💕 فضفضه في هدوء💕

#عايز_افضفض آمس انا اتخذلت من الشخص اللي ادانى الدنيا كلها بين يديني وفجاءة اخدها مني بسببه قررت انهى علاقتى مع اي شخص انا بعرفه ، انا امس ادمرت حرفيا ، دي اقوى صدمه في حياتي امس بسببها قررت ارسل لاى زول غالي علي بانه يسمح رقمى ، قلت اخسرهم كللهم دفعه واحدة .. عشان ما كل فترة اتصدم و اتخذل زول منهم ف حظرتهم كلهم دفعه واحدة بدون ذنب بسبب الشخص الواحد دا بعدها بكيت كتير .. #بكيت_بحرقة #الناس_الخسرتهم عارف انكم بتحبوني عارف كمان انه بعض منكم بتمنى لي من قلبه #كل_خير وبتمنى السلام الدائم لي قلبي لكن عارف انى ما الشخص الاهم في حياتكم ، ما الخيار الاول ، اي نعم حضوري مهم لكن في بدائل يمكن التخلى عنى عادي ، عارف انى شخص ممل ومكتئب في اغلب الاوقات ، عارف مكانتى عند الكل ، عارف انه المسأله ما بتتعلق بالحب لكن بتتعلق بالتعود علي وجودى ما ح يموت شخص بغيابي {ما ح يتأثر } ما ح يلاحظ شخص وللأسف دي حقيقة انا بالنسبة للجميع {مجرد زول عابر } #وحدة_للآبد #الوحدة_حلوة 🙇🚶‍♂

كل حاجة بتعملها اديها #فرصة_تانية لو مشيت مكان ما عجبك امشي #مرة_تانيه عشان تتأكد إنك ما ح تخطئ تاني ، لو اكلت أكلة ما عجبتك أكلها تاني عشان عمرك ما تفكر فيها وقيس الامثلة لدي علي الناس كذلك وظيفة #الفرصه_التانية أنها بتقضي علي أي #شوية_تعاطف أو حنين أو شك إنك ربما حكمت غلط في المرة الأولى اما الفرصه التانية بتخليك ماخد قرار وقافل أي باب موارب من ناحيةة اي موضوع للأبد وتعرف تكره كل حاجة وانت #ضميرك_مرتاح جدا 🙇💜

منو البفضل واقف معاي رغم انى سيئ وبأس وما بتكلم كتير ولا بشارك تفاصيلي المهمه ، منو البستحملني وانا منطفئ ، منو البديني منو نورو الخاص ويسندني وينقذ ذاتي من الغرق ، منو البحسسنى انى مدين ليو بكل ضحكه وبكل فرحه وبكل تقدم انجزته في الحياة..منو؟؟؟ 🙇

انا ما محتاج علاقة أبذل فيها كل جهدي لحدى ما اصل #درجه_الكمال في عيونك ، محتاج علاقة تخليني أتساءل ليه بتشوفني بالكمال وانا مليان بالعيوب🙇

أنت عارف ح نفترق متين ؟؟ لما ينتهى انبهارك بي ترجع تشوفني #شخص_عادى بالنسبه ليك ، تتحول كل الحاجات الكانت بتعجبك في شخصيتي لحاجات عاديه وممله #تنتهي_اللهفة البتلقاني بيها يختفي #شعور_الاشتياقك جواك تمل من تفاصيلي ، من حكاياتي ، من حياتي لحد ما تبقى حاجات تنفر منها الشغف والعتاب بنتهي وبتحول الكلام بينا ل #عادة ، ل #واجب نتعود عليه ح نفترق لما يمر اكتر من يوم من غير ما نتكلم وما تحس انه في حاجه ناقصاك ح نفترق لما تتحول كلماتي وكتاباتي لمجرد كلمات عادية ما بتأثر في قلبك وتبقي محاولاتي لسعادتك محاولات تافهة ما عندها اي قيمة 🙇

انا ما حبيتك عشان انتِ انسانه مرحه و ممتعه ، ولا عشان ملامحك جميله وشخصيتك عميقة ولا عشان أفكارك البتعجبني ولبسك البجذبني انا #حبيت_السوء البتكرهي في نفسك والعيوب الدايما بتحاولي تتجني تظهريها انا حبيتها عشان تحسي بالراحه وانتي بتشوفيها حبيت خوفك الما بتحملو اي زول وتقلب مزاجياتك البتخوف الناس الحوليك 🙇

