Sof.uz | Соф хабарлар

Tesla акциядорлари Илон Маскни судга беришди Tesla акциядорлари гуруҳи Илон Маск ва компания раҳбариятини судга берди. Жамоавий даъво аризасида улар автопилотнинг самарадорлиги ва электромобилни бошқариш қанчалик хавфсиз эканлиги ҳақида алданганликларини айтишди. Бу ҳақда The Guardian хабар бермоқда. Акциядорлар 2019 йил февралидан 2023 йил февралигача Tesla қимматли қоғозларини сотиб олганликларини ва электромобиллар билан боғлиқ бахтсиз ҳодисалар ҳақидаги хабарлар ва қайтариб олиш кампанияси фонида пул йўқотганликларини таъкидладилар. Батафсил: https://sof.uz/959z Энг сўнгги хабарларга обуна бўлинг: 👉 @sofuzb

Хитой ҳукумати Илон Маскнинг Starlink’ини ортда қолдиришни режалаштирмоқда Хитой расмийлари Ер орбитасида бўладиган йирик сунъий йўлдошлар тармоғини яратишни режалаштирган. Тахминларга кўра, улар бутун дунёни Интернет билан таъминлаш ва мавжуд Starlink тизимини ортда қолдириш имкониятига эга бўлади, деб хабар беради Public News Service. GW туркуми янги ташкил этилган China Satellite Network Group компаниясига тегишли 12 992 сунъий йўлдошни ўз ичига олади. Сунъий йўлдошни учириш жадвали ҳали эълон қилинмаган, бироқ уларнинг сони Илон Маскнинг SpaceX компанияси 2027 йилгача яратишни режалаштирган тармоққа тўғри келади. Хитой компанияси тизимни имкон қадар тезроқ ўрнатишни ва Starlink лойиҳаси якунлангунга қадар уни ишга туширишни режалаштирган. Энг сўнгги хабарларга обуна бўлинг: 👉 @sofuzb

Доллар, евро ва рублнинг расмий курси кўтарилди Марказий банк хорижий валюталарнинг ўзбек сўмига нисбатан 1 мартда амалда бўладиган қийматини эълон қилди доллар 11 336,06 сўм (+16,03) евро 12 023,00 сўм (+79,26) рубль 151,52 сўм (+1,22) Энг сўнгги хабарларга обуна бўлинг: 👉 @sofuzb

Ўзбекистон банкларида муаммоли кредитлар кескин кўпайди Марказий банк 2023 йил 1 феврал ҳолатига кўра банкларнинг муаммоли кредитлари тўғрисида маълумот берди. Унга кўра, муаммо кредитлар январ ойида аввалги ойга қараганда 920 млрд сўмга кўпайиб, 14,9 трлн сўмга етган. Муаммоли кредитларнинг энг юқори улуши Ўзагроэкспортбанкда бўлиб турибди — 96,8 фоиз. Миқдор бўйича эса 2,6 трлн сўм билан Миллий банк етакчи. Ўзбекистондаги банкларда муаммоли кредитларнинг умумий қиймати тўрт ойдан бери биринчи марта кўпайди. Шунингдек, январда банкларнинг жами кредит портфели 2022 йилнинг декабрига нисбатан кўпайган бўлишига қарамасдан, давлат банкларининг улуши камайган. Бу давлат банкларига нисбатан хусусий банклар кўпроқ кредит ажратганини билан изоҳланади. Энг сўнгги хабарларга обуна бўлинг: 👉 @sofuzb

Ўзбекистон Қозоғистонга қурилиш материаллари етказиб бериш бўйича кучли учликка кирди Ўзбекистон Республикаси 2022 йилнинг 11 ойи якунлари бўйича Қозоғистонга қурилиш материаллари етказиб бериш бўйича учинчи ўринни эгаллади. Ўзбекистон улуши 8 фоизни ташкил этди. Бу даврдаги етакчи Россия – 57 фоиз, иккинчи ўринни Хитой эгаллади – 11 фоиз. Хитойдан (46,1 фоизга) ва Ўзбекистондан (38,6 фоизга) етказиб беришнинг қиймат кўринишида ўсиши кузатилди. Умуман олганда, ўтган йилнинг январь-ноябрь ойларида Қозоғистонга 1,1 миллиард долларлик қурилиш материаллари импорт қилинган, бу 2021 йилга нисбатан 3,6 фоизга кўпдир. Ўзбекистон Статистика агентлиги маълумотларига кўра, 2022 йилда Ўзбекистон 606,3 миллион долларлик қурилиш материаллари экспорт қилган, бу 2021 йилга нисбатан 38,3 фоизга (+168 миллион доллар) кўпдир. Қозоғистонга 177 миллион, Қирғизистонга 89 миллион, Тожикистонга 65 миллион, Туркманистонга 21 миллион долларлик маҳсулот етказиб берилди. Энг сўнгги хабарларга обуна бўлинг: 👉 @sofuzb

