کانال رسمی اوخشامالارو اشعارونوحه سرای مداحی

حالات حضرت زینب (س) زبانحال حضرت اباعبدالله (س) در عزای خواهر کلامی زنجانی آخشام چاغیدی چخدی غرض جانی زینبون تاخیره دوشدی شام غریبانی زینبون من بیلمیرم عزایه گلن اولدی اولمادی گوز یولدا قالدی دیدۀ گریانی زینبون الله غریبلر یاسینا کیم گلرمگر؟ مجلس قوتاردی اولمادی مهمانی زینبون بعضی دیورنمازینی سجاد آقا قیلیب تاپشوردی قبره حجّت سبحانی زینبون گیتدی حسن حسین باجیسی تپراق التینا دللرده قالدی دردفراوانی زینبون ایکاش بیر مسافراولیدی مدینیه شاید گلیدیلر یاسا اعوانی زینبون جنّتده مرتضایه خبر ویردی فاطمه اولدی عم اوغلی اولمادی درمانی زینبون دور پیشواز ایداخ بیزه زینب قوناق گلیر هجران کشیده دی یورولوب جانی زینبون زینب نه زینب عاشق دلدادۀ حسین عشقین گواهی حال پریشانی زینبون زینب نه زینب آل علینون مدافعی نسوانه اسوه منطق برّانی زینبون تبعیدیدی دمشقیده زندانیلر کیمین ئولدی قوتاردی مدت زندانی زینبون بُلمم جانی چخاندا نه چکدی نلر دیدی گلدی و یا که گلمدی جانانی زینبون؟ لال اول دیلیم مگرباجیدان قارداشی کوسر؟ دوندی وصاله شامیده هجرانی زینبون معناده چاتدی زمزه سی قانلی تربته آغلاتدی دردی شاه شهیدانی زینبون دوشدی طلاطمه شهدانین بدن لری اصغر اویاندی اولدی نواخانی زینبون باجاییدی امام اوزی سقانی سسلیه عباس؟ دور یتور باشا پیمانی زینبون ای پرچمی یاتان اله بیر قاره پرچم آل چون یولدادور دو دیدۀ گریانی زینبون شام ایچره چوخدی دشمن اولاد فاطمه دورسون ایاقه یوخ داخی امکانی زینبون ویر ال ال گیداخ باجیما تعزیه دوتاخ بُلسونله واردی عزت شایانی زینبون خوش گلدون ائت قوناقلارا شیرین دیلونله سن اؤزعُهدَه مَه قرائت قرانی زینبون ویرانه دن رقیّه نیده سسلرم گلر آباد اولا گرک دل ویرانی زینبون تأخیره دوشسه دفنی پریشان اولار آنام مظلوم آنامدی ایندی نگهبانی زینبون غسالیه دیاخ سویی توکسون یاواش یاواش چون اینجیوبدی قمچیدن هر یانی زینبون شامین یولیندا بسکه دگوب تازیانه لر وار پیکرینده چوخ یارا پنهانی زینبون مندن اؤتؤرباجیم اؤزینی زحمته سالیب شاهددی باشدان الدن آخان قانی زینبون قبره قویاندا آنّینینی خوشدور اؤزوم اؤپم تکمیل ائدیب قیامیمی ایمانی زینبون اولسون گرک به کوری چشم یزیدیان شام ایچره صحن و گنبد و ایوانی زینبون اؤپسونله شیعیان علی آستانه سین دوتسون دمشقی شهرت وعنوانی زینبون یاز دفتره «کلامی» آدون اولما نا امید محشر گونی چاتار سنه احسانی زینبون #کلامی_زنجانی

▪️درفراق پدر ✍بقلم کربلایی علی عبدی زنجانی ▪️مجلس ختم مجلس ای منیم تاج سریم بال و پریم قربان سنه قبریده سن یات بابا بو گوزلریم قربان سنه قبره من سنی قویان وقته آتا چوخ آغلادیم شمعی تک یاندی منیم بو جگریم قربان سنه من نئجه طاقت وئریم بو دهریده هجرانیوه گور نئجه گوزدن آخور اَشکِ تریم قربان سنه حیف اولا قدرین بابا من زنده لیکده بیلمدیم گرچه ئولدین ئولمَقَن یوخ باوریم قربان سنه __ ✍بقلم جوانی صحرای دل مارالی دوشدون ندن آرالی تیرفراقون ائتدی بوقلبیمی یارالی لایلای آتاما لایلای... غملی دیلین قواسی گوزلریمون ضیاسی یات قبرائوینده راحت ای دیلرین صفاسی لایلای آتاما لایلای ... سوندی چراغ خانه تار اولدی آشیانه گلوق آنا غمونده قارداش باجی فغانه لایلای آتاما لایلای ...

