💕 فضفضه في هدوء💕

لو حسستني بأني ما تقيل عليك ح احكي ليك قصه حياتي مرتين وتلاته وعشره ، ح احكي ليك كمان عن الاسباب الخلتني اكون دايما قاعد براي بدون اصحاب و عن الحاجات البتخليني ما انوم بشكل كويس ، ح احكي ليك عن الاكلات الحبيتها في القاهرة ، واحكي ليك الطرائف الحصلت اثناء ما بتعلم الطبخ ح ارسل ليك اغنيه نسمعها سوا و صور الاماكن الحلوه المشيتها حسسني بس اني ما ممل وانا بوعدك انه كلامي معاك ما ح ينقطع 💜

مرات بفتش عن الطمأنينة أكتر من الحب بفتش عن الشعور بالأمان.. عن الاحترام والتقدير.. عن الاهتمام بدون طلب.. بفتش عن شعور ان يؤمن شخص بي يشوف فيني حاجات انا ما شايفها في نفسي { احيانا بفتش عن الحاجات دي حرفيا وبظن اني فاقد الحب } 🙇💜

انا بؤمن بشعوري الأول بأنطباعي الأول حول الناس بؤمن تماما انه الزول البملاني فرح من أول مره بتكون عندو القدرة يفرحني للأبد 🥺💜

كل مشكله بتواجهك وتديها اكبر من حجمها ف انت في الحقيقة بتسقيها من #مويه_صحتك { يا جميل الازمات والمشاكل ما بتحلها الاحزان والهموم ما بتعالجها } عالجها بالمواجهه و الحكمه والاتزان كتير من المشاكل علاجها بس انك { ما تهتم بيها } ما تهتم بكل شي بوجعك لانه #بعض_الهموم بتموت بقلة اهتمامك بيها #عيش_حياتك_وابتسم 💜

يمكن ما اقدر أمنع قسوة الناس الحوليك ما بقدر اوقف الحياة أو أحرق ليك #كل_الظروف البتقهرك بس بقدر اقاسمكِ التعب بقدر بشاركك وجعك لحدِ ما يخف واهتم بجروحك لحدى ما تطيب بقدر اقيف معاك واسندكِ واقويك انا وانتي بنقدر مع بعض ننتصر علي الظروف .. نحارب الدنيا .. نتجاهل الناس .. نركز مع بعض .. نهتم بحبنا ونبني #عالم_خاص بينا وننسي الدنيا بحلااتها ومرها عارف اني ما بقدر اغير القدر او الشي المكتوب .. بس بعرف احتويك لما احس انك ما علي بعضك .. وبعرف اخترع ليك الفه قصه وحكايه #ترسم_ضحكه في خدودك واعرفي اذا ما ضحكتك .. ح احزن معاك ..ونيأس مع بعض ..ونتعب مع بعض ..ونضحك ونحزن مع بعض واذا ما قدرت احميك وامنع الوجع عنك بوعدك اني اكون #لجروحك_دواء 💜💜💜

كنت بمشي في الشوارع براي بعافر براي .. بكافح براي .. بنجح براي ..وبخسر براي لما اتعثر بتسند علي يدي واقيف من جديد .. يعني اني اتعودت اعيش براي فمن وين مدين يدك وانتشلتني ؟؟ الله اعلم 😹 .. كيف لقيتك بتحارب معاي ؟؟ الله اعلم 😹 .. ومن وين ظهرت لي ؟؟ الله اعلم 😹 .. بس كل العارفو انه جيتك كأنه جيه السلام لي قلبي

نحن ما بنعرف قيمة بعضنا إلا في النهايات ف {تعال نبسط الحكايه} اذا عندك مشاعر حلوة جواك قولها انك تقدم #هديه_بسيطه في وقتها "خير" من انك تقدم كل ما عندك بعد فوات الاوان وانك تقول #كلمه_جميلة في وقتها المناسب "خير" من انك تكتب شعر رومانسي بعد ما تختفي المشاعر #ماف_فايدة من الحاجات الحلوة البتجي متأخره "زي قبلة اعتذار علي راس الميت" ما تأجل الحاجات الجميله .. لانه وقتها المناسب ما بتكرر مرتين 💜

