السيرة النبوية للكبار والصغار بالعامية

⭐المصادر ⭐ https://binbaz.org.sa/fatwas/12434/تفسير-قوله-تعالى-وما-ارسلناك-الا-رحمة-للعالمين https://youtu.be/hNPART4tq1I https://www.islamweb.net/ar/fatwa/264772/بيان-درجة-حديث-تكليم-الغزالة-النبي-صلى-الله-عليه-وسلم https://khaledalsabt.com/explanations/1335/حديث-بينما-رجل-يمشي-بطريق-اشتد-عليه-العطش https://dorar.net/hadith/sharh/87039 https://www.alukah.net/sharia/0/96029/#_ftn1 https://hadeethenc.com/ar/browse/hadith/5935 https://dorar.net/hadith/sharh/72990 https://www.dorar.net/hadith/sharh/72906 https://www.islamweb.net/ar/fatwa/123391/ https://www.dorar.net/hadith/sharh/122447 https://www.islamweb.net/ar/article/64670/حديث-فإذا-قتلتم-فأحسنوا-القتلة https://www.ahlalhdeeth.com/vb/archive/index.php/t-348142.html https://www.google.com/amp/s/islamqa.info/amp/ar/answers/151353 https://www.google.com/amp/s/islamqa.info/amp/ar/answers/245408

حصل يعني وبقى جائز إن بشر يسجد لبشر، لكنت أمرت المرأة ان تسجد لزوجها، بسبب عظم حقه عليها. ☆خدوا بالكم الكلام هنا كناية عن عظم حق الزوج على زوجته، مش عايزة حد يقولي ما هو في رجالة ظالمين ومش بينفقوا على زوجاتهم و....و...إلخ فإزاي يعني بعد كل ده يبقى حق الزوج يبقى عظيم والكلام ده😑 لأن في قاعدة عامة رسول الله ﷺ وضعها وهي عظم حق الزوج على زوجته، كون بقى إن في أزواج مقصرين في النفقة على الزوجة، والرجل بيؤذي زوجته و....و.... ساعتها بقى لها نشوف حل لكل مشكلة، ونبدأ نصلح، والمرأة لها الحق إنها تفارق الزوج إذا كان واقع عليها ضرر شديد والزوج مستمر ومُصِر على خطأه، فأنا بتكلم عن أحكام الإسلام والحقوق إللي أعطاها للمرأة😅 مليش دعوة بالواقع وإزاي نطبق والمصالح والمفاسد، الحاجات دي عايزة لها ناس متخصصة وتفصيل وده مش مجالنا هنا خالص🤷‍♂️ أنا بس بوضح النقطة إللي جاءت في الحديث، عشان محدش يفكر إن الإسلام ظلم المرأة ومخلي الرجل متسلط عليها بالظلم والعدوان بدون أي مراعاة لحقها، زي ما ناس كتير فاهمة للأسف وعاملين على الموضوع شغلانة وهم إللي مش فاهمين حاجة أصلا🙄 آخر حاجة معانا النهاردة هو تنبيه على قصة بينقلها بعض الدعاة ولكنها لا تصح عن رسول الله ﷺ❌🙅‍♂️ وهي قصة الغزالة: 《القصة بتقول إن رسول الله ﷺ كان مرة في صحراء فسمع صوت بينادي عليه، فالتفت يشوف مين بينادي ملقاش حد، فقعد يدور على مصدر الصوت فلقى غزالة مُقيدة، فالغزالة قالت له قرّب مني يا رسول الله، فلما قرب منها سألها هي عايزة إيه، فقالت له إن عندها طفلين صغيرين في الجبل، وطلبت منه إنه يفك قيودها عشان تروح ترضعهم وترجع للقيد مرة تانية، فقال لها: هتعملي كده فعلا؟ فقالت أيوة هرجع، فرسول الله ﷺ فك قيودها وراحت رضعت أبناءها ورجعت، فقيدها رسول الله ﷺ، فكان في أعرابي هو إللي مقيدها، فانتبه لوجود رسول الله ﷺ، فسأله إذا كان عايز حاجة، فطلب منه رسول الله ﷺ إنه يُطلق سراح الغزالة، فأطلق الأعرابي سراح الغزالة، فانطلقت وهي تقول: أَشْهَدُ أَنْ لا إِلَهَ إِلا اللَّهُ وَأَنَّكَ رَسُولُ اللَّهِ》 القصة مؤثرة بس للأسف لا تصح عن رسول الله ﷺ😅 فكان لازم أنبه عليها عشان لو سمعتوها أو لقيتوا حد ناشرها تبقوا عارفين إنها غير صحيحة👌 رزقنا الله وإياكم العلم النافع والعمل به 🤲 وبكده يبقى احنا انتهينا من أهم الأحداث في السنة التاسعة من الهجرة، وإن شاء الله من المرة الجاية هنتكلم عن أحداث السنة العاشرة من الهجرة😊 مصادر جزء النهاردة في التعليقات👇 ☆ملحوظة: أي حد عايز يأخذ القصص وينشرها يتفضل أنا معنديش مانع نهائي😊 #Eman_Shalapy