ما كنت ناوى اقع في الحب مره تانيه عارف ومقتنع تماما انه الحياه ما بتستحق #معافرة_جديدة تحت أسم الحب طيب ليه حبيتها ؟؟ لأنها بتشبهنى ف حبيت اقرب منها لا اكتر ولا أقل ....! بتشبهك في شنو ؟؟ اولا .. في الحزن .. أتألمت زي ما انا أتألمت .. عانت كتير مع تجاربها في الحياة بدون سند .. زي ما انا اتألمت من الوحدة و اذى الناس و خذلانهم كلما تقسى عليها الحياة بتبتسم وانا كمان نفس الشى {انا وهي بقايا احلام محطمه يا سيدي} #الاختلاف_الوحيد بينا هي جميلة جدا انا بحلف ليك انه ملامحها في الحزن بتجبرني مرات علي السكوت مع اني بكره نظرات حزنها بتخليني اقيف مكتوف الايد بين عشقى لجمال حزنها وكرهى لحزنها بين ابتسامتها وضحكتها مزيج بسيط شديد #بملاني_فرح بدون تفسير لما اقرب منها والمس يدها بتجتاحني رغبة عاليه في الامتلاك وفي البقاء بين يديها للأبد عايزها حد التملك عايز ابقى جواها للأبد ما كنت ناوى الوقع في الحب لكن حدث ما حدث وعشقتها 🙇💜

بتمني يجي اليوم وابقى الاختيار الأول والأخير لشخص معين ، يجي يوم وأقدر أبين كل الحاجات الكعبه الجواي وانا متأكد تماما انه حبه لي ما ح يقل أو فكرته عني ما ح تتغير ، شخص يحب عيوبي ونقصي قبل مميزاتي واشوف حبه في عيونه وافعالو قبل كلامه ، شخص يقدَر اني شخص فعلا كويس ويحسسني بكدا وبس 💜

انا معاك آمنت تماما انه الناس الرائعه و الحلوة ما بتلاقو من البدايه ما بتلاقو الا بعد #رحله_طويله من التعب والمعافرة الشديدة مع معاناه الحياه والمجتمع آمنت كمان معاك انه الحب الحقيقي بجي متأخر ..قبل النهايه بشويه بحصل بين قلبين عاشو حياه مختلفه وكان مستحيل يتلاقو عشان كدا مااف حاجه في الدنيا دي تقدر تصف فرحه كل شخص لقى نصه التاني ف انا فرحتي بيك اكبر من الدنيا وما فيها 🥺💜

الشي المؤسف انك تبقي في علاقه حب لفترة طويله وبعدها تكتشف انك ما عندك اي أثر .. وجودك وعدمو ما بشكلو اي فارق .. من السهل جدا الاستغناء عنك لمجرد توفر البديل .. انا كنت في نظرك في عداد العاديين في حين انه انت كنت اهم شخص في حياتي فعلا الافراط في التوهم والتوقع شي مؤذي بزرع فيك البؤس 🙇

انا بخاف الارتباط ، بخاف اقترن أو ارتبط بالشخص الغلط واقضى بقيه عمري أدفع تمن اختياري شخص يضايق من حساسيتي ويتأفف من أهتمامي المبالغ في التفاصيل بخاف اني #اتزوج_شخصيه ما بتنتبه لنبرة الحزن في صوتي ، ما بعنيها ولا بهمها الحاجات الحصلت في يومي ، ما بهمها الكسر الفي قلبي ولا بتسعى عشان ترمرم الجواه اخاف لما احب اتكلم معاها ما تستمع لي وتشغل عقلها بي حاجات تانيه شخصيه ما تقدر تعبي ولا بتمدحني ولا بتشاركني #تفاصيل_التفاصيل اخاف يجي يوم اطفالي يلوموني لاني فشلت في اختيار أم مناسبه ليهم اخاف من طفلتي تمشي تاخد راي امها في #لبس_جديد انا جابيو ليها وهي تحرك يدها بأنها تمشي منها او اذا جا #زول_بشتكي من ولدي تضربو من غير ما تستمع ليه او لما يغلط تعاقبو قبل ما ترشدو وتفهمه بخاف من شخصيه بتبخل بمشاعرها وعاطفتها ، البتيسر الامور بالعنف والشدة بعيدا عن اللين والمودة والحنيه 😴🚶‍♂

