تجارب أسرار الفاتنات

من الحماس وزوجي يفطر طبقت النظرات مع الابتسامه واذا ناظر اشيل عيني عنه وصار هو يناظر وآخر شي قال خفي علي وراي دوام 🙈

انا زوجي ما راجع البيت من الجمعه طلع مع ربعة ولا رجع وتوني كلمته متعود اني اعصب وازعل بس لا تفأجأ بأني اضحك واسال عنه وحسيت من صوته انه مستغرب وبدأ يسولف لي وحسيته استانس اللهم لك الحمد

🌺تطبيقي🌺 سلامٌ عبر الأفاق. وصوتٌ مشتاق. يدعو لك الوفاق.. شكرا من الأعماق.. لحسنك بالإنفاق.. بوركنا في الأرزاق. ولا أذاقنا مر الفراق. فاتنتك❤️ 👆 رسالة نصية أرسلتها له... ما رد عالرسالة نصا لكنه اتصل يقول سايرة شاعرة من يوم رحت.. قلت شفت كيف المشاعر هاجت واشتقنا.. قال شي حلوو انك مشتاقة. >>>>شكله ماصدق إني باشتاق له 😑😬

تطبيقي للرساله مساء الزبادي يامعذب فؤادي علطول بعدها ارسل هيا نطلع البحر وفي طلعه البحر طبقت الصمت وجلس يسأل ايش اخبارك اشبك ساكته شكلك رجعتي تستحين😍🤩

الحمدالله كل الدروس انا مطبقتها ولله الحمد حياتي جميله وواضح اهتمام زوجي فيني قدام اهلي وأهله لدرجه وهو يسولف مع اخته بس يناديها بأسمي ..فتطالع فيني اخته وقالت لي أخذتي عقل أخويه يابنت ☺ كمان لما يقدموا ضيافه أهله يقول ابدوا من عند فوزيه والعجيب مايطالع فيني عندهم أنا شسوي وقتها اروح اجلس في الجهه المقابلة له حتى لو كانت بعيدة بس اكون قدامه واسوي حركات بس موواضحه لاحد ماصير ماصخه مثلا غمزه سريعه او عضه شفه الحمدالله الان لي متزوجه ٢١سنه واحس اني عايشه انوثتي كامله

و الصممممت الصمممت الصممت غير كتيييير فيا. اقل شيء ماصرت اندم ع الكلام الي اطلعه وقت العصبيه و احس حت لمن اهدى ازعل احس كأني صديقه جد

نصيحه خلو الدروس تغيركم اول شيء لنفسسسسكم ثم لازواجكم وعشان ترضو الله فيهم ...لاتخلي ببالكم بس عشانهم كدا بيكون كل تركيزكم في ردات فعلهم بزياااده ... وكل شيء تسووه احتسبو الاجر حتشوفو الخير بإذن الله .. صراحه بفضل الله ثم استاذة سميره جد هديت و صدقت لمن قالت اهم شيء النيه سبحآن الله بدأت احس بكل شئ نويته بالبدايه و الله يثبتتتتني

🎀تطبيقي 🎀 اليوم زوجي قايم منكد.. وخرج عالصلاة بدون حتى اي نظرة لي.. متضايق من أمس من البنات سو مشكلة كبيرة عند أهله.. وزعلان ومتنكد منهم.. . المهم جا من الصلاة ومو رااايق .. استقبلته وجهزت له التمرة والقهوة.. جلس وهو مكشر.. طبقت التمحور وقت الأكل.. طبعا كنت بزينتي.. وسألته كم سؤال وانا مميلة راسي وكلامي بتأني.. رد علي وانا مازالت علي وضعي.. شووي بدأ يتكلم عن موضوع البنات الي هببوه عند أهله.. نظراتي صارت منصبة عليه وباهتمام شديد.. وأني مستمعه جيدة.. وردودي كانت بسيطة وبدون فلسفة .. . بس العجيب انه روووق وصار يسولف ودخل سوالف تحمس ويضحك...و انا نظراتي قمة في الاستمتاع والتركيز على كلامه.. ولمن انقلب موده صار تمحوري حول ذاتي اكثر سعادة.. .. مرره مااتووقعت ينقلب موده بسرعة.. ..

