Sabitov ©️
Open in Telegram
2 024
Subscribers
+224 hours
-107 days
-5630 days
Posts Archive
2 024
Repost from Qobiljonov
Davlat tashkilotlari oldidan panjaralarni olib tashlashdi, stadion oldida nima keragi bor – Azizbek Yusufov.
To’liq podcastni QobiljonovUz Youtube kanalida tomosha qilishingiz mumkin.
👉🏻 https://youtu.be/XRq640L6-5c?si=SsVHuo4eFIdx3B9m
2 024
Hech bo'lmaganda hayriya qilganlarga hayriya summasiga mos ravishda qandaydir promokodlar berilsa va kelajakda shu stadionda bo'ladigan o'yinlarga (balki, konsertlarga ham) chipta xarid qilayotganda shu promokodni ishlata olishsa, barcha uchun win-win bo'lardi. Futbolga shunchaki pul berish oson emas, ayniqsa, strategiyasi (maqsadlari) va soliq to'lovchilardan olayotgan pullarining sarf-xarajati mavhum bo'lib turgan klub va stadion uchun.
@sabitov_co
2 024
Bunyodkor o'shanda oson va ommaning katta qismiga yoqmaydigan yo'lni tanladi: muxlislarning, futbolsevarlarning stadionga kelishidan ko'ra, soliq to'lovchilardan yig'ilgan tayyor 5 mlrd so'mni oldi. Fleshmob deb aytilgan narsa boshlanmay tugashiga klubning "hukumatimizga rahmat, pulimizni tez orada olar ekanmiz" qabilidagi ikki qator gapi kifoya bo'ldi. Ko'pchilikda va shaxsan o'zimda ham "bu vahimaning maqsadi shu pulni olish bo'lgan ekan-da" degan tasavvur paydo bo'ldi va klub uchun qayg'u hissi kamaydi (sababi klubda hech qanday strategiya yo'q, bugun ham, ertaga ham byudjet pullariga qaram bo'lib o'tirishini ochiqcha ko'rsatdi).
Klub va stadionning muammosini fleshmob yoki hayriyalar yechmaydi, agar uning tepasidagi odamlar hali ham umidini (ko'zini) hukumat pullariga tikib turgan bo'lsa. Klub aksiyalari sotuvga chiqishi, stadion xususiylashishi (akademiya va stadionni buzmaslik va 3-tomonga sotmaslik sharti bilan), panjaralardan holi, xalq uchun ochiq bo'lishi kerak. Hozircha hech bo'lmaganda shunday maqsadda harakatlarni boshlash mumkin, "milliard so'mlarni klub hisob raqamiga yo‘naltirishni tezlashtirish, qolaversa, klubga homiy biriktirish masalalari bo‘yicha ishlar jadallashgan", degan xabarni yozguncha.
Ma'lumot uchun, hayriya orqali 2 soat ichida 2 million so'm atrofida pul yig'ilibdi, yana 1 725 768 000 so'm qoldi. Shu tempda davom etsak, 1 725 soatda yoki 72 kunda — 20-noyabr kuni stadionga "svet"ni qaytara olarkanmiz. Yashil chim va futbolni bu yil kutmasak ham bo'lar...
@sabitov_co
2 024
+1
51 ming kishiga mo'ljallangan Bishkek arena qirg'izlar uchun 386 million AQSh dollariga tushibdi. Bu o'rtacha har bir o'rindiq uchun $7568 sarflandi degani.
55 ming kishilik Yangi Toshkent arenasining qiymati 100 million AQSh dollari deb aytilgan. Agar rostan shuncha mablag' sarflaydigan bo'lsak, har bir o'rindiq uchun $1818 to'lagan bo'lamiz. Qo'shnilarimizdan 4 baravar arzonroq.
Ammo, 15 yil oldin Bunyodkor stadioni qurilishi uchun $270 million dollar sarflaganmiz va har bir o'rindiq uchun qirg'izlardan biroz ko'proq — $7941 to'laganmiz.
Hududimiz va mavjud tajribalarimizga ishonib, har bir o'rindiq uchun $7500 ni realistik raqam deb oladigan bo'lsak, Yangi Toshkentdagi stadion bizga oxir-oqibat 412 million AQSh dollariga aylanishi mumkin (albatta, bu shunchaki birlamchi hisob-kitob).
P/S: Faqat bitta narsani so'rash yoki tilash mumkin: Bishkek va Yangi Toshkentdagi arenalarga Bunyodkor'ning kuni tushmasin. "Sveti" o'chmasin, maydoni doim yashil, tribunalari to'la bo'lsin.
@sabitov_co
2 024
Paxtakor futbol klubi 2024-yilni favqulodda (futbolimiz uchun sensatsion) foyda bilan yakunladi. Natija ham favqulodda yomon — 6-o'rin!
Oxirgi chempionlik 2023-yilda bo'ldi, jamoaning so'nggi yillardagi eng katta moliyavi minusi ham o'sha yilga to'g'ri kelyapti. Garchi o'sha mavsum poytaxt klubi Abbosbek Fayzullayevni SSKA'ga yaxshigina summaga sotgan bo'lsa ham, foyda-zarar balansi shakllanmagan.
Futbol qanchalik qimmatbaho ko'ngilochar soha ekanligini tushunish uchun klubga pul tikayotgan rahbar chempionlikdan quvonib, xarajatlar chekiga qaraganda chuqur qayg'u va o'yga botishini shu keysdan osongina anglash mumkin.
