کانال رسمی اوخشامالارو اشعارونوحه سرای مداحی

پندیات - مقام مادر - مناسب مجالس ترحیم ✅ گریز به حضرت زهرا سلام الله علیها ابوالفضل عباسی معروفان ایاقی آلتدا اولان جنت الا علی، آنادی کان رحمت آنادی رتبه سی والا آنادی آنا بیر شمعدی پروانه نین عشقیله یانور بالیا خاطر ائدن هر نه مهیا آنادی راضی اولماز بالانین حالینی افسرده گوره سنون احوالوین آزرده سی تنها آنادی آغلیان وقتیده سن نازیله لایلای سولین صوتی جانبخش ،خوش الحانی دل افزا آنادی صبحه جک گوزلری یاتماز یاتاسان آسوده مهر و الفتده اولان وسعتی دریا آنادی آنانین خیر دعاسی سنی غمدن قوتارار ایلین غملریلن آری مدارا آنادی آنا تا زنده دی سعی ایله اونون قدرین بیل نئچه گون قلبوه مهمان مُصفّا آنادی یوز ئیل احسان و عبادت سنه ائتمز چاره اولماسا راضی آنا، اصل قضایا آنادی سینیما قلبی مبادا اونا کم لطف اولاسان گویلون آل رأفتیلن دلبر زیبا آنادی باخ مقام و شرف مادره، انکار ائلمه که خلایقده اولان افضل معنا آنادی آنالار جمله ئوزون فدیه بیلر بیر خانما آدی زهرا لقبی ام ابیها آنادی دوقوزئیل سینه ده دورت گل بئجریب بی همتا قارداشا حسرت اولان مادر طاها آنادی او جوان سنّیده غمدن آغاران زلفلری یوزونه سیلی دگن عصمت کبرا آنادی در و دیوار آراسیندا الی الدن اوزولن قولی پهلوسی سینان محنتی عظما آنادی یاشادی بس که غریبانه غریب ئولدی خانم نصف شب دفن اولونان همسر مولا آنادی نه عزایه گلن اولدی نه تسلّی وئرنی زار و محزون بالالار اولدی معزّا آنادی اوخشاما باشلادی زینب حَسَنِین آغلادیلار باخدی مولاده دئدی ، وای منه زهرا آنادی غصه لر یورقونی دای بو گئجه نی راحت یات گرچه یاتماز منیلن چشم ثریا آنادی در و دیواره باخاندا دییرم یازهرا غسل هنگامی ائدن دردینی افشا آنادی فاطمه ، محسنه خاطر ائله " معروفه " نظر اونا هیئت سندین ایلین امضا آنادی #ختم_خوانی

راجع به دفن پدر ومادر ای قرا،توپراق یورو لموش جانی تاپشردم سنه🌳گوهر پر قیمت واعلانی تاپشردم سنه🌳 محنت ایا میدن واردور دلنده سو زوساز🌳 انجید وب سالما فشاره سن مدا را قیل بیرآز 🌳 جسم وجانیمدور منم اول لاله گلزار ناز🌳خسته وافسرده بیربا غبا نی تاپشردم سنه🌳 سخما چوخ پوزما  جگرقاندی پریشان ایلمه🌳روحینه ایذا ایدوب هرلحظه نالان ایلمه🌳ائللریندن آیرلوبدی چوخ هراسان ایلمه🌳باغ عزتده اولان ریحانی تاپشردم سنه🌳یادیمه دو شدوکجه هرآن وای دیئوب دل داغلارام 🌳نالیه گلم سحر آخشام یاسندا آغلارام 🌳بوسولان رخساره دائم اشک محنت باغلارام🌳صحبتی شیرین یوزی زیبانی تاپشردم سنه🌳 باشینی سالمش هزاران محنته چرخ فلک🌳تیره وتاریک یر ،باریک مکان داغلی اورک🌳ال اوزوبدور دارفا نیدن اولوبدور دیده تر🌳دردوغم. آماجی ،دل تنهانی تاپشردم سنه🌳 هرنقدری ائیلدیم ئوپدوم یوزوندن دویمادم🌳باخدی حسرتله منه زیبا گوزوندن دویمادم🌳 آخرلحظه نه چاره من سوزوندن دویمادم 🌳گل یوزی دوتقون مه تابانی تاپشردم سنه🌳 عزتیم جاهیم  جلالیم شوکتم الدن گیئدوب🌳حیف اولادارفناده قدرتیم الدن گیئدوب🌳نیلیوم چارم ندور دای قیمتم الدن گیئدوب🌳آشنای محنت وهجرانی تاپشردم سنه 🌸🌸🌸🌸🌸🌸🌸🌸🌸🌸🌸 #ختم_خوانی

