سازسؤز

تورکم من... پاشیام... بَیَم... آصلانام... ایگیدم من آزربایجانام تورکمنم... قیرقیزام... اوغوزام... باشقیر، تاتارام... عثمانلی تورکویم... قازاغام ... پئچَنَک سوْیلویام ... بوتون بیر جانام اوغوز ائلیندنم... من ،همدانام اَراکام... خوراسان زنگانام... سینانداش «سنندج» اورمویام، تبریز ،باکیام... سینه سی آلوولو من قاراباغام اردبیل -میل -موغان من قاراداغام خییووام خالخال -آستارا... من سویوق بولاغام... اؤزگور،یاشاماغی من باجارارام... قارلا ...بورانلادا ... من ساواشارام.. یاشاییرام.. تورکم من .. سهندم.. ساوالانام.. وولکانام.. دایانمیشام.. ساواشدا بَذ دَن دایاق آلمیشام... تورکم اَسکیدن یارانیب، یازیب گلمیشم... یادداشیم قدیم دی منیم آنا دیلیم، ائلیم دی منیم... .هارای چکسم ... اوچار داغلار.. جوشار دنیز... من تورکم ... اوغوزائلی يَم... من دونیا امپریالارینین، گؤزونده ،تیکانام... @sazsoz

سن‌له منی قوشا گؤرن یاغیشلار، ایندی مندن سنی سورور، نه دئییم؟ عشقیمیزه نغمه قوشان او قوشلار، ایندی مندن سنی سورور، نه دئییم؟ سئوگیمیزه شاهید اولان بولاقلار، باشیمیزا کؤلگه سالان بوداقلار، سندن اؤترو بو تیتره‌ین دوداقلار، ایندی مندن سنی سورور، نه دئییم؟ بیزیم ائودن سیزه گئدن او یوللار، آرخامیزجا پیچیلدایان او کوللار، سنسیز آرتیق قوینومداکی بو قوللار، ایندی مندن سنی سورور، نه دئییم؟ پاییز بیزی دیسکیندیرن او یئللر، یازدا بیزه قاش گؤز آتان او گوللر، تئللرینی اوخشادیغیم بو اللر، ایندی مندن سنی سورور، نه دئییم؟ باخیشیندان دردی قانان اورگیم، سندن اؤترو منی دانان اورگیم، «کؤنول» کیمی اودا یانان اورگیم ایندی مندن سنی سورور، نه دئییم؟ فاطمه عبدی کؤنول @sazsoz

آزادلیغین هزینه سینن قورخان میللت ایسارت ده قالار @sazsoz

قره داغدادی عاریفلر عالیملر قوچاق. ایگیتلر حکیملر.  لقمانلار.  قره داغدادی بیر سوزونده مینلر حقیقت یاتان حقیقت.  یازانلار.  قره  داغدادی چوخداندی شهرتی دوتوب  دنیانی مات.  قویوب اوزونه بوتون جهانی ساواش گونی بوش قویمویوب میدانی بویوک.  قهرمانلار.   قره  داغدادی آرخاسیندا.   دوروب.  ساوالان داغی سایا.   گلمز.  بو.  اولکه نین.  قوجاغی بینادان.  اولوبدی.   ایگیت.   اویلاغی یاغیلار.   ییخانلار    قره.    داغدادی غیرت.   بیر نیشاندی.  گلجی سیزه نچه.    بابالاردان.  قالیبدی.   بیزه دوغرانیب ایگیتلر چوک میب دیزه غیرتلی.   انسانلار.   قره داغدادی سینه.  لرده.  بیر نیشاندی.  قره داغ سله دونسه بیل جوشاندی قره داغ بیر.  قورونان.   آلیشاندی.  قره داغ آلیشیب.    یانانلار   قره.   داغدادی قیزیلدان.   باهادی.   قره.  توپراغی بوتون.   خزینه.   دی  درسی  داغی جنته.    بنظیر.   هر.   سحر. چاغی گور. نجه   مکانلار.   قره.  داغدادی قوجا آغلار.   سنین. آدونان.  یاشار اوتورار قوینوندا سنه. شعر  قوشار قره داغلی.  داشسا اله. دوز.  داشار قیرتلی اوغلانلار. قره.    داغدادی قوجا آغلار رحمتلیک 🔥🇦🇿 @sazsoz

