💕 فضفضه في هدوء💕

والله #كلمة_شكرا ما بتوفي حقها عليك ،، وجودك في حياتي بيهون علي حاجات كتيير بلاقي جواك #تفاصيل_كتيرة بتشبهني ،، ب تعبير بسيط انت مرايا بشوف عيوبي فيها وبتساعدني اني اصلح البعض منها بتقيف معاي #وقت_الازمات والمشاكل البواجهها كل يوم في حياتي ،، في اوقات الشدة ما بفكر آلجأ لشخص غيرك بتعرف انا مالي من غير حتي ما اتكلم ،، تعرف عني اسرار وحكايات وتفاصيل اهلي واقرب الاقربين ما يعرفوها انت بير برمي فيه كل الجواي بمنتهي #راحة_البااال ،، ومعاك ما بفكر في بكراا ولا بخطط نعمل شنو الليله #كل_حاجه معاك ليها طعم تاني الطلوع ، الهزار ، الضحك ، المشاوير ، الاكل ، الرحلات ، الكلام ، السهر ، الاعترافات {تعرف تماما تصورني غفله} 😹👍 تعرف #يوم_ميلادي ال انا في الاساس ناسيو ،، حتي الكلام العادي معاك حلوو بحس معاك بالامان لمجرد وجودك جمبي ،، فيك كمية #راحه_نفسية لدرجه ناس البيت بطمنو لما يعرفه انك معاي انت جد #عوُض_ربنا لي من حاجات كتير محروم فيها من الدنيا ،، شخص حلو ومرح ولين ما بتزعل مني وما بتبعد بالعكس بتنصحني وترشدني عديت معاي كل #مسميات ومراحل العلاقات ،، ربنا يديمك ويديم وجودك لي ك سند وضهر وحب يقويني علي الدنياا 🙇💜 #انور_ادم

انا محتاج شخص يفهمني شخص يستوعب اني ما دايما بعرف اتكلم واعبر ،، #يستوعب_نقطه اني مزاجي متقلب لدرجه اني ممكن اضحك كتير وفجاءة اسكت وملامحي تتغير شخص يفهم اني بتعشم جدا في الناس البحبها ،، ولما بحب يقع علي وشي لاني بحب بكل طاقتي ،،، ما عندي يمه ارحميني في المشاعر ههههه {#بهظر_بهظر}😹 مرات بحب اكون برااي مرات #قلبي_بتقبض من غير سبب وطول الوقت بكون عايز اشوف الناس البحبها وحرفيا ما بعرف انوم لو واحد فيهم مضايق مني انا طاقتي محدودة ،، مابقدر اتحمل #الغياب_الطويل والاحضان الروتينيه والتراكمات #الناس_تراعي للفئة الزينا دي لانها بتشيل كل شي علي اعصابها واكتر فئة بتعافر وتتعب واكتر فئة مشاعرها صادقه وبتحب بالجد 🙇💜 #انور_ادم

نحن بنميل للشخص العندو القدرة علي مواساتنا ،، ال بقدر يتحمل الضغوطات عننا من غير ما يحسسنا #بأننا_عبء وحمل عليو البرفع عننا عناء التفكير في نظرتو لينا ،، صاحب الظل الخفيف البقدر بكلمات بسيطه يحول لحظات الزهج والملل للحظات من #الضحك_الهستيري البحاول دايما مساعدتنا #بدون_مقابل ما ببخل علينا بالود والكلمات اللطيفه والاعجاب بتفاصيلنا في أشد لحظات فقدان الثقة في نفسنا البمدنا دايما بالتحفيز وكلمات القوة والامل لما نحس بالهشاشه واليأس ،،، نميل لكل زول ما ببخل بالمواساه والود والحب ولو #بأبسط_الكلمات والطف حاجه ممكن تحصل لي كل واحد فينا في الفترة انه يلاقي شخص يدعمه نفسيآ ،، ويقيف جمبه ،، وما يكون شايفو شخص نكدي او مآفور ،، يسمعه ويهون عليو حتي ولو بحاجه بسيطة ،، يخليك تتكلم بكل اريحيه من غير ما تحس نفسك تقيل وتطلع كل الجواك ويبقي فاهمك ومقدر ال بتمر بيه وفوق دا كل لحظه يثبت ليك انه #متمسك_بيك علي الاخر 🙇💐 #انور_ادم

