کانال رسمی اوخشامالارو اشعارونوحه سرای مداحی

❣زبانحال عاشقانه( ۲) - فاطمیه❣ نفرین ائدم گرک بِله بیر روزگاره من گوزدن روادی قان توکم ایندی عُذاره من ای یثربین یارالی قوشی اوچما بامیدن قوی درد دل ائدیم سنه باری دوباره من بیریول گلین چیخانداگجه آق گینموسن اوندا قاپومدا منتظریدیم قراره  من سن طوی دونونکِه سائله بَذل ایلدون گجه شکر ایلدیم اولحظه ده پروردگاره من بیرده گینموسن بوگجه آق کفن ، ولی زهرا یاراشمیور ، گورورم آشکاره من ای سائله اوطوی گجه سی کوینگین وئرن بیر سائلم قاپوندا ائدیم قوی اشاره من احسان ائلَه بوخَلعتی ایندی عم اوغلووا سن قال گئدیم گجیله بو گِزلین مزاره من سندنصورا نِجه ائویمه من قدم قویوم قوی بیرگیلیلیگه سوزآچوم ایندی یاره من پروانه لر یغیشسا منیم باشیمه اگر شمع وجودیمی گورورم بی شراره من زینب گلین چیخان گجه ایستریقین ننه سنسیزنجه گزوم بِله بیر درده چاره من (نادر)  بو لیل ماتم زهرا ، دئنن  خانیم حشرین گونونده قویمادوشم سوزِناره من .. 🖤🖤🖤🖤

📚شعر آرزوی کربلا ✍بقلم کربلایی حسن طیبان میانجی 🎼سبک: بزم عزاده گیمیشم قاره یا عباس... 🎼 سبک :ممد نبودی ببینی... ای تربتی خاک شفا یاحسینجانم، یاحسینجانم جانلار سنه اولسون فدا یاحسینجانم یاحسینجانم دلبند زهراسن _ عالمه مولاسن یامولا _ یامولا(۲) دشت بلایه دعوت ائت سن بیزی مولا، سن بیزی مولا قانلی منایه دعوت ائت سن بیزی مولا، سن بیزی مولا کرب و بلایه دعوت ائت سن بیزی مولا، سن بیزی مولا اوردا ائده‌ک آه و نوا یاحسینجانم یاحسینجانم دلبند زهراسن _ عالمه مولاسن یامولا _ یامولا(۲) اول قبریوه عاشقلرون سینه داغلولار، سینه داغلولار دائم صفالی مرقده دلدن آغلولار، دلدن آغلولار هر ایل محرمده سنه قاره باغلولار، قاره باغلولار عاشقلرون ساخلار عزا یاحسینجانم یاحسینجانم دلبند زهراسن _ عالمه مولاسن یامولا _ یامولا(۲) ای زاده ی زهرا آقا آدیوه قربان آدیوه قربان ای نور چشم مصطفی آدیوه قربان آدیوه قربان دلبند پاک مرتضی آدیوه قربان آدیوه قربان هر درده سن ایله دوا یا حسینجانم یا حسینجانم دلبند زهراسن _ عالمه مولاسن یامولا _ یامولا(۲) مولا سولان گلزاریوه شیعه لر قربان شیعه لر قربان یتمیش ایکی انصاریوه شیعه لر قربان شیعه لر قربان قانه باتان سرداریوه شیعه لر قربان شیعه لر قربان ای شافع روز جزا یاحسینجانم یاحسینجانم دلبند زهراسن _ عالمه مولاسن یامولا _ یامولا(۲) ششماهه اوغلون اصغره آغلاروق هردم، آغلاروق هردم شبه پیمبر اکبره آغلاروق هردم، آغلاروق هردم قاسم کیمین مه پیکره آغلاروق هردم، آغلاروق هردم ایثاریوه صد مرحبا یاحسینجانم، یاحسینجانم دلبند زهراسن _ عالمه مولاسن یامولا _ یامولا(۲) بیز کربلانی جنته وئرمروک مولا، وئرمروک مولا عشقون جهاندا ثروته وئرمروک مولا، وئرمروک مولا مال و منال و مکنته وئرمروک مولا، وئرمروک مولا سن سن جهانه مقتدا یاحسینجانم، یاحسینجانم دلبند زهراسن _ عالمه مولاسن یامولا _ یامولا(۲) ✍کربلایی حسن طیبان

