Anadili

نه باتیبسان یئنه ای دل، بئله درد و کدره؟! گول، دانیش، عؤمروموزو قویما کی گئتسین هدره! من سنی سینه‌م آراسیندا نهان ساخلامیشام اودو کی مقصدیمیز ایندی وئریبدیر ثمره چیخ چمن سئیرینه، باخ عارضِ جانانیمیزا بنزر ابروسو هلاله، اوزو شمس و قمره لب عنّابی، کؤنول، چاره‌دی بیچاره‌لره دانیشارکن ائله بیل بال قاتیلیبدیر شکره گؤروب عشق اهلی اونون گندومو خالین، دئدیلر چاشیریب آدمی بو، قسمت ائدیبدیر بشره نا امید اولما کؤنول، دیلبرین انصافه گلر اولار البت ائله بیر گون کی، گلرلر خبره طبعِ شعرینده "حاجی" بلکه ده نقصانین وار یاز، آپار گؤستر "علی فهمی‌"یه، "اکرم جعفر"ه! حاجی‌بابا حسین‌اوو @SheirOcagi @Axaaq

آی عاشیق! باشلا زیله قویما ال الدن اوزوله ائله اوخو بیر سسینله مین کؤنول‌لر پرواز اولسون گئچ جنگییه، ساری تئله آیدان آیا، ایلدن ایله کؤکدن کؤکه، تئلدن تئله صنعته احترام اولسون "حسین عاریف" داها نه غم الدن قلم، دیلده دیلغم اونودولسا یانیق کرم نسیللره حارام اولسون حسین عاریف @Axaaq

گؤیدن دوشمه‌ین اوچ آلما قوشلارا دن سپیرم جوک-جوک سسی اوجالیر آتام ایشه گئتمه‌ییر آنام یئرسیز قوجالیر هامی دئییر اوشاقسان یاخین دورما آغریا سئوینمیرم دوستلاریم بو قارانلیق چاغرییا دویولور قاپی بیردن قونشوموزون اوغلودو دون ووروبدو اومودو گؤرن خبر دوغرومو؟ گؤیدن دوشمور اوچ آلما نه آجی ایمیش بو ناغیل من کوچه دوستلاریما توپ اویناییردیم ماغیل بهروز صدیقی @Axaaq

ناکام دونیامیزین سازی منده‌دی کؤکو تارازلیقدا قالسا بسیمدی ناشی یئتمیش ایکی هاوا چالینجا اوستاد بیرجه‌سینی چالسا بسیمدی قیرائتچی:پونهان ایسماعیللی @Axaaq

سئودیگیمیز آداملار اونا گؤره بیزیم اولمور کی، اونلارین دا سئودیکلری وار. بیزده اؤز سئوگیلی‌لریمیزین باشقالاری‌ییق. آدیمیزدا دییشیب، ایندی بئله‌دیر: هارداسینیز؟ کیمینله‌سینیز؟ ساعات نئچه‌ده‌سینیز؟ یوخسا یئنه تک‌سینیز؟ نه واخت اؤله‌جکسینیز؟ بیز ایسه قوجالیریق، اوره‌ییمیزی حیسلریمیزدن گیزله‌مه‌یین واختی‌دیر. منیم باشقام! گؤزلریمین سایی آزدیر سنه باخماق اوچون. بیری کوردو، او بیری ده هئچ کیمی گؤرمک ایسته‌میر... آقشین یئنی‌سئی @Axaaq

اسامی ماه ها به ترکی آذربایجانی: فروردین:آغلار گولر اردیبهشت:گون آی خرداد:قیزاران آی تیر:قورا پیشیرن مرداد:قویروق دوغان شهریور:زومار مهر:خزل آبان:قیروو‌ آیی آذر:آذر دی:چیلله بهمن:دوندوران آی اسفند:بایرام آیی @Axaaq

قادین اولماق قادین اولماق آجی وئریر بیر گنج قیز اولدوغونوزدا،آجی وئریر بیر سئوگیلی اولدوغونوزدا آجی وئریر بیر آنا اولدوغونوزدا آجی وئریر آما یئر اوزونده کی بوتون آجیلارین ان دایانیلمازی بیر قادینین بیر گون بیته‌جه‌یینی بیلمه‌دن چکمه‌سی‌دیر بوتون بو آجیلاری... بالقا دیمیترووا @Axaaq

