زلیمخان دونیاسی

. داغلار آغ یئلکه‌نه دوُندو اوره‌ییم، سنین گوُروشونه ائله تَلَسدیم ! قالدی باغلامادا دوزوم _ چوُره‌ییم _ میرواری یاغیشا _ سئله تَلَسدیم ! آه چکدیم لاله‌لر یاندی اودوما ، سوسلو بنوُوشه‌لر یئتدی دادیما ، یئمیشان دردیگیم دوشدو یادیما _ چمنه تَلَسدیم _ چوُله تلسدیم ! وارمی ائله بیر یئر حَزز آلمادیغی؟! دیوانه کوُنلومون ساز چالمادیغی، هدیه وئردیگیم ، قیز آلمادیغی _ پریشان چیچه‌یه _ گوله تلسدیم ! منه قایغی چَکَن، اوغول آد وئرن ، قلبه فَرَح وئرن ، روحا داد وئرن ، گئنیش سماء وئرن ، قول _ قاناد وئرن _ موقددس اوبایا ، ائله تلسدیم ! " آلقاییدام" داغلار ! وورغونام سنه ، وورغونام چایلارین زومزومه‌سینه ، آنالی دونیامین تیتره‌ک سسینه _ تئلیمی اوخشایان اَله تَلَسدیم ! #آلقاییت_خلیل_اوو 💫🍥🎁 @ZElKH 🎁🍥💫

. ای شفام _ شفقَتیم ، گوُزوم یولدادیر ، یاستی چمن‌لره _ دوزه ، بیرده گَل! کده‌ری بوُیوکدور توت آغاجینین _ او کوُهنه جیغیرا _ ایزه بیرده گَل ! سنسیز بو داغلاردا چنم _ چیسگینم ، عوُمرو سَکسَکه‌لی، بختی کوسگونم ، ائله نیسگیللی‌یم ، ائله میسگینم _ چاتیلیب اللریم دیزه بیرده گل ! نه‌قده‌ر موُهنته دوُزموشم سنسیز، دئه هانسی چیچه‌یی اوزموشم سنسیز ؟! گوُروش یئرلرینی گزمیشم سنسیز ، سانجیلیب باغریما نیزه ، بیرده گل ! گل یئنه چوخالسین قایغیم _ تسللیم، اُلینه دَیَنده تیتره‌سین الیم ، نیطقیم قیفیللانسین، لال اولسون دیلیم _ او شیرین صوُحبته _ سوُزه ، بیرده گل ! روحوما دوغمادیر قارتالین سسی ، چیچک توپلاماقدا گل توتاق بحثی، چیخسین یادیمیزدان پالید حیککه‌سی _ کابابی یاندیراق کوُزه ، بیرده گل ! بیر منم، بیر خیال، بیر حزین توتک ، موُحنت اولان یئرده نه گول ، نه چیچک ، اوزَرریک ییغمیشام سنه بیر اَتَک _ قویمارام گله‌سن گوُزه ، بیرده گل ! "آلقاییدام" ائل‌ده غم چکه _ چکه ، بیگانه قالمادیم آندا _ مسلکه ، بو قده‌ر موُحنته _ بو قده‌ر یوکه _ چتین کی اوره‌ییم دوُزه ، بیرده گل ! #آلقاییت_خلیل_اوو 💫🍥🎁 @ZElKH 🎁🍥💫

. هر دفعه یای اوُتوب پاییز گلنده، منیمده یادیما بیر پاییز دوشر! هر ایل کول ایچینده کوُز ایشیلدایار _ شیشده‌کی اوره‌یه جیزهاجیز دوشر! گوُزدن کیرپیک آدلی ناوالچا قوپار ، حالال‌جا آیریلار _ حالا‌جا قوپار ، یارپاقدا بوداقدان اِئحمال‌جا قوپار _ تورپاغین اوستونه نه عاجیز دوشر! بیلیرم پاییز دا او پاییز دئییل، بیلیرم او قیز دا تا او قیز دئییل، نئیله‌ییم یادداشیم آغ کاغیذ دئییل _ هر خزان چاغیندا تزه جیز دوشر ! مین کوُنول اینله‌یُر ، مین اوره‌ک سیزلار، عوُمره ایلمه آتار یئنی پاییزلار ، هر ایل درسه گئدر طلبه قیزلار _ "ائلشنین" یادینا بیرجه قیز دوشر ! #ائلشن_عظیم 💫🍥🎁 @ZElKH 🎁🍥💫