#علی_شیر_خدادی ظالم چیخا تخت اوسته اگر شأنی اوجالماز گلشنده ده بیتسه تیکانین ارزشی اولماز حقی یتیشر صاحب حقین بئله قالماز ئولمز اوکه آلله تعالایه فدادی قولاریده باغلانسا علی شیر خدادی ꧁علی علی علی علی علی꧂ اشعار علیوی

روضه حسین جان گل علمدارون یاتوبدی نهر علقم اوسته بابام حیدر اوپن قولّار کسیلدی قانلی پرچم اوسته برادر دلاوریم گل بویاندی قانه پیکریم گل دیدیم آللام سو لشگردن گتیرم اصغرون ایچر سو آناسیندان اولار راضی گولر         دوباره       تشنه     آهو دگوب    پیکان    سو    مشکیمدن قاریشدی       قانیمه      توکولدی خجالتدن        وورور          اشکیم ستاره   تک     یوزومده      سو سو غریق      بحر      محنت     اولدوم رقیّه دن        خجالت         اولدوم فرات   اوسته    دوروب     باخدیم سولار     آخان     مسیره     ساری دیدیم    آی   سو    دایان      باری عطشدن    ئولدی    بیر       قناری گویرچین    تک     چالور      شهپر امور         دوداقلارین       عطشدن قوجاقلاردا       دوشوب       دیلدن رقیّه نون       سوسوز          نگاری گل  آخ    بیر    آزدا    تلّه     ساری ربابون      ئولدی       شیر  خواری ندور       چاره       باشیم        یاره کسیلدی        قولاریم         بدندن بو     غوغادن        بو       سودادن یوخومدی    هیچ    گلایه    سندن فقط     آرزیم     بو دور      گلسون اگر         بو        قانلی      قتلگاهه ایاقوندن   ،     اوپم         قارداش امانیم     اولسا     باش    کسندن بودور        مُحنلی       سرنوشتیم گل   آی   منیم    گوزل    بهشتیم آخوب     قانیم      یازوب     یرده شرفلی         افسرم         حسینه ادب    رسمین      وفا      رسمین ئولونجه         گوزلرم       حسینه منه            گلدی         امان نامه اولام     سپاه      شامه     سردار دئدیم   مین   یول   باشیم گئتشه وفالی             نوکرم         حسینه واریم    یوخوم     حسینه    قربان آزیم     چوخوم     حسینه    قربان منیم    دردیم     آشوب     باشدان هایانداسان        گوزل        طبیبیم اوشاقلیقدان      بو دور         آرزیم سینونده    جان     ویرم      حبیبیم ابوالفضلی        گوروب       قولسوز یوبانما      گَل       ننمده        گلدی بو               صحرای       غم افزاده بهشت       اولوب    منیم     نصیبیم اولوب      کمان     مثالی         قدّی یوزینده    واردی    سیلی        ردّی ( حسین غفاری اردبیلی 🖤🖤🖤

نوحه سینه زنی شاعر کربلایی محمدهوشمند ذاکر کربلایی منوچهرحسن زاده ای منیم آرام جانیم نیّر تابان ابالفضل هارداسان گل باشیم اوسته جان وئریم آسان ابالفضل ای منیم ماه منیریم هارداسان غیرتلی شیریم دورت اوغولدان نئیلیوم بس هیچ بیری یوخ باشیم اوسته گلمیشم نی تک نوایه غربت ائلده دلشکسته آزقالیر عمروم قوتارسین بار غمدن زار و خسته گوزلریم یوللاردا قالدی باغریم اولدی قان ابالفضل من نه مدت دور بیلریسن اولموشام هجرونده دلگیر گوزلدیم یول گلمدین سن روحیمی غم ائتدی تسخیر یوخ امان پیک اجلدن ائتموری بیر لحظه تاخیر آزقالیر چیخسین دوداقدان حسرتیله جان ابالفضل نیسگلیم چوخدور اورکده مونسیم یوخ دور وطنده کیم واریم تا رو به قبله ائیلسین تا جان وئر ده سنده گلسون دردیم آرتار قوللارین یوخدور بدنده اود دوتار یکسر وجودیم ائیلرم افغان ابالفضل سن گئدن گوندن عراقه اولموشام منده زمینگیر هر گئجه گللم فغانه وار اورکده آه شبگیر بسکه نالم ده اثر وار ائیله دی دشمنده تاثیر سس سسه وئردی منیله آغلادی مروان ابالفضل غملی باشدا یدی قاره م وار، حزین ام البنینم اشک حسرت گوزلریمده دلغمین ام البنینم عزتیم گئتدی الیمدن بی بنین ام البنینم گلشن امیدیم اولدی ظلمیله تالان ابالفضل اوز خیالیمده سنیله ای وفالی همدم اوللام طائر روحیم آچار پر کربلاده با هم اوللام سسلرم گلمز جوابیم غرق دریای غم اوللام غم سالار هر لحظه سنسیز روحیمه طوفان ابالفضل #مدهوش #کربلایی_منوچهر_حسن_زاده

