Shahnoza Soatova blogi

Мана бу ҳолатга тегишли органлар эътибор қаратишини сўрайман, бирор жиддий кор-ҳол бўлмасидан. Нурбек Алимов каналида ёритилган ушбу мурожаат менга ҳам бугун келиб тушди. Видеони эълон қилишга юрагим дош бермади. Унда кап-катта эркак бир йигитни (балки вояга ҳам етмаган ўсмирдир) машина эшигида ушлаб олиб қаттиқ калтаклаяпти. Калтакланаётган йигитнинг "Яшамайман сиз билан" деяётганини, ураётган эркак эса "Милисага телефон қиладиган бўлдингми" деб зўравонликни давом эттираётганини кўриш мумкин. Мурожаат:

"Тошкент вилояти Ўртачирчиқ тумани Ўртаовул МФЙ да яшовчи М.Х. уй-жойни хотини ва фарзандларидан тортиб олиш ва уларни ҳайдаб чиқариш ниятида турмуш ўртоғи М. С. ни доимий равишда ўлдираман деб, шавқатсизлик билан уриб дўппослаб келмоқда. Сўнгги маротаба хотинини уриб, пичоқлаган ва онасини ҳимоя қилмоқчи бўлган ўғлини урган. Ўғил қочиб кўчага чиқиб йўловчи машинага ўтирганида уни кўчада шавқатсизларча уриб дўппослаган. Ушбу ҳолат бўйича аёл маҳаллага ва участковойга мурожаат қилса ҳам, хеч қандай чора кўрилмасдан келмоқда".

@shahnozxon

Шеъриятга қандай кирганини адабиётимиз сезмай қолди Бугун халқ шоири Муҳаммад Юсуф 70 ёшга тўлар эди. Видеодаги шеърни кўпчилик билади, яхши кўради. Мен ҳам. Қуйидаги сўзларни эса Ўзбекистон Қаҳрамони Озод Шарофиддинов айтган.

Муҳаммад Юсуф деган шоир шеъриятга қандай кириб келганини адабиётимиз сезмай ҳам қолди. Аммо у тезда, ҳаммани ҳайрон колдириб, оғизга тушиб кетди. Муҳаммаднинг шеърлари бир қарашда жуда содда, жўн ёзиладиганга ўхшаб туюлади. Аммо унга ўхшатиб ёзиб кўрингчи? Қўлингиздан келмайди! Унинг осон ёзиладиганга ўхшаб кўринган мисралари мухлисларни йиғлатди, кулдирди, ўз оғушига тортиб олди. Муҳаммаджон камдан-кам туғиладиган истеъдод эгаси бўлиш билан бирга, камдан-кам шоирда учрайдиган хислат эгаси — шуҳратдан қочадиган камсуқум инсон эди. У шуҳратнинг эмас, шуҳрат унинг ортидан қувиб юрарди. Муҳаммад Юсуф бахтли, омадли шоир. Унга мустақил юртини, озод халқини кўриш насиб этди. Юртининг энг улуғ байрамларида унинг қўшиқлари баралла янграйдиган бўлди. Ўзбекистон ҳақидаги шеърини ёшлар ҳатто ўз мадҳияларига айлантириб юбордилар

Адабиётга сездирмай кирган бўлса ҳам, ўзини ва ижодини севдириб юракларда қолиб кетган шоирнинг охирати обод бўлсин! @shahnozxon

😌 «Bosch» idish yuvish mashinasini 50% CHEGIRMA bilan sotib olish oltin zargarlik buyumlarini sotib olish o'rniga qizingizning baxti va farovonligi uchun ajoyib imkoniyatdir. ❗️Aksiya tugashiga atigi 6 kun qoldi. 😉 Shoshiling - mahsulotlar cheklangan! 🛒 ☎️ 78 113 44 40 reklama

Har shanba o‘zbek telekanallarida "Milliy kino kuni" bo‘ladi O‘zbekistondagi barcha telekanallarda haftaning shanba kuni "Milliy kino kuni" sifatida belgilanmoqda. Aksiya davomida "Maftuningman", "Vahallada duv-duv gap", "Abdullajon" kabi oltin meros bo‘lib qolgan milliy xitlardan tortib yangi zamonaviy filmlar va premyeralar namoyish etilar ekan. - Tomoshabinlarimiz bu filmlarni sog‘inishgan, albatta. Bular xorijiy kinofondlardan qaytarilgan o‘zbek filmlarining etalon nusxalaridir – dedi Kinematografiya agentligi direktori Firdavs Abduxoliqov. Biz unutayotgan "milliy kontentlar" bizga qaytishi rost bo‘lsin. "O‘zbekfilm kinostudiyasida suratga olindi" degan jumla haqiqiy "brend" edi. Ushbu aksiya aholining badiiy didini oshirishga xizmat qiladi deb ishonaman. Talab esa taklifni keltirib chiqaradi. Zora hozirgi maishiy saviyasiz seriallar darajasi ham oshib qolsa. @shahnozxon

