KA Medical School 2015-2021

داتا الامتياز . House Officer - Home https://officer-kasrpedia.weebly.com/

الامضا بكرا من الساعة ٨ ل ٩ ( في ناس بيقولوا ل ٩ الا ربع فربنا يستر بس محدش يجي متأخر يعني)

لمن لا يعرف .. الدور الأول في القصر العيني فيه اقسام من 1 ل 11 .. الدور التاني في القصر العيني فيه اقسام من 12 ل 22 .. الدور التالت في القصر العيني فيه اقسام من 23 ل 33 .. في الدور الأول والتالت الاقسام اللي ارقامها فردية على شمالك _ لو انت ماشي في اتجاه مستشفى النسا _ والاقسام اللي ارقامها زوجية على يمينك _ لو انت بردو ماشي في اتجاه مستشفى النسا _ الاقسام ماشية بالترتيب مهما كانت المسافة في النص .. يعني قسم 5 طواريء بعده قسم 7 عظام مع ان المسافة بينهم عملاقة .. وقسم 4 وحدة السكتة الدماغية بعده على طول قسم 6 باطنة مع انه بينهم نفس المسافة العملاقة .. قسم 2 تروبيكال هو اول قسم في المستشفى قبل قسم 1 جلدية وذكورة عشان إحنا لسه قايلين إن الزوجي بس ع اليمين فمينفعش يبقى فيه حاجة قبل قسم 2 الا لو فيه قسم زيرو 😂😅 الارقام ماشية عادي بالترتيب عشان كده بنلاقي في مستشفى النسا قسم 10 _ طواريء نسا _ وقسم 11 اللي هو جراحة .. للدور التاني بيبدأ من قسم 12 رمد وقسم 13 انف واذن و اخره في القصر قسم 19 باطنة وقسم 20 عظام فبالتالي مستشفى النسا فيها قسم 21 وقسم 22 _ في الدور التاني الزوجي على شمالك والفردي على يمينك لو انت جاي من ناحية سموم 😂 _ الدور التالت بيبدأ من 23 كارديولوجي و 24 جراحة قلب وصدر ويخلص عند 31 باطنة و 30 جراحة عامة وقسم 33 و 32 في مستشفى النسا 🤷‍♀️ اوعوا تكونوا نسيتوا الفردي على شمالك والزوجي على يمينك .. تعديل : لكل قاعدة شواذ في قسم ٣٦ انف و اذن خازوق في الدور التالت ماحدش فاهم ايه اللي جايبه هناك 🌚😂 تعديل 2 مهم : في الدور التاني بس الارقام الزوجية ناحية الشمال وانت جاي من سموم والارقام الفردية ناحية اليمين .. يعني بنعكس 🤦‍♀️😌 تعديل 3 : في قسم 37 روماتولوجي في اخر الطرقة بتاعت مبني الأشعة .. 😅 وممكن ندخله من العيادات .. ولفي بينا يا دنياااا دوخينا يا دنيا 🤦‍♀️🤦‍♀️ ملحوظة : لو اضفت على رقم كل قسم 11 يطلع القسم اللى فوقه بالظبط.. #ما_تعلمته_في_الامتياز .. #كلية_طب_قسم_خرايط .. #متاهة_كبيرة 🤦‍♀️

دا جوجل فورم معمول عشان research project من قسم الكوميونتي بتاعنا بالتعاون مع جروب الIPKA عندنا في الكلية عشان تقييم انطباعنا عن التعليم في سنين الكلينيكال و هل هي أعدتنا كويس لممارسة المهنة (بما في ذلك سنة الامتياز تحضيرا للنيابة لو هتوصلوه للدفعة الاكبر) يا ريت اللي يقدر يملاه يملاه مش هياخد خمس دقايق👀 https://forms.gle/FtqNCnAT4qW6DC6r9

