G‘alati o‘ylar

келажакда қурмоқчи бўлган оиламизни орзу қилар эканмиз, аслида ўша оиладаги болакай бўлишни хоҳлаймиз бироз. болаликнинг софлиги, ҳимоя ва муҳаббатга тўлган онлари яна қайтиб келиши мумкиндай туюлади. ҳар бир режанг, ҳар бир орзуйинг болаликда ҳис этилган эркатойлик ва хавфсизликни қайта тиклашга бўлган интилишдир. бу орзуда сен фақатгина ота ёки она бўлишни эмас, балки ўша оиланинг қучоғидаги бола бўлиб, ҳеч қачон ташлаб қўйилмайдиган бир дунёда яшашни истайсан. шундай экан, келажакдаги оила ҳақидаги ҳар бир фикр ўтмишдаги орзуларни ёки йўқолган ҳисларни жонлантиришга уринишдир. орзу қилганинг фақат бир оила эмас, балки ўзинг учун тиклашни истаган бир турмуш тарзидир. @absurdologia

Avvallari filmlar ham, ularda kuylangan qo'shiqlar ham o'zgacha, ma'nili, dardli bo'lgan. Quyida kam eslaydiganlarimiz ikki tarona: 1. Nasiba Abdullayeva "Yulduzingni ber, osmon" filmidan "Majnuntol" qo‘shig‘i:

Shoxlarini egib majnuntol, Yoʻl boʻyida oʻsardi yolgʻiz. Menga tinchlik bermas bir xayol, Bu xayoldan bexabardirsiz. Majnuntolning shoxlari asli Mening qaro sochlarim edi. Siz boqmasdan oʻtib ketdingiz, Afsus qilib qolursiz endi. Bu dunyo keng, manzillar olis, Yoʻlingizni hech kim toʻsmaydi. Ammo boshqa daraxt hech joyda Shoxlarini egib oʻsmaydi.

Kozim Qayumov "Masxaraboz" filmiga saundtrek "Yig'lamayman"

Mayli taqdir yana neki azoblaring bor? G'anim bo'lsin mayli qancha kazzoblaring bor? Tanim nimta qilsin ne-ne qassoblaring bor, Yig'lamayman ne qilsang qil ey olchoq dunyo! Sevsam kimni oh-vohlarsiz suyib kuyaman, Xiyonatga ko'z yosh to'kmam kulib kuyaman. Armonlarning yuki ezsa kulib o'laman, Yig'lamayman ne qilsang qil ey olchoq dunyo! Sevsam kimni oh-vohlarsiz suyib kuyaman, Xiyonatga ko'z yosh to'kmam kulib kuyaman. Armonlarning yuki ezsa kulib o'laman, Yig'lamayman ne qilsang qil ey olchoq dunyo! Sen san meni devonaday suydirsang ham, Sevganimda alam bilan kuydirsang ham. Osmon ingrab ko'zidan yosh quydirsang ham, Yig'lamayman ne qilsang qil ey olchoq dunyo! Azoblaring jondan o'tsin, sevgimdan o'tsin, Hasratlaring bitta bo'lib ko'kka bo'y yetsin. Osmonlardan palaxmoning ko'ksimni ezsa, Yig'lamayman, yig'lamayman ne qilsang qil ey olchoq dunyo!

Ba'zida o'ylab qolaman, men o'tgan asrda tug'ilishim kerak edi. Shunda Malohat-u Nazira, jiguliyu, ladalar bilan sinalmasdimmi)). @qushch_a

Depressiya Men bilan boʻlayotgan voqealar huv anavi koʻchadagi odam chekayotgan sigaretning tutuni kabi nafasimni siqadi, achitadi boʻgʻzimni, koʻzimga keltiradi yosh. Bagʻriga kirish — xuddi uyga kirishni xohlamaganim kabi ogʻriqli, xuddiki yashayotganimdek sanoqli kunlar. Boshimning ogʻrigʻi karaxt qilar tanamni — xuddi undanda boshqa ogʻrigʻim yoʻq. Ruh ogʻrigʻi oldida bosh nima boʻlibdi?! Yashashga sababmi? Ha, u bor. Ogʻriqlarim, koʻzyoshlarim, sabrim, umrim evaziga bergan uni Xudoyim — ichimdagi Jon... 21.11.2024 @qushch_a