زبانحال حضرت زهرا سلام الله علیها در بستر شهادت 🎵سبک: دولانور علی قیزی مقتلی... بو خرابه‌نی ائلمه وطن باجی دور گئداخ ... 📝 کربلایی رحیم شایان ➖➖➖➖➖➖➖➖➖➖ گل ایدیم وصیتمی یوموم    گوزومی جهاندان عم اوغلی جان بو آز عمروم آخرینه چاتوپ یورولوب زماندان عم اوغلی جان گوزونی یوماندان آتام منیم محن زمانه یه دوزموشم آپاراندا مسجده بیعته سنی تازیانه یه دوزموشم آلونوبدی حق مسلمون غم بی کرانه یه دوزموشم شرر آسمان لارا قوزانوب در دودمان دان عم اوغلی جان ییتیشیبدی غصه نهایته غلیان ایدور اورگیم غمی خفقان یاراندی سقیفه دن بیزه یوز گتوردی بلا یمی آلونوب فدک نه گلوب منه دیمیرم دا آیریلیقین دمی گونوزوم قرانلیق اولوب منیم غم بی کراندان عم اوغلی جان اریین وجودیمه غسل ویر گیجه کفن ایله گیجه دفن ایله اورگیم رضا دگول اهل کین بیری قبریمین یرینی بیله نه روا که غاصب حقیمیز ستمیله مجلسیمه گله دوشه جکدی روحوم عذابه چون او گلن زاماندان عم اوغلی جان بالالاری حد بلوغه من ییتیرنمدیم اورگیم قالوب نه لر اولدی محسنی عالمه گتیرنمدیم اورگیم قالوب یارالاریمین چوخونی علی ایتیرنمدیم اورگیم قالوب آیین ایشیقی دیه جاق سنه خبر نهاندان عم اوغلی جان لحظات آخر عمریدی باشیم اوسته باشلا تلاوتی اوخودوقجا آیه به آیه سن منه وار بیر آیری حلاوتی گوزیوین یاشین ایلمه روان اونا یوخ بتولیده طاقتی او قدر که ظلم اولونوب سنه منی سالدی جاندان عم اوغلی جان بو بلالی عالمی ترک ایدیب گیدیرم اورکده ولی نوا بالالاریمین نگرانیم اولاری مباد حزین اولا منیم آخرین گوروشیمدی بو اولا وعده میز داخی کربلا نه چکر بو گوللریم اول زمان ید کوفیاندان عم اوغلی جان گزه جکدی روحوم او چوللری اورگیم قرین اولا محنته نه بلالره دوشه جکدیلر بالالار دءوزر نه جنایته او مناظری گوروب آغلارام اورا اوخشار عین قیامته او دیاره گلسن حمایت ایت من باغریقاندان عم اوغلی جان اولاجاقدی تکجه خدا فقط او بلالی چولده مخاطبیم باتاجاق او وادی ظلم ده همی آی گونوم همی کوکبیم شرر مصایب بی حده یاناجاق حسینیله زینبیم نیجه ظلم ایدر نه جوره گیچیم من او سارباندان عم اوغلی جان گله جاق او وادی ظلمته دگه نظمی بیر بیره آفاقین گزه جاق وجب به وجب چولی چیخا تا غنیمتی توپراقین اوزوگه گوره او حسینیمین کسه جاخدی ظلموله بارماقین گیچیده له اهل و عیالینی او همان مکان دان عم اوغلی جان هامی روزگاری بو شاعرین سپری اولوب دی گناهیلن عرصاتیده گوزی بیزده دی گله جاقدی روی سیاهیلن صفحات دفتر شعر یده یازیلیبدی سوزش و آهیلن متنعم ایلییروخ اونی خبر جنان دان عم اوغلی جان #شهادت_فاطمیه