انا مو قلت يوم الأثنين زعلني وللأسف يوم الثلثاء ماصبرت وانفجرت فيه.. من ضمن الانفجار قلت كلام مو حلو وطلعت القديم والجديد.... فانقلب الموضوع وصار هو الزعلان.. فكنت محتارة بين اني اراضيه على غلطي.. وبين اني أنتظر اعتذار منه على غلطه.. والمصيبه انه كان قافل على نفسه الباب حتى اكله مايطلبه.. ولا يطل في وجهي.. وقددر المستطاع جالس يدبر نفسه.. ماطلب مني اي شغلة.. .. حتى لو قلت يلا الاكل يرفض.. وبعده فتره الاقيه سخن الاكل بنفسه وأكل لكن كنت اخلي أغراضه جاهزه بدون مايحس حتى لايضطر يسويها هو.. مع اني كنت منتظره اعتذار.. بس في نفس الوقت انا معترفة بداخلي انه انفجاري ضيع علي هالاعتذار.. المهم.. ماتخليت عن زينتي.. اذا صادف ومر وكنت موجودة في المكان.. اطبق التمحور الحزين.. صح مااستقبله لاني برضو زعلانه 😁 ولا اوزع ابتسامات.. بس الأساسيات موجودة.. ومومقصره فيها.. الخميس كان صايم وخفت اسوي فطور ويسحب علي وأعصب عليه زياده.. رحت سألته إذا يبغاني اسوي اكل قالي لا... فجلست اتكلم مع اختي استشيرها شو اعمل وحكيتها ايش قلت بالزبط.. فهزأتني ليش مااعتذرت منه ونصحتني اني اطبخ له الفطور وانويها لله حتى لا اعصب لو رفض ياكل... وبالفعل جاء ولقى الاكل جاهز..أكل وشكرني.. بس برضو مارجع لطبيعته معي .. .. في الليل.. جلست أفكر في الموضوع ولمن قلبته شوفت أصلا السبب الي زعلانه منه كان بسيط وتافه فدخلت عنده الغرفة كان نايم في كنبة.. توقعت انطرد 😁 بس كويس استقبلني بالأحضان توقعت عشانه نايم مومنتبه.. بس لمن جاء من صلاة الفجر قومني يقول قومي نفطر بره مع اهلي مناديني . بس أنا مسويه نظام فقلت مو حابة أخرب.. وجلس يتخدع في انه اخرب.. في النهاية قلت له لو جيت حتضطروا تاخذو طاولتين يمكن هم اريح لهم بدوني.. فراح اعطاني بطاقته قال اجل روحي هايبر بندة وقضي الي ودك إياه..

ايضاً الزينه واللبس الساتر والطويل وفعلاً دقق وقال الفساتين احلى عليك صايره كانك اميره 😍😍😍😍👏🏻👏🏻👏🏻👏🏻👏🏻

مساء الخير استاذتي طبقت درس الغريب رجع زوجي بعد صلاة المغرب وانا مجهزه حلا وقهوه ومصلحه ومبخره البيت وبنتي لابسه وجاهزه تقهوى وجالس ع جواله كان مزاجه متعكر وكان كل كلمه يقولها ابشر وحاظر ماحاولت اتجادل معه صلحت العشا وتعشى وماطلع معنا الغرفه نام في الصاله نيمت بنتي وكشخت ونزلت اصحيه كان معصب خليني مرتاح قلتله لا انت ماترتاح الا في غرفتنا ع سريرنا يالله قوم وماخلا من حبيبي حياتي وإهمزه وامسك يده لحد صحي وطلع معاي الغرفه كان مجهزه ملابس نومه لبسته وانسدح همزته ورطبت جسمه ونام الفجر صحي رايق وتعذر عن مزاجه بالليل قلتله الله يعطيك العافيه ويطول في عمرك وشكرني ع ترطيب جسمه 🤤بطريقته الخاصه ❤ الله يسعدك يارب صرت قبل اسوي الشي او أتكلم افكر اول وبعدين 😘

استاذة صادقة... اليوم سويت التمحور ولا قولتو شيء و هو كان عارف ايش الي مزعلني... جاء عندي و قال بنفسو انتي غالية و على زعللك ما نقدر عليه😍😳كم مرة قرات الرسالة ماني مصدقة... حلم ولا حقيقة.... يا رب لك الحمد 😊جزاك الله خير ..الله يسعدك في الدارين يا استاذة😭