یاراتماغا من سنه نه دئدیم خطرینه دَئیدی؟! نه وار قاریشقادان فیل یاراتماغا ! آمانین گونودور عناد کار اولما _ سیسقا بولاقلاردان سئل یاراتماغا ! آی سوُزو گیلئیلیم، اوُزو گیلئیلیم، سنین مجنونونام، سن منیم لیلی‌م گوُرونور ازلدن اولماییب مئیلین_ تیکانلی صحرادا گول یاراتماغا! توتاق کیپریکلرین نم ده گوُزه ل دی گوُزه لین گوُزونده غم ده گوُزه ل دی تارین پرده سینده بم ده گوُزه ل دی یامان تله‌سیرسن زیل یاراتماغا! "جاویدم" ایسته‌رم سئوگی پاییمی، نییه ائشیتمیرسن های _هاراییمی؟! اوچوروب داغیتما غم ساراییمی گلیرسن عزیزیم، گه‌ل یاراتماغا‌! جاوید قوربان اوو آشیق شمشیرین نوه سی 💫🍥🎁 @ZElKH 🎁🍥💫

موغام و آزافلی دوبیتی‌سی رحمتلیک اوستاد آشیق خانلار 💫🍥🎁 @ZElKH 🎁🍥💫

. باهارین اوُز آنی ، قیشین اوُز آنی، خوش گَلَر یاغاندا قار وعده‌سینده. باغبان اولان حاققا شوکور ائیله‌یر _ دَرَرسه باغیندان بار وعده‌سینده! بیزده بیر مَثَل وار آتالار دئیه‌ر ، چوخو قوجالاندا باشینا دوُیه‌ر ، یئتمیش‌ده قازانان گوروندا یئیه‌ر _ گَرَک قازاناسان وار وعده‌سینده قیرخ یاشدا قالارسان سینه‌سی داغلی، سئوگی _محببتین یول‌لاری باغلی اون‌سگگیز یاشیندا جمع ائیله عاغلی سئچ گینن اوُزونه یار وعده‌سینده ! بیلمه‌دیگین بیر صوُحبته قاریشما، سارماشیق تک کولا _ کوسا ساریشما ، شَن‌لیک‌لرده یاس یئرین‌دن دانیشما _ هر سوُزون اوُز یئری وار وعده‌سینده ! بیلیجی "فاضیلم" ائیله‌رم بیان، اوزه گولَن‌لردن گئن گَز _ گئن دولان سوفره ده کئفله‌نیب، سنله دوست اولان _ گیزله‌نَر گونونون دار وعده‌سینده ! #فاضیل 💫🍥🎁 @ZElKH 🎁🍥💫

. یئل‌لی یورددا عینکیمی ایتیردیم، یایلاق دئدی اوُز گوُزونله سوز منی! چمن دئدی ناخیشیما فیکیر وئر ، دوغرو دویسون، دوروست گوُرسون گوُز منی! منی گوُروب نه دئدیسه کولک‌لر، زیروه‌لردن یئره دوشدو اوُرپک‌لر، مِئه دَیَنده پیچیلداشدی چیچک‌لر، بیری دئدی: شعیرینه دوز منی! کوُکس اوُتوردوم، هاواسینی بول آلدیم، یاشاماغا موُهلت آلدیم، ایل آلدیم، بابام چادیر قوران یئره یول آلدیم، دوز آپاردی تانیدیغیم ایز منی! دینله‌دیک‌جه داغ چایینین سسینی اَل چالدیمی یارپاقلارین اَسیمی؟ اوجاق داشی ساخلاییب‌دی حیسینی، اووف!! یاندیردی کول ایچینده کوز منی! یاماجا باخ ! اوُرتوب تیرمه شالینی، سَرگیله‌ییر یاشیلینی _ آلینی، اِئنیب سوردوم گوُی بولاغین حالینی_ جاواب وئردی یامان توتدو سوُز منی! خال‌لی داشلار آیاغیمی اَزمه‌دی، دیک جیغیرلار نَفَسیمی کَسمه‌دی، یوخوشلاردا تیتره‌مه‌دی - اَسمه‌دی، شوکور پئشمان ائله‌مه‌دی دیز منی! قایا گوُردوم قیرخ ایگیده آرخادیر، دئدیم منده یاد دئییلم آرخا دور، موروق گوُردوم کول آلتیندا سیرغادیر ، گولوب دئدی: اوغلولسان‌سا اوز منی ! دئیه‌رم‌می مَست ائله‌دی، باییلتدی؟!* چمن عطری یادداشیمی آییلتدی، چوخ "ائلشن"لر دوُنوک چیخدی - قاییتدی_ آنام داغلار باغیشلایین سیز منی! *باییلتدی: بیهوش ائتدی #ائلشن_عظیم 💫🍥🎁 @ZElKH 🎁🍥💫

. یئر اوسته یئر تاپمایانی، یئر آلتدا هارا قویدونوز ؟! قازیب کوُکسونو تورپاغین _ باغرینا یارا قویدونوز ! دونیا گلمز عِینی‌نیزه ، کَفَن چاتماز اَینینیزه ، بیر یول آلیب چیینی‌نیزه _ تئزجه‌ده گورا قویدونوز ! تاپشیردیز گوُیه شاعیری ، بولودلار اوُیه شاعیری ، اوُلدوروب نییه شاعیری _ شعری مزارا قویدونوز ؟!... #شاییق_ولی 💫🍥🎁 @ZElKH 🎁🍥💫