حق سئل کیمی دریایه آخیب یول تاپاجاقدیر داش آتماقیلا کیمسه اونو دوندره بیلمز دونیا قارانلیقلار اگر بیرلشه باهم بیر خیرداجا شمعین ایشیقین سوندوره بیلمز 🔥🇦🇿 @sazsoz

دونیا جنت اولسا باشدان ایاغا منیم سجده گاهیمسان آذربایجان آنا لای لاسیندا سنسن بیرینجیم سئوینجیم، پناهیمسان آذربایجان گوزل  آذربایجانیم❣

بیر گۆن بیر تۆلکونون قویروغو کَئسیلیب قوپور . . . سۆرونون باشقا تۆلکولَری سوروشورلار قویروغونا نه اولدو؟ تۆلکو حیله‌چی بیر سؤی‌دان اولدوغو اۆچون دِئدی : اؤزوم قوپارتدیم! دِئدی‌لَر : نیه؟بوجورکی چوخ پیس‌گؤرونور! تۆلکو دِئدی: یوخ! ایندی آزاد اولموشام و چوخ یۆنگول‌لَشمیشم.سانکی اوچورام! بیر ساده تۆلکو اونا باخیب گِئدیب قویروغون کَئسدی! آغریسینا دؤزه بیلمه‌دیگی اۆچون تۆلکونون یانینا گِئدیب و دِئدی : قارداش سَن دِئییردین یۆنگول و راحات اولموشام آمّا مَنیم آغریم چوخدور بو نه ایش‌دیر؟ تۆلکو دِئدی: سَسین چیخارتما، يوخسا باشقا تۆلکولر بۆتون گۆن بیزی لاغا قویوب گۆلَرلر، هر آن سِئوینَن و ایفتیخار اِئدَن کیمی گؤرون.بوجورلوق‌لا ساییمیز چوخالار.یوخسا اؤلَنه‌ کیمین هاممی بیزی لاغا قویاجاق! بِئله‌لیک‌له قویروغو کَئسیلمیش تۆلکولَرین ساییسی چوخالدی و قویروغو اولان تۆلکولَری لاغا قویدولار! بیر توپلوم‌دا دا آلچاق و اَخلاقسیز آدام چوخ اولاندا اخلاق‌لی و شَرَف‌لی اینسان‌لاری لاغا قویوب اونلارا گۆلَرلَر! ابومنصور

موغان جیرانلاری

اؤز دوستوندان سینان کؤنول، بیتمه‌یین لایق دئییل، قدیر بیلمز کؤلگه‌سینده یاتماغین لایق دئییل، بیر سمندی ساخلایاسان اوندان بدویی چیخمایا، اونو دوستا تعریف ائدیب ساتماغین لایق دئییل. بیر قطره‌دن خلق اولوبدور بو دونیایا گلن‌لر، دولانیبان یاخشی یامان، خیری_شری بیلن‌لر، بیر اوستادا قوللوغ ائدیب، اوندان درسین آلانلار، تکلیف‌سیز بیر مجلیسه گئتمه‌یین لایق دئییل. نجف دئییر؛ یاخشی‌لیق ائت، یولداش اولما پیس‌لییه، دردینی دئمه درد بیلمزه، هر یئته‌نه کس دییه، بیر مجلسه وارد اولدون، هامی باشدان ایسته‌یه، او مجلس خلال قاتیب، گئتمه‌یین لایق دئییل. نجف علیمردانلی @sazsoz