بنام خدا تقدیم اولسون بوتون کربلا عاشقلرینه """""""""""""""""""" بی گمان‌ بوسوزه واقف دی بوتون اهل یقین کعبه دی خانه ی خلاق سماوات و زمین بونا سوز یوخدی اونون‌ بانی سی خالق اوزیدی بودی کعبه بوتون ابیات جهانین گوزیدی کعبه نین شانی فراتردی مقامی اوجادی مکه نین ده آدی چو کرب و بلا دلربادی بو ایکی شهر و دیار صاحب آوازه دی لر مسلمین جهانا معنوی سرمایه دی لر دیماخ اولماز بولارین هانسی سی افصل تردی قیاس ائتماخ اولاری بحث مفصل تردی گوز آچوب کعبه ده مولای دو عالم بیلیروخ در و دیوارین اوپوپ حضرت خاتم بیلیروخ یول سالوب فوج ملائک بو مقدس مکانا بودی ناز ائیلوری بو  بیت زمین و زمانا الغرض با همه ی منزلت و جاه و جلال اولین شرط تشرف دی اورا مال و منال دنیوی سرمایاسی بیر نفرین اولماسا گر بی گمان بیت خدایه گئده بیلمز او نفر کربلا زائرینه شرط و شروط یوخ ابدا مانع ریز و درشت خط و خطوط یوخ ابدا نیتی پاک‌ اولانین تذکره سی صادر اولار بیر گونی کرب و بلایه او یقین زائر اولار کعبه دی بیت خدا شهرتی آفاقه چاتوب اوجا شانی اورانین عرشی لره سایه سالوب مقطع شعری سوالیله مجلل ائدیرم پاسخون بنده سیز عشاقه محول ائدیم قبله ی شرعیه سوز یوخدی مشخص دی یقین هارادی قبله ی آمال شما اهل یقین؟ هارادی باب رجا قبله ی حاجت بویورون؟ هارادی بحر عطایا و عنایت بویورون؟ فاخرم کرب و بلادی ساحل آرامشیم اعتبار و افتخارو اعتقاد و بینشیم کربلا شوری باشیندا اولمویان عاشق دگی قبله گاه عشقه نائل اولماقا لایق دگی التماس دعا کربلایی مسلم فرتوت #فاخر

سینه زنی فاطمیه ای کمگیم فاطمه سینه یارا قول یارا سن منی تنها قویوب سویله گیدورسن هارا سن شرف حوریسن گوزلریمون نوری سن مدرک حقدون پارا سویله گیدورسن هارا ای منیم همدمیم صبر ایله دلده چوخدی غمیم صبر ایله کاش آناسیزلیق سوزون ایوده فلک سالمیا اوغلان اوشاقی دوزر قیز ننه سیز قالمیا زینب وکلثوم اوچون آیرلقین سختیدور غصه ییر قیز اگر گویلون آنا آلمیا ای منیم هممدمیم صبر ایله دلده چوخدی غمیم صبر ایله عمقیزی گور حیدرین دیده خون پاشینی قالخیزا بولسون الین سیل گوزومون یاشینی غصه لیم غملیم منله دانش فاطمه قویما دیه سینمه آیرلیقون داشینی ای منیم هممدمیم صبر ایله دلده چوخدی غمیم صبر ایله هی دیوسن قویمیون سینه بالام داغلاسون عالم اگر آغلاسا قویما حسین آغلاسون عادت ایدیبدور سنه سن کیمی گلمز ننه سن کیمی کیمدور چکیب نازینی کیم ساخلاسون ای منیم هممدمیم صبر ایله دلده چوخدی غمیم صبر ایله 🖤🖤🖤🖤🖤