ما تلبسي #فستانك_الأبيض لأى زول لمجرد انه دق بابك ، ولا لانك كبرتي في العمر وقلتي دي فرصتك ، ما تلبسي لانك بس اتمنيتي انك تلبسي البسي لما تلقي الراجل المناسب ، للانسان البحترمك ال بتتوافق معاه فكريا و عاطفيا احسني اختيارك كويس ، لانه الفساتنين كتيره بس الحياة الزوجيه واحدة ف اختارى البسعدك والبزيد من جمالك 🙇💜

انا ممكن اخاصم الدنيا كلها الا انتِ ما بقدر اتحمل اني اقضى #يوم_يومين من غير ما اتكلم معاك لمجرد انه واحد فينا حاسي بضيق أو حزن من الطرف التاني انا ما بقدر اتحمل فكرة #كتمان_الضيق وحاله الغضب حتي في أبسط الحاجات لانه #العلاقات_العاطفيه بتنتهي فجاءة بسبب كترة الكتمان والتراكمات ف ما بحب #الردود_الباردة والجافة وبرضو ما بنسي الكلمات القاسيه البتطلع في لحظات العتاب واللوم مهما أشتد الخلاف انا ما بعرف ادافع عن نفسي وبستحقر الناس البعرفو يقلبو الطاوله علي لمجرد انهم حريفين في الدفاع عن نفسهم أو ممكن اقول عندهم القدرة المستمرة في #تبرير_اغلاطهم القاسيه ضدي انا #زول_بسيط أؤمن ان العلاقات خلقت للراحه ، و للود والتفاهم اللين في التعامل فيما بيننا ، ما خلقت للدفاع عن نفسنا والفوز في معارك الخلافات والمناقشات { كلمه طيبه منك كفيله ب انهاء اي خلاف بينا لمجرد اني بحبك } 💜

انا ممكن اخاصم الدنيا كلها الا انتِ ما بقدر اتحمل اني اقضى #يوم_يومين من غير ما اتكلم معاك لمجرد انه واحد فينا حاسي بضيق أو حزن من الطرف التاني انا ما بقدر اتحمل فكرة #كتمان_الضيق وحاله الغضب حتي في أبسط الحاجات لانه #العلاقات_العاطفيه بتنتهي فجاءة بسبب كترة الكتمان والتراكمات ف ما بحب #الردود_الباردة والجافة وبرضو ما بنسي الكلمات القاسيه البتطلع في لحظات العتاب واللوم مهما أشتد الخلاف انا ما بعرف ادافع عن نفسي وبستحقر الناس البعرفو يقلبو الطاوله علي لمجرد انهم حريفين في الدفاع عن نفسهم أو ممكن اقول عندهم القدرة المستمرة في #تبرير_اغلاطهم القاسيه ضدي انا #زول_بسيط أؤمن ان العلاقات خلقت للراحه ، و للود والتفاهم اللين في التعامل فيما بيننا ، ما خلقت للدفاع عن نفسنا والفوز في معارك الخلافات والمناقشات { كلمه طيبه منك كفيله ب انهاء اي خلاف بينا لمجرد اني بحبك } 💜

👋 سأمنحك ج.م.‏ 79 في صورة رصيد! وكي تستطيع استخدامه، نزِّل تطبيق Wish من خلال الرابط الخاص بي: https://dl.wish.com/ahiH7

انتِ .... مفروض تكوني اهم حاجه في العالم ، تكوني مقطوعه موسيقيه جميله أو تاريخ مهم علي مدار الزمن انا دايما معاك 💜 انا صحبك قبل ما اكون حبيبك انا اختك قبل ما اكون صديقتك وعائلتك ، وشقيقك ، وكتفك ، وضلعك وقلبك الشماال انا ليك أمان وملجاء ، انا هنا بس عشان افرحك ، ح اكون ليك كل الحاجات الجميله البتصنع ضحكتك وكل الشوارع البتودي لي قلبك مجرد ما تظنى انك ولا حاجه في الدنيا اتذكرى أنك كل شي في قلبي لو اتمليتي ب الف عيب لو القرب منك مؤذى لو رفضك العالم انا راغبك بشده ح تكوني #دعوتي_الأولى في كل صلاه ان شاء الله اذا احتجتي كتف تبكى عليه اتذكرى اني عندي اتنين