العلاقة ال اتمنيتها تفضل معاك #طول_العمر وفشلت ،،، ح تعلمك درس ح يفضل معاك #طول_العمر درس يخليك تشوف #الدنيا_صح ،، وتفهم النااس صح ،،، درس ح يحولك لشخص واعي وتقيل في مشاعره وفي تصرفاته ،، حتي في كلامك ح تعرف شنو المفروض يتقال متين ولي منو ،،وشنو الما ينفع يتقال من الاساااس..! الصفعات البتاخدها من الناس والحياة بتكون هي #الكورسات البتقوي عقليتك فشكرا لكل #وجع_علمنا ولكل وجع قوُانا ولكل ليله صعبة عيشناها البي سببها بقينا أقوى وانضج 😻💜 #انور_ادم

ترتبطِ وتحبي بكل جوارحك ومشاعرك الصادقة ويجي في نهاية المطاف يجرحك ويكسر قلبك وتقعدي #زمن_طويل ،، ايام وشهور عشان تتعافي وتطيبي جرحك وتبدي تعافري عشان تنسي الزكريات وتحميها من جواك ،، تنسي المواقف البايخه ،، الرسايل ،، الصور ،، الاغاني...الخ وتدخلي في علاقة تانيه علي آمل انها تكون أفضل واحسن في سبيل ترجع ليك #روحك_القديمة ويعوض ليك الايام السوده العشتيها بسبب #العلاقه_الاولي وبكل بساطه يجي الشخص التاني يزيد عمق جرحك القديم ويقتل روحك الجميلة يمش ويختفي يسبك تموتي من الداخل ببطء #قصة_قصيرة { كونو صادقيين معاهم } #انور_ادم

هل ح تتغير فكرتك عني لو عرفت اني طفل جدا وكل الهدوء الظاهر في ملامحي ما هو الا صوره ظاهريه بس البعرفني حق المعرفة بكون عارف اني عكس كدا تماما انا مجنون تفكير والتفكير الغريب بعاني من حساسيه مفرطه ،،، في الغالب بكون في حاله #سكوت_عميق ،،، وشخصيتي متقلبه في كل سنه جديدة #خيالي_واسع جدا وديمه في مخيلتي كتير من القصص والحكايات وبألف شخصيه في خيالي بحكي معاها وبحزن شديد لو جل في خيالي #مشهد_حزين وما بشوف انه دي حاجه جنونيه خاالص هل ح تغير فكرتك عني لو عرفت اني بلبس الحاجه البتليق بي وما بهتم ب البقولو الناس عني لاني بسعي لأرضاء نفسي أولا في غرفتي بغني بصوت عالي وبرقص #شخصيه_مزاجيه وما عندي قرار ثابت في كل شي ،، بتردد كتير قبل ما اتكلم مع اي شخص انا بؤمن #بصلة_الروح اكتر من صلة الدم وما مقتنع بالعادات والتقاليد ومستحيل انسي أي تفاصيل لآي حاجه حصلت أو انسي الاشخاص المرو في حياتي ،،، الناس بتشوفني مجنون وانا بشوف نفسي منطقي وعفوي بعد ما قلت ليك كل الحاجات الفي شخصيتي هل ح تتغير فكرتك وانطباعك عني للأسوأ أو للآفضل وهل الحاجات دي تخليك تقترب ؟؟ أو تبتعد ؟؟ جاوبني في التعليق 🙇 #انور_ادم