قلم عاشقدی زبس حضرت زهرا آدینا باشلیور مطلبی صدیقه ی کبری آدینا بیر نچه کلمه یازا مفخر لعیا آدینا مام سبطین آدینا اولسا سرآغاز سخن وار امیدیم قلمیم ایلیه اعجاز سخن فاطمه آدی گلن مجلسین عزّت واریدی ارزیابی ایلین یوخدی نه قدرت واریدی حجّت قائم آل اللهه نسبت واریدی آغلیوب آغلادانا شخصاً اوزی ناظر اولار آنانین آدی گلن یرده اوغول حاضر اولار اوزی تاپشورموشیدی دفنی اودور قالدی گجه مرتضی گنج حیانی اوزی دفن ایتدی گجه دفن ایدندن صورا بولمم ایوینه گلدی نجه صبحه تک یاتمادی نوحه ایلدی اوز اوزونه یارین الدن ویره هر کیم یوخی گلمز گوزونه صبح آچیلدی چاغیروب اوغلون او خلّاق سخن آناوین ماتمی دور آچ قاپونی اوغلوم حسن بلکه پیغمبره خاطر بیزه ده اولدی گلن گیتدی زهرا اطاقیم محبس ظلمتدی منه کیم بو محبسده تسلّی ویره منّتدی منه مجتبی شخصاً اوزی آچدی او یانموش قاپونی ظلمیدن توستوسی افلاکه دایانموش قاپونی ایتمه ایراد دیسم قانه بویانموش قاپونی نکته باریکدی بو مطلبی هشیار بولر سینه ی حضرت زهرا ایله مسمار بولر باب ماتم آچوقیدی او گون اهل وطنه مرتضی شخصاً اوزی منتظریدی گلنه گلن اولمادی خطاب ایلدی اوغلی حسنه بیز بو یثربده غریبوق، قاپونی باغلیاقون ویره گون باش باشا ایوده اوزوموز آغلیاقون بزم ماتم بولوسوز زینتی دور هر اُلنون کیمی بیزدن صورا بو شهریده وار فاطمه نون بلبلی زینبیم اولسون بو سارالموش چمنون من اوزوم گرچه حسن اهل سخن سروریم بو شیرین دل باجیوین سوزلرینه مشتریم دورت بالا، بیر آتا زهرایه قوروب بزم عزا روح پیغمبر خاتمده قوشولدی اولارا ناگهان صحن سراده ایلدی فضّه صدا یاعلی تیر ستم قلبیوه آز قالدی ساچا ثانی ایستور خانموم فاطمه نین قبرین آچا فضّه نون غملی سوزی زینبی ایتدی نگران ایاقا دوردی یریندن چکوب ال اوخشامادان ذوالفقاری گتیروب گلدی بیانه باباجان چوخ یوبانسون بیلوسن سمت بقیعه قاچارام آنامون قبرینه ال دگسه اگر باش آ چارام

ظاهرده بتولیدی ائوین ترکین ائدوردی باطنده ولی حیدریدی قبره گئدوردی صر‍ّاف، اورک قیمتی یاقوته قویوبدی حیدرولی ئوزقلبینی تابوته قویوبدی سکّانِ سماعرشدن ایلولّه نظاره عصمت آیین ایستورقویا خ ورشیدمزاره صرّاف، سینیق گوهری گؤزدن آتابیلمور زرگردی بوآسانلیقاگوهرساتابیلمور گرشیرین  اسه اللری محکومیدی جبره گلموراورکی مونسینی تاپشیرا قبره قبره بئله فکرائتمه بتولی ائل آپاردی مولانین الینده نه واریدی یئل آپاردی گنجینه نی دفن ائتدی سورانیلدی مولا هی سسلدی سس گلمدی غش ایلدی مولا تشیع ائلیینلراورازهرای جلینی تشییع ائلیوبلرائوه اورداندا علینی قانی یاری یانمش قاپوداجوشه گلوبدی زهرایخیلان یئرده علی هوشه گلوبدی غملی گؤزینه غصه لی دیوارساتاشدی بین درودیواراوتوروب درددل آشدی سسلندی بویئرده یخیلان فاطمه لایلای اودلی قاپی آلتداسیخیلان فاطمه لایلای بوردابابایاندیم دییَنیم فاطمه لایلای دردین منه بیلدیرمییَنیم فاطمه لایلای