#نوای_ماندگار 🏴در فراق مادر 🎼سبک: گلدیم هرایه آی قهرمان اباالفضل سوندی چراغ خانه تار اولدی آشیانه گلوق آنا غمونده قارداش باجی فغانه لایلای آناما لایلای ... ای قلبیمون توانی لطف حقین نشانی یاندیردی نارهجرون بوگونده جسم وجانی لایلای آناما لایلای ... غملی دیلین قواسی گوزلریمون ضیاسی یات قبرائوینده راحت ای دیلرین صفاسی لایلای آناما لایلای ... صحرای دل مارالی دوشدون ندن آرالی تیرفراقون ائتدی بوقلبیمی یارالی لایلای آناما لایلای ... عشقیله گل بجردن حائل اولان خطردن غمدیده  گللروی سالدون ندن نظردن لایلای آناما لایلای ... ای معدن عطوفت گنجینه سخاوت دورآل بیزی قوجاقه لطفیله ایت عنایت لایلای آناما لایلای ... آشفته دور خیالیم گلمزسانا ملالیم گتدی سنیله قبره بودهریده جلالیم لایلای آناما لایلای ... ایکاش آنا ئولیدیم غملردن قورتولیدیم بوغم قالوب اورکده دردون ندور بولیدیم لایلای آناما لایلای ... غمدن یانار (جوانی) عرشه چخارفغانی رویاده گوگلی ایستر گورسون هر گون آنانی لایلای آناما لایلای ... 🌸🌸🌸🌸🌸🌸🌸🌸🌸🌸🌸🌸

شان  مقام مادر                   گریز به حضرت زهرا. (ع) سن محبت گلینی قلبیمه اکدون آناجان ایوین آباد نقدر غصه می چکدون آناجان دوقوز آی تا یوزیمی گورماقا حسرت قالدون منچون اولدی نقدر زحمت دردون آناجان آغلیان وقتیده من آغلامسان چوخ گجه لر هر نه غم گلدی منه  غصه دن اسدون آناجان آغلیان گوزلروه گوزلریم اولسون قربان گوزلرون یاشنی شبنم کیمی توکدون آناجان حقلیسن گر ایاقون آلتدا بهشت اولسا سنون چکمسن رنج بلالر بویا گتدون. آناجان ایندی بولدیم آناجان گوهریم الدن گیتدی آیلیلیق دوشدی سنه الفتی کسدون آناجان دوزدور عالم اولانی واردی ئولوم آیریلقی تیزیدی ئولماقوا سن نیه گیتدون آناجان فلکین چرخی سینیدی منی قویدی آناسیز گوروم ایکاش دونه سفله گردون آناجان سن گیدن گوندن ایوین گیتدی صفاسی سنیلن باشیمزدن نیه تیز سایوی کسدون آناجان         گجه گونوز یانارام من سنه ایوای دیرم     منه لای لای دیمسن یات سنه لای لای دیرم ایندی بولدوم نچکوب زینب کبرا آناجان حقلیدی گوزیاشی گوزده اولا دریا آناجان من هارا زینب هارابش یاشی وار قیز اوشاقی گجه تابوت گیدور سسلدی. مهلا آناجان آندویرم بو حسین وحسنه گیتمه دایان اوخشیوم بی بویوی گیت صورا زهرا آناجان انا تابوت دالیجا قاچوری گه یخلور آغلیور سسلیوری ام ابیها. آناجان زینبون ناله سینه قویدیلا تابوتی یره یانا یانه دیدی ریحانه زهرا.  اناجان آنانون نعشینی آغوشه آلوب کنز حیا ایاقین اوپدی دیدی ای گل طاها آناجان ایاقون ئوپدوم آنا کرب وبلانون ورینه گلگلن قتلگهه حالیمه. آغلا. آناجان تای توشون چوخلاری ایولرده گلین تک گزوری ولی سن قبره گیدورسن ندی آیا آناجان (قهرمانی)نه گوزل نظمه چکوبدی آنانی گلمیوب عالمه گلمز سنه همتا آناجان نوشته شده در تاریخ.                  ۴ ۱  /۸ /۴۰۳

