Surxondaryo viloyati prokuraturasi

Вилоят прокурорининг ўринбосари Х.М.Куллиев томонидан Шеробод туманида “Masdar” компанияси инвестицияси асосида Хитой Халқ Демократик Республикасининг “SMEC” компанияси томонидан 550 га ер майдонига қурилаётган қуёш фотоэлектр станцияси қурилиш жараёни маъсуллар иштирокида танишилди. Мазкур фотоэлектр станцияси қурилиши Ўзбекистон Республикаси Президентининг 14.01.2022 йилдаги ПҚ-85-сонли, 23.12.2022 йилдаги ПҚ-453-сонли Қарорларига асосан бошланган бўлиб, қуввати 457 МВт ҳисобланади. Қуёш фотоэлектр станцияси бугунги кунда сутканинг ёруғ вақтларида соатига 280-300 МВт, кунига ўртача 2.7 млн. кВт соатгача электр энергиясини етказиб бермоқда. Бу эса вилоятнинг бир суткалик электр энергияси истеъмолининг 40-45 % миқдорини ташкил этади. Ушбу лойиҳа тўлиқ якунланганда (457 мВт) вилоятда электр энергияси истеъмолининг 80-85 % қисмини қоплаб, 315 млн. метр куб газ тежалишига ва атмосферага ортиқча чиқиндилар чиқарилишининг олдини олишга имкон яратади.

Kurash bo'yicha Surxondaryo viloyati prokurori sovrini uchun Boysun tuman bosqichi musobaqasi bo'lib o'tdi Bugun Boysun tumanidagi markaziy Alpomish o‘yingohida 2009-2010 yillarda tug‘ilgan o‘smirlar va qizlar o‘rtasida sportning Kurash turi bo‘yicha Surxondaryo viloyati prokurori kubogi sovrini uchun o‘tkazilgan tuman saralash musobaqasida 130 nafarga yaqin o'smirlar ishtirok etdi. Musobaqada g'oliblikni qo'lga kiritgan sportchilar tuman prokuraturasining esdalik sovg'alari, medallar va diplomlari bilan taqdirlandilar.

КУРАШ БЎЙИЧА СУРХОНДАРЁ ВИЛОЯТИ ПРОКУРОРИ СОВРИНИ УЧУН ЖАРҚЎРҒОН ТУМАН БОСҚИЧИ МУСОБАҚАСИ БЎЛИБ ЎТДИ. 2024 йил 17 май куни Жарқўрғон туман спорт мактабида “1-Июнь Халқаро болалар куни” муносабати билан спортнинг "КУРАШ" спорт тури бўйича 2009-2010 йилларда туғилган кичик ўсмирлар ўртасида Сурхондарё вилояти прокурори соврини учун Жарқўрғон туман босқичи мусобақаси ўтказилди. Мусобақага Жарқўрғон туманидаги 66 та маҳалладан 146 нафар спортчи ёшлар ғолиблик учун кураш олиб борди. Мусобақада ғолибликни қўлга киритган спортчиларни Жарқўрғон туман прокурори Б.Ҳайдаров тақдирлаб, уларга эсдалик совғалари топширилди.

Сурхондарё вилояти прокурори С.А.Турдиевнинг ташаббуси билан Денов туманида оталиққа олинган олий таълим муассасаси талабалари ва ишсиз ёшлар учун Денов тадбиркорлик ва педогогика институтида “Бўш иш ўринлари” меҳнат ярмаркаси ўтказилди. Ўтказилган меҳнат ярмаркасида туманда фаолият юритиб келаётган бюджет ташкилотлари ва саноат корхоналарида томонидан 465 тадан зиёд бўш иш ўринлари ва вакант лавозимлари таклиф этилди. Меҳнат ярмаркасида Денов тадбиркорлик ва педогогика институтининг 600 нафардан зиёд битирувчилари ва 200 нафадан зиёд ишсиз фуқаролар иштирок этди. Мурожаат қилган фуқароларнинг 120 нафарига ўзларига мақбул келган иш ўринларига йўлланмалар берилиб, ишга жойлашишига кўмаклашилди. Меҳнат ярмаркасининг бошқа қатнашчиларига ўзларига иш топиш бўйича берган саволлари юзасидан ҳуқуқий маслаҳатлар берилди.

