وداديـّـــات✨
أنك الان في حضرة الإختلاف ..ستجد الحب والكره .... الوطن والغربة ... المغفرة والسخط ... ستجد ما تريده ...فقط أعلم أين تبحث ...جد ضالتك في الكلمات والأحرف بين السطور ... ستجد ما يرضي غرورك ... ما يجعلك صائبا ثم يزج بك لاعماق الخطأ والعكس ينطبق ttofaisal🍃
Show more520Subscribers
No data24 hours
-17 days
-1230 days
- Subscribers
- Post coverage
- ER - engagement ratio
Data loading in progress...
Subscriber growth rate
Data loading in progress...
سفر الحنين
يا الخرطوم سلاماً من شِعاب القلب،
فيك هناك زوايا البيت، الحِلة، هوا الشارع مع الجيران، بيوت الاُنس والأخوان، الصحبات، الخالات، الأخوات بدون الدم وناس طيبين، كلامهم زين،للشالونا جوا العين، للحبونا من بدري وحتى الحين.
سلاماً مُقرن النيلين، وريحة الطين، الفاتح وشارع النيل وافراحاً تقر العين، سلاماً للفقدانهم عساهم في الجنان طيبين، سلاماً للأذيناهم، سماح والله ما قاصدين، ويوماً ما طريناكم بقولاً شين.
فات الشوق لحد الشوق واصبح منو قاب قوسين، وفاض سيلاً فعبى مساكن الخرطوم ولا نِجى منو سبّاحين، ويا الخرطوم سكونك في القلب والروح ووين ما نروح محكرة في حباب العين.
جروح الفرقة نتاحة ولا بداووها جراحين
ولو بقت السعادة ردوم؛ بعيداً عن هوا الخرطوم حتى الضحكة ما بتبين.
سؤالي الحين؛ وين بس تلقى حضناً دافي في يومين أو حتى سنين؟ ووين ممكن تلاقي أصحاب يضاهو الكانو في الخرطوم؟ وان قلنا الصحاب هينين بنتواصل معاهم كل حين والحين، وبتشوفم خواطرنا كشوف العين، فهل ممكن في يوم نرجع الى الخرطوم؟ نتلاقى، نتسالم، نتقالد، ونتسامر فرحانين ومبسوطين؟.
سؤالي دا كان سؤال ساكت؛ لأنو رجوعنا للخرطوم مصير محتوم، قريباً نمشي شارع النيل، نزور الساحة أخر الليل، ونحضر نانسي في النادي ونغني لحدي هد الحيل _ الشوق والريد والحب البان في لمسة إيد_ ونغني كمان _إمكن تحِن لرجعتك_ وأنا أصلي حنيت من مشيت.
#وداد_فيصل_محمد
#روزابيلا
سلاماً ذكريات قعدت مكان الواقع المشئوم
يا الخرطوم سلاماً من شِعاب القلب،
ربوع البيت، الحِلة، هوا الشارع مع الجيران،
بيوت الاُنس والأخوان، الصحبات، الخالات، الأخوات بدون الدم وناس طيبين، كلامهم زين،للشالونا جوا العين، للحبونا من بدري وحتى الحين.
سلاماً مُقرن النيلين، وريحة الطين، الفاتح وشارع النيل وافراحاً تقر العين، سلاماً للفقدانهم عساهم في الجنان طيبين، سلاماً للأذيناهم، سماح والله ما قاصدين، ويوماً ما طريناكم بقولاً شين.
فات الشوق لحد الشوق واصبح منو قاب قوسين، وفاض سيلاً فعبى مساكن الخرطوم ولا نِجى منو سبّاحين، ويا الخرطوم سكونك في القلب والروح ووين ما نروح محكرة في حباب العين.
جروح الفرقة نتاحة ولا بداووها جراحين
ولو بقت السعادة ردوم؛ بعيداً عن هوا الخرطوم حتى الضحكة ما بتبين.
سؤالي الحين؛ وين بس تلقى حضناً دافي في يومين و حتى سنين؟ ووين ممكن تلاقي أصحاب يضاهو الكانو في الخرطوم؟ وان قلنا الصحاب هينين بنتواصل معاهم كل حين والحين، وبتشوفم خواطرنا كرأي العين، فهل ممكن في يوم نرجع الى الخرطوم؟ نتلاقى، نتسالم، نتقالد، ونتسامر فرحانين ومبسوطين؟.