#آنا وصفینده 🌿🌿 دولانیم باشیوا هر زمان سنون ای ایکی عالمده عزّتیم آنا قابل دگول  بو جان  قربانون اولا  عزّتیم شرفیم شوکتیم آنا 🌿🌿🌿 دنیایا وئرمرم بیر باخشون من او گوزل باخیشدان محبّت یاغیر محبّت یاغیشین یاغدیراندا سن کوچور اورکده کی محنیتم آنا 🌿🌿 گویلوم ایستور ئوپم گول یاناقوندان ادب حکم ایلیور ئوپ ایاقوندان ئوپوم من ایاقون قوی گوزوم اوسته هدره  گئتمسین فرصتیم آنا 🌿🌿 دوزدی کی  جنّت وار ایاقون آلتدا  ایاقون ئوپمرم جنّته خاطیر جنّتین نیلورم سن سیز آی یوخومدی جنّته رغبتیم آنا 🌿🌿 دوشوم ایاقیوه  سجده ایلیوم فریضه دور سنه سجده ایلماخ حرمتون واجبدی نمازدان قاباق گرکدور اولمیا غفلتیم آنا 🌿🌿   لا شریک اللّهدی سوزوم یوخ بونا خطا دگول سنه من الله دئسم سن منه ایکمجی خداسن خدا محضرونده اولا طاعتیم آنا 🌿🌿 بویورموش قراندا حی لا یری  آنا مقدّسدی حرمتی واجب کیم باخوب سوزومه ایلسه عمل شامل اولار اونا رحمتیم آنا 🌿🌿 حلالی حرامی منه اورگدن ایکی دنیا اوزون  آغ اولسون سنون چالیشدون دوز یولا من قدم قویام خوش اولسون عالمده فطرتیم آنا 🌿🌿 قوشدون سن من اوچون گوزل نغمه لر، گجه گوندوز آنا اوخودون هر تک تکی بالدان شیریندور  شیرین اولوب دیل ازبریم صحبتیم آنا 🌿🌿 آخ نجه  نغمه لر مهربان آنا گورسدی چون  منه حقیقت یولون خانیم فاطمه دن آلاسان عوض سن اولدون باعث ِ رفعتیم آنا 🌿🌿 (ثمودی) مدیوندی گول وجودیوه دوز صود وئریب  بویا باشا یئتیردون بیر گوزل قاپیا  اورگدون منی آدلانا شعوریم شهرتیم آنا 🌿🌿 خانیم فاطمه دن سن ایسته آنا اماندی گوزوندن سالماسین منی ساخلاسین دائماً علمی آلتدا  قویماسین اسگیله  قیمتیم آنا

▪️درسوگ مادر گریز به شهادت حضرت زهرا(س) 🎼سبک: الهی ننمن اوزولدی الیم... 🎼سبک: خدا مادرم را کجا میبرند... خدایا     گئدیبدور       الیمدن       آنام بو  هجران   غمینده   گرک   من   یانام ئورک    دولدی     الله گولوم    صولدی   الله آخور     گوز     یاشیم توکور  اشک  حسرت دیور      وا     مصیبت باجی          قارداشیم **** آنامین    غمینده    یوخومدور     دوزوم او  ئولدی  قرادور   منیم  بو  گوندوزوم گوزین یومدی گئتدی منی   غمگین   ائتدی نئجه     من     دوزوم الین    ئوزدی    مندن صولوب   گل  چمندن آنام  دور        سوزیم **** آنامین     فراقی      من          یاندیرور دوشوب     اود    بو   قلبه   الولاندیرور آنام    گوزدن    آتدی مزارینده          یاتدی ئورک            داغلیام ائدیب   دیده  گریان منی   چوخ   پریشان گرک               آغلیام **** ولی    بیر   آنا    وار    ئولوبدور    جوان آتاسی   ئولندن       اولوب    باغریقان قالوب   پشت    درده گلوب    سینه     درده آخوبدور             قانی قالوب  دورت  بالاسی حسینین          آناسی چیخوبدور         جانی **** ائدیبدور    علینی   غمی      دیده      تر گوروبدور     قالوبدور       بدنده      اثر ووروب    ثانی   سیلی گل  اولموشدی   نیلی توکوب   گوز   یاشین یانوب   پشت   دردن قالان   چوخ    اثردن آغارمش         باشین 🌺🌺🌺🌺🌺🌺🌺🌺🌺🌺🌺