🏆 “Surxondaryo viloyati prokurori kubogi” musobaqasining Termiz tuman bosqichi g‘oliblari aniqlandi. Bugun Termiz tumani Sport maktabida 1-iyun – “Xalqaro bolalar kuni” munosabati bilan Milliy kurash bo‘yicha ‘Surxondaryo viloyati prokurori kubogi” musobaqalarining tuman bosqichi o‘tkazildi. Unda 2009-2010-yillarda tug‘ilgan o‘smirlar oltita vazn toifasida g‘oliblik uchun gilamga chiqishdi. Murosasiz o‘tgan bahslar yakunida g‘oliblarga sovrinlar, diplom va musobaqaning viloyat bosqichida ishtirok etish yo‘llanmasini tuman prokuraturasi mutasaddilari va boshqa mas’ullar tantanali topshirishdi.

Расмий баёнот Денов тумани, “Пожур” маҳалласида яшовчи Н.Қурбоновнинг Кадастр агентлиги Денов туман бўлими томонидан ноқонуний жарима қўлланилганлиги ва бошқа ҳолатлардан норози бўлиб, вилоят прокурори номига ижтимоий тармоқ орқали йўллаган мурожаати юзасидан Аниқланишича, Денов тумани прокуратурасига Ўзбекистон Республикаси Ўрмон хўжалиги давлат қўмитаси Доривор ўсимликларни етиштириш ва қайта ишлаш илмий-ишлаб чиқариш маркази “Ҳисор” ихтисослаштирилган давлат ўрмон хўжалиги томонидан Н.Қурбонов ўзбошимчалик билан ўрмон хўжалиги ҳудудида ноқонуний уй-жой қуриб олганлиги тўғрисида хабарнома йўллаган. Кадастр агентлиги Денов туман бўлими томонидан расмий огоҳлантирилишига қарамай Н.Қурбонов ўзбошимчалик билан эгаллаб олган ер майдонини олдинги ҳолатга қайтармасдан қурилиш ишларини амалга оширганлиги сабабли 20.10.2022 йилда унга нисбатан МЖтКнинг 60-моддаси 3-қисми билан 45 млн. сўм жарима жазоси қўлланилган. Н.Қурбонов жарима жазосини давлат фойдасига тўламаганлиги сабабли 27.12.2022 йилда мажбурий ижро этиш учун Мажбурий ижро бюроси Денов туман бўлимига юборилган. Ижро ҳаракатлари давомида қарздорнинг номида бўлган мол-мулкларини қидириш ва тақиқ қўйиш бўйича қарорлар қабул қилиниб, 03.01.2024 йилда ундирув қарздорнинг пенсиясига қаратилган. Қарорларнинг қонунийлиги ўрганилганда бекор қилиш учун асос топилмади. Ҳозирда ер билан боғлиқ ушбу низоли масала фуқаролик ишлари бўйича Денов туманлараро судида кўрилмоқда. Шунингдек, Н.Қурбоновнинг жорий мурожаати юзасидан 16.05.2024 йилда Денов тумани прокуратураси, Кадастр агентлиги, “Ҳисор” ўрмон хўжалиги мутахассислари иштирокида жойига чиқиб ўрганилганда, мурожаатда қайд этилган бир неча ўн йиллар олдин қурилган уй-жой ҳақиқатда ҳозирда ҳам мавжудлиги ва ушбу уй-жойда Н.Қурбонов оила аъзолари билан бирга яшаб келаётганлиги аниқланган. Бундан ташқари, Н.Қурбонов Денов тумани “Пожур” маҳалласида жойлашган “Ҳисор” ўрмон хўжалигига қарашли 7-квартал “Арзонпая” массивидан 0.90 га ер майдонини эгаллаб олиб, ер майдонидан ўзбошимчалик билан фарзандлари учун уй-жойлар қуриб, ҳужжатсиз фойдаланиб келаётганлиги аниқланиб, мурожаат муаллифидан ушбу қурилишлар қачон амалга оширилганлиги сўралганда 2018-2019 йилларда қурилганлигини баён этди. Бироқ, мазкур ўзбошимчалик билан эгалланган ер участкасининг фото сурати “GOOGLE EARTH” дастури орқали текширилганда ушбу уй-жой 2022-2023 йиллар оралиғида қурилганлиги аниқланди. Н.Қурбоновга маъмурий жарима қароридан норози бўлган тақдирда Ўзбекистон Республикаси Маъмурий суд ишларини юритиш тўғрисидаги кодекснинг 179-моддасига асосан маъмурий судга мурожаат қилиши, шунингдек ФПКнинг 72-моддаси тартибида фуқаролик ишлари бўйича туман судида кўрилаётган иш юзасидан эътирозларини билдириш лозимлиги тушунтирилди.