رمضان گلدی داداش باشلا نامازی یئنه مسجیدده قاغا آچ جانامازی صف اولده دور اوغلان گؤزه گورسن گؤز یاشیلا ائله سن راز و نیازی هر نه ایسترسن اولار اوردا رئیس وار رئییسه خورما یئتیر ائیله مه بازی قولاق آس منبره دیققتله آی اوغلان سؤزلرین تایید ائله قوی اولا راضی اورادا کیم نه بیلیر اهل ریاسن گوشینی خاموش ائله اولما مجازی اوجادان وئر صلوات شیطانی داشلا قوی ائشیدسین سسینی اوغرو و قاضی آیاغا دور اؤزونو ائللره گوستر چای گتیر کی قورودو ماللا بوغازی گوردوگون ایشلر ایله ایندی گزرسن مشریقی مغریبیده حتی حجازی گئت ائوه یات کی صاباح چوخلو ایشین وار بیر داها کؤکله بیزه قیمتی سازی هر هاوا چالسان اینان اوینایاجاقلار آلاجاقلار سن اوخو دیلده آوازی ای باریش یاتما اویان گل بیزه ساری دسته ماز آل داداشیم باشلا نامازی اکبرحبیبی"باریش @sazsoz

اوستاد آشیق کاماندار قریب _ شاه صنم داستانی درخواستی❤️🙏 کانال آشیق غلامرضاعلیزاده @sazsoz بیزینن یولبیر اولون ⚘️⚘️🌹🌹

آنا دیلیم من چال دئدیم، اوجال دئدیم من وور دئدیم، قالدیر دئدیم سؤز هوجوم‏دور سؤز حمله‌دیر بیرجه کلمه بیر جمله‌دیر سن دیلده‌کی قودرته باخ، ‌جورأته باخ بیر جومله‌نی بیر کلمه‌یه سیغیشدیران کلمه‏‌ده‌کی باریتا باخ یوز ایللرین الگیندن آریدیلمیش آریتا باخ دده‌لریم بو سؤزلرین آلووونو گئیینیبدیر اورکلری بو سؤزلرین وورغوسو ایله دؤیونوبدور قالخان تاخیب قالخ سسینه،‌ وروشوبدور وور سسینه آخی نییه دئییشدیرک بیزیم قورقود آتامیزین یاراتدیغی کلمه‌لری باشقاسی‌نین گلمه‌سینه نییه منیم آنام «مادر» نییه آتام «پدر» اولسون بو دولاشیق تیجارتده نییه منیم دوغمالاریم اؤزگه‌سی‌نین تاپداغیندا هدر اولسون نییه یادین بَکمزینه بال دئمه‌لی؟ ‌اؤز آشیما یال دئمه‌لی؟ نییه منیم آنا دیلیم گلمه دیلین قاباغیندا تیتیم-تیتیم تیتره‌مه‌لی؟ نییه دوغمام یاد اولمالی؟ اؤز سؤزلریم اؤز دیلیمدن قووولمالی؟ هئچ گؤردونمو توراغایی قارغا کیمی قا قا دئیه؟ هئچ گؤردونمو سیغیرچینی سئرچه کیمی جوککولدویه؟ سؤزلرین ده میلّت کیمی اؤز ازلی صیفتی وار هر کلمه‌نین اؤز جؤوهری فیطرتی وار دئییشنده یاد سؤزونه اؤز سؤزونو اؤز لهجه‌نی صیفتینی دئییشیرسن تانیمیرام اوندا سنی آنلامیرام فیطرتین نه؟ صیفتین نه؟ گؤوشویه‌نده سن اؤزگه‌نین سؤزلرینی صیفت تاخدین صیفتینه سن توپوردون اؤز بابانین اوجاغینا آنان سنی بو اوجاغا اؤولاد دوغوب سنسه گیردین اؤزگه‌سی‌نین قوجاغینا هر میلّتین ان قیمتلی ثروتی‌دیر آنا دیلی اؤولادلاری یئر اوزونده سپه‌لَنسه پرن- پرن دوشن‌لرین وحدتی‌دیر آنا دیلی بو دونیانین هانسی اوزاق قوجاغیندا سسلنرسه او قوجاغی منیم اوچون عزیزلدن آنا دیلیم غوربتی ده وطن ائدن آنا دیلیم سؤزلری‌نین نغمه‌سینده روحوموزو جینگیلدَدن آنا دیلیم منی آنا وطنیمین بوتون اوغول قیزلارییلا قوهوم ائدن آنا دیلیم سن گؤزلره گؤرونمه‌ین بیر تئلسن کی یول آچمیسان کئچمیشیمدن گله‌جگه آنا یوردون اؤز روحونو کئچیریرسن بو نسیلدن او نسیله او اورکدن بو اورگه اؤز دردیمی سئوینجیمی دوداغیمدا چاغلادانیم منی آنا وطنیمه بو گونومو صاباحیما دوننیمه باغلادانیم ائی سسیمه سس وئرَنیم سن ائی منیم وارلیغیمی یئر اوزونه گؤسترنیم ائی شرفیم ائی بایراغیم ائی آنامین کیتابیندا آدی قالان دوغما ایکن اوگئی اولان سینه داغیم ختایی‌نین قیلینجیندا فضولی‌نین غزلینده بولؤوله‌نیب اورخاولانان سؤز کسَریم داغلاریمدان دامجی – دامجی سیزیب گلن اؤز اثریم ائی بو گونو دیلیم دیلیم پارچالانان آنا دیلیم سینه سینده اود قالانان آنا دیلیم قاپیلارین آرخاسیندا بوینو بوکوک قالان دیلیم وار ایکن یوخ اولان دیلیم آیاقلاردا کیلیم دیلیم ووروشلاردا بیر قهرمان باریشلاردا حلیم دیلیم! یادین فتواسییلا اؤز گوللـه میزله اؤزگه نین دیلینه اوو اولان دیلیم مؤهورلو حوقوقلو ایداره لردن داخمالار کونجونه قووولان دیلیم عالی طبقه لر سنی داندی لار سن بیر عوممان ایکن دایاز ساندیلار اؤزگه نین دیلینده خوروزلاندیلار سن ائی اؤز ساجیندا قوورولان دیلیم ختایی تاختیندا سن فرمان اولدون دیللره حؤکوم ائدن قهرمان اولدون بس نییه سن بو گون پریشان اولدون بابک قیلینجیندان اود آلان دیلیم تاریخین یولونو کئچدین اوغورلو سنه باتانمادی بیر قولو زورلو دوننی مؤحتشم صاباحی نورلو ایندیسی تاپدانیب اووولان دیلیم آنالی، آتالی، آ یئتیم دیلیم شرفیم، شؤهرتیم غئیرتیم دیلیم بختیار_وهابزاده آنادیلی ۲ اسفند سازسوزکانالی @sazsoz