شنو فايده كلمة #انا_جنبك بعد ما اتعافيت ؟؟ وتقول انا بحبك وفي نفس الوقت ما عايز تتقبل عيوبي بتقول #انا_اسف بعد اسبوع من الخصام شنو الفايدة ؟؟ .. بتقول انا فخور بيك وانت اساسا ما قاعد تشاركني معاناه الوصول المره دي لاااااا ي عزيزي لا للكلمات البارده البتجي في غير موعدها ماف فايدة من ترميم روح ماتت قبل فترة ماف فايدة من انك تقول كلمه كنت محتاج اسمعها منك وقت من الاوقات وانت تقولها لي في زمن مات فيه #لهفه_الاستماع 🙇💔

كانت جميله بشكل مختلف مختلف عن باقي البنات الجميلات جمالها ما اقتصر بس علي ملامحها البتشبه #شروق_الشمس وهى بتضحك حتي لما تحزن ، وحتي لما تكتئب بتشبه الليل الخالي من السحب وبصراحه اكتر {هي معرض الضوء للقمر بالكمال} كل البتقدر تقدمو ليها انك تقعد وتفضل تعاين وتتأمل فيها وبس مرات تحس انك بتتعامل مع #كائن_طفولي وتقعد تتسأل بينك وبين نفسك ، النضج الفيها كيف بصغى لي اي كلام وفجاءة في دقايق يتحول لي #ضحك_هستيري ذوقها عالي في انتقاء الاشياء .. بتختار الحاجات البسيطه جدا .. علي ما اعتقد سحرها انك ما تقدر تنسى حاجه اهدتها ليك ياااخ جميله لدرجه انها دايما بتخليك في ارتباك نفسي ، تخليك تظن طول الوقت انها كتيرة عليك وانها دايما بتسبقك بخطوات هي #ما_اعتياديه ولا من النسخ البتكرر ليك او نسخه من شخص ما اتعرفت عليه قبل اليوم ودا السبب البخليها تتلصق في ذاكرتك لحد ما #تنتهي_الحياة 💜🚶‍♂

انتِ صديقه قلبي خوفي الوحيد هو اني افقدك وافقد كلامك وضحكتك الملائكيه و مواساتك لي في حزني وضحكاتنا مع بعض لما نتونس بالليل مجرد ما اتخيل امور الفقدان بحس بالحزن الشديد ، حتي غيابك عني ل ساعات بسيطه بحس انى فقدتك ، طوالي برسل ليك او اتصل ليك عشان اطمن بيك انتِ الشخص الوحيد البقدر اتكلم معاو عن تفاصيل وحاجات كتيرة يمكن يشوفوها الناس حاجات تافهه بس بالنسبه لينا بتعني الكتييير معاك قاعد اشاركك كل الافكار الفي راسي ، دايما بحس بوجودك حولي كأنك #غيمة_مطر بتحتويني في اي مكان انا بمش ليو بالرغم من وجود المسافه بينا انتٍ #أحن_شخص في العالم فكرة وجودك جمبي براها بطمني ما تخلي اليوم البنبتعد فيه بسبب خلاف او نقاش يجي 😢💜 انتِ آملى الوحيد في الحياة دي ف ما عايز احس ب خيبه جديدة ما عايزك تكون ذكرى ما عايزك تكوني شخص من الماضي #خليك_معاي .. ما تحاربيني بسبب اخطائي و اغلاطى عايزك تكوني الحب الابدى تكوني الماضي والحاضر والمستقبل وقت تحزني وتتألمى انا بحس بالحاجه دي في قلبي ، لما تحكي لي عن كميه ضيقك وزهجك ، اول حاجه بتجي في بالي اني اجمع كل الضيق والزهج ، اجمعها في شكل غيوم وابعدها عنك لانكِ ملاك هذه الارض وما ينفع انه يكون عندك آلام بسبب نقاء قلبك و جمال روحك ، جيتي في حياتي كأنك استجابه لكل الادعيه الوجهتها الي الله انتِ العوض الجميل لكل ما فات 💜

تتخطاني عشان شايفني علي عجل .. وترجع تدرك انك اتخطيت شيئآ جميلا 💜

القاااعه فتحت 🔥🔥🔥🔥 ادخل واحجز مكانك ٥ دقايق ونبدااا وشغل المايك عشان تسمع كل التفاصيل 🔥🔥🔥🔥🔥👌👌

دا رابط الmeeting 🔥🔥🔥 موعدنا اليوم بعد اقل من سااعه كن جاهزا 🔥🔥🔥🕺🕺 https://us02web.zoom.us/j/87991567629