كـن شيئآ جميلآ 🥀🕊

في ناس ما بتتخطى العلاقات الفاشلة اللي مرت بيها بالرغم من إن هي قادرة تتخطاها وده علشان هم مش عاوزين يتخطوها ، والنوعية الزي دي من الناس بتكون حاطة في دماغها إحتمالية " إن قد يرجع " فعلشان كده ما بيحاولوا يعملوا اي حاجة ممكن تقلل من الاحتمالية دي او تمنعها .. والنوعية الزي دي من الناس مهما حاولت تساعدهم مش حاتقدر ، ومهما قلت ليهم وحفظتهم مش بيعملوا حاجة ، وده لأنهم حرفيا مش عاوزين يطلعوا من الحفرة اللي هم فيها .. وفي ناس منهم بيحاولوا يشكوا لناس تانيين علشان يسكتوا ضميرهم ويقولوا ليه " اهو نحن استعنا بالغير ومافيش اي تغيير حصل " والتغيير في حالتهم ما حصل ما لأن الغير مش قدر يغير من حالتهم مع ان ده احتمال وارد ، بس التغيير ما حصل لانهم فعليا مش عاوزنوا يحصل .. النوع الزي ده مهما حاولت تقدم ليه حلول بيحاول يفندها ليك ويذكر مساوئها ، ومستحيل يقتنع بأي حل إنت بتقدموا ليه ! والنوعية دي مش مقتصرة على العلاقات بس ، لا بنلقاهم في الاهداف وفي الثقة وفي المشاريع بانواعها وفي التغيير برضو ، ومهما اختلفوا في المجالات الا انهم بيشتركوا في سمة واحدة وهي " انهم بيحاولوا يبينوا ليك انهم عاوزين الحاجة الفلانية ، لكن من جوه هم مش عاوزنها " كمثال : يجيك زول يقول ليك أنا عاوز أتغير ، تقوم تشتغل معاه وتحاول تساعده وتقدم ليه حلول " بتلقاه بيفند اي حل انت بتقدموا ، وبيحاول يجيب مطب لأي طريق إنت بتفتحوا ليه " وبيستمر بالمنوال ده لحدي ما إنت تعجز عن مساعدته .. وهو بيعمل كده لسببين : - الأول إن عاوز يسكت الضمير اللي جواه ، فبيلعب على نفسه بالطريقة دي " بيحاول يظهر لي نفسه ان عاوز المساعدة ، بس في نفس الوقت بيحاول ما يسمح للمساعدة دي إنها تساعده " - الثاني إن حرفيا مش عاوز يطلع من مكانو ، وعاوز يثبت لنفسه ان السبب في مكانو الحالي مش هو بل الظروف اللي محيطة بيه