دلنوشته بختیاری ایمان رضایی للری

هنی نی پور ور گل و زنو میل خَطر داره ندونم ای گَگو سیچه دلم همقو جیر داره ار ایمیرم خ بم نیگو کری چت بی په سی مردی؟ یه دو پرنیده ور یارس یه شر کارا للر داره بشین ور گل دلِ صافم که یارت شا دُزِ ایلِ به هر مالی یه دَستک و به هر کولی لِور داره سرم شه پیسه آوید و هرنگ زونیا رَهده هنی دل ماملین ایخو که سودس هم ضرر داره بمیرم سی هو که چی خوم کرفگار بلا بیده دو پا شل و رهی خلب و حرس باری یه ور داره ز چشمه تی اَوایدامس و هی مندیر گُل بیدم گُدن ول معطلی لیوه، په مر کیکم ثمر داره؟ ز قهری دل اخیرس زنده رو وا روم ولاتی که اَوس زهرآسمونس حین زمینس تش به سرداره ایمان رضایی https://t.me/sherbakhteyaryimanrezaeelalari

#مسعود_بختیاری *یک ایل یک صدا* صدا کوگونه دنیا من گلیته شلیلت عاشقونه هر بلیطه بخون بهمن بخون سی دهدر ایل بگو ورون ددو مینا کزیته به گوشت صد کَرت خوندم به آواز که غیرا خوت ندارم مَحرم راز دلم کم طاقته،جلدی ابو تنگ په سی چینو انالی کوگ تاراز؟ نوابید آخرس دنیا به میلیت که لر وا رقص و شادی آ به سَیلیت بنن تش مینه کُه که بینتونه بنی دسته منه دسته شُلیلت #ایمان_رضایی_للری https://t.me/sherbakhteyaryimanrezaeelalari

گل تشنی بلنده سر به زیرم شلال تی درشت لَو کوچیرم وِری، تا جون به تشنیمه، بیو تیم دلم نیخو بشوری برد شیرم ایمان رضایی

صدا کوگونه دنیا من گلیته شُلیلت عاشقونه هر بلیطه بُخون بهمن،بخون سی دُهدر ایل بگو وَروَن دَدو مینا کَزیته ایمان رضایی

چته تهلی به قربونت، شرینم؟ چته دردت زنا مین اندرینم؟ چه خوندن مینه گوشت زنگل مال؟ که ایگوی نیخوم ایمانه بوینم ایمان رضایی

پمبه دارون خِیلین وا پمبه سر پِرد ایکنن اِمتهونی نی به کس، تی کَس سرت نابوهه کُت کس به کس نی ری دو پا خوت واست از زونی نری دستته کس نیگره روزی اَیر وستی ز خوت ایمان رضایی

اریزم حرص و حین و پاته نینی ز دیریت آخرس تُک تُک امیرم ایمان رضایی

مو شعرامه ز ری خوت اینویسم به خال و می وتی خوت اینویسم اَیر چه باورت نیبو، به ئی برد همه شعرامه سی خوت اینویسم ایمان رضایی