24-25 май кунлари Сочида Евроосиё Иқтисодий Иттифоқига аъзо давлатлар раҳбарларининг учрашуви бўлиб ўтади Евроосиё иқтисодий иттифоқи (ЕОИ) давлатлари раҳбарлари Евроосиё иқтисодий форумидаги иштироки доирасида Сочида 24-25 май кунлари учрашади. Бу ҳақда Россия ташқи ишлар вазири ўринбосари Александр Панкин маълум қилди, дея хабар беради "ТАСС". Унинг сўзларига кўра, Россия Федерацияси вазирликлари ва идораларининг таклифларини инобатга олган ҳолда Россиянинг ЕОИИга раислиги тадбирлари дастури шакллантирилди. Ушбу дастур ЕОИИ доирасидаги ўзаро ҳамкорликни ривожлантиришнинг турли жиҳатларига бағишланган 70 га яқин учрашувлар, конференциялар, давра суҳбатларини ўз ичига олган. Энг сўнгги хабарларга обуна бўлинг: 👉 @sofuzb

Илон Маск дунёнинг энг бой одами унвонини қайтариб олди Америкалик бизнесмен Илон Маск дунё етакчилигини қисқа муддатга француз тадбиркори Бернард Арнога бой бериб, айни пайтда дунёнинг энг бой одами унвонини қайтариб олди. Агентлик маълумотларига кўра, бунга Tesla акциялари нархининг қарийб 70 фоизга ўсиши ёрдам берган. 2023 йилда Иқтисодий ўсиш белгилари ва Федерал захира томонидан фоиз ставкаларини оширишнинг секин суръати фонида инвесторлар хавфлироқ қимматли қоғозларга пул тикишга қайтишмоқда, деб ёзади Bloomberg. Агентлик маълумотларига кўра, компания бир нечта моделлар нархини пасайтиргандан сўнг ўзининг электромобилларига бўлган талабнинг ортишидан ҳам фойда кўрди. Bloomberg Billionaires Index маълумотларига кўра, Маскнинг бойлиги 187,1 миллиард долларга ошган, Арнонинг шахсий бойлиги 185,3 миллиард доллардан кўпроққа баҳоланмоқда. Батафсил: https://sof.uz/k8ae Энг сўнгги хабарларга обуна бўлинг: 👉 @sofuzb

АИ-80 русумли автобензин нархи ошмайди Президент қарори билан жорий этилган ва 2022 йил 10 декабрдан бошлаб амал қилаётган АИ-80 русумли автобензин учун акциз солиғини “ноль” ставкада қўллашнинг амал қилиш муддати эртага, 2023 йил 1 март куни якунига етиши керак эди. Президент томонидан бугун имзоланган қарорга мувофиқ, истеъмолчиларнинг нефть маҳсулотларига бўлган талабини қондириш ҳамда нархлар барқарорлигини таъминлаш мақсадида импорт қилинадиган, маҳаллий корхоналар томонидан ишлаб чиқариладиган ва тадбиркорлик субъектлари томонидан якуний истеъмолчиларга сотиладиган АИ-80 русумли автобензин маҳсулоти учун акциз солиғини “ноль” ставкада қўллаш муддати 2023 йил 31 декабрга қадар узайтирилди. Энг сўнгги хабарларга обуна бўлинг: 👉 @sofuzb