Қачондир сени кўрганимда, йиғласам, сен учун эмас, унутиб қўйганим - ўзим учун йиғласам керак…

Yoziqlar kanalidan

Unutganim yo'q. "Sahar" guruhi tomonidan ishlangan bu klip uch yildirki sevimli pleylistlardan o'rin egallagan. Klip ham yaxshi olingan.) @qushch_a https://www.youtube.com/watch?v=aLcrsWO1eRI&list=RDGMEMQ1dJ7wXfLlqCjwV0xfSNbAVMNvx2ZVHVQ8M&index=14

Бу совуқ ҳаводан асра кўнглингни...

@Oykumushingiz

Аёллар ҳақида ЭНГ самимий, чиройли шеърлар фақат Усмон Азимда бўлса керак. Ўқиганда, аёллигимдан хурсанд бўламан доим. Айниқса, мана бу шеър! Аёл ҳақиқатан ҳам, Бахт! Англадингизми, сиз ҳам бахтлисиз демак) БАХТ ҲАҚИДА БАЛЛАДА Мен бахтни кўрганман. Кўрганман. Аниқ. Ўрдада ногаҳон келган рўбарў. Қиш куни. Палтога олган ўраниб, Бесас бир ҳайратда қотганман:  – Вой-бў!.. Йўлкалар четида баланд чинорлар, Қатор тизилишган. Беҳаракат. Жим. Донг қотган бекатлар, қорлар, шиорлар... Аммо бахт эканин билмаган – ҳеч ким. Бахт жуда чиройли эди! Чиройли! Чиройли! – совуқда юзин яшнаши. Ҳатто қор пойида ғирчиллар эди, Танини эзса ҳам ўткир пошнаси. Юзи теграсида рўмоли – туман. Бир учи кифтига ташланган эди. Лолликдан бошқа ҳол бўлган эди манъ – Уни кўриб бу иш бошланган эди. Мен бахтни кўрганман. Кўрганман. Аниқ. Ҳатто кўзларимиз учрашган бир зум. Ўртада бўлмаган салому алик, Фақат лабларига қўнган табассум. Шу тарз ўтиб кетган ёнимдан. Ташхис: Жоним чиқмасликка у дам яраган. Ўгрилиб қарасам, ортимга илкис, Ишонинг-ишонманг, бахт ҳам қараган! Шундан буён менга бу дунё бир пул!  Номард ғалвалари беролмас озор. Юрагим эрта-кеч шеър билан машғул – Бахтни учратганман! Нима ғамим бор! Ёниб кириб келсам (юришим – сарбаст!) – Фасод давраларга – ғийбат тинади, Ахир, менга ҳеч ким келолмайди бас –    Бахтга дуч келганим барча билади. Мардлигим билишар (дўсту ёв огоҳ!): Нечун “юр” деб бахтни қистамаганман, Бахтни этмаганман не учун ҳамроҳ?.. Бебахт бўлишини истамаганман. Усмон Азим @qushch_a

