Мен севган шеърият

Муҳаммад ЮСУФ БОР БИСОТИМ ОЛДИ ЁШЛИГИМ Бор бисотим олди ёшлигим, Юрак шунга кўндию кетди, Ёдда шундай қолди ёшлигим, Қуш дарахтга қўндию кетди. Дунёда энг катта бой эдим, Гижинглаган якка той эдим, Шарқираган тошқин сой эдим, Сувим қуриб тиндию кетди. Етишмайди менга не жиҳат, Аллақаеримдир диққат, Ўша қомат, ўша бўй фақат, Юрак чил-чил синдию кетди. Дўстларим кўп эди, дўстларим, Кескир-кескир эди сўзларим, Хира тортиб қолди кўзларим, Сочга қиров индию кетди, Дарахтга қуш қўндию кетди. t.me/mensevgansheriyat

Кулган бошқалардир, йиғлаган менман, Ўйнаган бошқалар, инграган менман, Эрк эртакларини эшитган бошқа, Қуллик қўшиғини тинглаган менман. Бошқада қанот бор, кўкка учадир, Шохларга қўнадир, боғда яйрайдир- Сўзлари садафдек, товуши найдек- Куйини ҳар ерда элга сайрайдир. Менда-да, қанот бор, лекин боғланган... Боғ йўқдир, шох йўқдир, қалин девор бор: Сўзлари садафдек, товуши найдек Куйим бор... уни-да деворлар тинглар... Эркин бошқалардир, қамалган менман, Ҳайвон қаторида саналган менман.. 1921 🖊ЧЎЛПОН 🎤Комилжон ШАМСИДДИНОВ @mensevgansheriyat

Кипригим қайирар кўклам еллари, Кўнглимда уйғонган бир ҳисни туйдим. Кўнглим гўзалликни топган кунлари, Баҳор қучоғида Наврўзни кўрдим. Узоқ юрдим бугун бир лаҳза ғамдан, Бахтнинг этагидан ушлаб югурдим. Туйғуларим сизга етолган кунда, Баҳор қучоғида Наврўзни кўрдим. Эркалади булбул гулни осуда, Мен ҳам миттигина юракни тилдим. Хамалнинг илк тонги қадамжосида, Баҳор қучоғида Наврўзни кўрдим. Бугун тилагимга олам етмади, Қолганин дилимга яшириб қўйдим. Фасллар – эркаси, йил – маликаси, Баҳор қучоғида Наврўзни кўрдим. @Komil_Majid_Turon

Рауф ПАРФИ Кўрдим созинггизни чайнади алам, Бузғунзор қўйнида унган соф гулим. Мажруҳлар юртида хўрланган онам, Зўрланган қонсинглим, мангу севгилим. Тупроққа йиқилдим, кўкка осилдим, Минг йил изладимми? Топдимми? Қачон? Сўриб тўйдиларми сизни қонсинглим? Эзиб бездиларми сиздан, онажон? Ерга чўккан осмонларни кузатдим, Чопилган оёғим билан чопдим мен, Кесилган қўлимни сизга узатдим. Бу дунё гулларга тўлди. Қотдим мен, Сўқир кўзларимни нур-ла безатдим. Меҳрибоним, қоним, Сизни топдим мен. Меҳрибоним, изинггиздан борамен, Шивирлайдир шеърим. Бу қайси оят? Бу дунёда қирқ Мажнуннинг бири мен, Ўлимга чап бериб келдим ниҳоят. Юрагим зиндони. Бир яланғоч дор, Солланиб турадир фақат мен учун. Бунда бир муҳаббат заҳри қотил бор, Бу зиндонда бир Лайло бор, бир Мажнун. Меҳрибоним, хуним, мен Сизни топдим, Қоним бердим бу сирли хаёлларга. Сўйдим юрагимни, кўксимни чопдим, Ай, совурдим ул совуқ шамолларга, Ҳукм қилдим ўзимни. Тонг чоғи отдим. Нуқта қўйдим жавобсиз саволларга. @mensevgansheriyat