بایرام آیینین ایکینجی گونو ، بؤیوک عاریف و شاعیر رحمتلیک دده کاتیبین دونیادان کؤچمه سینین ایل دؤنومو و یادیگار قویدوغو اوچ دگرلی اثر اورمو_گؤلو گونوموز_آیدین اینجی_لی_صدف دده_کاتیب آنا_دیلیم dedekatib_katiboglu سازسوز کانالی @sazsoz

♦️ 2 اسفند (21 فوریه روز جهانی زبان مادری گرامی باد) International Mother Language Day 21 February شیرین دیل، کسگین شعر آنامدان یادگار: آنجاق گوزه ل شیرین دیلیم واردیر، دئییب: فرهادسان اوغلوم! شیرین بو دیل _ دوداق لاردیر. اودور یازماق میزین: سیندان، قلم: چککیش، دمیردن: سوز، یانار کونلون: کوره، بو وزن شعرین تاپداماق لاردیر. سوزون اعماق قلبیندن کوز اودلار تک چیخیب پارلار، اونو سانما کیچیک بیر اود، یانار داغ دیر، اوجاق لاردیر. دمیرلر: بو یانار سوزلر، شکیل تاپدیقدا سوولانمیش، دویوشلرده قیلینج لاردیر،بیچین لرده اوراق لاردیر. اودور میصری قیلینج: شعرین، اونون تک حق سوزون کسگین، بو سوزلر، هر ظالیم بیلسین، سیلاح لاردیر، یاراق لاردیر. ولی بونلار بیزیم ائلده، عدالت، حق سئون یئرده، اوراق لاردیر، چاپاق لاردیر، کولوک لردیر، ناجاق لاردیر. ظولوم، ظالیم، عداوت اولمایان سیاره ده، سوز سوز، نووه، بومبا، فوزه، خمپاره، مصرف سیز، چوماق لاردیر. سیلاحلی قال قارانلیقدا پاریلدیر گوزلری قوردون، قودوز قوردلار: بو ظالیم لر، آداملیقدان اوزاق لاردیر. نه دیر " حاللاج! " سوزو سازین؟ دئییر "چنلی بئله" بیر باخ، قارانلیقلار قووولدوقجا، اوفوق آیدین شافاق لاردیر. امین اول شن صاباح، ظالیم، یاوا، موفته یئین یوخدور، قالان عشق و محبت دیر، قوچاق لیق دیر، قوچاق لاردیر. پروفسور دکتر علی اکبر ترابی (حللاج اوغلو) ساز سوز کانالی @sazsoz

آذربایجان، اردبیل👌😍😍 چالاچوخور شلاله سی - اونگوت شهری اردبیل ده @sazsoz

کنسرت قاراباغ دردی ، باکو ۲۰۱۷ ، حیدر علی اف سارای قطعه : بایرامی تنظیم دکتر چنگیز مهدی پور اوخویور مه ستی آزافلی دالغا گروپو @sazsoz 🌹🌹🌹🌹🌹🌹🌹🌹🌹

اوزان مجلیسی دالغا گروپو باکو @sazsoz

باخسادا خالقیما زامان قیقاجی. دوشسه ده باشلاردان صداقت تاجی. یاشاییش یئریندن اولسادا آجی. داغیلیر باشیمنان چنده دوماندا. چنگیزین الینده ساز دانیشاندا. آتیرام کونلومنن نیسگیلی آهی. ییغیرام غملرین اولورام شاهی باخیرام هئچ آرزیم قالمادی داهی. نه ویقاردا نه شوکتده نه شاندا. چنگیزین الینده ساز دانیشاندا. اونون صنعتینه ائل احسن دئییر. بولبول چه چه ویریر گول احس دئییر. بولود نعره چکیر سئل احسن دئییر. بورونور سئوینجه میلده موغاندا. چنگیزین الینده ساز دانیشاندا. آپاریر انسانی هارادان هارا. هانسی روزگارا هانسی دیارا. حاقدان کومح گلیر اوبارماقلارا. دونور دینله یجیه تاردا کاماندا. چنگیزین الینده ساز دانیشاندا. قاراچی سی خالقین شیرین داستانی. روحانی سی حاققا چکیر انسانی. مصری سینده کوراوغلو.نون فرمانی. دونور جنگاوره پاشادا خاندا. چنگیزین الینده ساز دانیشاندا. چشمه تک قایناییب چای کیمی آخیر. جنگی کوراوغلوسو شمشکدی چاخیر. یانیخ کرمینن یاندیریب یاخیر. دوشور ارضروما قاردا بوراندا. چنگیزین الینده ساز دانیشاندا. میضرابیندا گوهر بارماغیندا زر . هرپرده ده یارادیر بیر شاه اثر . صنعتینه احسن دئییر علعسگر. ( اومود ) فخر ائیله ییر آزربایجاندا. چنگیزین الینده ساز دانیشاندا. ( اومود قاراداغلی) @sazsoz

سسلندیریر:دومان شعیر: علی رشتبر قاییب یاغیشدان باش آچدیق دولویا دوشدوک، اولمادی سن دئیه‌ن، باغری قان لاله؛ نرگیزدن رئیحاندان بوشالان داغلار_ دولمادی سن دئیه‌ن، باغری قان لاله! سولاری کسدیلر قرنفیللره، دایان دور دئدیلر اسن یئللره، تیکاندان ساوایی سون نسیللره_ قالمادی سن دئیه‌ن،باغری قان لاله! او گوندن آیازا دوشموش بیر قیشیق، قانادی،لئله‌یی قیریلمیش قوشوق. سحرین گونشی یوللارا ایشیق_ سالمادی سن دئیه‌ن، باغری قان لاله! ایتیردی بو یئرلر آرزو مورازین، چکیرتگه صحبتین بولبول آوازین. بیر ده بو اویلاقدا علسگر سازین_ چالمادی سن دئیه‌ن، باغری قان لاله! نه بیزه بئل باغلا نه بیزه ارک ائت، هاوا چوخ سویوقدور اگنینی کورک ائت. قدرینی بیلمه‌دیک،گئد بیزی ترک ائت، اولمادی سن دئیه‌ن،باغری قان لاله! سازسوز کانالی @sazsoz