Умида Усманова

Азизим ! Руйхатга олиш 10сентябрь Соат 10,00гача Кейин рухатга олмаймиз Хафа булмайсиз Шунинг учун 11СЕНТЯБРДА БУЛАДИГАН "ЧУЧВАРА ПАРТИЙ"ГАКЕЛИШНИ ИСТОВЧИЛАР ТЕЗРО УЗ ЖОЙИНГИЗНИ БАНД ҚИЛИНГ!

Омонмисиз, Азизим ✨ Сизни муҳим ва долзарб суҳбатга таклиф этамиз! 🗓 Сана: 11.09.2026 ⏰ Дастур жадвали: * 15:30 — Меҳмонларни кутиб олиш ва йиғилиш * 16:00 — Интерфаол тренингнинг бошланиши ❓ Тренинг мавзуси: "Нега тўй қилиш қийин бўлиб қолди?" Бугун совчилар нима демоқда? Қиз томонининг талаб ва истаклари нималардан иборат? Муаммога қандай ижобий ва оқилона ечим топиш мумкин? 👥 Тадбирда малакали психологлар, социологлар ва соҳа экспертлари ўз тавсиялари билан иштирок этадилар. 🥟 18:00 — Дилкаш суҳбат ва тановул вақти (мазали суюқ ва қовурилган чучвара). 🏙 20:00 — Тадбирнинг якуни. 📞 Рўйхатдан ўтиш учун: 998303003

Кузнинг салқин кунлари бизга вақтнинг қандай ўтаётганини яна бир бор эслатади. Дарахтлар ҳали яшил, кунлар ҳали илиқ. Аммо табиат ўзгаришнинг биринчи белгиларини аллақачон билдириб қўйган.🍁🍁🍁🍁🍁🍁 Инсон ҳаётида ҳам шундай. Айрим ўзгаришлар бирданига кўринмайди. Фикрлар ўзгаради, қарашлар ўзгаради, инсон кеча муҳим деб билган нарсасининг бугун унчалик аҳамиятли эмаслигини англайди. Шу боис ҳар бир кунни фақат юмушлар билан эмас, англаб яшаш керак. Кунингиз мазмунли ўтсин! @Jaloliddinrumiyy🍃

Aссалому алайкум. Сешанба тонги муборак  бўлсин Ҳар бир нафас –  инъом, ҳар бир кун –  имконият! Бугунги кун шукр ва зикрга бой,  файзли ва баракали бўлсин!   Бошланган янги кун, барчамизга саодат ва омад олиб келсин! Соғ–саломат  уйғотган Роббимизга ҳамдлар 

Омонмисиз, Азизим? Хайрли окшомлар! Биласизми?... 18 ёшга етганингда, бошқаларнинг сен ҳақингдаги фикрларини ўйлаб тушкунликни ҳис этасан. 🌸 40 ёшга кирганингда, сен ҳақингда ким нима деб ўйлашига эътибор бермай қўясан. 🌺 60 ёшга кирганингда, аслида сен ҳақингда ҳеч ким ҳеч нарса ўйламаганига, сенинг ҳаётинг ҳақида фикрлаш ҳеч кимга керак бўлмаганига амин бўласан. 🍃 Кел, ўзимиз учун вақтни қисқартириб, олтмишга кирганда идрок қилинадиган нарсани ҳозирдан идрок қилайлик. ✍️Айман Ёғий Оқшом хайрли ўтсин! Ота-онангиз, оилангиз, яқинларингизни қадрланг! @Jaloliddinrumiyy🍃

Хайрли кун! Болани бошқа болалар билан солиштириш мумкинми? Азизим?