#ایام_فاطمیه زبانحال حضرت علی علیه السلام به سبک اصغریم ای شیرین زبانیم 🍀با مداحی حاج جواد حسن زاده 🍀 ای منیم یار  با وقاریم دینمون اوسته جانثاریم قالدی بو گوزلریم دالینجا آچ گوز ای  یاره لی  نگاریم       داغلارام سینه می فراقینده سنین آغلارام ایندی بوش اتاقینده سنین  علی تنها.     سنه آغلار غمون دیلده. عزا ساخلار 🖤🖤🖤🖤 باخ منه گور نه حاله قالدیم اود  دوتوب محنتینده یاندیم کوچه ده ایتدیلر جسارت آز  زماندا.   بله قوجالدیم آتما گوزدن عم اوغلوی سن یارالی یوخلاما آچ گوزون مدینه مارالی علی تنها.     سنه آغلار غمون دیلده. عزا ساخلار 🖤🖤🖤🖤🖤 ای ائویمین صفاسی زهرا قویما سن بو علینی تنها قلبیمه ویردیلار جراحت ای گل. گلعزار  طاها یاندرار سینمی ئورک داغلاماقین گیجه لر صبحه تک یواش آغلاماقین علی تنها.     سنه آغلار غمون دیلده. عزا ساخلار 🖤🖤🖤🖤🖤 بیلمدیم کوچه ماجراسین گول یوزونده جفا یاراسین هیچ دیوب دینمیور حسنده زینبین گورموسن نواسین کیم ووروب صورتیوه سیلی یارالی گول جمالون ائدوبدی نیلی یارالی علی تنها.     سنه آغلار غمون دیلده. عزا ساخلار 🖤🖤🖤🖤🖤 گلمیشم ایندی من فغانه قویدی آغلار منی زمانه دست کینه ائدوب جسارت اشگیم اولدی یوزه روانه صر صر ظلمیله صولار یاسمنین قان اولار گوزلرینده اشگی حسنین علی تنها.     سنه آغلار غمون دیلده. عزا ساخلار 🖤🖤🖤🖤🖤 گول کیمی صولدی باغ طاها زینب آغلور غمینده زهرا دیلده قالمور داخی قراریم قویما سن مرتضانی تنها آغلارام قبره نیمه شب گیتمه گیوه سینه وین یاره سین نهان ایتمه گیوه علی تنها.     سنه آغلار 🖤🖤🖤🖤🖤

السلام علیک یا علی بن موسی الرضا ذره ای از کرامات امام رضا علیه السلام

زبانحال حضرت زینب س در قتلگه به حضرت رسول اکرم ص بو شه کی واقف سرّ زماندور یا رسول الله حسینیندور که بیله غرق قاندور یا رسول الله بو مهماندور سوسوز اما وئریب جان سو کنارینده کی بو مهمانه گور کیم میزباندور یا رسول الله قسم پاینده گی پایه ی اسلام و توحیده بو نهضت تا جهان وار جاوداندور یا رسول الله اوزون آگاهیسن بو غمده کی بار مصیبتدن کمان تک قامت عالم کماندور یا رسول الله نه من نه جمع دل محزون که پیوسته بو محنتده ائدن ناله زمین و آسماندور یا رسول الله بو جان کی جان وئریب جانانه خاطر ال چکیب جاندان مسلم قالب ایمانه جاندور یا رسول الله چکردین اول حسینی که مکرر جان تک آغوشه اوزون ائت بیر نظر گور بو هماندور یا رسول الله کسیبلر اللرین الدن دوتان اللر قالیب الده سبب بو ظلمه ظالم سارباندور یا رسول الله ووروبدور قتلگهده هر یئتن بس کی بو پیکردن یارا اوستن دگئن یاره عیاندور یا رسول الله مداوم چشمهٔ قانی جوشار دشت شهادتده وجودی یاره دن بس خونفشاندور یا رسول الله یارالی سینه سینده گل  آچیب قلبی خدنگیله او قلبی کی مکان لا مکاندور یا رسول الله بو پیکر کی گئچن گون باشینی قاتل کسوب دالدان هله قانی بوغازوندان رواندور یا رسول الله توکور گوزدن بو گوز گوز یاره لر من تک سرشک آل دلینده هر یارانین چون فغاندور یا رسول الله بو حنجر کی ئوپردین گل تک ائیلردین سیزیلداردین دونن گوردوم کی مأنوس سناندور یا رسول الله گورنده پیکرین مقتلده باشسیز، بیر جفا کاره یارالی باشی بولدوم میهماندور یا رسول الله دعا ائت دفنینه الطاف حقدن بیر نظر اولسون یئر اوسته قالماسون جسمی اماندور یا رسول الله سالیبدیر کیم جهاندا بیر کسی بو حاله ظلمیله بو ظلمه واله و حیران جهاندور یا رسول الله سالیبدیر سینه سین سمّ ستوران ایله بیر حاله که گویا سنگه آیینه نشاندور یا رسول الله سوسوز جان وئردی یاندیردی فراتی نار حسرتده بو حسرتدن فراتین باغری قاندور یا رسول الله چکیبدور گون بو جسمون پرده پرده اوستونه پرده وجودی گور نجه بی سایباندور یا رسول الله گورنده داشلار آلتیندا یارالی پیکرین ناگه دئدیم بس بو نه غم نه داستاندور یارسول الله او حالیلن که یاتمیشدی یارالی قانلی بسترده بیان شرحینه دل ناتواندور یا رسول الله گل ای وادی الطافه مسلط ملک محنتده عیالین گور نجه بی خانماندور یا رسول الله نوامیس حریم عصمته جبر و جفائله اوزون گل گور کی کیملر پاسباندور یا رسول الله طراوتدن دوشوب گللر اولوبدی لاله لر پرپر ئولوبدور باغبان گلشن خزاندور یا رسول الله عنایت ائیله دلپاکین موثر اولسون انفاسی حسینون ماتمینده نوحه خواندور یا رسول الله