Ногиронлиги бўлган шахслар давлат хизматларидан навбатсиз фойдаланади Қарорга мувофиқ, 2023 йилда: муҳтож шахслар замонавий оёқ протез-ортопедия буюмлари билан; “Ижтимоий ҳимоя ягона реестри”га киритилган ва I гуруҳ ногиронлиги бўлган шахслар сон протези, болдир протези ва оёқ камари ортопед аппаратлари билан бепул таъминланади. 2023 йил 1 сентябрдан ногиронлиги бўлган шахсларни протез-ортопедия мосламалари ва реабилитация воситалари билан таъминлашда тиббий хулоса талаб қилинмайди. I ва II гуруҳ ногиронлиги бўлган шахслар ва уларга ғамхўрлик қилувчилар давлат хизматларидан навбатсиз фойдаланади, мансабдор шахслар қабулига навбатсиз киради. 2023 йил 1 майдан шифохоналарда даволанаётган ногиронлиги бўлган болага ғамхўрлик қилаётган шахсларга: боланинг ёнида бўлиш учун шароит яратилади; мазкур давр учун меҳнатга лаёқатсизлик варақаси ва бепул овқат берилади. Батафсил: https://sof.uz/jwv5 Энг сўнгги хабарларга обуна бўлинг: 👉 @sofuzb

Coca-Cola AI'ни маркетингга олиб киришни кўриб чиқмоқда Американинг Cоcа-Cола корпорацияси маркетинг ва коммуникация муаммоларини ҳал қилиш учун сунъий интеллект (AI) воситалари билан тажриба ўтказишни бошлади, деб ёзади iXBT.com. Компания Bain&Co консалтинг компанияси билан шартнома тузди. Гап ChatGPT чатботи, DALL-E нейрон тармоғи ва Codex AI модели каби воситалар ҳақида бормоқда. Coca-Colа сунъий интеллектга қандай вазифаларни топширишни режалаштираётгани ҳақида аниқ маълумот бермади, бироқ гап маркетинг ва бизнес операцияларини яхшилаш ҳақида кетаётгани маълум. Фойдаланувчи сўровлари асосида шиорлар яратиш, маълумотларни таҳлил қилиш, дастур коди ва графикасини яратиш мумкин. Батафсил: https://sof.uz/2wc Энг сўнгги хабарларга обуна бўлинг: 👉 @sofuzb

The Wall Street Journal: Pfizer биотехнологик компанияси Seagen'ни 30 миллиард долларга сотиб олиши мумкин Pfizer фармацевтика корпорацияси Seagen биотехнология компаниясини сотиб олиш бўйича музокараларни бошлади. Битим камида 30 миллиард долларга баҳоланган, деб ёзади The Wall Street Journal манбаларга таяниб. Нашрнинг қайд этишича, Pfizer биотехнологик компанияси Сеагенни сотиб олиш бўйича музокаралар олиб бормоқда, бироқ музокаралар дастлабки босқичда. Нашрнинг ёзишича, агар келишув амалга ошса, у ҳолда унинг миқдори камида 30 миллиард долларни ташкил этади. Батафсил: https://sof.uz/8lv2 Энг сўнгги хабарларга обуна бўлинг: 👉 @sofuzb

Нодавлат таълим ташкилотларида ахборот технологиялари соҳасида ўқиётган ёшларга таълим кредитлари ажратилади Низомга кўра, таълим кредитлари БҲМнинг 65 бараваригача бўлган миқдорда 1 йиллик имтиёзли давр билан 4 йил муддатгача 14 ёшга тўлган ва 30 ёшдан ошмаган шахсларга ажратилади.  Кредит олувчи таълим кредитини олиш учун Иқтисодиёт ва молия вазирлигининг расмий веб-сайтида эълон қилинган тижорат банкларига қуйидаги ҳужжатларни тақдим этади: ариза; кредит олувчи ва IT-парк резиденти бўлган нодавлат таълим ташкилотлари ўртасида ахборот технологиялари соҳасидаги ўқув курсларида таҳсил олиш ҳақида расмийлаштирилган шартнома (контракт, оммавий оферта); таълим кредити қайтарилишининг таъминоти бўйича ҳужжат.  Бунда “Ижтимоий ҳимоя ягона реестри”га кирган оилалар фарзандлари бўлган ёшларга ажратиладиган таълим кредити бўйича гаров ва кафиллик талаб этилмайди. Батафсил: https://sof.uz/ns9q Энг сўнгги хабарларга обуна бўлинг: 👉 @sofuzb