دوغولاجاق آی گونومدور. بیر آیاغیم یاسادا بیر آیاغیم یاساقدا لاختالانیر قادینلیغیم اورتالارینا چیرپینیرام قان آپاریر بوتون انسیکلوپدیالاری... شاعیر دده‌سی زینداندان پیغام گؤنده‌ریب: آدین قویون اؤزگولوک سارا رئيس زاده @Axaaq

گله‌جه‌یین آتیب موغان سحرینی ساتیب موغان اویاتمایین، یاتیب موغان داریخمایین، حل اولاجاق نه اوغوللار آلیب بو یول اجله یئر سالیب بو یول دیلده، سؤزده قالیب بو یول داریخمایین حل اولاجاق شهریمیزه حسرت دولدو یوللاریمیز مزار اولدو هر ائودن بیر جاوان سولدو داریخمایین حل اولاجاق نه بیل‌ایدیم بو یوللارین اته‌گینده جان سولاجاق دئدیلر کی دوعا ائدین آللاه قویسا حل اولاجاق نیلوفر کیانی بیگدیلو-گونای آراز قیزی @Axaaq

وطن منه اوغول دئسه بويروقلارا سيغيشمايان عيناديم چوخ قانادلار يوروب سالان قاناديم اولدوزلارا بارماق قيجيب داش آتديم نيظاملارا باش ايمزدی نيظاميم قايالاری هاچالاردی قودرتيم بولودلاری پارچالاردی قودرتيم شيمشکلری قيیهالاردی قودرتيم يورولاندا نور میضرابلی اوزانيم وطن منه اوغول دئسه نه درديم مامير اولوب قاياسيندا بيترديم بو تورپاقسيز هاردا نه واخت،نه درديم خزانيمدير،خزانيمدير،خزانيم دونَه نيمی دؤشدن آسان دئييلم دونَه نيمه قبير قازان دئييلم اوره ييمسيز كلمه يازان دئييلم نه قدَر كی اؤز اليمدير يازانيم محمد ابراهیم اوو-ممد آراز کؤچورن:بهروز صدیقی @Axaaq

هفته‌نین گونلری آنا دیلینده رحیم آک‌بایراق جنابلارینین دیرلی ایضاحی ایله: شنبه:یئل گونو یکشنبه:سوت گونو دوشنبه:دوز گونو سه‌شنبه:اورتا گونو چهارشنبه:اود گونو پنجشنبه:سو گونو جمعه:آننا یا آدینا گونو قایناق:رحیم آک‌بایراق جنابلارینین انستاگرام صفحه‌سی @Axaaq

بیز نییه سئومه‌یک بیر-بیریمیزی؟! یئر گؤیو ، داغ داغی ، داش داشی سئودی تانری ناخیش ووردو ، نقاشی سئودی گؤز گؤزه بویلاندی، قاش قاشی سئودی بیز نییه سئومه‌یک بیر-بیریمیزی؟! چمن‌لر تورپاغا خالی چکیرسه خالی‌دا یاشیلی ، آلی چکیرسه آری چیچکلردن بالی چکیرسه بیز نییه سئومه‌یک بیر-بیریمیزی؟!                                                        اولدوزلار سایریشیب گؤز وورور آیا چئشمه‌لر چاغلاییب تؤکولور چایا سئون‌لر گلیرسه هر گون دونیایا بیز نییه سئومه‌یک بیر-بیریمیزی؟! گول شئه‌دن گوج آلیر ، مامیر قایادان گؤز اوددان قیزاریر ، چیچک هایادان سوزولوب گلیرسه کؤک‌دن ، مایادان بیز نییه سئومه‌یک بیر-بیریمیزی؟! عؤمور گؤز قیرپیمی ، فورصت آزدیسا کؤنول سون نفس‌ده سینان سازدیسا اوچوب الیمیزدن گئدن یازدیسا بیز نییه سئومه‌یک بیر-بیریمیزی؟! عؤمرون هم سئوینجی ، هم آهی وارسا پروانه یانقیسی ، شمع آهی وارسا آدمین جننت‌ده طاماهی وارسا بیز نییه سئومه‌یک بیر-بیریمیزی؟! یاغیش گؤزل‌لرین اؤپور اوزونو داملا پیچیلتی ایلا دئییر سؤزونو شلاله قایادان آتیر اؤزونو طوفان داغی سئویر ، دالغا دنیزی بیز نییه سئومه‌یک بیر-بیریمیزی؟! زلیمخان یعقوب @Axaaq