#من ربابم من ربابم جهاندان  اینجیمیشم وحی اوینون دوز چورگین  یمیشم بوعزتیم.بسدی فقط آلتی آی باب الحوائجه  لای لای دئمیشم. من.ربابم آغلار گوزوم دویمادی یاسلی قالدیم  ائل  قره می  سویمادی. گویلوم ایستور تعزیمده  دیه لر رباب ئولدی  باشا حنا قویمادی بیر دعام وار الله یئره  سالماسین گوزلریمدن  گوز یاشیمی آلماسین هرائوده  کی اصغر آدلی  اوغول  وار آناسینون  دوشی  صودسوز  قالماسین . من ربابم  غم  دردیمی  تازالار مین نوحه مین  چتین بیرین یازالار وصیتیم بودور  ئولندن  صورا قبریمده گون ائوینده  قازالار

#صلوات 14 معصوم #ترکی اَوَّلده تمام انبیایه صلوات آللاه حبیبی مصطفایه صلوات گوندردی خدا اوزی ملائک باهم قرآنیده ختم انبیایه صلوات هم فاطمه هم علی ولیُُّ اللاهَه سرمنشاء نورِ اولیایه صلوات گویچک لیقینین نظیری یوخ عالمده ایّکیمجی امام( مجتبی) یه صلوات حُسنونده حسین اولوپ حَسَن تک گویچک گوندر او شهیدِ کربلایه صلوات دوردومجی امام آدی علی دی سجّاد هم زین العبادِ با صفایه صلوات استادیدی علمیده امام باقر همنام پیمبرخدایه صلوات آلتیمجی امامیمیز امام صادق جعفردی آدی او مقتدایه صلوات موسی آدی جعفراوغلی یدّیمجی امام کاظم لقبی اولان آقایه صلوات ایرانی ائدیپدی ایکّی گل باغ جنان معصومه و حضرت رضایه صلوات اولدی لقبی" تقی" جواد" اُل مولا دریای کرم او با سخایه صلوات هادی و نقی ابن رضا تاپدی لقب همنام علی ّ مرتضایه صلوات همنام حسن که عسکری آدلاندی مهپارة شهر سامرایه صلوات اون ایکّی امامین آخیری مهدی دی زهراگولی ختمِ اوصیایه صلوات اوز رحمتیوی خدا بیزه نازل ائله آخیردا اجابت دعایه صلوات