Bugun shifoxonadagi yettinchi kunim ham oʻtyapti. Yigʻlagan kunlarim kulgu kunlarimga oʻz oʻrnini boʻshatib beryapti, shukur. Lekin post men haqimda emas). Shifoxonada koʻp davolaman, meni yaqindan bilganlar biladi buni. Salomatlik tarafdan biroz "nozik"ligim uchun ham tez-tez shifoxona eshigini taqillatib turaman. Bilasizmi, oʻz ishidan xursand, bemorlar bilan kulib, xushmuomala boʻlib gaplashadigan hamshiralarni kam koʻraman. Ishidan, taqdiridan noroziga oʻxshaydi xuddi. Ukollarni olishga besh daqiqa kechikkanim uchun bekorchi vaqti yoʻqligini roʻkach qilib, rosa toʻkilib olgan opa hali ham koʻnglimni ogʻritadi. Shifokorlarning bemorlarni koʻraverib, diydasi qotib ketgan, deyishlari rost. Xonamizdagi opa  besh kundirki, nafas olishga qiynaladi. Vrach bunaqa paytda kislorod ulashlarini aytgan. Ammo hamshira opalarning bekorchi vaqti yoʻq). Yotsa, oʻtib ketarkan. Oʻylayman, oʻzining qizi boʻlganidachi shu bemor? Shunday yoʻl tutgan boʻlarmidi? Yoki oʻzi shunday ahvolda boʻlganidachi? His qilarmidi nafas yetmaslik qanday ogʻriqli ekanini? Yana xomilador holatda boʻlsa? Ammo gapirolmayman, gapirolmayapman. Andishaning otini qoʻrqoq qoʻyaman... Ketishga kun sanayman.. Sizga aytsam, shifoxona paradokslarga toʻla. Har kuni bir bemorning oila aʼzolari kelib, vrachlar bilan yoqavayron qilib janjal qilishadi. Yoʻq oʻringa oʻrin topib, olib qolasan, analiz topshirtirasan, deb doʻq poʻpisa qilishadi. Bularni koʻrib, shifokorlarga ham oson emasligini tushunaman... Ha, aytgancha, qaynonasidan, uy ishlaridan charchagan ayollar ham talaygina. Vrachlarga yalinib ularni olib qolishni soʻrashadi. Sababi oddiy, qaynonasi kun bermaydi. Farzandini dunyoga keltirishi uchun uyida yetarli sharoit yoʻq... Shifoxona esa tinch. Ammo shifokorning 40 ta joni yoʻq, sogʻlom ayolni ushlab tura olmaydi. Ming uzr bilan kasalxonadan chiqishga ruhsat beradi. Rosti, shu kelinlarni koʻrib achindim. 16 yillik turmushi, uchta boʻyi tengi bolasi bor ayollarning qaynonasi shifoxonada ham tinch qoʻygani yoʻq. Xizmatkor kabi koʻradigan, aytgan ishini qildiradigan, qul oʻrnida muomala qiladigan odamlar hali koʻp ekan... Qaynonamning har kuni xabar olishi, ovqatlar olib kelishi, menga qilgan hurmatini koʻrib, 16 yillik turmushidan norozi kelin menga yigʻlab berdi. Nima deb ovutishni ham bilmadim. Eng afsuslanarlisi, men bunday kelinlarni har kuni koʻrdim... Shunday qilib, ertaga menga ruhsat berishadi. Bir haftada ikki yilga ulgʻaydim shekilli. Oʻzingizni asrang! 10.11.2024. @qushch_a

Биз бутун умр айблаб яшашга ўрганганмиз.

Бир яқиним шунақа деган эди. Ва у ҳақ эди. Ҳақ бўлганида ҳам инсониятнинг энг заиф, энг кулгули тарафини айтган эди. "ИТ"га анча бўлди борганимга. Шамс и Қамардан (Менинг ярмим бўлган мўжаз театр) кейинги шедевр. Йўқ, мен йиғламадим, шунчаки инсониятга, ўзимга ачиндим. Бошқаларни айблаганимдан аламим келди (ўзимнинг айбдорлигимдан, аслида). Спектакл ҳақида ёзаётгандима?! Ҳа, мана, бошладим.. Асарни томоша қилар экансиз, ижодкорларнинг топилмаларига қойил қолаверасиз. Итни ўйнатаётганингизни, қаҳрамонлар билан билан ҳуу ўша замонларга бориб келганингизни, дардларни, оғриқларни яшаётганингизни билмай қоласиз... Саҳнада, спектаклда сиз ҳам борсиз. Сиз ҳам актёрсиз, тамом.. Аслида, Шамс и Қамарнинг мақсади ҳам шу. Сизга тирик оғриқларни кўрсатиш, яшатиш... @qushch_a

Биз доим ўтмишда бахтли бўлганмиз деб ўйлаймиз. Лекин ўтмиш қурғурдан бир дарс бор-ки, биз доим ёддан чиқарадиган: Биз доим суйганларимиз учун эски азоблардан янгисига кўчиб юрамиз.