U

بعضاً ده اؤیره‌دن اولمور آدام لاپ ناشی بؤیویور هله گؤزو بؤیومه‌میش، گؤزونون یاشی بؤیویور اوشاقکن آینادا گؤرور گؤرمور، بیلمیر کی اوشاق‌دی بیلمیر کی سو وار داشدان برک داش وار سودان یوموشاق‌دی داشدان چیخان چؤره‌یینه عؤمرو یاوانلیق ائله‌ییب بیر ده گؤرور نه جاوانلیق نه‌ده اوشاقلیق ائله‌ییب داریخیر دوروب یاشاییم دئییر داها، دوروب اؤلور گئجه ساعات قوروب یاتمیر گئجه ساعات قوروب اؤلور بعضاً ده اؤیره‌دن اولمور آدام لاپ ناشی بؤیویور هله اؤزو بؤیومه‌میش قبرینین داشی بؤیویور‌ نادر الهی @SheirOcagi @Axaaq

ایللریم دییشمز اینامین هراسین یئللر اورکدن ائلینه اینانمیشلارین ایتیرمز قدرینی دوز تاپار ائللر سیناقدان سیناغا سینانمیشلارین کسیلسه بیله‌گی، کسیلسه اَلی ائلیندن دونرمی بابکیم دوغرو؟ باشیندا یئددی مین، یئددی یوز دَلی اونوتماز ائلینی قوچاق کور اوغلو مینلرجه یئنیلمز ائل قوچاقلاری مؤحتشم جوانشیر، ستّارخان نبی بوغارمیش ظولومکار اَن آلچاقلاری سارسیلماز ائلیمین بو ایمیش دَبی دئمه کی بیر ائلین باختی یاتاندا اؤزوده اؤزوندن گیلئیله‌نرمیش عادت عنعنه‌سی آتیب باتاندا اؤز دوغما دیلینه اوگئیله‌نرمیش اؤز دیلین به‌ینمز ساتیلمیشلارین آدینی نه قویوب نه آدلاندیراق؟ دیللری مین دیله قاتیلمیشلارین دیلینی بیز نیه بیز دادلاندیراق؟ اوخویوب دیلینی دوشونه بیلمیر دانیشیر دیلینین چتینلیگیندن فیضولی تاخیبدیر دؤشونه بیلمیر اولدوزلار دیلینین زنگینلیگیندن نیفرت اوچورومونون درینلیگینده ائللریم اؤزونو ایتیرمکده‌دیر ائلیمین دیلینه سرینلیگینده یاد ائللر دیلینی بیتیرمکده‌دیر اویانسین ائلیمین باش بیلنلری مکتبلر قورولسون آنا دیلینده اوخوسون ائلیمین قوچ اَرَن‌لری نئجه ایمیش قوچاقلیق تورکون ائلینده تانینسین تورکلرین قهرمانلاری دیل به دیل دولانسین شوجاعتلری مغول خان، بایندور، قازان خانلارین دونیالیق یازدیغی عدالتلری اوخوسون ایللری قوپوز تئلینده تاتاردان، قیرقیزدان اویغور اوغوزدان آلتای‌دان مغولدان اوزان دیلینده غلبه گونلری ناموسوموزدان صداقت اوجاغی قهرمان تورکون دونیالیق قانونو کسگین دیلی وار بوغونتو چکسه‌ده هر زامان تورکون دونیادا شؤهرتی قورخماز ائلی وار "سیّد"م ائلیمین سئوینجین، غمین اؤز دوغما دیلینده آندیرمالییام اؤز کسگین دیلیمین آیدین هدفین دونیایا ساحه‌سینده قاندیرمالییام میر جلیل حسینی-سید @Axaaq

بیر آشیق اَکه‌سن، بیر ساز گؤیه‌ره بیر شاعیر اَکه‌سن، بیر نانا حسرت بیر پاییز اَکه‌سن، بیر یاز گؤیه‌ره من بونا حسرتم آی آنا حسرت بیر چیله اَکه‌سن بایرام اولمامیش گؤیه‌ره رنگ به رنگ بایراملیقلاری آلنی ترله‌مه‌میش گؤزو دولمامیش آتالار دره‌لر اوشاق پالتاری محببت اَکه‌سن، موراد دره‌سن بو نه هاوا دئییل، نه هوس دئییل چوخ نیفرت اَکمیشیک گولوم گؤره‌سن توفنگ دردیییمیز داها بس دئییل؟! حسرت سینه‌میزه مین بیر داغ چکیب مَله آ جئیرانیم، آ قوزوم مَله! هاچانسا بیر نامرد بیر اووچو اَکیب قفس قوشوندان دولو گؤیه‌ریر هله! نادر الهی @Axaaq