🌸🍃🌾🌼 🌺🍂🍂 🍂🍂 🍂 در مقام و نهضت حضرت اباعبدالله الحسین علیه السلام ✍️ حاج اصغر فرشچی (عدلی تبریزی) آچدوقون مکتب همیشه پایدار اولسون حسین هر بنای ظلم و جوری تار و مار اولسون حسین . . سن مقام عشقیده  ویردون بیر عالی امتحان ممتحن اولدی خدا  یاورلرون  پیروجوان سبقت آلدی بیر بیریندن ویردیلر جانانه جان تا جهان وار بو حماسه بر قرار اولسون حسین . . دامن اسلامیده گوردون که واردور رنگ ننگ بیر قیامیلن قیامت ایلدون بی یار و هنگ کربلاده باشلادون تا قوم عدوانیله جنگ دست ظلمی قویمادون دینه سوار اولسون حسین . . سن دیینده هَل مُعین درک ایلدی آواز عشق سسلنوب گهواره دن طفل رضیع سرباز عشق عشقه باخ آلدی مدال عشقینی جانباز عشق هنگ عشقونده دئدون تا شیرخوار اولسون حسین . . مست اولموشدی حبیبون بارگاه عشقیده هم قدم اولدی سنیلن شاهراه عشقیده زر مدال آلدی دایاندی جایگاه عشقیده ایستدی جانان یولوندا سربدار اولسون حسین . . سن حسینون نهضتی حفظ حجاب اوسته اولوب باغ دینون گللروندن نهضتونده چوخ سولوب حیف اولا اسلامی یرلر بی حجابیلن دولوب بی نمازو بی حجاب دیندن کنار اولسون حسین . . سن اوگون حیدرکیمی ویردون نمازه اعتبار ال آچوب راز و نیازه آختاروردون وصل یار ظهر عاشورا ده اولدون دین حقه جانثار تاپمادون بیرجه مسلمان دینه یاراولسون حسین . . حاکم اولسون قویمادون اسلامیانه اجنبی ریشۀ اسلامه قان ویردون دیریدّون مذهبی اورگدوب گیتدون ایده تکمیل نهضت زینبی ایستدون زینب جهاندا نامدار اولسون حسین . . ذبح اعظم وقته گون باتدی دوتوب آفاقی غم عرش و فرشی چولقادی سنگینی درد و الم التفاتون زیر لبده ذیحیاته وردی دم هانسی شه دور سنکیمی تا شهریار اولسون حسین . . سن شهیداولدون اسیراولدی باجون بی اختیار بو اسارتده حفیظ اولدی حجابه چون حصار لیک آغریندا دلی اولموشدی الده ذالفقار اونداکی ایستوردی شامه رهسپار اولسون حسین . . منجنیق غمده گر چه قلبینی سیخدی باجون مکتبونده امتحاندا اولین چیخدی باجون نطق آتشباریلن دشمن ایوین یخدی باجون قویمادی طلم یزیدی استتار اولسون حسین . . کربلاده گر چه قانون آخدی اولدی جویبار لیک ایچدی نخل دین قان اولدی قرآن پایدار مسلمین اورگشدی سندن بو اولوب دلده شعار دشمن قرآن و دین دنیاده خوار اولسون حسین . . زور گویانه قیامون موجب وحشت اولوب چون قیامه چوخلی ملتده بوگون همّت اولوب باعث پیروزی خون کلمۀ وحدت اولوب مسلمینه سن دئدون خوش روزگاراولسون حسین . . سن حقیقت شمعی سن عاشق لرون پروانه دی حُبُ عشقوندن ایچن می مست اولوب دیوانه دی درس آلانلار مکتبوندن عاقل و فرزانه دی بیر بیله مکتب معلم بی شمار اولسون حسین . . ای شهید راه حق قیل بیر نظر بو مطلبه فرقتونده قلب لردوشدی گینه تاب وتبه دعوت ایله کربلایه آند ویروخ زینبه قویما چوخ بواهل هیئت انتظاراولسون حسین . . یازدوروب « عدلی » آدین درگاهیوه خدمتگزار عاصیدورامّا سیزه عشق اوسته چوخ نوحه یازار سن شفاعت ایتمسن محشر گونی اود دا یانار خادمین ارباب قویمازاهل نار اولسون حسین . 🌸 🍃🍂 🍃🌾🌼