11.09.2026 ⏰Соат 15.30 да йиғилиш. ⛅️16.00 тренинг бошланади. ❗️Мавзу- Нега тўй қилиш қийин бўлиб қолди? Совчилар нима деяпти? Қиз томон нима истаяпти? Қандай ижобий ечим топса бўлади? ‼️Психологлар, социологлар, экспертлар иштирок этади. 🫖18.00 да овқатланилади. Чучвара -суюғи ва қовурилгани. 🥟 🏙️20.00 да якун. Рўйхатдан ўтиш учун: ☎️998303003

Келин қизим 1-қисм —Маҳрга нима атадингиз?Домла никоҳ шартларини бажаришда давом этар экан қимтинибгина ўтирган йигирма бир—йигирма икки ёшлар чамасидаги куёвга юзланди. Йигит тайёрланиб келган  чоғи костюмининг чўнтагидан мўъжазгина қутича чиқарди. —Тилла узук ва зирак. Комплект —Тилланинг миқдори қанча экан. —Етти грамм, —деди йигит. —Бўлади, маҳрнинг энг кам миқдоридан юқори экан. Кейин келинга савол берди. —Сиз ўзингизга берилаётган маҳрдан розимисиз? Боядан бери устига ёпилган катта, қалин оқ рўмолда қимирламай ўтирган  келинчак бир тебраниб қўйди. —Мен маҳрга машина сўрамоқчи эдим. Кобальт. Домла унинг розилигини кутиб, никоҳ ўқишга киришмоқчи эди, бу жавобдан кейин нима дейишини билмай қолди. Биқинида  гувоҳлик учун ўтирган холаси дув қизариб кетди, янгаси паски лабини тишлаб ерга қаради. Домла қўлидаги тилла тақинчоқни қаерга қўйишини билмай довдираб турган ёш йигитга раҳми келди. Бу оилани яхши билади. Куёв бўлмишнинг отаси билан болаликдан ўртоқ. Оддий, меҳнаткаш оила. Ўртоғи шу пайтгача рўзғордан орттириб велосипед ололгани йўқ. Учта қиз узатди, ҳали яна иккита ўғли бор. Бу йигит улғайиб, оилага бир тийин қўшиш у ёқда турсин, ўзининг шартнома пулини тўлашга қурби етмайди. "Ўғлим ҳаром-ҳариш юрмасин, кўчада ёмон аёллар кўп, эрдан ажраб, ёш йигитларнинг бошини айлантириб юргани қанча? Уйлаб қўя қолай," деб ҳаракат қилди бечора. Аввал икки хона, иссиқ-сув, совуқ сув, хожатхонаси ичида бўлган қадди баланд иморат қурди. Кейин келин томонга оғирлик бўлмасин деб жиҳозлади. Ётоқ ўрни, жавонлар сотиб олди, аёли парда тиктирди. Гиламлар солиниб, тайёр бўлгач, совчиликка қатнадилар. Бир йил қиз қидирдилар. Борган жойидагилар йигитнинг машинаси бор-йўқлигини, қанча пул топишини, уйларидаги шароитни сўради. Бир одам насл-насаби билан, тинч-тотув оиласи билан қизиқмади. Кейин шу оилани тавсия қилдилар. Тўрт қизнинг тўнғичи экан. Ёши йигит билан тенг, хусусий олийгоҳда ўқир экан. Домла бир лаҳзада ўртоғининг жағ тишлари тўкилгандан ичига кириб кетган озғин чакагини, олдидаги қолган тўртта сариқ тишини кўрсатиб илжайиб турган  ҳолатини, самимий, аммо чарчаб кетган нигоҳларини кўз олдига келтирди-ю келинга насиҳат қилмоқчи бўлди. Унга маҳрнинг ози яхши эканлигини тушунтириб ўтар экан, келинчакнинг яна қимирлаб-қимирлаб қўйганидан билдики, гапи кор қилмайди. Кейин муроса йўлига ўтди. —Маҳр берилиш муддатига кўра иккига бўлинади: муъажжал, яъни тезлатиб бериладиган маҳр ва муажжал, яъни кейинроқ бериладиган маҳр. Келишилган маҳрнинг бир қисмини тўй пайтида бериш, қолганини вақт ўтиб айтилган муддатида бериш мумкин. Айниқса ҳозир бу муддатни гувоҳлар иштирокида келишиб олиш мақсадга мувофиқ бўлади. Бошқа қарзлар каби маҳр ҳам эркакнинг зиммасида то вафотига қадар тураверади. Қизим, агар рози бўлсангиз, ҳозир шу тақинчоқни олиб туринг, агар Исмоилхўжа  ҳам рози бўлсалар, кейинчалик имкон топилиши билан сиз айтган буюмни олиб берадилар. Куёв ғалати аҳволда қолди. Келин яна тилга кирди. —Розиман, қачон бўлса ҳам олиб берсалар бўлди. —Баракалла! —деди домла енгил тортиб. Куёв уятданми қизариб, бошини эгиб турар, бир сўз демасди. Осмон никоҳи ерга тушди! Келинчак тилла тақинчоқни олиб, хонани тарк этгач, куёв томон ҳам ўрнидан қўзғалди. Никоҳ келиннинг уйида ўқилган эди. Деразалардан, яна аллақайси пана жойлардан кузатиб турган айғоқчи кўзлар таъсирида  бошини экканча тез-тез юриб кетаётган Исмоилхўжанинг елкасига бирдан улкан масъулият тушиб қолган эди. У  ҳозирча имкони йўқ бўлган буюмга ваъда берган, шу пайтгача маҳр масаласини ўрганиб чиққан, аммо бирор жойда уловни маҳр қилиб белгилаш мумкинлиги ҳақида ўқимаган, Лоланинг машина сўраши етти ухлаб тушига кирмаган эди. "Аллоҳ қодир қилса, ҳеч гап эмас", —деди ўзига ўзи. Гувоҳ бўлиб келган ўртоғи индамай машина рулини бошқариб кетар, олдинги ўриндиқда ўтирган Абдулаҳад домла ҳам жим кетарди. —Амаки, —деди йигит секин. —Илтимос, —деди, кейин қолган гапини айтолмай қолди. Абдулаҳад тушунди. —Дадангга айтмайман, хавотир олма. Худо хоҳласа, дастингга берса, олиб берасан ўша матоҳни. Йигит моли ерда. Давоми бор Феруза Салходжаева

