Кардиология Маркази

​​Орол денгизи экологик фожиаси Орол бўйи аҳолиси саломатлигига таъсир кўрсатгани, ижтимоий-иқтисодий оқибатларга олиб келганлиги ҳаммамизга маълум. Қорақалпоқ ва ўзбек халқи тарихий, асрлар оша қадимдан бир-бирига жипс халқ, оға-ини, уларни айро тасаввур қилиш мумкин эмас, бошга тушган экологик фожиани халқимиз бир тан, бир жон бўлиб енгишга киришган. Мамлакатимиз ҳукумати томонидан бу фожияни енгишда Қорақалпоқ заминига ва ҳалқига кейинги йилларда кўрсатилган ёрдам кўламини ва бунинг натижасида Қорақалпоқ элидаги ижтимоий-иқтисодий ўзгаришларга гувоҳ бўлиб келаяпмиз. Қорақалпоқ халқининг Орол бўйи минтақасини боғу-бўстонга айлантириш каби юксак мақсад сари шижоат билан интилиши барча эътирофларга сазовордир. Бутун мамлакатимизда бўлгани каби, охирги 5 йил ичида Қорақалпоғистон тиббиётида ҳам, жумладан республиканинг кардиологик хизматида мисли кўрилмаган ўзгаришлар содир бўлди. Нафақат пойтахт, балки туманлар кесимида кардиологик хизматнинг сифати ва самараси ошди. Бунга мисол, Республика ихтисослаштирилган кардиология илмий-амалий тиббиёт марказининг Нукус филиалида кардиологик беморларни жаҳон стандартлари асосида юқоритехнологик диагностика ва даволаш, интервенцион кардиологик амалиёт ва муолажалар бажарилиши, яқин келажакда кардиожарроҳлик амалиётлар бажарилиши режалаштирилганлиги бўла олади. Мамлакатимиз тиббиёт ходимлари олдига инсон саломатлигини сақлаш, ҳаёт давомийлиги ва сифатини ошириш каби қўйилган улкан вазифаларни фақатгина тинч осойишда ватанда, қонун устуворлигида, ҳамжиҳатлик ва инсон қадриятини юқори баҳолайдиган жамиятда бажариш мумкин. Лекин мамлакатимиз равнақи ва юксалишини кўролмайдиган ёмон ниятли одамлар, ташқи тажоввуз кучлар - икки дўст, оға-ини халқни ишончини паймол қилиш ниятида бўлди. Бироқ асрлар давомида бир тан-бир жон бўлиб келган ўзбек ва қорақалпоқ халқи уларга алданиб қолмади. Қон-қардош халқларимизнинг мустаҳкам бирдамлиги, аҳиллиги, бизнинг барқарорлигимиз ва мустақиллигимизга путур етказишга қаратилган тажоввузкор ташқи кучларни енгишига, инсон манфаатлари ва қадрини юксалтириш йўлида қонун устуворлигини ҳимоялашда бир ёқадан бош чиқариб, ҳамжиҳатликда мантиқий хулоса қилишига аминман.

​​Ўзбекистон Республикаси Президенти Ш. М. Мирзиеевнинг 02.11.2022 йилдаги фармонида кўрсатилган "Соғлом турмуш тарзини кенг тарғиб этиш ва оммавий спортни янада ривожлантириш" мақсадида 2022 йил 14 май куни РИКИАТМда ходимлар ўртасида теннис буйича “Стол тенниси турнири - 2022” номли мусобақа ўтказилди. Мусобақада 30 дан ортиқ шифокорлар ва хамширалар иштирок этдилар. Мусобақа жуда қизғин ва ҳаяжонли бўлди. Мусобақа якунида РИКИАТМ маъмурияти томонидан ғолиб ва совриндорлар диплом, фахрий ёрлиқ хамда қимматбаҳо совғалар билан тақдирландилар. Мусобақа ташкилотчиси Соғлом турмуш тарзи ва спортни ривожлантириш бўйича масъул Ганиева Гулнора ташаккурнома билан тақдирланди. Қуйидаги ходимлар фахрий ўринларни эгаллашди: 1-чи ўрин Нажмитдинов Г.-рентгенолог 2-чи ўрин Латипов З. директор ёрдамчиси, иш юритувчи 3-чи ўрин Шокиров М. невропотолог Аёл иштирокчилар: 1-чи ўрин Хикматова М. маъмурият бўлим бекаси. 2-чи ўрин Ирматова М. 6-бўлим бекаси. 3-чи ўрин Абилова М. маъмурият котибаси.

​​Республика Ихтисослаштирилган Кардиология Илмий-Амалий Тиббиёт Марказида Марказ Касаба уюшмаси билан хамкорликда 12-май “ Халқаро хамширалар куни” га бағишланган катта байрам тадбири бўлиб ўтди. Тадбирда Марказнинг 3 нафар ҳамширалари: Рихситиллаева Мамлакат Сабитовна, Хайдарова Дилафруз Рустамовна, Рустамова Лобар Анваровналар Ўзбекистон Республикаси соғлиқни сақлаш вазирлигининг кўкрак нишони билан тақдирландилар. Шунингдек Марказнинг 46 нафар малакали хамшира ва ходимлари раҳбариятнинг эсдалик совғалари билан тақдирландилар. Тадбирда иштирок этган Ўзбекистон Республикасида хизмат кўрсатган артист Абдурашид Йўлдошев, эстрадамизнинг ёрқин юлдузлари, хушовоз хонанда Гуласал Абдуллаева ва Жасмина – “Эски шаҳар” гуруҳлари томонидан тақдим этилган концерт дастури тадбирга яна ҳам кўтаринки кайфият бағишлади.

Ҳурматли Ўзбекистонлик ёш кардиологлар! Европа кардиология жамияти шу йил 26-29 август кунлари Испаниянинг Барселона шаҳрида ўз конгрессини ўтказмоқда. Ҳар доимгидек бу йил ҳам Ўзбекистон кардиология ассоциациясига 40 ёшгача бўлган кардиологлар учун бепул 25 та регистрация ваучери тақдим этилди. Ушбу ваучерларни қўлга киритиш учун ассоциация ҳодими Мирмақсудов Мирахмаджонга @drmirakhmad мурожаат қилишингиз мумкин. Эслатма: ушбу ваучерлар фақатгина регистрация учун бўлиб, авиабилетлар, виза тўлови ҳамда яшаш ҳаражатларини иштирокчи ўз ёнидан сарфлайди.

​​Azizlar barchangizni Ramazon hayiti bilan tabriklaymiz!