سؤالي دا كان سؤال ساكت؛ لأنو حنرجع الخرطوم، قريباً ونمشي شارع النيل، نزور الساحة أخر الليل، ونحضر نانسي في النادي ونغني لحدي هد الحيل _ الشوق والريد والحب البان في لمسة إيد_ ونغني كمان _إمكن تحِن لرجعتك_ وأنا أصلي حنيت من مشيت.
#وداد_فيصل_محمد
#روزابيلا
إن كان هذا آخر ما سأكتب
أيا الخرطوم سلاماً من شِعاب القلب،
حيث البيت، الحِلة، هوا الشارع مع الجيران،
بيوت الاُنس، الصحبات، الخالات، الأخوات،
وناس طيبين كلامهم زين،
للشالونا جوا العين،
للحبونا والعزونا من بدري وحتى الحين.
سلاماً مُقرن النيلين
سلاماً ليكِ ريحة الطين، وافراحاً تسر العين
سلاماً للفقدانهم عساهم في الجنان طيبين
سلاماً للأذيناهم، سماح والله ما قاصدين
هل ضاعت الامال؟
١٨/رمضان كنت بتكلم مع بابا في المرات القليلة الكنت بشوفو فيها في البيت بسبب ظروف الشغل، قلت ليهو عايزة أغير البوماستك دا واعمل البيت اصفر بوردي (كنت بثتثير حنقو)، عندو نظرة استنكارية كدا لا يعلم خباياها غيري، فقام عاين لي كدا وقال لي ابشري، وجاء بعد كم يوم من الشغل ومعاهو البوماستك كان يوم الجمعة ٢٣/ رمضان و رجع قبل ما يفطر معانا حتى...وكان ٢٤/رمضان السبت ومن اليوم داك ولليلة لا شفت بابا ولا جاني حيل اغير بيهو لون البيت، ولا بقى لينا بيت أصلاً.
بدعي انو ابوي يرجع سالم، معافى من كل اذى جسدي ونفسي.
ما أشعر به الأن لا علاقة له بأحد، إنه داخل رأسي وقلبي أنا فقط.
هل يُعقل؟
كنت بتكلم مع واحدة من صحباتي قالت لي: الإنسان الوحيد الحبيته في حياتي ما حباني أبدا، وأنا مش ما قادرة أحب غيرو أو اتزوج والسلام، لأ دي ما الفكرة... الفكرة اني ما عااايزة إتخطاهو وما عايزة اشوف غيرو. قالت كمان: أنا عارفة المشاعر دي ما بيد زول وما لايماهو عشان كدا من تقريباً ٨سنين وحتى الأن انا مافي صلاة ما دعيت فيها انو يكون نصيبي وعمري ما حسيت إنو ليه ربنا ما استجاب لي ولا ظنيت إنو يكون شر لي، كل البجي في رأسي انو بس في زمن معين وفي الزمن دا ربنا ح يستجيب لي لو بقى في العمر باقي ودائماً بقول ليه في نفسي:
سأحبك حبا ابديا
سأصونك وعدا ازليا
هيامي فيك بلا اسباب او أهداف
حير عقلي، هو احجية
بدعي انو ربنا يسعدها ذي ما بتتمنى سعادتو واكتر.
دنيا الريد غريبة
والدنيا عموماً غريبة
أما حان موعد الحصاد؟
مع تمام الصحة والعافية، اتخرج وإشتغل وأفرح ناس البيت واحجج امي وابوي واسافر برا السودان عشان اشوف العالم والناس، واعمل احلا والطف وأسعد واجمل بيت واسرة في الدنيا، واكون زول منتج، وأساعد نفسي والناس، واكون حاجة كدا يعني، عشان لما اقيف قدام المراية اقول هووووو داااا، وكل يوم اكون احسن مني امبارح، مش دي امالنا كلنا؟ (هذه مشيئتنا ويصادف أن مشيئة الله اعظم وأفضل), سبحان الله حتى لو الزول انقضى اجلو قبل ما يحقق ولا ااي حاجة أصلاً، دا بترتيبات الله الأحسن والأفضل لينا.