ا لنا👌 ♡موقف ثالث لرسول الله ﷺ بيحكيه عبد الله بن مسعود بيقول إنهم كانوا مرة في سفر مع رسول الله ﷺ، فتركهم رسول الله ﷺ وراح لمكان بعيد عشان يقضي حاجته، في الوقت ده الصحابة شافوا 《حُمَّرةً معها فَرخَان》 يعني شافوا طائر شبه العصفورة معاها أولادها الاتنين، فالصحابة أخذوا الفَرخِين الصغيرين، فأمهم جاءت وقعدت تطير وتُرفْرِفُ فزعًا، فجاء رسول الله ﷺ وهم على الحالة دي، فقال: من فجَع هذه بولدِها ؟ رُدُّوا ولدَها إليها. يعني مين إللي أحزن وخوّف الطائر ده بأخذ صغارها، وأمرهم إنهم يرجعوا لها صغارها، وكان الصحابة برده حرقوا قرية للنمل، فشاف رسول الله ﷺ قرية النمل محروقة، فسأل مين إللي حرق قرية النمل دي، فالصحابة قالوا له إنهم هم إللي حرقوها، فقال لهم: "إنه لا ينبغي أن يعذِّبَ بالنارِ إلا ربُّ النارِ" يعني مينفعش أي إنسان إنه يعذب بالنار أي روح سواء كانت روح إنسان أو روح حيوان؛ لأن إللي بيعذب بالنار هو خالقها فقط وهو الله عز وجل، وده نهْي صريح عن إن حد يحرق أي روح بالنار أو يعذبها بها👌 طبعا يا جماعة الصحابة مكنوش يعرفوا إن إللي عملوه ده كان غلط لحد ما رسول الله ﷺ أخبرهم بده وإلا مكنش حد فيهم عمل كده😅 ☆ملحوظة مهمة بقى: في ناس عشان تقتل حشرات زي النمل مثلا أو غيرها من الحشرات المؤذية تقوم تكب عليهم مية سخنة😬 ده لا يجوز يا جماعة❌🙅‍♂️ لأن ده كده يدخل في القتل بالنار وكمان تعذيب يتنافى مع حُسْن القِتلة إللي رسول الله ﷺ أمر به في الحديث: "إن الله كتب الإحسان على كل شيء، فإذا قتلتم فأحسنوا القتلة، وإذا ذبحتم فأحسنوا الذبح" فإذا كنّا عايزين نقتل شيء فيجب علينا اختيار أسرع وسيلة لإزهاق الروح دي بدون تعذيب جسدي أو حتى تعذيب نفسي👌 وبمناسبة التعذيب النفسي، رسول الله ﷺ عدّى على رجل واضع رجله على رقبة شاة مثبتها في الأرض عشان عايز يذبحها، وهوَ يُحدُّ شفرتَه وهيَ تلحَظُ إليه ببصَرِها، يعني الرجل واقف يسِن السكينة إللي هيذبحها بها والشاة شايفة الموقف كله، فقال له رسول الله ﷺ: أفلا قَبلَ هذا ؟ أو تريدُ أن تُمِيتَها مَوتاتٍ؟ يعني مش كنت تسِن السكينة دي قبل ما تيجي تذبحها، ولّا انت عايز تموتها أكتر من مرة؛ مرة تموّتها بالخوف ومرة تموتها بالذبح نفسه، فهنا رسول الله ﷺ بيعلمنا الرفق بالحيوان وعدم تعذيبه أو إخافته حتى عند موته👌 ومش بس كده، ده رسول الله ﷺ نَهى عن التحريش بين الحيوانات يعني تهييج بعضها على بعض، زي مصارعة الديُوك والجمال وغيرها، وسبب النهي إن ده في إيلام للحيوانات وإتعابٌ لها بدون فائدة، والموضوع كله عَبَث وبدون أي جدوى😑 ♡موقف رابع بيحكيه أنس بن مالك رضي الله عنه وبيقول: كان في أهل بيت من الأنصار عندهم جمل بيحملوا عليه المية عشان يسقوا الزرع، فجأة كده الجمل استصعب عليهم ومنعهم إنهم يحملوا على ظهره حاجة، والجمل بصفة عامة إذا هاج محدش بيقدر يعمله حاجة وبيبقى مؤذي فعلا😅 فجاءوا لرسول الله ﷺ وهو قاعد مع الصحابة وحكوا له عن الجمل إللي رافض إنهم يحملوا عليه الماء وإن الزرع والنخل عطشوا بسبب قلة الماء، فقال رسول الله ﷺ لأصحابه: قُومُوا. يعني تعالوا بينا نشوف إيه حكاية الجمل ده، فقاموا وراحوا البستان إللي كان فيه الجمل، وكان الجمل واقف في ناحية كده لوحده، فَمَشَى رسول الله ﷺ ناحية الجمل، فقال أصحاب الجمل لرسول الله ﷺ: يَا نَبِيَّ اللَّهِ إِنَّهُ قَدْ صَارَ مِثْلَ الْكَلْبِ الْكَلِبِ، وَإِنَّا نَخَافُ عَلَيْكَ صَوْلَتَهُ. يعني بيقولوا له إن الجمل بقى عامل زي الكلب المسعور إللي بيهجم على أي حد ويؤذيه، وهم خايفين على رسول الله ﷺ منه، فقال لهم رسول الله ﷺ: لَيْسَ عَلَيَّ مِنْهُ بَأْسٌ. يعني متخافوش عليّ منه مش هيقدر يعمل لي حاجة، "فَلَمَّا نَظَرَ الْجَمَلُ إِلَى رَسُولِ اللَّهِ ﷺ أَقْبَلَ نَحْوَهُ حَتَّى خَرَّ سَاجِدًا بَيْنَ يَدَيْهِ" يعني الجمل أول ما شاف رسول الله ﷺ جاء ناحيته وراح نازل بَارِك على الأرض ووضع شفته على الأرص بين يدي رسول الله ﷺ كأنه بيسجد؛ لأن السجود الحقيقي إللي احنا عارفينه الجمل ميقدرش يسجده😅 "فَأَخَذَ رَسُولُ اللَّهِ ﷺ بِنَاصِيَتِهِ أَذَلَّ مَا كَانَتْ قَطُّ، حَتَّى أَدْخَلَهُ فِي الْعَمَلِ" يعني بقى مُذلل ومطيع جدا حتى أكثر الأول، فأخذه رسول الله ﷺ وأدخله في العمل وخلاه يشتغل الشغل بتاعه المعتاد، فهنا قال الصحابة