بیر آشیق اَکه‌سن، بیر ساز گؤیه‌ره بیر شاعیر اَکه‌سن، بیر نانا حسرت بیر پاییز اَکه‌سن، بیر یاز گؤیه‌ره من بونا حسرتم آی آنا حسرت بیر چیله اَکه‌سن بایرام اولمامیش گؤیه‌ره رنگ به رنگ بایراملیقلاری آلنی ترله‌مه‌میش گؤزو دولمامیش آتالار دره‌لر اوشاق پالتاری محببت اَکه‌سن، موراد دره‌سن بو نه هاوا دئییل، نه هوس دئییل چوخ نیفرت اَکمیشیک گولوم گؤره‌سن توفنگ دردیییمیز داها بس دئییل؟! حسرت سینه‌میزه مین بیر داغ چکیب مَله آ جئیرانیم، آ قوزوم مَله! هاچانسا بیر نامرد بیر اووچو اَکیب قفس قوشوندان دولو گؤیه‌ریر هله! نادر الهی @Axaaq

تمیزلیک سویوندا تمیزلیک سویوندا چیمیر چؤل-چمن مردلرین چیینینده دورور بو حیات اولو طبیعتیم، یامان خسیس‌سن یاخشی آداملاری بیر آز چوخ یارات! لاپ آزالت دونیانین دؤولت، وارینی یاخشیلار خئیرینه عؤمرو تارازلا اوره‌یین یاخشیلیق دامارلارینی شاخه‌لت بیر آز دا، چوخالت بیر آز دا! بو داغلار، دره‌لر چیچک‌دی ایضاً باهارا اومید وئر، آری‌یا قاناد اولو طبیعتیم، یامان خسیس‌سن یاخشی آداملاری بیر آز چوخ یارات آرینی، میلچه‌یی یئربه‌یئر ائله اوندا بو چیچکلر پته‌یه دولار مین پای بس ائله‌میر بیر اَیری اله مین دوزو بیر پای‌لا یاشاتماق اولار بیر یووا قاریشقا- سوفره‌سی بیر دن بیر دن‌له باهارا چیخار سالامات اولو طبیعتیم، یامان خسیس‌سن یاخشی آداملاری بیر آز چوخ یارات یارات اولدوز قدر، بیر جانا مین جان باهار یاغیشینی یاغدیر همیشه یارات ایلکین کؤکدن، ایلکین داماردان اَیرینی دوزَلده بیلمیر بو مئشه شرین یومروقلاری سیندیران، ازَن گل خئیری زحمته سالما ایکی‌قات اولو طبیعتیم، یامان خسیس‌سن یاخشی آداملاری بیر آز چوخ یارات! موسی یعقوب @SheirOcagi @Axaaq

دوغانین تورکجه آدلاری: دنیز: دریا (Dəniz) گؤل: دریاچه (Göl)  آدا: جزیره (Ada) یاریم آدا: شبه جزیره (Yarımada) کؤرفز: خلیج (Körfəz) گؤلمه‌چه: تالاب (Gölməçə) باتاقلیق: مرداب (Bataqlıq) باتلاق: باتلاق (Batlaq) دالغا: موج (Dalğa) لَپه: موج کوچک (Ləpə) چَمیرلیک: ساحل (Çimərlik, Sahil) بولاق: چشمه (Bulaq) پینار: سرچشمه (Pınar) چای – ایرماق: رودخانه  (Çay, Irmaq) آرخ: نهر (Arx)  قَـنوو - قنات: جوی آب (Qənat, Qənov) قویو: چاه (Quyu) زینه: آب‌ریز (Zinə) چاپاغان: جایی که آب، آنجا را گود کرده باشد (Çapağan) گؤزه: زمینی که همیشه از خود آب پس بدهد (Gözə) سیزقین: آب نشتی (Sızğın) نوو: درختی که وسطش کنده شده و داخلش آب باشد (Novo) دورو: زلال (Duru) @azerbaycanvatanimm @Axaaq