2022 йил бошидан буён Ўзбекистон ва Европа ўртасидаги авиақатновлар сони қарийб 40 фоизга ошди Россиянинг Украинага бостириб кириши бошланган бир йил ичида Марказий Осиё авиакомпаниялари йўловчи ташиш ҳажмини оширди, дея хабар беради Reuters. Eurocontrol (аэронавигация хавфсизлиги ташкилоти) маълумотларига кўра, 2022 йил январидан буён Европа ва Ўзбекистон ўртасидаги рейслар сони 36 фоизга ошган. COVID-19 пандемиясидан олдинги давр – 2019 йилга нисбатан бу кўрсаткич деярли 6 фоизга ошган. Нашрнинг қайд этишича, сайёҳлар оқимининг ўсиши фонида мамлакатимизда бир қанча янги авиакомпаниялар, жумладан "Silk Avia" ва "Air Samarkand" ҳам пайдо бўлган. "Булар бошланғич корхоналар бўлиб, уларнинг баъзилари маҳаллий ҳукуматлар ёки ишбилармонлар томонидан қўллаб-қувватланади, улар тобора динамик бўлиб бораётган бозорга кириш имкониятини кўрмоқдалар", - дейилади Jetcraft самолётларини сотиш фирмаси раҳбари Рафаэл Хаддад. Батафсил: https://sof.uz/cfxc Энг сўнгги хабарларга обуна бўлинг: 👉 @sofuzb

UzAutoMotors янгиланган Malibu XL автомобилларининг нархларини эълон қилди: Malibu XL 1LT – 334 822 000 сўм Malibu XL 2LT – 348 215 000 сўм Malibu XL LTZ –  374 108 000 сўм Нархлар ҚҚСсиз кўрсатилган. Энг сўнгги хабарларга обуна бўлинг: 👉 @sofuzb

Бельгияда Россиянинг музлатилган активлари миқдори аниқланди Бельгия Россиянинг 58 миллиард евролик активларини музлатиб қўйди. Бу ҳақда мамлакат молия вазирлиги баёнотига таяниб, "ТАСС" хабар бермоқда. Вазирлик Россиянинг 58 миллиард евролик активларини музлатиб қўйди. Шунингдек, Россия билан боғлиқ 191 миллиард евролик транзакциялар ҳам блокланган. Қайд этилишича, бу миқдор Европа Иттифоқига (ЕИ) аъзо давлатлар орасида рекорд кўрсаткичга айланган. Ўтган ҳафта Европа Иттифоқи Россияга қарши санкцияларнинг ўнинчи босқичини жорий қилди. Унинг доирасида Брюссел Европа банкларини Еврокомиссия ва миллий тартибга солувчиларга уларнинг балансида блокланган Россия активлари миқдорини ошкор этиш мажбуриятини юклади. Энг сўнгги хабарларга обуна бўлинг: 👉 @sofuzb

Яшаш харажатлари инқирози — Европада сўнгги 33 йилдаги энг узоқ давом этган инфляция даври Февраль ойида Европа биржаларида газ нархи сўнгги бир ярим йил ичида энг паст кўрсаткичга эга бўлди. Бунга қиш кутилгандек совуқ ўтмагани сабаб бўлди. Бироқ, бу таъсир яқинда якуний истеъмолчиларга етиб бормаслиги мумкин. Бу, айниқса, озиқ-овқат маҳсулотларига кучли таъсир кўрсатмоқда: Европа дўконларида нархлар ҳамон ошиб бормоқда. Венгрияда озиқ-овқат нархи деярли 50 фоизга, Литва ва Словакияда - деярли учдан бирига кўтарилди. Харид қилиш қобилиятидаги катта йўқотиш, бу йил нархларнинг ўсиши тўхтаса ҳам, узоқ муддатли оқибатларга олиб келади. Сиёсатчилар яшаш харажатлари инқирози инқирози ҳақида гапиришади. Озиқ-овқат нархларининг ошиши кетма-кет 10 ойдан ортиқ вақт давомида тўхтамаяпти. Жаҳон Иқтисодий Форуми маълумотларига кўра, бу охирги 33 йилдаги энг узоқ давом этган инфляция давридир. Батафсил: https://sof.uz/4j7w Энг сўнгги хабарларга обуна бўлинг: 👉 @sofuzb