إللي شافوا الموقف: يَا رَسُولَ اللَّهِ ! هَذِهِ بَهِيمَةٌ لَا تَعْقِلُ تَسْجُدُ لَك😳 وَنَحْنُ نَعْقِلُ، فَنَحْنُ أَحَقُّ أَنْ نَسْجُدَ لَكَ😤 يعني بيقولوا لرسول الله ﷺ إن البهيمة إللي متعرفش حاجة خالص ولا تعرف قيمتك بتسجد لك، فاحنا أحق منها بالسجود لك، فقال لهم رسول الله ﷺ: "لَا يَصْلُحُ لِبَشَرٍ أَنْ يَسْجُدَ لِبَشَرٍ، وَلَوْ صَلَحَ لِبَشَرٍ أَنْ يَسْجُدَ لِبَشَرٍ لَأَمَرْتُ الْمَرْأَةَ أَنْ تَسْجُدَ لِزَوْجِهَا مِنْ عِظَمِ حَقِّهِ عَلَيْهَا" يعني لا يجوز لبشر أن يسجد لبشر مهما كان، ولو حتى سجود تحية، ولو

قصص_الأنبياء(٢) #السيرة_النبوية #الحلقة_مائتين_وستة_عشر #أحداث_السنة_التاسعة_من_الهجرة #بعض_المواقف_لرسول_الله_مع_الحيوانات اتكلمنا قبل كده عن مواقف لرسول الله ﷺ مع الصحابة بصفة عامة وتعامله معاهم، واتكلمنا عن تعامل رسول الله ﷺ مع زوجاته وشوفنا إزاي كان بيعالج أخطاءهم، واتكلمنا عن تعامله مع الأطفال ومع الشباب، النهاردة الموضوع مختلف😅 لأن المواقف المرة دي مش مع البشر، المواقف المرة دي مع الحيوانات👌 ربنا بيقول عن رسول الله ﷺ: "وَمَا أَرْسَلْنَاكَ إِلَّا رَحْمَةً لِلْعَالَمِينَ" وكلمة العالَمِين دي يدخل فيها الحيوانات كمان مش بس الإنس والجن💁‍♂️ واحنا عارفين إن الناس في الجاهلية كانوا بياعملوا العبيد معاملة سيئة، فما بالكم بالحيوانات😬 فجاء الإسلام بأحكامٍ توضح وتبيّن حدود التعامل مع الحيوان، وتحذر من الاعتداء عليه بغير حق👌 زي المرأة إللي حبست قطة فلا هي أطعمتها ولا هي تركتها تأكل من رزق الله، لحد ما ماتت من الجوع فكان عقابها إن ربنا أدخلها النار😑 في حين إن رجل شاف كلب بياكل التراب إللي فيه رطوبة من شدة العطش فنزل للبئر وأخرج منه الماء وسقى الكلب فكان جزاؤه الجنة، ورسول الله ﷺ لما حكى للصحابة قصة الرجل ده سألوه: وإنَّ لنا في البهائم أجر؟! يعني احنا هناخد أجر لو سقينا الحيوانات، فقال لهم رسول الله ﷺ: "في كلِّ كَبِدٍ رَطْبةٍ أجرٌ" يعني كل كائن حي إذا أطعمته وسقيته هتاخد عليه أجر👌 ♡من المواقف إللي حصلت مع رسول الله ﷺ وأمر فيها بالرفق بالحيوان إنه مرة كان ماشي في المدينة فعدّى على بعير...جمل... قد لحِقَ ظَهْرُهُ ببطنِهِ، يعني من شدة الجوع والتعب الجمل بقى بطنه داخلة لجوة كده لحد ما بقى هزيل وضعيف، فرسول الله ﷺ قال: "اتَّقوا اللَّهَ في هذهِ البَهائمِ المعجَمةِ فاركَبوها صالِحةً وَكُلوها صالحةً" يعني خافوا ربنا في البهائم إللي مبتقدرش تشتكي من ألمها وتتكلم دي، وربنا هيسألكم عن جوعها وعطشها وأتعبتوها في إيه، فالبهائم القوية إللي تستحمل الشغل والمشقة استعملوها واركبوها، مش تستعملوا الضعيفة الهزيلة، وكلوها لما تكون سليمة معافاة تَتشبَّعُ باللَّحمِ والسِّمَنِ، مش تسيبوها لحد ما يُهْلِكها الضعف من الجوع أو المرض👌 فالإسلام يأمر بعدم إجهاد البهائم فوق طاقتها ومراعتها في المأكل والمشرب. ♡موقف تاني بيحكيه عبد الله بن جعفر بن أبي طالب، وعبد الله بن جعفر أمه أسماء بنت عُميس الحبشية البحرية زي ما سماها عمر بن الخطاب رضي الله عنه واتكلمنا عنها في الجزء المائة وتسعة وثلاثون😅 فأسماء بنت عميس ولدت ابنها عبد الله بن جعفر في الحبشة في السنة الأولى من هجرة رسول الله ﷺ للمدينة، فكده أبوه مات وهو عنده حوالي سبع أو ثماني سنوات، لأن جعفر رضي الله عنه قُتل شهيدا في معكرة مؤتة في السنة الثامنة من الهجرة، المهم بقى عبد الله بن جعفر رضي الله عنه بيحكي وبيقول إن رسول الله ﷺ ركّبه وراه وهو صغير كده على دابة ومشيوا مع بعض يتكلموا، فأخبره رسول الله ﷺ بسر، وعبد الله بن جعفر مقلش لحد على السر ده. ☆وهنا رسول الله ﷺ بيعلم عبد الله بن جعفر الطفل الصغير وبيربيه على الأمانة وتحمّل مسؤولية حفظ السر 👌 وهم ماشيين رسول الله ﷺ نزل عشان يقضي حاجته، وكان رسول الله ﷺ بيحب يستتر وراء مكان مرتفع لقضاء الحاجة زي البناء أو غيره، أو يستتر خلف حائِشَ نَخْلٍ، وهو النَّخْلُ المُلْتَفُّ المُجْتَمِع بعضُه على بعضٍ، يعني بيبقى عاملة زي غابة كده مليانة شجر😅 فدخل رسول الله ﷺ بستان لواحد من الأنصار، فلقى جمل في البستان، أول ما الجمل شاف رسول الله ﷺ حنَّ وذرِفَت عيناهُ😢 يعني عمل صوت ونزلت الدموع من عين الجمل، فرسول الله ﷺ راح ناحيته ومسح ذِفراهُ، يعني مسح المكان إللي البعير بيَعْرَق منه عند أُذُنِه، فسكت الجمل ومبقاش يعمل صوت ولا بقت دموعه تنزل، فقال رسول الله ﷺ: مَن ربُّ هذا الجَمَلِ، لمن هذا الجمَلُ؟ يعني مين صاحب الجمل ده والمسؤول عنه؟! فَجاءَ فتًى منَ الأنصارِ فَقالَ: لي يا رسولَ اللَّهِ🙋‍♂️ فَقالَ له رسول الله ﷺ: أفلا تتَّقي اللَّهَ في هذِهِ البَهيمةِ الَّتي ملَّكَكَ اللَّهُ إيَّاها؟ فإنَّهُ شَكا إليَّ أنَّكَ تُجيعُهُ وتُدئبُهُ. يعني مش تتقي ربنا في البهيمة إللي خلاك تملكها دي؟! وهو هنا بينبهه إن ربنا هو إللي ذلل له الجمل عشان يساعده، يعني دي نعمة من ربنا، فإزاي بقى ميراعيش النعمة دي، ورسول الله ﷺ وضّح له المشكلة في إيه وقال له إن الجمل اشتكى له إنه بيجوّعه ومش بيأكّله لحد ما الجوع بيؤذيه، وكمان بيتعبه ويجهده بالأعمال الكثيرة، وطبعا دي معجزة واضحة لرسول الله ﷺ إنه عرف إللي بيشتكي منه الحيوان👌 ☆طيب رسول الله ﷺ إزاي فهم الجمل🤔 حاجة من اتنين: إما إن ربنا جعل رسول الله ﷺ يفهم شِكاية الجمل، زي ما ربنا علّم سليمان عليه السلام لغة الطير وباقي الحيوانات، أو إن رسول الله ﷺ عرف مشكلة الجمل عن طريق الوحي، وأيًّا كان يعني فدي آية ومعجزة لرسول الله ﷺ شافها الصحابة ونقلوه

رسولَ اللَّهِ جَعلَني اللَّهُ فداءَكَ 😳 فقال له رسول الله ﷺ: 《ولا النَّاسُ يحبُّونَهُ لبَناتِهِم》 وبدأ رسول الله ﷺ يتدرج معاه، أتحبه لأختك...أتحبه لعمتك...أتحبه لخالتك...والشاب كل مرة يقول: "لا واللَّهِ يا رسولَ اللَّهِ جَعلَني اللَّهُ فداءَكَ" ورسول الله ﷺ يقول له في كل مرة: "ولا النَّاسُ يحبُّونَهُ لأخواتِهِم...ولا لعمَّاتِهِم....ولا لخالاتِهِم" فالشاهد من حوار رسول الله ﷺ مع الشاب إنه كان عايز يوصل له معنى معين وهو إن الإنسان إذا كان لا يرضى إن حد يعمل الفاحشة مع أهله فطبيعي إنه لا يطلب هو فعل الفاحشة مع أحد؛ لأن زي مانت خايف على عرضك فالناس كمان خايفين على أعراضهم، ولا يؤمن أحدكم حتى يحب لأخيه ما يخب لنفسه، وكمان تخاف إن حد يفعل الفاحشة في أهلك زي مانت تجاوزت حدود الله وفعلت الفاحشة مع بنات الناس👌 بعد ما رسول الله ﷺ أنهى حواره مع الشاب وضع رسولُ اللهِ ﷺ على صدرِ الشاب وقال : 《اللهمَّ طهِّرْ قلبَه واغفر ذنبَه وحصِّنْ فَرْجَه》 يعني رسول الله ﷺ دعا له إن ربنا يمحو ذنوبه، ويطهر قلبه من حب الفواحش والمعاصي ويحوله لحب الطاعات والعبادات، ويحفظه من الوقوع في الحرام، فلم يكن شيءٌ أبغضَ إليه منه👌 يعني الشاب بقى أكتر حاجة بيكرهها هي الزنا ببركة دعاء رسول الله ﷺ له. ☆من خلال موقف رسول الله ﷺ ده نتعلم نقطتين مهمين جدا: ♡أول حاجة: إننا يبقى عندنا سعة صدر لما حد يحكي لنا على خطأ وقع فيه، أو شيء خطأ عايز يعمله من غير ما نزعق ولا نتخانق، زي ما رسول الله ﷺ عمل كده، وخصوصا الآباء والأمهات، نسأل نفسنا كده ليه لما حد من عيالنا يقع في الخطأ أو نفسه تحدثه بفعل الخطأ مش بيلجأ لأمه وأبوه ويقولهم؟ لأن الأبناء عارفين رد الفعل من خناق وزعيق وعقاب بدون حل صحيح لأصل المشكلة وكأن الأبناء دول المفروض يكونوا ملايكة مش بيغلطوا😬 ♡تاني حاجة: هي الرفق واللين في التعامل مع الشخص إللي عايز يعمل معصية واختيار الأسلوب الأمثل في الإقناع، وإننا نتفهم موقفه ومشاعره، فرسول الله ﷺ بيرشدنا للطلف بالجاهل قبل ما نعلمه، وده أنفع له من التعنيف، وخصوصا وهو عارف إن إللي هيعمله او عمله ده حرام أو خطأ، يعني رسول الله ﷺ مكلمش الشاب في حلال وحرام، لكنه خاطب عنده العقل والعاطفة بأسلوب تفاعلي في الحوار، يعني رسول الله ﷺ مقلوش انت أكيد متحبش إن حد من أهلك يقع في الزنا، لكن خلى في تفاعل في الحوار، هو يسأل والشاب يجاوب عشان الشاب هو إللي يطلع في الآخر بالنتيجة ويبقى