Шуҳрат ОРИФ МЕН Мен – сулувни кўрмаган ошиқ ва кўрмасдан кетиши аён. Ортингиздан етолмаяпман – Сиз ҳаллослаб борурсиз қаён? Мен – сўзини йўқотган шоир, Қайғуларни севувчи далли. Пичирласам устимдан кулманг, Бераяпман ўзга тасалли… Сиз топинган сағир дунёни Асраб қолиш билан машғулман. Мавлононинг чориғиман мен, Машраб ташлаб кетган кашкулман… Мен – Мансурнинг кўзидаги мунг, Мен – Исога аталган хочман. Наҳот мени танимаяпсиз, Мен ўшаман, ўшаман… қочманг. Сизни излаб келганман ахир, Нега жимсиз йўқлаганимда. Доимгидек хуррам, бефарқсиз, Қарсак чалманг йиғлаганимда… Ёнингиздан бесас ўтяпман, Товонимдан қон сизар – чак, чак… Минг йил мени билмади дунё, Яна минг йил сезмаса керак… @mensevgansheriyat

🖊🖊Омон МАТЖОН 🎤🎤Омон МАТЖОН @mensevgansheriyat

Хўжаназар ҲУВАЙДО Арзимни айдим боди сабоға, Еткурса ҳолим ул дилрабоға. Қилса худойим кўнглин мулойим, Раҳм айлағайму ман мубталоғае! Қилғайму хайрин ўз қўли бирла, Борсам кўйига мискин гадоғае Деди рақиблар ёрға ёмонлаб, Солди жудолиқ найлай ароға, Кўнглумда йўқтур зарра гумоним, Кимки ёмондур солдим худоға. Ҳолимни айтсам ёрим инонмас, Эмди қўюбман явмулжазоға. Ёрсиз кишини фирдавси йўқтур, Суйдим санамни қолдим балоға. Душманларининг нозу, ниамда Парвариш айлаб солди ғиноға. Дўстини ёрим ранжу аламда Қўйди эл ичра жавру жафоға. Мискин Ҳувайдо сабру таҳаммул Айлаб,ҳамиша йиғлар худоға. @Komil_Majid_Turon

*** Дўстим кел, борлиққа солайлик разм, Ризқ излаб толдингми яқин-йироқдан. Қушлар ҳам ортиғин этолмас ҳазм Яратган ризқ қилиб берган ушоқдан. Ҳою ҳаваслардан, нафсидан халос Қара дўст, қушларнинг бу аъмолига. Заминдан баландда айлайди парвоз, Шукрона қилгани учун борига. Эркин Бозоров ———————— П/с: Ўтган куни @feedupuz да чой ичиб ўтирганимда учиб келиб, насиба, ушоқларини териб еган бу икки қуш мана шу шеърни ёзишга ундади. Зеро имтиҳон ойи бўсағасида қушлардан бир сабоқ эди бу. Рамазон муборак!

САДРИДДИН САЛИМ БУХОРИЙ (1946 – 2010) Эй вужуд, тупроқсану тупроқдан ибрат олмадинг, Эй умр, япроқсану япроқдан ибрат олмадинг. Эй кўнгил, Аллоҳ назаргоҳи эрурсан, не сабаб, Мен тиниқ ирмоқ дединг, ирмоқдан ибрат олмадинг. Неча ранжу ҳар бало тўлқини келса басма-бас Ўзни қирғоқ деб атаб, қирғоқдан ибрат олмадинг. Кўзини тикди алар байроғимиз сенсан дебон, Мен туғу бойроқ дединг, байроқдан ибрат олмадинг. Эй вужуд, тупроқсану тупроқдан ибрат олмадинг, Эй умр, япроқсану япроқдан ибрат олмадинг. 1993 йил @mensevgansheriyat