. من یوردوما اوزاق یئردن ، اوزاق اولماغا گئدیرم ، گئدیرم دئیه‌م گلیریک _ سوراق اولماغا گئدیرم! یول گوُزله‌ییر تالان ائویم، آیناسی داش اولان ائویم، اوشویور لوت قالان ائویم_ اوجاق اولماغا گئدیرم! گئدیرم او داش قالاما، باش اَیمه‌یه بیر سالاما، اوُز یوردومدا اوُز اوباما _ قوجاق اولماغا گئدیرم! عوُمروم کئچدی باش داشیمدا ، اوشاق قالدیم یادداشیمدا ، ایلاهی! آتا یاشیمدا _ اوشاق اولماغا گئدیرم ! #والح_قوجا 💫🍥🎁 @ZElKH 🎁🍥💫

. کولک داغدان نه آپارار؟ نه اولسا، چنه اولاجاق. سن کؤنلومو سئویندیرسن، نه اولسا، غمه اولاجاق. باهار کیمی گولو سئون، سئوگی دولو ایلی سئون، منیم کیمی دلی سئون، چوخ اولوب، یئنه اولاجاق. چیخ قارشیما، یولومدا اول، هر گونومده، آنیمدا اول، جان وئرنده یانیمدا اول، سون سؤزوم سنه اولاجاق. عینادیم یولومو کسدی، عیناددیرسا، عیناد بسدی. بو دونیانین ایشی ترسدی، بئله‌دی، بئله اولاجاق. دونیا بیزه قالان دئییل، اؤتن ایللر سولان دئییل. سنه بیر شئی اؤلان دئییل، نه اولسا منه اولاجاق..‌. #نصرت_کسمنلی 💫🍥🎁 @ZElKH 🎁🍥💫

آشیق آفیل لاچینلی موحتشم بیر یانیق کرمی 💫🍥🎁 @ZElKH 🎁🍥💫

. دوستلار! واخت گله‌جک اوُتوشن آیلار _ ایل‌لر منی سیزدن خبر الاجاق ! چیخاندا سئیرینه گوُی چمن‌لرین _ گول‌لر منی سیزدن خبر آلاجاق ! دَیسه گوشونوزا بیر کوُورک آواز ، اوردا نَفَسیم وار دینله‌یین بیراز ، دیلقمی اوستونده دینله‌نَنده ساز _ تئل‌لر منی سیزدن خبر آلاجاق! من "علی"یم گئجه _گوندوز آندیغیم، اوجاقیمدا چیتیق _چیتیق یاندیغیم ، بو گون دوغما ، صاباح غریب ساندیغیم _ ائل‌لر منی سیزدن خبر آلاجاق! #آشیق_علی_قلی_یئو 💫🍥🎁 @ZElKH 🎁🍥💫

. اَن گوُزل ایل‌لریم سنین‌له کئچدی، دادینی یادیمدان چیخارتمامیشام! یانیب کول اولموشام، آمما هله ده _ اودونو یادیمدان چیخارتمامیشام! اَلیمده الینین شفاسی قالیب، قلبیم‌ده گوُزونون شفاسی قالیب، آدینین دوُرد حریف وفاسی قالیب _ آدینی یادیمدان چیخارتمامیشام! قوخوندو یاراشان گوله اَن گوُزل، ملک‌ده یوخویموش بئله، اَن گوُزل، یادیم نه گوُزل‌میش! هله اَن گوُزل _ قادینی یادیمدان چیخارتمامیشام! #والح_قوجا 💫🍥🎁 @ZElKH 🎁🍥💫

آشیق غریب دوبیتی و گوُدک‌دونو هاواسی سوُزلر :رحمتلیک شوجاعت و شاعیر اسرافیل 💫🍥🎁 @ZElKH 🎁🍥💫

آشیق شهریار قاراخانلی موخه‌یی هاواسی 💫🍥🎁 @ZElKH 🎁🍥💫

رحمتلیک اوستاد آشیق عدالت نصیب‌اوف روحانی هاواسی یئنه مندن قاباق اویانمیسان سن، صاباحیمسان منیم، صاباحین خئییر... 💫🍥🎁 @ZElKH 🎁🍥💫

. بیر شرفلی اوُلوم خوشدور یامان عوُمرو یاشاماقدان! چیچک عوُمرو یاشایاسان _ سامان عوُمرو یاشاماقدان! یا دیل‌لرده سوُزون قالا ، یا دونیادا ایزین قالا ، یا زیروه‌ده بوزون قالا _ دومان عوُمرو یاشاماقدان! پریشاندی کوُنول نَدَن؟! بو کَدَردن _ بو قصصه دن اوخ یاخشی‌دیر سوسوب گئدن _ کامان عوُمرو یاشاماقدان ! "کامیل" قالیب اینتیظاردا ، اوُزو هاردا _ مئیلی هاردا ، چوخو بئزدی خیال‌لاردا _ گومان عوُمرو یاشاماقدان ! #کامیل_طبیب 💫🍥🎁 @ZElKH 🎁🍥💫