بعد ما أفترقنا قعدت #فترة_طويله اراقبك من بعيد ،، بتابع الحاجات الخلتني اقع في غرامك واراجع الصفات الخلتني أتمنى الحياة معاك راودتني كتير من الظنون لما اتغيرت بعض الحاجاات في نظري صورتك بقت ما بتثير فضولي للتآمل ما بشكك في جمالك وعارف كمان ناس كتير ينتظرو منك بس نظرة لكن بالنسبه لي بقيتي عاديه وغريبة وما المفضله عندي زي آول وهنا سآلت نفسي ،، هل انتي جميلة فعلا ولا بس كنتي جميلة في نظري #بدافع_الحب الحكايه ما اقتصرت علي مظهرك حتي اهتماماتك بقت ما مفضله عندي وللآسف الشديد بقيت اشوف اهتماماتك سخيفه و سطحية ،،، وافكارك الكنت شايفها وااااو بقت ما بتبهرني مهما حاولت اني القي فيها ولو شي بسيط يثير فضولي أو اعجابي لما حبيتك ظنيت انه عندك أجمل الصفات البحبها { #الحنيه} وكنت بستنجد بيك دون الناس عشان احكي ليك عن الحاجات البتزعجني وعن مشاكلي والتعثرات البتواجهني ظنن مني انك ما ح ترضى تشوفني متآلم وتساعدني آو ع الاقل ما بتسيبني براي آواجه كل الخيبات وخصوصا في نهايه علاقتنا كانت #النهاية_بسيطة وفي غاية الاحترام ،،، حتى أسباب النهاية كانت نتيجة لاختلاف بعض الحاجات #الشي_المضحك اني كنت دايما بقول ليك اني ما من ضمن آولوياتك ،،، وتغيب وترجع بحجج ومبررات جديدة ف بسامحك حبا ليك وترجع تاني تكرر غيابك آثبتت لي الايام اني ما كنت #بشغل_حيز ولو بسيط من قلبك ولا مثلت جزء ولو بسيط من يومك ،،، اثناء العلاقه كنت بحس نفسي في الرف أو ضمن قائمه طويله من اهتماماتك بعد افترقنا ما حاولت حتي تسأل عني ولا لمره واحده ،، ما فكرت تسعي من الاساس للعودة بينما انا كنت دايما بسعي الفت انتباهك بان #اكتب_سلسله من الخواطر والكلمات ببين ليك فيها اني لسه منتظرك 🙇💜 #مجرد_فضفضه #انور_ادم

#انا_مستعد اني اكون معاك مهما كانت الضغوطات والمشاكل البتمر بيها بقدر أهوُن عليك كل شي في لحظات انهيارك ح انهار مكانك ولما تتعثر في خطواتك تلقاني ساندك دايما تلقاني #آول_زول يقدم ليك الدعم والمساعدة ،، تلقاني اتحمل نوبات غضبك وضيقك الشديد ،، ح تلقي قلبي دايما المكان الواسع لآلمك ومأساتك وقت ما اتصلت لي عشان تحكي لي عن حاجه مضايقاك ح اتكلم معاك لحدي ما تروق ،، او حتي لو قررت انك ما تتكلم والخط فاتح ما ح آمل من سماع انفاسك ،، ح احكي ليك قصه #تزرع_فيك الطمئنينه في قلبك #طول_الوقت اقدم ليك الدعم والمساااعده واحميك من الظروف والعالم ،، لكن في حاجه واحده مخوفاني خايف يحصل بينا #خلاف وتنكر كل حاجه انا عملتها عشانك وتتهمني بالتقصير في حقك وتحسسني كآني ما عملت ليك شي وتتبري مني ومن افعالي ومحاولاتي وتنسي كم كنت شخص جيد معاك اكتر شي بآلمني كمان #نكران_المشاعر ونكران التعب وتنكر كل حاجه جميله كانت بينا 🙇 #انور_دم

ماف مره انجذبت ل #أشكال_النااس #ما_حصل انجذبت ل الوسامه أو اللبس العندهم أو الحاجات العندهم دايما بتجذبني #الابتسامه_النقيه البتجي من الشخص ، #الكلمات_اللطيفه البتجبر الخاطر ، الحركات البتحصل عفويه في الاماكن ، #العيون_البريئه البتحارب عشان تصل للرزق الحلال ، الروح الخفيفه الصافية من كل الشوائب ، والعقل المُتقبل للتغير والمغامرة ، واخيرا #القلب_الطااهر اما عن مظهرنا و أشكالنا ف نحن ما أخترناها ودي لحكمة كونيه ،، ووزع علي كل واحد فينا نصيبه من الجمال لكن اتذكرو دايما نحن ما ملامح ولا أجسام نحن الشعور البنخلي داخل قلوب الناس دا المكيال الوحيد والحقيقي وكل شي بتنسي الا #الأثر_اللطيف السبتو داخل الاخرين 💜 #انور_ادم