Жаҳон банки Туркиядаги зилзила зарарини ҳисоблаб чиқди Жаҳон банки таҳлилчиларига кўра, февраль ойи бошида Туркияда содир бўлган зилзилалар мамлакатга 34,2 миллиард доллар миқдорида зарар етказган, деб ёзади Reuters. Инфратузилмани тиклаш ва фуқароларни уй-жой билан таъминлаш учун икки баробар кўп маблағ керак бўлади, дея таъкидлайди агентлик. Жаҳон банкининг Туркиядаги доимий вакили Умберто Лопес, бу ҳодисалар туфайли Туркиянинг 2023 йилда ялпи ички маҳсулоти ўсиши 4 фоиздан 3,5 фоизга секинлашишини айтди. Зилзилалардан жабр кўрган Сурияга етказилган зарарнинг аниқ рақамлари ҳозирча маълум эмас. Жаҳон банкининг Европа ва Марказий Осиё бўйича вице-президенти Анна Бьерденинг сўзларида кўра, экспертлар Туркиянинг қўшни давлатига молиявий таъсирини баҳолаш устида ишламоқда. Зилзилалардан сўнг Туркия президенти Ражаб Тоййиб Эрдўғон сейсмик фаол зоналарда кўп қаватли уйлар энди қурилмаслигига ваъда берди. Батафсил: https://sof.uz/fxe Энг сўнгги хабарларга обуна бўлинг: 👉 @sofuzb

Сўнгги йилларда барча тармоқлардаги дастурларга 31 миллиард долларлик тўғридан-тўғри хорижий инвестициялар жалб қилинган Сўнгги йилларда барча тармоқлардаги дастурларга 31 миллиард долларлик тўғридан-тўғри хорижий инвестициялар жалб қилинди. Натижада ўтган 5 йилда саноат 1,4 баробар, экспорт 1,5 баробарга ошди. Келгуси 5 йилда иқтисодиёт барқарор ўсиши учун саноатни яна 1,5 баробарга ошириш, экспортни 30 миллиард долларга етказиш мақсад қилиб қўйилган. Бунинг учун 120 миллиард доллар сармоя, жумладан, 70 миллиард доллар хорижий инвестиция зарур. Бунга инвестиция, саноат ва экспорт бўйича яхлит сиёсат юритиш орқали эришиш мумкин. Шу боис “Янги Ўзбекистон маъмурий ислоҳотларини амалга ошириш чора-тадбирлари тўғрисида”ги Президент фармонига мувофиқ, Инвестициялар, саноат ва савдо вазирлиги ташкил қилинди. Батафсил: https://sof.uz/ejpe Энг сўнгги хабарларга обуна бўлинг: 👉 @sofuzb

Бельгия молия вазири Петегем Россиянинг 58 миллиард евро миқдоридаги активлари музлатилишини эълон қилди "Вазирлик Россиянинг 58 миллиард евролик активларини музлатиб қўйди. Шунингдек, Россия билан боғлиқ 191 миллиард евролик транзакциялар ҳам блокланди", — дейилади баёнотда. Аввалроқ АҚШ молия вазирлиги раҳбари Россиянинг музлатилган йирик активларини мусодара қилиш масаласида «жиддий ҳуқуқий тўсиқлар» борлигини тан олган эди. Бунгача Европа Иттифоқи Кенгаши Россияга қарши санкцияларнинг 10-пакети доирасида жисмоний шахслар ва Россия Марказий банкининг музлатилган активлари тўғрисида маълумот бериш бўйича қўшимча мажбуриятларни киритган эди. Энг сўнгги хабарларга обуна бўлинг: 👉 @sofuzb

Германия молия вазири Линднер 2021 йилдан буён мамлакатнинг давлат қарзи ўн бараварга ошганини маълум қилди Германия молия вазири Кристиан Линднер мамлакатнинг давлат қарзи 2021 йилдан буён 10 бараварга ошганини маълум қилди. Бу 4 миллиард евродан 40 миллиард еврогача ошгани маълум бўлмоқда. Унинг таъкидлашича, бу маблағлар келажакда мамлакат учун, масалан, таълим, рақамлаштириш ва иқлимни муҳофаза қилишга сармоя киритиш учун етарли эмас. Вазир эътиборни қарзлар ўсишини чеклашнинг иқтисодий мақсадга мувофиқлигига қаратди. Ўтган ҳафта Линднер давлат қарзининг ошишига COVID-19 пандемияси ва энергия инқирози давридаги фавқулодда чоралар сабаб бўлганини айтди. У ҳукуматга харажатларни чеклашни таклиф қилди. Энг сўнгги хабарларга обуна бўлинг: 👉 @sofuzb