоқчи бўлади. Ҳолбуки, мен шу кунгача нима қилган ва қилаётган бўлсам, давлатимнинг бақоси ва кучли бўлиши учун эди!

«Имомларимиз бутун жамиятга насиҳатчидир» «Аср шоҳиди» кўрсатуви, 17-қисм Томоша қилинг 👉 https://youtu.be/-9C0k7dH4q8 ©️Azon Global

☄️Turkiya Buyuk Millat Majlisi (TBMM) minbarida Prezidentimiz tashabbusi bilan boshlangan "Uchinchi Renessans" g'oyasi madh etildi. TBMM deputati Osman Mesten: "O'zbеkiston bugungi kunda nafaqat Markaziy Osiyoning, balki butun dunyoning porloq yulduziga aylangan va hurmatli Prеzidеnt Shavkat Mirziyoyеv asos solgan “Uchinchi Rеnеssans” g'oyasi sari jadal intilmoqda. Ibn Sino va Farobiylar yеtishgan IX-X va XI asrlarni – Birinchi Rеnеssans, Mirzo Ulug'bеklar еtishib chiqqan XV asrni esa – Ikkinchi Rеnеssans davrlari o'laroq qabul qiladilar. Hozir esa, O'zbеkistonning Uchinchi Buyuk Rеnеssans maqsadlari sari jadal intilayotganini ko'rayapmiz va biz ham buni qo'llab-quvvatlayapmiz. O'zbеkistonda ushbu maqsadlarga erishish uchun amalga oshirilgan zarur konstitutsiyaviy va huquqiy islohotlar bilan bir qatorda invеstitsiya imkoniyatlarining kеngaytirilishi va takomillashtirilishi jarayoni davom etmoqda".

Хабарларинг бўлса керак, айрим ижодий ишларим туфайли ўтган йил феврали иккинчи ярмидан камина фейсбукдан вақтинча чекинган эдим. Бугун қизиқ иш бўлди: ижтимоий тармоқларда менинг номимда очилган саҳифаларни юритувчи маъмурларим ҳозирда "Азон глобал" лойиҳаси бўйича олиб бораётган туркум видеосуҳбатларимдан лавҳалар қўйиб бориш учун фейсбук саҳифамни очишган экан, обуначиларим мени фейсбукка қайтди деб тушунишибди ва қизғин кутиб олишибди! Бу хабарни эшитиб жуда-жуда қувондим, албатта. Мухлисларим мени унутиб юборишмагани, аксинча, бир куни қайтишимни кутиб юришгани одамнинг кўнглини кўтаради! Қолаверса, ўзим ҳам уларни соғинганман. Лекин мўлжаллаган ижодий ишим ҳали битмагани учун ҳозирча фб.га биззот қайтганим йўқ. Шуни билдириб қўяй дедим. Оллоҳ таоло яқин ойларда машҳур фб. майдонида яна кўришишни насиб этсин.

Урушда Олмония қандай айбдор бўлса, СССР ҳам шундай айбдор Томоша қилинг 👉 https://youtu.be/XcpuNqqj1KQ ©️Azon Global

Карл Маркс кишилик жамияти босиб ўтган ва ўтажак йўлни 6 (олти) босқичга бўлган: 1. Ибтидоий жамоа даври. 2. Қулдорлик даври. 3. Феодализм даври. 4. Капитализм даври. 5. Сотсиализм даври. 6. Коммунизм даври. "Сотсиализм" ва "коммунизм" даврларини тараққиётнинг чўққиси деган. Унга чиқиш учун олдинги тўрт босқич албатта тўлиқ босиб ўтилиши шарт эди. Бу ғоядан чиқиб келинса, Туркистон каби қолоқ феодал ўлка капитализм босқичини босиб ўтмагани сабабли сотсиализмда яшашга пишиб етилмаган ҳисобланиши керак. Маркснинг издоши Лелин 1917 йили сотсиалистик инқилоб қилар экан, дарров устози ғоясига ўзгартиш киритди: "Айрим давлатлар феодализмдан сотсиализмга сакраб ўтса бўлади", деди. Шундай қилиб биз туркистонликлар феодализмдан бир сакраб сотсиализмга ўтиб олдик. Коммунизмга етишимизга сал қолганида пақ этиб мустақил бўлиб кетдик! СССРнинг умуртқа давлати бўлмиш Ўрисия Маркс-Энгелс-Лелинни ҳам, уларнинг коммунизм ғояларини ҳам очиқ мозорга кўмиб, ими-жимида капитализмга қайтиб кетди. Биз яна гаранг бўлиб қолдик: капитализмга қайта олмаймиз, чунки у босқичдан ўтмаганмиз, кўрмаганмиз, умуман танимаймиз ҳам. Битта йўл бор, у ҳам бўлса, қайтиб орқага сакраш. Ва сакрадик ҳам. Ҳокимларимиз бизларни феодалларча усул билан бошқараётгани сабаби ва илдизи шу ерда! Энди тушундиларингми?! Ҳазил, албатта.)))