✨ Бир кун ўзинг учун яшагин Аёл!... ✨ Ҳаётнинг ҳар қандай шартига кўндинг, Айт қачон кўксингга тегибди шамол?! Бола - чақа дединг, рўзғор, иш дединг, Бир кун ўзинг учун яшагин Аёл! ✨Сен- эрнинг айбини ёпгувчи қалқон, Оила кўркига берарсан сайқал. Майлига ҳар кунмас, лекин ҳар замон, Бир кун ўзинг учун яшагин Аёл! ✨Шаффоф кўзгуларни қўлингга олиб, Олтин қўғирчоқдек ясангин хушҳол. Юзингга упа сурт, яхши кийиниб, Бир кун ўзинг учун яшагин Аёл! ✨Гоҳида дард бирла тилинса бағринг, Гўё тўлишмайин қолгандай ҳилол. Қадрингни бунчалар арзон қилмайин, Бир кун ўзинг учун яшагин Аёл! ✨Кунларни ўтказдинг елиб, югуриб, Қўй энди кўнглингни ёзгин келақол. Ўзингни авайлаб, ўзингни севиб, Бир кун ўзинг учун яшагин Аёл! ✨✨✨✨

Омонмисиз, Азизим? Сизни" Азизим"мех,р марказида кутамиз. Кечга колмай келинг! “Азизим”га келинг! Бизни кузатишда давом Этинг... Сиз излаган канал , Сиз ёктирган канал, Барча узбек аёллари жамланган канал! Якинларингизга хам Улашинг. Телефон ўша-ўша 📞99-830-30-03 🙋‍♀ Азизим админ: 👩‍💻@azizim_admin 👩‍💻@iusman 👩‍💻@Uzdurdona Бизга обуна бўлинг👇 Умида Усманова Бизнинг ижтимоий тармоқларимиз: 📱 Instagram 📱 Youtube 📱 Facebook 📱 Азизим чат

ОМОНМИСИЗ, АЗИЗИМ? Ассалому алайкум, Хайрли тонг, 🕊🕊🕊 Бугунги душанба куни барчамизга хайрли бўлсин.! Аллоҳ ҳаммамизни қалбимизга меҳр-саховат, дилимизга ёруғлик, кўзимизга порлоқ нур, тан-у-жонимизга соғлик, яқинларимизга омонлик, яшаётган ҳар бир кунимизга қувонч-у шодлик, хонадонимизга бахт-саодат ато қилсин. Юртимиз тинч бўлсин ! Янги ҳафтанинг боши—оппоқ душанба тонги муборак бўлсин! ЯНГИ КУН  МУБОРАК 🕊🕊🕊 Тангрим янги тонгни берибди бизга, Тонгги шабнамларга бу олам тўлсин. Кўз очиб уйғонган азизим сизга, Яна янги тонглар муборак бўлсин!