Жўраевлар иши: Ботир Қодиров Шерали Жўраевнинг қўшиқларини куйлаши мумкинми? – Ҳуқуқшунос жавоби Ҳуқуқшунос Муроджон Нажмиддинов ёзяпти: Қонунга асосан мерос васиятнома бўйича ёки қонун асосида бўлиши мумкин. Мероснинг қай тариқа қолдирилганлигига қараб, жавоб ҳам турлича бўлади. Масалан, агар васиятнома қолдирилган бўлса, оталик белгиланган тақдирда ҳам бола мерос қолдирувчининг меросига эгалик қилолмайди. Чунки васиятнома кишининг мол-мулкни ёки бу мол-мулкка бўлган ҳуқуқнинг ўзидан кейинги тақдирини ҳал қилишга қаратилган хоҳиш-иродаси бўлиб, мерос қолдирувчи исталган қарор қабул қилиши мумкин. Васият қилувчи меросхўрлардан биттасини, бир нечасини ёки ҳаммасини изоҳ бермаган ҳолда меросдан маҳрум қилишга ҳақли. Шунга кўра, васиятнома бўлган тақдирда оталик белгиланса ҳам, мерос қайта тақсимланмайди. Агар васиятнома қолдирилмаган бўлса, мерос қонун бўйича тақсимланади. Қонунга кўра, мерос қолдирувчининг болалари, эри (хотини) ва ота-онаси тенг улушларда қонун бўйича биринчи навбатдаги ворислик ҳуқуқига эга бўладилар. Бундай ҳолатда оталикнинг белгиланиши бошқа мол-мулк қаторида интеллектуал мулкка бўлган ҳуқуқларни ҳам қайта тақсимлаш имконини беради. Қолгани бу ерда @shahnozxon

Менга Анбар Отиндан таклифнома келди!👍👍👍 Анбар Отинни аёллар орасида биринчи ўзбек жадиди деса ҳам бўлади. "Мутолаа" лойиҳаси супер-креативчиларни йиғиб олибди, шекилли. Таклифноманинг ўзиёқ лойиҳага қизиқишни орттиряпти. Mutolaa – энг сара китобларнинг электрон, аудио ҳамда видео шаклидаги сифатли ва тизимли платформаси. Тақдимоти "Заковат" билан бир вақтга тўғри келгани мени қийин аҳволга қўйди. Лекин айнан Анбар Отин номидан келган таклиф учун жуда хурсандман. Бир амалларман)) @shahnozxon

Muammo o’zbek tiliniki. O’zbek tilida xorijiy joy nomlari bir xillashtirilishi kerak. Asosiy mavzu shu, chalg’imanglar )) @shahnozxon

Ўмон! Тишқи ишлар вазирлигига қарашли сайтда мамлакатлар ва шаҳарлар номлари "ўзбекчалаштириб" берилмоқда. Ниятни оқлайман, эзгу. Бироқ ўзбекчалаштириш тилшунос мутахассислар томонидан қилинса, яна бунақа битта сайтда ё расмий хабарларда эмас, камида шаҳарлар ва мамлакатлар номларининг имло луғати даражасида қилинса яхши бўлар эди. Ягона амалиёт керак, чунки одамлар Ўмон сўзи қачон қаердан тилимизга кириб келгани ва нима учун айнан шундай тарзда айтилаётганини билиши керак, ҳамма шуни қабул қилиши учун асосли таянч манба керак. Қолаверса, илмий ёндашувдан ҳеч ким кам бўлмаган. Ваколатли органлар, олимлар ва экспертларни ушбу маслага эътибор қаратишга чорлаб қоламан. @shahnozxon

Вафот этган шахсни ота сифатида белгилаш мумкин. Бунда суд нимага таянади? Батафсил @shahnozxon

“Кокетка”ли атлас кўйлак — миллий қадриятимиз. “Фаразан” эмас, айнан! Енги калта, этаги тиззадан узун, гули гулига тушириб тикилган атлас кўйлак — полотно! Уни не-не обрўли, зиёли, маърифатли, қаҳрамон аёлларнинг эгнида кўрамиз. Ойим “ҳар бир аёлда атлас кўйлак бўлиши керак, чунки жуда қулай, кундузи ишга кийиб бориб, кечқурун тўйга кетаверсанг бўлади” дердилар. Фаол, меҳнаткаш оналаримизнинг ҳамиша виқорли, назокатли ва гўзал кўринишига ёрдам берган “сеҳрли таёқча” у. Юқоридаги суратларни кўриб атласга дил кетди! Якшанба бозорга тушаман. Қизим билан бир хилда “кокетка” атлас кўйлак тиктириб кияман Майлига, кимгадир ёқса, ёқмаса… @shahnozxon