بتمني اكون جنبك في اللحظه دي اكون رهين تحت اصابعك تحميني من حقد الدنيا وكآبتها احضنك كانه ساعاتي الاخيرة امنيه من بين الاف الامنيات البترقبها بالصبر القليل الفيني عايز اشوف الصباح بكون كيف وانا جنبك كيف أقاوم الوش البشوش والبضاهى نور شمس الصباح كيف بكون صوتك وانتِ بتقول لي { صباح الخير } بشويه كسل كيف بتكون ابتسامتك لما تقولي لي { انور يا عثل } يا رحيم كيف بتوفق بين ضحكتها وكلامها ، وكل واحدة ليها تأثير اكتر من التانيه صورتك في تلفوني بشوفها كل لحظه وبتأمل وبغرق في تفاصيل التفاصيل اعرفي ي صغيرتي انه وجهك بداعب قلبي بشقاوة 🥺💜

في فترة من الفترات مريت ب أيام مليانه بخسارة الاصحاب وكل الناس الكانو قريبين لي قلبي بقو غرباء لدرجه اني حاليا ما عارف احوالهم بصراحه اكتر كان أيام متقلبه بين ، فرح و حزن ، ألم و أمل ، ابيض و اسود بالرغم من كل الحصل الا انه كانت ايام مليانه بستر الله و كرمه ، حتي في اللحظات الكنت فيها في قمة يأسي كان يصيبني بلطفه وفضله كويس انه دي فرصه اقدر اقول { شكرا } لكل زول حباني بصدق ، وشكرا لكل زول خلاني احب نفسي ولو بكلمات بسيطه أو ب أبتسامات بريئة الحمدلله اني ما كرهت زول ولا شايل في قلبي ع زول ولا حتي ناوى انتقم ولا زعلان وبتمني الخير لكل الحولي ، الشي الحلو بقي عندي مقدره في انى ارتب الناس الحولى كل فتره القريب مالازم يكون قريب البعيد مالازم يكون بعيد بقي وضوحي مع نفسي اهم من وضوحي مع اي زول ، والزول البستاهل ح ادي كل المحبه ف كانت أيام مليانه بي المعافرة والضغط النفسي ومليان بالتضحيه والتصفيه ايام ادتني كتييير من الاجابات لي أسئله لي زمن ما قادر اتجازوها { ايام بتمني ما تلقاني خااالص خااالص } 🚶‍♂🚶‍♂

بعامل الناس بطبيعتي .. ونفس الوقت الناس بتميل للشخص البتصنع ليهم ؛ وانا الصراحه ما من الناس البتجيد التصنع...! انا أبسط من البساطه نفسها ما بعرف اتلون مهما كلفني الامر من خسارة بتكلم بعفويه مطلقه وبحُسن نيه مفرطه والحاجه الفي قلبي تلقاها في لساني ما بعرف #ارتب_الكلام أو أزيين الحروف عشان #اعجب_زول او القي قبول ورضا شخص وللأسف الحاجه دي وصلتني لي انه الناس #تسيئ_الظن بي انا ما من #نوع_الناس البتبرر كتير ، حتي اني ما بعرف اصيغ الاعتذارات { بعض الناس بتتهمني بالتكبر } ما بحب اخش في الحاجات الما بتعنيني وما بحب اقعد في مكان ما مرتاح فيه ربنا #خلقني_مختلف وعايز ابقي مختلف بتأذيني عفويتي كوني ما بشبه اي زول قلبي ما شايل حقد زيهم او حسد ل اي شخص ما عارف #السر_شنو ورا انشغالك بي عشان تصتاد اخطائي و تستغل اي فرصه عشان توقعني والعجب كمان لما اتكلم بدقق في كلامي ولما اسكت بتصنت علي علي كل حال انا باقي علي فطرتي ومعتز بيها جدا ، ما ح تلقي شبيه لي مهما حصل وما ح تلقي عندي قناع غير وشي الواحد دا ، قلبي عزيز وغالِ وقت ما طلبته بعزة بدون ما تأذيني ح تلقاه بين ايديك 🥺💜 { مجرد فضفضه }

ما تستمر في علاقه مسنوده بس علي ماضي جميل