@qushch_a

ЙЎЛДАДИРМАН Ўн йил ўтиб кетди интизорликда...                       А.А.Вознесенский Сиз кутасиз. Менам бораман. Учиб бородурман худди ўқ. Фақат олдин хат юбораман Ўша хатни ёзганимча йўқ. Кўнгил ичра тўкиб борини, Бир йил,  ўн йил ўтди,  бу кўпми? Айрилиқнинг алафзорини Биргалашиб ўрамиз, хўпми? Йигирма йил, ўттиз йил  ўтди, Кўзингизга малол инмасми? Ўттиз йиллаб  ғовлаган ўтни, Ўрар чоғи чалғи синмасми?! Қирқ йил ўтди, мен тез бораман, Ранжимангиз, гувоҳ еру кўк! Фақат...олдин хат юбораман, Хатни...ҳали ёзолганим йўқ. Учиб бородурман худди ўқ, Бу ҳолатни қандай шарҳлайман. Борган сари ўрмонзор қуюқ- Мен куйиниб чалғи чархлайман. Сиз кутасиз. Менам бораман. ©️ Ҳалима ХУДОЙБЕРДИЕВА Фото таҳрирчи: Муслимбек @qushch_a

Ko'p nimarsalar yozgim keladi — avvalgidek erkin, kechinmalar og'riqlar haqida. Lekin endi avvalgi qalamim yo'q. Avvalgi jur'atli Rushana ham yo'q. Hozirgi Rushana ulg'aygan. Qo'rqadi yozganlari haqida eshitishdan. @qushch_a

Hamma TEDxni ko'rsatish bilan, men o'zimni)) @qushch_a

Hamma mazza havo deb yozyapti yomg'irli havoni. Men ham yaxshi ko'raman. Lekin shalabbo bo'lish, loyga botish, sovqotish yoqmaydi((

Сени учратган ўша куз, Сендан ажратган ўша куз. Сен кетган ўша кундан, Кузга айланди ҳаётим...

Сетора гуруҳига мурожаат қиламиз. Болаликка қайтамиз)) 🎼 @rushana_musiqalari https://www.youtube.com/watch?v=Nvx2ZVHVQ8M&list=RDGMEMQ1dJ7wXfLlqCjwV0xfSNbAVMNvx2ZVHVQ8M&start_radio=1

Kuz kayfiyatiga xos film — "Uchrashuv". Istagramda videolarini ko'rgan bo'lsangiz kerak. O'shani topvoldim. Albatta, ko'ringlar.. https://www.youtube.com/watch?v=-MsgNpVSOSQ @qushch_a

Kuz. Pleylist o'zgaradigan fasl. Endi sho'x qo'shiqlar o'rniga, xazonlarni bosib, Sting, Basta, Nilufar, Sezen Aksu, Sevara Nazarxon qo'shiqlarini eshitib yuradigan, yomg'ir isi keladigan bog'larda sayr qiladigan fasl.. Kuz. Xotiralaringni, bolaligingni qaytara olmasligingni anglaydigan, xazonlarga qarab, bir kun sen ham tuproq bilan qorishishingni anglaydigan fasl... Hech kimga aytolmaydigan, ichingga yutadigan xavotirlaring, sog'inchlaring fasli kuz... @qushch_a

Men bilan jimgina kulib vidolash... Aaanchadan beri endi sheʼr oʻqidim) @qushch_a

*** Мен билан жимгина кулиб видолаш, Кўзингда ғам кўрай, бахтга аралаш. Шивирла, нечундир уфқ қонталаш- Сен мангуга кетаётган кун. Юпатма, юпанчлар – нураган қоя, Умр муҳаббатга эмас ниҳоя. Рост экан, ишқ билан ўлим ҳамсоя, Мен мангуга кетаётган кун. Сендан ўзим билмас нени кутаман, Оғриқли нафассан, секин ютаман. Кел, яхшиси сени жим унутаман, Сен мангуга кетаётган кун. Гўзал эртакларни мен алдамадим, Сирли мактубимсан, ўқий билмадим. Ишон, чин дунёга ҳали келмадим, Мен мангуга кетаётган кун. Дилимга босилар хазонлар лаби, Дунё – қай ошиқнинг йиртилган қалби. Сўзсиз кетаяпман кенгликлар каби, Сен мангуга кетаётган кун. Ҳалима Аҳмад таваллуд топган кун бугун. @qushch_a