🍂🍃 بیوفایی دنیا و عشق 🍃🍂 ای بشر فکر ائله گور کیملَره دنیا قالاجاق بو قَدَر  دَبدَبه لَر  گئتملی دور  یا قالاجاق حشمت و جاه سلیمانون هانی بیر  اثری هانی اسکندرون آثاری کیمون وار خبری تخت جمشیده نَه گلدی هانی  پرویزلَری کُلّ  مخلوق فنادور ئوزی  یکتا  قالاجاق بوجهاننان هامی بی چون وچرا گئتملیدی آقیلان  قاره  ،  عَوام  و  عُلما   گئتملیدی اَغنیا  و فقرا   ، شاه  و  گدا   گئتملیدی فانی دنیاده نَه ساغر نَدَه صهبا قالاجاق سُرمِهء غفلتی پاک ائت آیق اول آچ گوزووِی بِش گونون  لذّتینه سالما بلایه  ئوزووِی گَل بیرایش گوردانیشان وقتیده هرکیم سوزووِی خیریله یاد ائلسون چونکه بومعنا قالاجاق سانما رُستملره  بو قدرت  بازونی  قالا اَلِفِ قامت سَروی چوخونون دوندی دالا آلا گوزلَر آخینار، رنگ دوشَر حالدان حالا صورتین رنگی سولار سیرَت زیبا قالاجاق قاره تپراقلارون آلتیندا یاتان وقتی بَشر اونامونس اولاجاق یاخشی یامان خیریله شَر توشه ی عشق او زمان مَنزل عُقبانی بَزَر عشقه بیگانه  اولانلار نجه آیا   قالاجاق شمعیدن بو سوزی پروانه گجه آلدی خبر منی آزقالدی اَیاقدان سالا بو سوزو شَرَر نَه حالاسن قالاجاقسان دِئگورَم اولساسحر صُبحه بوشعله ی رَقصانیده یارا قالاجاق اِئشیدوب تابوسوزی شمعین اولوب اشکی روان رقص اَنواریله  پروانیه تِز  قیلدی بیان عشقه ای بَذل ائلین شوقیله سرمایهء جان سن گئدنن صوراشمعی بِئله سانما قالاجاق گردش چرخی دیوم واقف اول ای خَسته بَدن گجه چاتماز باشاامّا دونه جَکسن کولَه سن صبح اولان وقتی یاخوللام بیلورم تپراقا من گجه نون واقعه سی صُبحه مُعمّا قالاجاق گون چیخان وقتی هامی شمعیله بیگانه اولار اَنجمنده داها نَه شمع و نَه پروانه    اولار سوزومیز مَحفل اَرا  دیللَره  اَفسانه اولار سنله من گئتملیوک عشقیمیز امّا قالاجاق عشق آدی گلدی گنه خامه سوزه حاشیه آچ بیر نشان  اَدبی    سینهء  دیوانووَه ساچ کوی عِرفانه گنه سال یولی تعجیلیله قاچ شب پَریله نَه ایشون قافیده عَنقا قالاجاق عشقین اَرکانی مُسلّم که علینون  آدیدی اول و آخر  قرآنیمیزون   هر  زادیدی زاهدا بیل بوعلی صوم وصَلاتین دادیدی فانی و باقیده  والله بیزه مولا  قالاجاق مُدَّعیلَر ورورِی ایندیده اسلامه ضَرر حیدریلن مَحَکه ثانیِ مَلعونی چکر گوهر نابیلَه  خَرمُهره  برابردی  مگر گوهری باخسا بیلرهانسی هایاندا قالاجاق (نادرون)کیمدی یامان گونده که اولسون دایاقی نگران اولماز اگر اولسا  علینون  قوناقی کیمده وارحُبّ علی قبری اولار طوی اُتاقی هول محشرده اونون قِیدینه مولا قالاجاق