هو إللي جاوب على نفسه بنفسه، وخصوصا إن الشباب بيبقوا عايزين يثبتوا نفسهم وآراءهم، فاللي توصل للإجابة وحل المشكلة كان الشاب نفسه بتوجيه من رسول الله ﷺ أعظم مربي ﷺ 😊 وفي الآخر رسول الله ﷺ دعا له، فالداعية مع العاصي أو الأم والأب مع الأبناء لما يتبعوا منهج رسول الله ﷺ ده هيبقى أدعى إنهم يقربوهم من ربنا ويبعدوهم عن الوقوع في الخطأ ويحسسوهم بحرصهم عليهم ورغبتهم الصادقة في هدايتهم وإصلاحهم فتكون النتيجة زي ما حصل مع الشاب، إنه كره الفاحشة أصلا👌 طبعا الحديث مليان فوائد كتير جدا بس أنا قلت أهم نقطتين عشان نقدر نحولهم لواقع عملي😊 ◇عندنا بقى سؤال مهم عن قضية الزنا هل لو واحد زنى ممكن يترد له في أهله؟ يعني يترد له في أخته أو بنته أو زوجته مثلا🤔 براحة كده وواحدة واحدة وركزوا معايا😅 ربنا وضع لنا قاعدة عامة في القرآن بتقول: " وَلَا تَزِرُ وَازِرَةٌ وِزْرَ أُخْرَىٰ" يعني بالبلدي كده محدش بيتحاسب بذنب حد، كل واحد بيتحاسب بأفعاله هو بس، تمام كده👌 لكن من سنن ربنا الغالبة أن الصلاح متوارث وكذلك الفساد متوارث، يعني غالبا إللي أهله كلهم فاسدين بيطلع هو كمان فاسد، وإللي أهله كلهم صالحين غالبا بيطلع هو كمان صالح، عشان كده بتبقى حاجة غريبة أن يوجد الفساد في بيوت الصلاح، وأن يوجد الصالح في بيوت الفساد، ولو تفتكروا بني اسرائيل لما شافوا مريم جاية لهم بطفل من غير أب استغربوا إزاي هي من بيت صلاح ويقع منها شيء زي كده وقالوا لها: "يَا أُخْتَ هَارُونَ مَا كَانَ أَبُوكِ امْرَأَ سَوْءٍ وَمَا كَانَتْ أُمُّكِ بَغِيّاً" فإذا كان الأب فاسد فأكيد تربيته هتبقى فاسدة، فإذا وقع في الزنا ووقعت ابنته في الزنا مثلا فده مش لأن ده ذنب أبوها وهي بتدفع الثمن، لأ، هي وقعت في الزنا بسبب فسادها هي وعدم تقواها، فهي تشيل ذنب فسادها هي مش ذنب زنا أبوها، وكذلك الحال برده لو حد زنا مع زوجة الرجل الفاسد الزاني ده، فلأن الرجل توجه للزنى فلن يَعُف زوجته، وإذا لم يعُفّها تشوّقت هي إلى غيره فزنت به كما هو الغالب على نساء الزواني، وده كلام شيخ الإسلام ابن تيمية رحمه الله، فوقوع الزوجة في الزنا مش عقاب من الله لها على زنا زوجها وإن الزنا يترد له في أهله، لأ، ده بسبب ما كسبت أيديهم من الفساد وعدم تقواهم لله👌 ده غير إن الرجل إذا وقع في الزنا وكان معروف بكده وسط أهله سواء كان زوج أو أخ أو أب فده بيشجع أهله إنهم يعملوا زيه، ولو وقعوا في الزنا وغيرها من الفواحش

خمس فقد أدى أعظم العبادات البدنية، وإللي بيؤدي الزكاة فهو بيؤدي أعظم الحقوق المالية، فاللي بيؤدي أعظم عبادتين هيقدر يؤدي العبادات التانية إللي أقل منها في الجَهد، يعني مثلا لما رسول الله ﷺ يقول: " مَنْ صَلَّى الْبَرْدَيْنِ دَخَلَ الْجَنَّةَ" والبَرْدَان هما : الفجر والعّصْر ، يعني إللي يصلين الفرضين دول مع ثقلهما بعد تعب ونوم فهو أكيد باقي الصلوات هيبقى سهل عليه يصليهم👌 ◇ثانيا: أن الإنسان إنما يُخاطَب بالصيام وبالحج إذا حضر وقته ولَزِم وُجوبه، يعني لما ييجي وقت الصيام والحج ساعتها يبقى يقولهم عليهم، وكمان من باب التدرج معاهم في الفرائض💁‍♂️ فالشاهد من القصة دي كلها إن رسول الله ﷺ وجّه طاقة معاذ بن جبل رضي الله عنه في المفيد، واختاره هو بالذات للمهمة دي بسبب علمه وقدراته على صغر سنه👌 آخر حاجة مع معاذ بقى، لما كان خلاص ماشي ومتجه لليمن وكان راكب على راحلته ورسول الله ﷺ ماشي على قدمه تحت الراحلة جنب معاذ وبيوصيه؛ قال له بعد ما انتهى من وصيته: "يَا مُعَاذُ! إِنَّكَ عَسَى أَنْ لَا تَلْقَانِي بَعْدَ عَامِي، وَلَعَلَّكَ أَنَّ تَمُرَّ بِمَسْجِدِي وَقَبْرِي" يعني رسول الله ﷺ بيقول لمعاذ إن ده ممكن يكون آخر لقاء بينه وبينه ﷺ، وإنه لما يرجع للمدينة من الرحلة دي ويمر بالمسجد مش هيلاقي رسول الله ﷺ لأنه ساعتها هيكون مات😢 الموضوع كان محزن جدا لمعاذ رضي الله عنه لدرجة إنه بكى جَزَعًا لِفِرَاقِ رسول الله ﷺ😞 يعني لم يصبر وبكى بصوت عالي فيه صراخ، فقال له رسول الله ﷺ: "لَا تَبْكِ يَا مُعَاذُ، فَإِنَّ الْبُكَاءَ مِنَ الشَّيْطَانِ" يعني رسول الله ﷺ بينهى معاذ عن البكاء إللي يصاحبه جزع وعدم صبر وفيه نياحة وعلو صوت، مش بينهاه عن البكاء العادي إللي تدمع فيه العين عشان محدش يفهم خطأ👌 والموقف ده كان آخر لقاء بين رسول الله ﷺ وبين معاذ بن جبل قبل موته ﷺ، فمعاذ لم يلتقِ برسول الله ﷺ مرة تانية بعد وداعه في الموقف ده، فهو رجع للمدينة بعد وفاة رسول الله ﷺ، وبعدها بكم سنة خرج للشام وشارك في فتوحات الشام ومات رضي الله عنه في طاعون عَمْواس سنة سبعة عشر هجريا وكان عمره خمسة وثلاثين سنة رضي الله عنه وجمعنا به في الفردوس الأعلى مع رسول الله ﷺ🤲 ☆ملحوظة: بحاول وأنا بحكيلكم عن سيرة رسول الله ﷺ إني أقولكم نبذة مختصرة عن الصحابة بحيث تطلعوا من السلسة دي عارفين قصة حياة رسول الله ﷺ وقصص الصحابة بصفة عامة ويبقى عندكم صورة متكاملة عنهم، فمعلش يعني لو لقيتوني طلعت برة الموضوع الأصلي 🙈 ♡موقفنا التاني النهاردة، موقف من أعجب المواقف إللي حصلت فعلا في عهد رسول الله ﷺ👌 جاء فتى شاب لرسول الله ﷺ وهو قاعد مع الصحابة وطلب منه إنه يأذن له في الزنا😬 الشاب لسه صغير مش مستوعب أوي الموضوع، يعني هو عارف إن الزنا حرام، لكن هو عايز زي ما بنقول كده استثناء من رسول الله ﷺ إنه يسمح له بالزنا، ويبقى له هو حلال مش حرام، فالصحابة إللي كانوا حاضرين وسمعوا كلام الشاب صاحوا به وزَجروهُ وقالوا: مَهْ. مَهْ. يعني الصحابة زعقوا له وقالوا له اسكت إيه إللي انت بتقوله ده وحاولوا إنهم ينهوه عن الاستمرار في طلبه😅 ☆عارفين الموقف ده كده في واقعنا زي مثلا لما يبقى في حد بيسأل سؤال أو بيطلب طلب وهو في عُرف الناس سؤال تافه أو مينفعش يسأله أو طلب هم مستنكيرنه، إزاي تسأل أو تطلب ده، فيبدأوا بقى يعلقوا على السائل ويحاولوا يسكتوه وفي إللي للأسف ممكن يتعدى عليه بشيء من الكلام الجارح😑 طيب رسول الله ﷺ النبي المُرسل من رب العالمين، الحاكم إللي مسؤول عن تطبيق أحكام الشرع وإللي طبق قبل كده حد الزنا على ماعز والغامدية عمل إيه واتصرف إزاي في الموقف ده🙊 رسول الله ﷺ قال بكل هدوء:《 قَرِّبوهُ》 يعني خلوه يقرب مني، عشان يديله الأمان في وسط الهجوم الشديد إللي حس بيه في البداية😅 فقرب الشاب من رسول وجلس أمامه، هنا رسول الله ﷺ مكلموش بالحلال والحرام؛ لأن الشاب عارف إن الزنا حرام أصلا، وحكم الزنا مش حاجة رادعة للشاب ده، وإلا مكنش طلب الإذن في الزنا🤷‍♂️ فلازم حاجة تانية تقنعه وبالتالي ييجي الرفض من داخله هو👌 فهنا رسول الله ﷺ استعمل معاه أسلوب العقل مع العاطفة، قال له: 《 أتحبُّهُ لأُمِّكَ ؟》 يعني انت ترضى إن أحد يزني بأمك؟ فالشاب قال له: لا واللَّهِ، جعلَني اللَّهُ فداءَكَ😳 يعني طبعا لأ، مستحيل أرضى إن حد يزني بأمي، فهنا رسول الله ﷺ قال للشاب: 《ولا النَّاسُ يحبُّونَهُ لأمَّهاتِهِم》 يعني زي مانت متحبش إن حد يزني بأمك كذلك الناس محدش فيهم يحب أن يزني أحد بأمهاتهم👌 ورسول الله ﷺ بدأ بالأم لأن هي في منزلة الحُرْمة والمحبة عند ابنها أعلى في المنزلة من أي حد تاني، فطبيعي إنه يستنكر جدا أن يزني أحد بأمه، ورسول الله ﷺ موقفش عند النقطة دي، ده كمل كلامه وقال: 《 أفتحبُّهُ لابنتِكَ ؟ 》 والبنتُ هي مَحلُّ الشَّرفِ والكرامةِ لأبيها ولو وقعت في الفاحشة يلحق بأبيها العار بما لا يلحقه بغيرها، فالشاب قال له: لا واللَّهِ يا

⭐المصادر ⭐ https://islamqa.info/amp/ar/answers/305053 https://dorar.net/hadith/search?q=واللَّهِ+إنِّي+لأحبُّكَ&st=p&xclude=&fillopts=on&t=0&d%5B%5D=1 https://hadeethenc.com/ar/browse/hadith/3518 https://www.google.com/amp/s/islamqa.info/amp/ar/answers/115765 https://www.saaid.net/Doat/assuhaim/omdah/244.htm https://dorar.net/hadith/sharh/112427 https://www.alukah.net/sharia/0/101787/ https://www.saaid.net/Doat/abdullah/79.htm https://www.islamweb.net/ar/article/185335/يَا-رَسُولَ-الله-ائذنْ-لي- https://maqola.org/دقة-بدقة-ولو-زدت-لزاد-السقا-قصة-واقعية https://www.islamweb.net/ar/fatwa/127118/ http://almoslim.net/node/105074 https://www.islamweb.net/ar/fatwa/164967/معاقبة-الزاني-في-عرضه-رؤية-شرعية https://www.islamweb.net/ar/fatwa/31213/