في كل مره كنا بنختلف فيها كان الحب بكون حاضر ف بتتحول مشاكلنا لي ضحكات ل أحضان ،، لكن في أخر خلاف حصل بينا ما كان الحب حاضر .. ما كان حاضر عشان ينقذنا #غاب_الحب و انتصر المنطق واتبادلنا العتاب بأسلوب مؤذي واتبادلنا السكوت وللأسف اتغيرنا ما بقينا زي آول #مرت_شهور وانا بتذكر أتفاقنا الأول اتفقنا انه مهما حصل ما تفرقنا المشاكل و الخلافات .. لكن مع الوقت كترت خلافاتنا وبالرغم من كترتها ما فكرنا ننفصل {الانفصال كان أخر الخيارات المستحيله} مرت الايام ومرت كل الخلافات بس في #نهايه_المطاف من حسن الحظ لسه عايشين.. لكن لسوء الحظ اتلاشي اتفاقنا وافترقنا وافترقت قلوبنا يا ريت لو وقفنا عند اللحظة القررت فيها اعترف ليك بمشاعري ،، اللحظة الكنت بتتمناها انت وبخاف منها انا ياريت لو أنك شاركتني مخاوفي لحظتها لو انه اكتفينا بس #بروعه_الشعور .. الشعور العظيم والحقيقي والصادق لكن ما اكتفينا بكدا واخترنا المجاسفه وللأسف ما نجحنا 🙇 #انور_ادم

#انتصار_حزين😊💔

الفترة الفاتت بعد الخذلان الاخير مسحت #كل_الارقام ،، في البعض منهم حظرتهم وبعض الناس رسلت ليهم بشكل واضح وصريح ما نتكلم تاني ونقطع علاقتنا والعفو والعافيه بعدها مسحت #كل_التطبيقات ،، بعدت عن social media عموما وقفلت التلفون لا اتصالات لا رسايل..! قعدت مع نفسي حددت علاقاتي وضيقت دائرتي ،، مالازم يكون عندي الف صديق ومتابع ومعجب ،، واحد أو اتنين صح في حياتي مريحين لي جدا وأفضل لي من اللمه والزحمه والغش..! اديت قلبي ومشاعري وقت وفرصه يهداء ويستعيد نشاطه بعيد عن الناس ولي حق #اختار_الوقت اللي اكون فيه براي امارس عزلتي بدون ما ابرر الاسباب للناس بقيت علي قناعه تامه انه الكل مفارق ماف شخص ح يكمل للنهايه ،، كللهم عباره عن محطات واني #قابل_للترك عادي واني ما احسن شخص في الكون عشان افكر انه الناس توقف دنيتها علي وانه #المادة_بتحكم والمصلحه هي بس البتتكلم..! في الاخير عايز اقول انه ماف زول بضحى #بسلامه_النفسي وحياتو ونجاحو عشان يشيل همومي ويحبني اكتر من نفسي.. الما عايز يتعب نفسو ويعرفني كويس بخلي يشبع #بالأنطباع_الأول ال اخدو عني لانه ماف زول بقرب منك ويفتش جواك الا العايز يقرب بجد... {خلصانه} + بقي عندي صفه عزة الاستغناء عن الناس وبس كدا 🥱

رغم اني عارفك كويس عارف كتير من ماضيك #بقدر_اتوقع ردود افعالك #بقدر_اقول ليك انت بتفكر في شنو اللحظه دي وكمان الشي الشاغل تفكيرك إمس بالليل وكمان الحاجات الخايف انها تحصل في المستقبل أسرارك البتعتقد انه ماف زول بعرفها غيرك ،،، انا برضو عارفها لكن أطمن انا ما ح افشى أسرارك وما ح أكوُن #فكرة_كعبه عنك وما ح امل من الاستماع ليك نحن متشابهين كتير لدرجة بتخليني زولك المثالي عشان تتكلم معاي نحن اصحاب اصحاب بمعنى الكلمه لدرجة بتخلي الكلام معاي اكتر راحه وحرية ومتفاهمين لدرجة تخليك ما مضطر انك تقدم لي مبررات المتعود تقدمها للناس لكن رغم كل دا بقينا ما بنتكلم بأي شكل من الاشكال 😴

سنوات كتير مرت وانا مؤمن بفكرة أنه جميع أو كل الاحلام قابلة للتحقيق...! انا بعترف انه المبداء المترسخ في عقلي كان دافع لي أفكاري بدون ما يقيدني الواقع والوضع المتشأئم وكلام الناس المحبط لكن رغم #ضوء_الشمس القوي الا انه في اماكن فيها ضل ما وصلها النور ،،، ولو ما الضل دا ما كان ح يكون المنظر حقيقي { في الضل دا تحديدا في احلام بسيطه غير قابله للتحقيق } سنوات وانا بفكر واخطط واغامر واسافر عشان يجي اليوم وانتصر فيه علي الحياة وينتهي #السباق_الطويل وتتحقق الاحلام وتلتئم الجروح زي ما بقولو وتستقر الامور وتصبح جميع الحاجات متاحه لكن الموضوع اخد معاي وقت طووووويل عشان اكتشف انه الحلم دا غير قابل للتحقيق وبديت #استوعب_الحكمة من التضاد والتناقض البدونهم ما كان للحياة معنى بدون آلألم والفشل والتعب والحزن والكفاح اليومي {الحياة بتكون رحلة ممله} بدون الحاجات القلتها دي وكلنا الصراحه ما بنحب أجواء الملل الحلم الغير قابل للتحقيق دا عبارة عن محطه بتنتهي عندها الرحلة وتبقي الايام متشابهه وتفقد روح المغامرة الحقيقية وانا ما عايز رحلتي تنتهي بسرعه ،،، عايز استمتع بالحياة استمتع بمعركتي اليوميه وبروح المغامرة واكافح لحد النفس الاخير و احمد الله علي الاحلام الغير منطقية اللي كنت ماشي وجاري وراها {احلام ما بتتحقق} وبس كدا اشوفكم علي خير 💜

صباح الخير او مساء الخير في الوقت البتفتح فيه الرساله مين الفي القاهرة ؟؟ #ضروري_يرسالني الموضوع هام @anwar_adam

الحصل شنو ؟؟ الحصل اني افلت يدي وعقلي من العلاقات المؤذيه والعلاقات العاديه والذكريات السببت اتلاف في القلب .. انا حاليا في حاله سكون #سكون_مؤقت .. اي نعم سكون مشكوك فيو لكن علي الاقل لحظه استرخاء🙂

{ من الاسئلة البتراود بعض الناس زي } eman esam: عندي سؤال انت الكتابات البتكتبها في القناة بتمثلك ولا خواطر ساي حزينة شديد يعني جد حاصلة معاك الحاجات دي ♡αňŵậř āɖαʍ♡: ااي والله و اول أمس تحديدا اتخذلت تاني 😭🥺 حرام البحصل فيني دا eman esam: الحاصل معاك شنو ♡αňŵậř āɖαʍ♡: انا وقفت كتابه فترة في القناة بسبب خذلان ، بعد فترة رجعت تاني بقيت اكتب بقيت اكتب عشان هي تقراء https://t.me/hdoo5/2071 من الخاطرة دي ولي تحت اغلب الخواطر بتكون عنها بشكل خاص وعن شخصيتها والباقي بشكل عام للنااس كل خاطرة بكتبها بعبر عن مواقف واحداث حصلت بينا ف بجسدها في شكل تعبير بسيط يوضح مدى احساسي بالموقف او الحدث انتى اذا قريتي الخواطر واتخيلتي احساسي كان كيف فيها .. ح تفهمي قصتي الاخيرة وخذلانى الاخير 🙇

طبيعي جدا لما تكون #مضغوط_نفسيا .. تحس بالحزن مرات بسيطه ومرات كتير ،، في نفس الوقت دا تحديدا عقلك ببقي #ارض_خصبه لكميه من الافكار البتخليك تكره الحاجات البتحبها .. بالرغم من انك بتحبها #عقلك_بقلل من عزيمتك ورغبتك في الاستمرار .. بناء على دا انت بتاخد قرار تخسر فيه كل أو اهم الحاجات الحلوة الاتعودت انك تحبها ما من الطبيعي انى اقول ليك ما تكون مضغوط او ما تحزن .. لكن بالنسبه للافكار ال اخترقت تفكيرك في التوقيت دا تحديدا .. عايز انبهك انك ما تقع في الفخ وتصدق الافكار المدمرة دي {ما تكون ضحيه زيي} 😔💜