درد مندوخ آغلاماخ درده دوادور بیزلره بو حسینون درگهی دارالشفادور بیزلره بو ولایت عشقینی بیز مصطفادن آلمشوخ غیرتین سرمشقینی شیر خدادن آلمشوخ بیز بو آغلار گوزلری خیرالنسادن آلمشوخ درس عشقی اورگه دن خیرالنسادور بیزلره اولماقا ثابت قدم صدقیله همّت شرطیدی اولماسین ریب و ریاست اصل نیت شرطیدی ای عزادار حسین جمعوزده وحدت شرطیدی جمع اولوب بیر آغلاماق لطف خدادور بیزلره دشمنین فکری بودور ذکر حسین وای گَلمه سین بو جوانلار هیئتین رسم و رسومین بولمه سین سیز تلاش ایلون ولی تا روح مکتب ئولمه سین نهضت کرب و بلا رمز بقادور بیزلره اجنبی لر ایستیور آه و نوادن ال چکاق شاه عالم خامس آل عبا دن ال چکاق نینوانی بوشلیاق کرب و بلادن ال چکاق بولموری کرب و بلا مرو و صفادور بیزلره فرقه ی عدوان دیور قاره گینلر اولماسین صف چکوب آغلار گوزیله آغلیانلار اولماسین یول ایتیرسین لر جوانلار آغلین لر اولماسین مدعی لال اول بو نهضت پر بهادور بیزلره دین یولوندا هر بلا گلسه گر کدور صبر ایداخ خیری شردن هر زماندا حقی باطلدن سیچاخ باش ویروب باش اگمین راه شهیدانی گیداخ فاطمه اوغلی حسین میر هدادور بیزلره جیفه دنیا گرکدور بیزلری آنلاتماسون واقعی شیعه اودور هیچ قیمته دین ساتماسون حلقه ی گرداب غفلتده وجودی باتماسون باتماروخ گردابه قرآن رهنمادور بیزلره ای گیدن حجّه طوافون نیته وابسته دور صاحب کعبه حسینه چون اوزی دلبسته دور بی حسین گیتسن طوافه مزدی پای خسته دور چون حسین شرعین یولوندا رهگشادور بیزلره دائما فرهنگ غربی حمله ایلور بیزلره اغنیالر باش اوجالدور ظلم اولور بیکسلره قویماروخ بیر کس باخا کج بو قرا پرچملره بو علملر دافع دردو بلادور بیزلره (طائرا)آل علیدن چکمه ال دائم چالیش با وفا احبابیله فکر و عملرده قاریش سس سسه وئر(بیکَسیله)شعله چک دلدن آلیش سویله بو بزم عزا باب رجادور بیزلره

درمنقبت حضرت زینب (س) 💦🌺🌿💦🌺🌿 زینب آدیلا کرب و بلانون صفاسی وار یاتماز حسین پرچمی صاحب لواسی وار زَر عالمینده حاضر اولوبدور حسینیله لوح اَلستیده بِِله عهد و وَفاسی وار عمرون خانم بویولدا قویوب چوخ جلالیلن بیلدی بو نهضتین اَبدی بیر بقاسی وار شهر مدینهَ نی گئجه ترک ایدی کاروان سسلوردی آی ننه باشمون ماجراسی وار عشق عالمینده مِحنته صبر ایلیوب خانم بو مِحنت و مصیبته ، حقّین رضاسی وار عاشق گرک دوشه چولدن چوله بَلی عشقین تَرازی یوخ ،ولّی محکم‌ بَناسی وار ام المصائب اولدی خانم معدنِ وفا گلموشدی کربلایه که قد رساسی وار غم چگمکه اراده نی محکم ایدوب خانم بیلدی بو نهضتین هَله چوخ انتهاسی وار عشقیله اولموشیدی بِله نهضته شریک بیلدی حسین قارداشی تک رهنماسی وار دین اوسته قارداشی گِچَجَک باش و جانیدن زینب بیلور کی باشدا نَه قال و بلاسی وار همّتله باغلیوبدی بِِلین صبر ایده خانم بو دشت نینوانین عجب چوخ نواسی وار قالدی نه گونلَره گُور مرتضی قیزی مقتلده شمریلن هَله ده اِقتضاسی وار ای شمر گل باتورما بو دنیانی ماتمه خنجر آلینده نیّت، شوم و جفاسی وار هفت آسمان تزلزله گلدی بو صحنه دن ای وای اوغول دئین ننه نون آه و واسی وار مقتلده ، بهجتا ، نَلَر اُولدی حسینیلن تودموشدی شمر خنجرینی جان بهاسی وار علیرضا بهجتی مهربانی