(در اهنگ. من هم میخوام برم)                   (زبانحال حضرت زینب)   یتیمه بیر قیزام.      اورک یارالیام          انام ئولوب منیم     باشی قرالیام           یارالی آی ننه.      فدا اولوم سنه.             من آغلورام فلک    باخور گولور منه هایاندا یاتمسان.        یارالی آی ننه یروی ویر نشان.        فدا اولوم سنه                  حیالی  آی ننه.    وفالی وای ننه     گیدن مزاره تز       عزالی آی ننه گجه لر آغلارام.       سینمی داغلارام یروی بوش گوروب.   بو نوعی اوخشارام      دیرم آی ننه.       نگلدی بس سنه     جوان ئولماقون.   محن ویروب منه   یولاسالان زمان         گیدنده قبره سن ایاقون اوپمشم.         بو نیتیله.  من       گلر که کربلا.      او قتلگاه آرا       حسینوه گوره.   هرایه. گل  آنا جفای شمردن          قدیم اولار کمان حسینوین باشین      عدو کسن زمان                وبیرده شامده      آخاندا کوکبون        باشیمون اوسته گل        ئولنده زینبون

کانال رسممی اوخشامالارونوحه سرای مداحان بایرام گیجر یاز اولار بلبل گله بازاولار بالا.بیلمدیم اوخلانارسان سنون عمرون ازاولار.........ای لای لای بالام لای لای ای 😭😭😭😭😭😭 باشا قارانی سالارام .....ای گللردن عطروی الارام....ای اوغول یوخومااگرگلسون باشووه بیریودولانارام .....ای 😭😭😭😭😭😭 امان فلک داد فلک....ای هیچ المادیم شاد فلک.......ای عالمه شربت ویردون ایچیرتون منه زهری فلک....ای 😭😭😭😭😭😭 من اچمارام علی باشدان قاروی .....ای باغلامادیم پیکان بیچن یاروی ......ای دائیلارون علی گلدی وطنده تانمادی اوغلی ئولن رباب آناوی ......ای 😭😭😭😭😭😭

#یک بند برای مادرانی که داغ جوان دیدند🥀 سبک👈یارالی جان یارالی ▪️▪️▪️▪️ ننه نون اوغلی ئوله قلبی اولار قان گئجه لر گورر اوغلون یوخدا دوزمز او نالان گئجه لر ننه نون اوغلی ئوله گونده خیالاتی اولار ننه نون اوغلی ئوله گوزلری اشگیله دولار ننه نون اوغلی ئوله گل کیمی بیر گونده سولار داریخار ئوده اولار دیده سی گریان گئجه لر ننه نون اوغلی ئوله اللری قوینوندا قالار ننه نون اوغلی ئوله قلبینی غم غصه آلار گوزلری گونده دولار اشگیله آغلار بوشالار بازار اطرافینه اول حالی پریشان گئجه لر هرکسون اوغلی ئوله دای یوخی گلمز گوزینه اوخیال عالمی هردم دانیشار اوز افزونه آعلیار آیری سوزی قاتلان و اوهجران سوزونه چوخالار دردی یاتابیلمز او تالان گئجه لر

#اوخشاما_پدر داغلار باشی چم اولدی آی دده ای قلبیمین اوستونه غم اولدی آی دده ای مهربان ددم اولدی الیم اورکده قالدی آی دده ای (یتیم بالانین اورگی سنق اولار نسگیلی اولار یری وار یتیم بالا بئله دیه) یتیمه داغلار آغلار ای خزانلی باغلار آغلار ای آی ائلر دردینی دیه بولمز قاپنی باغلار آغلار ای

برای ختم فرزند😭😭 ائلون مارالی آی بالا       باشی بلالی آی بالا ائودن چیخدون گوله گوله     گلدون یارالی آی بالا یوزه سیل اشگیمی باغلارام من ئوزوم سنه سینه داغلارام بالاوای دیوب یانوب آغلارام همیشه محنت وبلا       بلالی باشلارگللر فلک اوخ آتسا دوز گلوب      یارالی سینیه دیر یوزه سیل اشگیمی باغلارام من ئوزوم سنه سینه داغلارام بالاوای دیوب یانوب آغلارام جوان داغی بو دهریده      آنالارین بلین بوکر مزاره گئتسه ده گئدر      یقین عزالی آی بالا یوزه سیل اشگیمی باغلارام من ئوزوم سنه سینه داغلارام بالاوای دیوب یانوب آغلارام 😭😭😭