#قصص_الأنبياء(٢) #السيرة_النبوية #الحلقة_مائتين_وخمسة_عشر #أحداث_السنة_التاسعة_من_الهجرة #بعض_مواقف_رسول_الله_مع_الشباب وقفنا المرة إللي فاتت عند سؤال: من هم العَبَادلة الأربعة؟ لقب العبادلة الأربعة أُطلق على أربعة من الصحابة، هم: ◇عبد الله بن عمر بن الخطاب رضي الله عنه ◇وعبد الله بن عباس بن عبد المطلب رضي الله عنه ◇وعبد الله بن الزبير بن العوام رضي الله عنه ◇وعبد الله بن عمرو بن العاص رضي الله عنه والسبب في إن العلماء وأهل الحديث سموهم كده لأنهم كانوا من صغار الصحابة ومع ذلك جمعوا علمًا واسعًا، ولأنهم عاشوا زمن طويل بعد موت رسول الله ﷺ، فالناس اتعلموا منهم كتير، فإذا اتفقوا هم الأربعة على شيء قيل: هذا قول العبادلة، أو فعلهم، أو مذهبهم. ☆طيب وعبد الله بن مسعود ميدخلش معاهم ليه🤔 لأن عبد الله بن مسعود تقدمت وفاته، يعني مات قبلهم بكتير، لكن الأربعة عاشوا فترة طويلة حتى احتِيج إلى علمهم👌 هنتكلم النهاردة بقى إن شاء الله عن موقفين لرسول الله ﷺ مع شابين من شباب الصحابة، رسول الله ﷺ بصفة عامة كان عارف طبيعة مرحلة الشباب إللي فيها أقصى درجات القوة والحيوية والنشاط وتُعتبر من أهم المراحل إللي بيمر بها الإنسان؛ لأن شخصيته تبدأ بالتكون والتطور من كل النواحي، فيكتسب المهارات، والمعارف وغيرها من الأمور، عشان كده كان رسول الله ﷺ بيوجههم ويرشدهم بما يتناسب مع قدراتهم وشخصايتهم ويشجعهم ويعطيهم من المهام إللي ترفع همتهم وتقوّي نفوسهم، وكان ﷺ يرفق بالشباب ويرشدهم باللي ينفعهم، وفي الوقت نفسه يستخرج مواهبهم ويستفيد من طاقاتهم👌 ♡أول موقف معانا النهاردة هو موقف رسول الله ﷺ مع معاذ بن جبل رضي الله عنه، في مرة كده رسول الله ﷺ أخذ بيد معاذ وقال له: "يَا مُعَاذُ ! وَاللَّهِ إِنِّي لَأُحِبُّكَ" هنا رسول الله ﷺ بيحلف لمعاذ إنه بيحبه، ولكم أن تتخيلوا إحساس معاذ لما رسول الله ﷺ يقوله كلمة زي دي فجأة😅 فقال معاذٌ: بأبي أنتَ وأُمِّي واللهِ إنِّي لأُحِبُّك. فقال له رسول الله ﷺ: "يا معاذُ! أوصيك ألَّا تدَعَنَّ في دبُرِ كلِّ صلاةٍ أنْ تقولَ: اللَّهمَّ أعِنِّي على ذِكرِك وشُكرِك وحُسنِ عبادتِك" يعني رسول الله ﷺ بيوصي معاذ إنه قبل ما يسلّم من الصلاة؛ يدعو الله ويطلب منه الإعانة على ذكره عز وجل وشكره وحسن عبادته، فهنا رسول الله ﷺ عشان يعلّم معاذ رضي الله عنه ذِكر مهم لفت انتباهه الأول له بإنه أخبره إنه يحبه، وده فضل عظيم لمعاذ رضي الله عنه، فرسول الله ﷺ لما قال لمعاذ إني أحبك الطبيعي إنه يقع في قلب معاذ إن إللي بيحب حد هيدلّه على الخير، وهو ده إللي رسول الله ﷺ عمله، وبكده معاذ رضي الله عنه مستحيل ينسى الذكر ده لأنه ارتبط بتعبير رسول الله ﷺ عن محبته له👌 ومعاذ بن جبل رضي الله عنه أسلم وعمره ثمانية عشرة عام، وحضر بيعة العقبة الثانية، وحضر الغزوات كلها مع رسول الله ﷺ، وقال عنه رسول الله ﷺ بأنه أعلم الأمة بالحلال والحرام، وبعد فتح مكة تركه رسول الله ﷺ هناك عشان يعلم الناس الدين، مع إن عمره ساعتها كان ستة وعشرين سنة فقط، ومش بس كده ده رسول الله ﷺ بعثه وبعثه إلى اليمن معلما وداعيا وأميرا، ففي السنة التاسعة من الهجرة بعد غزوة تبوك واستقرار الأوضاع وظهور الإسلام؛ أمر رسول الله ﷺ معاذ إنه يسافر لليمن عشان يدعوا أهلها للإسلام، فقال له رسول الله ﷺ: "إِنَّكَ ستأتي قَوْمًا أهلَ كتابٍ، فإذا جئتَهم فادْعُهم إلى أنْ يشهدُوا أنْ لَا إِلَهَ إلَّا اللهُ ، وأنَّ محمَّدًا رسولَ اللهِ، فإِنْ هم أطاعوا لَكَ بذلِكَ، فأخبرْهم أنَّ اللهَ قَدِ فرَضَ عليْهِمْ خمسَ صلَوَاتٍ في كُلِّ يومٍ وليلَةٍ، فإِنْ هم أطاعوا لَكَ بذلِكَ، فأخبرْهم أنَّ اللهَ قدْ فَرَضَ عليهم صَدَقَةً تُؤْخَذُ منْ أغنيائِهم ، فتردُّ على فقرائِهم، فإِنْ هم أطاعوا لَكَ بِذَلِكَ ، فإيَّاكَ وكرائِمَ أموالِهم، واتَّقِ دعوَةَ المظلومِ ، فإِنَّه ليسَ بينها وَبينَ اللهِ حجابٌ" يعني رسول الله ﷺ بيشرح لمعاذ طبيعة الناس إللي هيروح يدعوهم، فهم أهل كتاب، وبيعلمه إنه يتدرج معاهم في الدعوة عشان ميبقاش الدخول في الإسلام ثقيل عليهم، فأول حاجة يدعوهم إليها هي عبادة الله وحده والإيمان بأن محمد ﷺ رسول من عند الله، فلو همّ استجابوا، ساعتها بقى يبدأ يقولهم أحكام الإسلام، ويقول لهم إن ربنا فرض عليهم خمس صلوات في اليوم والليلة، فلو استجابوا؛ يقولهم إن ربنا فرض عليهم الزكاة، وهي مال يؤخذ من أغنيائهم ويُنفق على فقرائهم، وقاله إنه مياخدش من نفائس الأموال في الزكاة، يعني ياخد الوسط، لا العالي ولا النازل، يعني مثلا لو ناس عندهم أغنام وعليها زكاة، ميروحش ياخد أحسن واحدة عندهم وإللي بتكون نفسوهم متعلقة بيها، وبيحذّره إنه لو عمل كده هيبقى الموضوع فيه ظلم، وكده هيعرض نفسه لدعوة المظلوم إللي مفيش بينها وبين ربنا حجاب👌 ☆ممكن حد يسأل ويقول: طيب ليه رسول الله ﷺ مقلش على بقية أركان الإسلام في الحديث🤔 ◇أولا: لأن إللي بيصلي الصلوات ال

بيبقى بسبب قلة غيرته وانغماسه هو نفسه في الفواحش وهوان المعصية في نفوسهم، ولو نصحهم ناصح يقولوا عادي ما أبونا بيعمل كده😒 وفي بنات بيبقوا مصاحبين شباب ولما حد ينصحهم ويقولهم كده حرام يقولوا ما هو ماما وبابا عارفين🙄 وفي منهم إللي بيقع في الزنا والعياذ بالله بسبب التهاون ده، وفي نفس الوقت ممكن يكون الأب وقع في الزنا في شبابه برده، لكن هل معنى كده إن بنته مثلا وقعت في الزنا بذنب أبوها؟ لأ، هي وقعت فيه بسبب تهاونها هي وتعديها على حرمات الله👌 طيب ممكن يكون الرجل فاسد ووقع في الزنا أو غيرها من الفواحش وزوجته أو بنته أو أخته نساء صالحات وممكن حد يعتدي عليهن مثلا سواء بزنا أو بلمسة أو بقبلة أو...أو...؟ أه ممكن، لكن الاعتداء ده ساعتها يكون بسبب ذنوبها هي بصفة عامة، فالموضوع يضايقها فربنا يكفر عن سيئاتها بسبب الهم والغم إللي هتكون فيه، ورسول الله ﷺ قال: "مَا يُصِيبُ الْمُسْلِمَ مِنْ نَصَبٍ وَلاَ وَصَبٍ وَلاَ هَمٍّ وَلاَ حَزَن وَلاَ أَذًى وَلاَ غمٍّ، حتَّى الشَّوْكَةُ يُشَاكُها إِلاَّ كفَّر اللَّه بهَا مِنْ خطَايَاه" وفي نفس الوقت بقى الاعتداء ده يكون عقوبة وقهرة للرجل الفاسد الزاني👌 يعني يا جماعة الموقف الواحد ممكن يكون له حِكم وأسباب لا يعلمها إلا الله، زي كده قصة الرجل إللي وصى ابنه لما كان ناوي على السفر وقال له: احفظ أختك في سفرك، فالابن استغرب من وصية أبوه، إزاي هيحفظ أخته وهو مش هيبقى موجود🤨 ففي يوم الأب شاف السقّا إللي بيوزع المية على البيوت بيقبّل ابنته، فلما رجع الولد أبوه قاله مش قلت لك احفظ أختك في سفرك، وكان الشاب وهو في سفره شاف بنت فعجبته فأغواه الشيطان فقبلها غصب عنها، فلما أبوه قاله كده عرف إن في حاجة حصلت في البيت، فحكى له أبوه إللي حصل وحكى الشاب لأبوه إللي عمله، فقال له أبوه: "يا بُنيّ دقة بدقة ، ولو زدت لزاد السقا" فهنا البنت صالحة عفيفة، إيه ذنبها بقى إن يحصل معاها كده مع إن أخوها هو إللي أخطأ؟ نقول هنا إن إللي وقع للبنت ده ابتلاء بما كسبت أيديها من معاصي بصفة عامة في حياتها فيكون الابتلاء ده تكفير لسيئاتها أو رفع درجاتها💁‍♂️ أما بالنسبة للأخ فهو عقوبة وحرقة دم له وقهرة على فعله إللي فعله ده وطبعا دافع له إنه يتوب ويستغفر وإنه ميعملش كده تاني👌 وطبعا حكم ربنا مش هنقدر نستوعبها بعقلنا المحدود ده، لكن يكون عندنا ثقة إن ربنا لا يظلم مثقال ذرة ولا يعاقب أحد بذنب أحد أبدا😊 معلش طولت عليكم النهاردة 🙈 إن شاء الله المرة الجاية هنتكلم عن بعض مواقف رسول الله ﷺ مع الحيوانات، لو حاجة في جزء النهاردة مش واضحة ممكن تسألوا في التعليقات وهجاوب عليها في بداية الجزء الجاي إن شاء الله 😁 مصادر جزء النهاردة في التعليقات👇 ☆ملحوظة: أي حد عايز يأخذ القصص وينشرها يتفضل أنا معنديش مانع نهائي😊 #Eman_Shalapy