#حضرت_زهرا_س یومدی آغلار گوزلرین دنیایه تا خیرالنساء دفنینه فوراً، تدارک قیلدی شاه ماسوا چون وصیّت اِیلمیشدی ئولسه گیزلین دفن اولا لیلهء ظلمتده تاپشیردی مزاره مرتضی وار خبر خاک بقییعده شاه مظلومان علی بیر نچه قبرین گیجیله طرحین اِیتمیشدی بنا آز زمان ایچره بو فعلی بولمه آسان حیدره قویدی جاندان مایه بو تشییعده شیر خدا یِتدی اتمامه گیجیله تا بو فعل جانگداز مرتضی گَلدی یانان درگاهینه چَکدی قرا جمع ایدوب اِیوده بالالارین او سرور باشینه بیر سینخ نی تک تمامی ایتدیلر آه و نوا گاه حَسن سَسلوردی ای گوشواره سی قانه باتان گاه حسین سَسلوردی ایتگین قبریوه جانیم فدا سس ویروردی مرتضی پی دَر یانخلی سَسلَره گورسنیردی مجلس ماتمده بیر آیری صفا ناگهان یوز دوتدی مولا زینب نالانینه بیر اشاریله آلوبدور مطلبی مام بلا... نوحه خوان اولدی او بزم ماتمه زهرا قیزی یاندی یاندیردی او جمعی عرشه قوزاندی نوا سسلیوردی ای گیدن قبره اورکده غملری من دیدیم دردون منه فاش ائت خفاده ساخلاما آیری کیفیتده بیر ماتم بتوله دوتدلار نه ایله ماتم اولار بیرده، نَده ماتمسرا سَس سَسه ویرمیشدیلر زهرا بالالاری تمام نالهء جانکاهیله تسخیر اولموشدی فضا عرشه گوزانمشدی دیللردن زن بس ناله سَسی قونشلار بولدی ئولوب زهرا، دوتوب حیدر عزا عاقبت یثربده دوشدی بو خبر دیلدن دیله مطلع اولدی خبردن ثانی اول اهل جفا باخ غرور و کِبره ثانی ده اَیا صاحب زمان جمع ایدوب تشکیل شورایه، نچه شوم و دغا دوتدولار تصمیم آچسونلا بتولین قبرینی تا نماز مِیتی بوبکر ئوزی اِیدسین اَدا ثانی بی دینین آردیجا بوتون مردان پست اولدولار راهی بقییع نین سمتینه واویلنا ویردی بیر کیمسه او دم مولایه گیزلینده خبر آشنای اهل دل اولماز اولا بی آشنا تا ائشیتدی اِیستیور ثانی اِیده نَبش قبور یتدی قبرستانه صیحه ویردی میر مقتدا باغلامیشدی بیر ساری دسمال او دمده باشینه ال آپاردی ذولفقاره ناگهان شیر خدا سَسلدی هر کیم بتولین قبرینه قصد اِیلسه ذوالفقاریله باشی تَندن گرک اولسون جدا اولدوربسوز ظلمیله پیغمبرین ریحانه سین قویمسوز قبرینده ده دخت نبی راحت یاتا کیمده وار جرأت بو دم آچسون بتولین قبرینی ایلیوم تا بو مکاندا عمرونی رو به فنا چوخ خطالر ایتمیسوز عالمده ای مردان پست ایتمیون بو پست فعلیله دوباره بیر خطا یا گلون ترک ایلیون فورا بقییع توپراقینی یا چیخون میدانه ختم اولسون بو غملی ماجرا باخمیون ناموسیمی دوگدوز قاپیمدا دینمدیم دعوت اِیتمیشدی نه چون که صبره ختم الانبیا آچمیسوز اوندان علاوه کوچه ده اَل عورته یاندروبسوز قلب طاهانی سیز ای اهل جفا هر کیم آچمیشدی اَلین زهرایه، گر وار جراتی عرصه میدانه گلسون ایندی بی چون و چرا مرد، مرد اولسا، اَل آچماز کوچه ده بیر عورته جنگینه یا مرد گَلسه، جنگیدن ایتمز اِبا الغرض ثانی ده جرات اولمادی ویرسین جواب فاطمه حقین اقلا مرتضی ایتسون اَدا غیضیدن النوندا دوشمشدی گره شریانیلر گوردیلر که اولماق اولماز حالینه بی اعتنا قورخدان اشرار گِتمیشدی سکوت مُبهمه اعتداره آچدی دل ثانی شوم و بی حیا عرض ایدوبدور منده دستور آلمیشام بوبکریدن عفو قیل بولدوم دگور جایز، بو فعلیم مطلقا نوحه یاز صبح و مسا، آغلا بو ماتمده عتیق قویما اولسون عمروی بیجا بو عالمده فنا التماس_دعا🙏