السلام عليكم ده أمانة بنقلها بالنيابة على صديقي المحترم سيركا " اكيد سمعتوا قبل كده بس حبيت اقولكم للي حابب يستفيد، ورشة دكتور سيركا لتعليم اساسيات الخياطة وال stitches وانواعها وما إلى ذلك رجعت تاني. لو حد حابب يتعلم اكتر ويستفيد، سواء اللي شغالين ف الminor حاليًا او اللي لسه هيتحطوا ف الموقف ده قدام ان شاء الله 😂 لينك فورم التسجيل: https://docs.google.com/forms/d/1gGyvnt1oudPKGOLHYoeRK_bctyCLPVTdgqbvo06cII0/edit?usp=sharing تفاصيل الورشة ف الصور وباقي الصور reviews لناس حضروا معاه قبل كده، و ال silicone كيت اللي بنشتغل عليها بتبقى بتاعتك في الآخر ف دي حاجه حلوه بصراحه للي حابب يتدرب لوحده بعد كده https://www.facebook.com/groups/564650923710574/permalink/2193777817464535/ تقدروا تشوفوا ال Feedback على صفحة ا Insta https://www.instagram.com/drsirka/

السلام عليكم زمايلنا ال كانوا مش عارفين الفترة الجاية هتمشي ازاي و تخليص الورق 👩‍🎓🔎 جمعت هنا الحاجات ال نزلت ع جروب face & telegram اتمنى يكون مفيد ليكم و يسهل الدنيا 📝📃 NB لو في حد حاسس انه مفيد ممكن نبدأ سلسلة ع الامتياز الروتة و الشغل البرايفت و كده🎦 بالتوفيق💪 https://youtu.be/vwuUkYsZE4g

ورقة الرغبات تتسلم لحد يوم الاربع الجي آخرها... ورقة اقرار استلام العمل دي بنسلمها في شؤون الامتياز بعد ما نبدأ في اول مارس و نكون وقعنا عليها من القسم اللي هنبدأ الروتة بيه، و وقتها بقى نجيب معاها صورتين شخصيتين بخلفية بيضا و صورة بطاقة و صورة شهادة ميلاد... و بعدها بقى ناخد صورة من الاقرار دا و صورة الرقم القومي و نكون عملنا فيزا بريد اي نوع:- ميزة او EasyPay او Yalla و نروح لشؤون المرتبات في نفس الدور

يا جماعة اللي يروح البريد عشان الحساب... يروح هناك ببطاقة الرقم القومي و صورتين ليها و يطلب من موظف الشباك فتح حساب "فيزا مرتبات حكومة" مش حساب وخلاص عشان في انواع كتير جوا و بعض الناس اتلخبطت و فتحت حساب حافظة الكترونية وخلاص ميتحولش عليه الفلوس.. . غالبا الڤيزا بتستلمها في ساعتها بتبقى يا إما Easypay او ميزة هتفعلها و دي اللي هتتحرك بيها ان شاء الله . المصاريف بتاعت فتح حساب الفيزا دا في حالتي الشخصية النهاردة كانت ١٥ جنيه بس في اماكن ب ٢٠ جنيه تقريبا

الورقة دي نزلت النهاردة في شؤون الامتياز بتفاصيل اكتر

مواصفات الصور الشخصية المطلوبة

دا عشان ورق تقديم الامتياز لدفعة ٢٠٢١ اللي نزل امبارح

يا جماعة سكرتيرة شؤون الامتياز بتقول عشان الزحمة دي اي واحد يروح يسلم الورق يبقى معاه:- قلم جاف لابس كمامته عارف ترتيبه في التراكمي كان كام بالضبط عشان هيمضي قدامه معاه ورقه كامل صورتين شخصيتين، صورة شهادة الميلاد، صورة البطاقة

https://chat.whatsapp.com/HQmQB3r06RbILqh9MYFgEd دا جروب عاملينه عشان اللي يعرف حاجه بالنسبه للتحويل يعرف الباقي لو حد عاوز ينضم له