🔹در فراق جوان🔹 ✍شاعر : علی عبدی ای جوان بالام لایلای مهربان بالام لایلای گل کیمی بو دنیاده تز صولان بالام لایلای ای گوزل گُلوم لایلای نازلی بلبلوم لایلای حسرتی قالان دائم دلده سویگلوم لایلای گوزلریم بالا آغلار اَشکیمی یوزه باغلار عکسیوه باخوب حسرت غم اورگیمی داغلار سن ئولن زمان اوغلوم قلبیم اولدی قان اوغلوم باشیم اوسته دولاندی بیردن آسمان اوغلوم سن نه تز منی آتدون گون کیمی اوغول باتدون خوشلادین او دنیانی قبریده گئدوب یاتدون قبرین اوستونه گللم من یانیندا دینجللم گوز یاشیمالا بو قبرین داشینون توزون سیللم

اوخشاما ننه ننه ! ئورکده یارا گئتدین آیری دوشوب اوزاق دیاره گئتدین یاشاییشین شیرینلیگی ای آنا قویدون بیزی آناسیز هارا گئتدین؟ ننه ننه مقصده چاتان ننه آخشام چاغی گون کیمی باتان ننه آرزیسی قلبینده جوان وقتینده بالالارین گؤزوند‌ن آتان ننه ننه ننه غمونده دل داغلارام ماتمونده اشکیم یوزه باغلارام یاده ساللام سنله گئچن گونلری هی ننه وای سؤیلییر‌م آغلارام

▪️درشهادت حضرت زهرا(س) ▪️سبک: ای قمچیلر آلتیندا دیلدن دوشنیم... زهرا زهرا زهرا   اللرده اولن زهرا(۲بار) پر سینه اسرارین   مسمار بولن زهرا زهرا زهرا زهرا    غمدن قوجالان زهرا درگاه الاهیده     باشی اوجالان زهرا یازهرا یا زهرا معصومه زهرا یا زهرا یا زهرا مظلومه زهرا اوت ویردیلا حق اوسته    یاندیردیلا درگاهون صبر ایلدون هر یاندا       آگاهیدور الله هون زینبله حسن اولدوز        گویلرده حسین ماهون باتدی سینوه مسمار       سقت اولدی بالون زهرا یازهرا یا زهرا معصومه زهرا یا زهرا یا زهرا مظلومه زهرا دگدی یوزوه سیلی   قلبونده یارون چوخدی دوشمن سوزی زهرایه    ماننده سه پر اوخدی بیز زهرییا قوربانوخ      قارداشی اونون یوخدی قارداشی گر اولسیدی      یانمازدی در زهرا یازهرا یا زهرا معصومه زهرا یا زهرا یا زهرا مظلومه زهرا یاندیردیلا درگاهین   دوشدی معجری باشدان مولاسی بو زهرانون    بیر ضربه گوروب باشدان کیم ایستیه انسانی  حتما تانیار باشدان چوللرده عزیز اوغلی     عریان قالان زهرا یازهرا یا زهرا معصومه زهرا یا زهرا یا زهرا مظلومه زهرا اون سگّیز ایل عرضینده   فورا قوجالان زهرا تکبیر مناجاتی   عرشه اوجالان زهرا زینبه اوشاق وقتی   لای لای چالان زهرا یازهرا یا زهرا معصومه زهرا یا زهرا یا زهرا مظلومه زهرا بو اولمگی زهرانون      آرام جانیم آلدی ایوده نجه دوردانه     یارب یتیم قالدی زینب گل ریحانه     باشینه قارا سالدی باعثی ذلیل اولسون    سن سوله جوان زهرا یازهرا یا زهرا معصومه زهرا یا زهرا یا زهرا مظلومه زهرا زینب ددی ای بابا     زهرانی هارا گتّدی ثانیه سیه چهره      محسنی شهید اتدی یاز سنده جوان زهرا    جدینه قوناق گتّدی قبری دیولّر ایندی       بی نام و نشان زهرا یازهرا یا زهرا معصومه زهرا یا زهرا یا زهرا مظلومه زهرا التماس