وتطبيقي للتمحور الحزين المدلع 😂 امس زوجي كانت يمزح مزح مو حلو يتريق عليا بالعربي 🙈 كنت حاطه رجل على رجل . فااتمحورت ورفعت رجولي عالكنبه وطالعت فيه نظره حزينه . قام قالي زعلتي والله امزح امزح وباسني على يدي وقرص خدي زي لمن نقرص الاطفال . مره استغربت صراحه العاده لمن يتريق اشمق فيه . ويمووووت ضحك ويزيد . وانا استمر اشمق

التطبيق: طبقي الصمت يافاتنة وأخبرينا بالنتيجة 😉 أمس كنت جايه من العزاء وهو نايم ولي فتره طوويله ماشفته تقريبا ١٣ساعه صحي وانا جيت أنوم ولدي ونام وهو بس على الجوال طبقت عليه الصمت وحاولت أتامل وسرحت وسرت العب بخصل شعري فجأه نادني قالي تعالي هنا في حضنه وجلس يوريني هو أيش يشتغل على الجوال وهذا ابدا مو عادته أول كنت دايما اساله ايش تسوي على الجوال أيش عندك المره هذي اتبعت الصمت وسبحان الله من حاله هو الي وراني ...

بتقولو كأن زوجي يعرف هالدورة.. .. باقولكم ليه... أمه اللهم بارك.. كل درس اخذته في فاتنات.. او قبل في عاشقات.. مطبقته ففي اشياء كثيره يشوف امه كيف تعامل ابوه وكيف بالمقابل يكون تعامل ابوه معاها فهي مطبقة لأنها درست واتعلمت.. علم شرعي.. اتعلمت عن طريق الدين دورها كزوجة.. العلم الشرعي.. مهم.. انا الدروس مااشوفها شي صعب او شي غرييب علي.. لأن سبحان الله الدروس مأخوذة من الكتاب والسنه.. لو اتعلمنا العلم الشرعي صح ودرسنا. وتفقهنا.. حنعرف نتعامل مع ازواجنا.. لان منهج الرسول.. فيه تفاصيل حياتنا.. ويعلمنا جد كيف نكون زوجات بحق وكيف يصيرو هم ازواج.. وطبعا مايعني انو حتكون حياتنا ولا احلى. ولا يمنع ننفجر وتصير مشاكل.. ويركبنا الشيطان.. بس اننا نكون على بصيرة..

بنت خالي كان زوجها دايم أهله يمدحون الحريم قدامه ويجبون صورهم له يقولون تزوج هذي وهذي تقول ادعي في سجودي ان الله مايعلقني فيه ويجعل تعلقه هو فيني بعد الله بعد ثمان عشر سنه صار يويل اللى يقولها كلمه يقول هي ام عيالي وهي الأساس خواتي كل وحده اهم شى عندها بيتها وزوجها وصار يراعي مشاعره صبري ياختي دامه موب إنسان يسكر وينكر ويفعل الحرام احمدي الله مافيه حياه خاليه من المشاكل صغريها تصغر الشيطان هو اللى يكبرها برأسك صدقيني ياختي حافظي على حياتك بعده تأكدي ياراح تأخذين واحد عنده زوجه وتعب وغيره اكثر ولا في بيتي اهلك كلن بيتزوج ويعيش حياته وبتصيرين شخص ثقيل على اخوانك واهلك

يااااااه ! إنه يشبه ذاك الرجل الذي لفتني في فترة الزواج ؛ إني أحيي فيه شخصيته التي كانت تمدني بالإلهام و الحب و القبول أيضاً.. إن صناعة الأنثى تجعلني أجد ضالتي عندما كنت أقول "ذهب عمري و أنا أشعر إن هناك شيئاً ناقصاً لا أعلم عن ماهيته و لا أستطيع ملئه بأمور تافهة" .. إنها بالتأكيد طريقة العيش كأنثى جميلة سعيدة قريبة من ربها و على الفطرة ! .. أشكر الله أولاً و أخيراً و أشكر من دلتني و شجعتني.. ثم أشكر شكراً كبيييراً للمدربات اللطيفات في كل الدورات التي أنا معهن الآن .. هذا السحر يجب أن يوثّق كشعور اللحظة ، يجب أن يصب في ورق لنأخذه معنا و ندرس به من حولنا .. أسعدكن الله و بارك فيكن .. أسماء أم ناصر 21.4.2019 9:52 am