وتشاء انت من الحياة سعادة ويشاء ربك أن يُبلغك الأمل
الناس تحاول تسامح وتعفي لبعض ما عشان هم يستاهلوا؛ أبداً أبداً أبداً عشان هم ما يستاهلو زعلك وعشان انت تستاهل تقابل الله بسريرة صافية ونضيفة, ودا كلو اذا كنت قادر، وإنت قادر تعمل ااي حاجة، جدي ربنا يرحمه ويغفر لما نجحت في تامن جاء من الابيض وجاب لي معاهو سمن وعسل وهو عارفني ما بحبهم الاتنين، فقلت ليه يا جدو ياخ شكراً لكن انا ما بحبهم قال لي "#هي_ما_دائماً_بالحب_مرات_بالفايدة" واقنعني الصراحة وابداً ما نسيت كلامو دا وكل ما القى حاجة ما بتعجبني وفيها فايدة لي ذي مثلا أني اعفى عن الناس الاذوني لراحة نفسي وعشان اقلل تفكير في الموضوع بقول:
هي ما دائماً بالحب مرات بالفايدة
ولو دا كان الفراق... مرحبابك في ديار الفرقة ذاتها ومنبعها
وداعاً...
وداعاً يا سماء الخرطوم
وداعاً أمنيات بالكوم
وداعاً يا احبائي، اعزائي، صديقاتي
ما معقول يموت الزول بدون اليوم
المعقول يموت الزول فقير معدوم
بعيداً عن هوا الخرطوم
يموت من شدة التفكير
يموت غيظاً يموت قهراً يموت وجعاً
يموت بالبيه والليهو براو مكتوم
يموت من غصة في الحلقوم
وداعاً أمنيات شاخت
وداعاً زكريات حلت محل الواقع المشئوم
وداعا يا سما الدنيا
مفارقك والفراق ح يدوم
وشايل خاطري من جورك
قصاقصات الألم مُنية
وكتابات الوجع غُنية
غنية ولا طعم لا لون
وداعاً يا سما الأحلام
وداعاً يا سما الخرطوم
وداعاً أمنيات شاخت
وداعاً زكريات حلت محل الواقع المشئوم
سلاماً يا الفقدناكم
نحن هديلا جيناكم
عساكم بينا فرحانين ومبسوطين
#وداد_فيصل_محمد
كل عام وإنتو بألف خير وعافية ينعاد باليمن والبركات على البلاد والعباد ي رب 🌸
اللهم آتنا فى الدنيا حسنة وفى الآخرة حسنة وقنا عذاب النار. اللهم إنى ظلمت نفسى ظلماً كثيراً كبيراً، وإنه لا يغفر الذنوب إلا أنت ، فاغفر لى مغفرة من عندك، وارحمنى رحمة أسعد بها فى الدارين وتب على توبة نصوحاً لا أنكثها أبداً وألزمنى سبيل الاستقامة لا أزيغ عنها أبداً. اللهم انقلنى من ذل المعصية إلى عز الطاعة، واكفنى بحلالك عن حرامك واغننى بفضلك عمن سواك ، ونور قلبى وقبرى 😢 واغفر لى من الشر كله، واجمع لى الخير . 🤲اللهم إنى أسألك الهدى والتقى والعفاف والغنى، اللهم يسرنى لليسرى وجنبنى العسرى ، وارزقنى طاعتك ما أبقيتنى .. 🤲🤲🏼
اللهم إني اسألك في يوم عرفة أن تفك أسر أبي وتعده الينا سالماً غانماً معافى من كل مرض بدني أو نفسي ي الله ...اللهم أستر عليه بسترك وحاوطه بحفظك ورعايتك ...وأنزل السكينة والطمأنينة على قلبه ي رب العالمين ...اللهم أعده بقدرتك وجلالتك وعظيم شأنك ي رب العالمين ...اللهم إنه عبدك أبن عبدك دائماً ما أحبك وعلمني طاعتك ومخافتك فأجزه خيراً وقر ...عيني برؤيته ي أرحم الراحمين ي رب وما ذلك عليك بعزيزي رب ي الله