دفن حضرت زهرا (س ) نوید_آسال_اردبیلی 🔸🔸🔸 آه یابن الحسن عذر ایستیورم سندن آقا یارالی قلبووه عاشقلروون جانی فدا میخ در بیلمیورم نیلدی مظلوم آنووا فقط عرض ایلیورم گول کیمی زهرا سولدی تک قویوب حیدر مظلومی جوانمرگ اولدی 🔸🔸🔸 گون اوگون اولدی غرض فاطمه نی شاه جنان سینه سی یاره لی تابوته قویوبدور نگران گتیروب یاسمنین دفن ایلیه ناله کنان قویدی تابوتی یره سالدی احبانی یولا دیدی زهرانی گرک حیدر أوزی قبره قویا هره بیر سمته گیدوب قالدی علی شیرخدا گوزلریندن توکولور صورتینه اشک عزا دیدی بیر کلمه فقط دلبرینه شاه ولا دیدی زهرا بو گجه سنده علینون داشین آت یورولوبسان بیلیم قبریده گیت راحت یات یری وار ارض و سما ناله و افغان ایلیه اچا باش روح الامین گوزیاشینی قان ایلیه ایستدی عرشی علی فرشیده پنهان ایلیه هجر زهرا اوزمان لرزه سالوب صبر ایوینه قویدی حیدر یارالی دلبرینی قبر ایوینه اوتوروب قبرینون اوسته ایلیور آه و فغان دیدی خلق ایلمیوردی منی ای کاش یارادان بو غمون فاطمه جان قلبیمی بولدی آرادان بیت الاحزانه نه یوزلن دینن آیا قیودوم سنی مندن خبر آلسا بالالار من نه دیوم ناگهان خوابه گیدوب نور خدای ازلی گوردی رویاده علی فاطمه نی بلده الی دیدی دور گیت ایوه تز قالما بو مأواده علی دوردی فورا قیودوب منزله اطفاله گوره گوردی هر گوشه ده آغلور هره بیر حاله گوره بیری دی سیلی اونا ثانی ویراندا واریدیم بیری دی پشت دره قانی آخاندا واریدیم بیری دی محسنه حسرتله باخاندا واریدیم بالالار ناله سی قلب فلکی داغلوردی هامیدان چوخ ولی بیچاره حسن آغلورد

-فاطمیه به قلم: استاد نادر بابایی بوگئتمگونله کونلومی سالدون بلایه سن تنگ ایلَدون بو یر یوزونی مرتضایه سن بیرحاله قالمیشام منه آغلار گلوب گئدن دور چاره ایله درد و غمه مبتلایه سن ئولدوم دیریلدیم اونداکه دوردون عبادته من شاهدم که بیر اَلی آچدون دعایه سن بوگئتمگیله فاطمه جان اولما کوسموسن وارحَقّون ایندی ایلیه سن مین گلایه سن پهلولرون سینوبدی ائویمده حلال ائله نیلی یوزیله گئتملی اولدون بقایه سن نیلوم بو روزگاریله ، باغلاندی اللریم حیدر ئولیدی کاش گلیدون عزایه سن سن بیل حسینووین جانی گَل عفوائله منی حَدَّن آشان بلانی دئمه مصطفایه سن قَدّیم بوکولدی توز بورودی ذوالفقاریمی گورسون بوحالیمی گله جَکسن نوایه سن ئوز ذوالفقاریم ایندی اولوبدور عصا منه آچ گوزلرونله هَم منه باخ هَم عصایه سن خیبر شکن گرک آلا  آغوشه دیزلرین مهدی بالون هایاندادی سسلَه هَرایه سن خَلّاقه ائت توکّلی (نادر) مقاوم اول اظهارحاجت ائت گنه شیرخدایه سن التماس دعا عدلی تبریزی .. ❣❣❣❣❣❣❣❣❣❣