Mavsum boshida o'z oldiga chempionlik yoki sovrinli o'rinlarni maqsad qilgan jamoalarni ko'rganda futbol ichidagi odam sifatida quvonib, soliq to'lovchi sifatida afsuslanaman...
@sabitov_co
2 024
Xuddiki 2015-2020 yillardagi Nasaf aynan o'sha yillardagi Neftchi'ga qarshi o'ynagandek bo'ldi. Qarshiliklarning asosiy jamoadagi yoshlari ham, yoshlar jamoasidagi bolalari ham bu turda "shovqin ko'tarishdi")
@sabitov_co
2 024
O'zbekiston kubogi chorak finaliga "eltuvchi liftda" to'rtta o'rin to'ldi. Qolgan to'rt kishilik joyning egalarini sentyabr o'rtasida aniqlaymiz:
15-sentyabr
Bunyodkor — Lokomotiv
15-sentyabr
Andijon - Olimpik Mobiuz
16-sentyabr
OKMK - Xorazm
16-sentyabr
G'azalkent — Qo'qon-1912
@sabitov_co
2 024
Ayman Husayn Paxtakor safida allaqachon 5 ta o'yin o'tkazib ulgurdi. Ammo hali gollar hisobini ochganicha yo'q. Paxtakor — iroqlik hujumchi faoliyati davomida gol ura olmagan 4-klubi (hozircha):
🇹🇳 Sfaksien — 11 o'yinda 0 gol
🇲🇦 Raja — 5 o'yinda 0 gol
🇶🇦 Al Hor — 11 o'yinda 0 gol
🇺🇿 Paxtakor — 5 o'yinda 0 gol
Bu ham chempionatimiz darajasi Marokash va Tunisnikidan qolishmasligiga kichik dalil bo'la olsa kerak
@sabitov_co
2 024
2 024
Buaddi haqida JCh boshlangan vaqti yozgandim. Shu tempda davom etsa, Rodri va Busketsdan ham kattaroq futbolchiga aylana oladi.
@sabitov_co
2 024
2017-yilda tashkil etilgan Sabah va hamyurtimiz Umarali Rahmonaliyevni Chempionlar Ligasi final bosqichi va 24,4 million AQSh dollari bilan tabriklasak bo'ladi. Ozarbayjon klubi bu orqali O'zbekiston hukumati Superligadagi (!) 8 ta jamoaga berayotgan pulni ishlab topdi (35 mlrd so'm x 8 jamoa)
Solishtirish uchun ushbu turnirning Osiyodagi analogida Liga bosqichiga chiqqan Paxtakor 800 ming dollar ishlab oldi, bu klubga davlat berayotgan pulning uchdan biri ham emas...
O'tgan yili Qorabog' Liga bosqichida 3 g'alaba, 1 durang va pley-off yo'llanmasiga ega chiqish orqali 32 mln dollardan ko'proq pul topgandi. Ozarlarning Yevropa va Konferensiyalar Ligasida o'ynaydigan jamoalari ham bor. Xullas topilayotgan pulni Ozarbayjon Premyer ligasida 12 jamoaga bo'lib yuborsak, musbat raqamlarni ko'rishimiz ham mumkindir balki... Albatta, mustaqil UEFA ning tarafkash OFK dan eng katta farqi ham, yutug'i ham shunda. Havasdamiz!
@sabitov_co
2 024
Mavsumdagi o'yinlarning 60 foiz qismi ortda qolgan bir paytda 5 karra O'zbekiston chempioni Bunyodkor jadvalda 15-o'ringa tushib ketdi. Undan ortda faqat Mash'al bor. Bu jamoalar o'zbek futboliga iste'dodlarni yetkazib berishda doim yetakchilardan bo'lib kelgan: Chilonzordagi akademiya Husanovni 5 yil, Muborakdagisi Shomurodovni 6 yil tarbiyaladi (boshqa ta'rif shart emas)
Bunyodkor tarixidagi eng yomon natija 2024-yil 10-o'rin bo'lgan. Mash'al esa bugunga qadar 6 marta quyi divizionga tushib chiqqan.
@sabitov_co
2 024
+1
Jahon chempionatida futbolchilarimizning ko'rsatgan natijalari ko'p tomondan ularning mundialga bo'lgan munosabatiga yarasha bo'ldi, deb yozgandim.
Bugungi Neftchi - So'g'diyona o'yini o'tadigan Istiqlol stadionidagi maysani ko'rib, yana shu gapni takrorlash va qo'shimcha qilish mumkin: Neftchi'ning jadvaldagi o'rni u futbolga ko'rsatayotgan munosabat va hurmat bilan hamohang.
@sabitov_co
2 024
Paxtakor matbuot xizmati avjiga chiqayotgan vaqtda kechagina olgan shu xabarim esga tushib qoldi.
O'rinli savol va shaxsan mani e'tirozim ham shu. 'Pakhtakor' desa butun Osiyo taniydi, lekin klub o'zini krillchada tanitishni xohlaydi. Inglizcha bilmasang, lotincha-o'zbekchada yoz, X'dagi grok ham kerakli odamlarga qiynalmay tarjima qilardi, deydigan odam yo'q.
@sabitov_co