🌙✨Омонмисиз, Азизим? Тилак қадрин билар одамлар, Яхши ният қилар одамлар. Дўстга тунгги ором олдидан, Хайрли кеч тилар одамлар. Хайрли кеч- ҳикматли истак, Бу истакни буюрмиш юрак. Хайрли кеч - фараҳли тунинг, Осойишта, тинч бўлсин, демак. Ер юзида яшаган инсон, Майлига у қаерда бўлсин. Тинч меҳнатда кунлари шодон, Кечалари хайрли бўлсин.   Эркин Воҳидов

​​Бувим дугоналари Сорахон ҳолани тақдирини гапириб бериб бизга ибрат қилиб кўрсатардилар. Сорахон ҳола ота оналарини райи билан турмушга чиқибдилар. Эр хотин бошлигидан турли хил синовларни ўтказишибди. Етишмовчилик, бирин кетин фарзандлар доғи... аммо ҳамма қийинчиликларда эр хотин бир бирини қўллаб, тушуниб яшашибди. Сора ҳолани бир ажиб одатлари бор экан. Хожалари кўчадан кириб келганда қаршиларига кулиб пешвоз чиқиб икки қўлларини кўксиларига қўйиб салом бериб кутиб олар эканлар. Йиллар ўтса ҳамки бу одат ҳеч канда қилинмас экан. Кун келиб Сора ҳола бетоб бўлиб ётиб қолибдилар. Аллоҳнинг тақдири, хожалари кўчада бўлганида жонлари узилибди. Аёлининг ўлимидан хабар топган хожа уйга тез қайтиб уни қидирибди. Жон узилган, кўзлар мангу уйқуда, аммо бу не синоатки, бу не мўъжиза, ёрга садоқатки хожасини овозидан майитнинг қўллари ўз ўзидан кўксига қўйилиб худди «лаббай хожам» дегандек бўлиб қолади. Бу холатни кўрган Сора ҳолани фарзандлари таъзияга келган одамларга оналарининг ёрга садоқати, вафоси ҳақида гапириб йиғлардилар. Мухаббатнинг, садоқатнинг, бурчнинг кучини қарангки жонсиз тана ҳам ёрини қаршисида сўнгги вазифасини бажариб кетибди.... 🕊🕊🕊🕊 Хозир хам шу бувимнинг уртоқлари каби аёллар бормикан? Сиз нима дейсиз,Азизим?

"Дафтар ҳошиясидаги битиклар"дан КАМТАРГА... ЗАВОЛ Гулшан гўзал эди. Гуллар турфа хил эди. Айниқса, биттаси... Ҳусни шу қадар ўткир, ҳиди шу қадар анвойи эдики... Гулларнинг бири унга ҳавас билан, бири ҳасад билан қарарди... Антиқа гул "камтарга — камол" деган ақидага амал қилар, бошқалардек ўзини кўз-кўз қилмас, бир чеккада бошини қуйи солиб турарди... Кунларнинг бирида боғбон гулзор оралади. Ҳамма гуллар "манаман" деб турибди. Антиқа гулнинг эса боши эгик... Боғбон уни сўлиб қолган гумон қилди-ю, суғуриб ташлади. Гулзор антиқа гулдан жудо бўлди... У камтар эди. Боғбон эса нодон эди... Ўткир Ҳошимов

Омонмисиз, Азизим? Хайрли кун!

#АЧЧИҚ_ХАҚИҚАТЛАР «Ҳамма ерда такрор ва такрор "мебелни эркак қилиши керак, гиламни эркак қилиши керак, эркак - эркак бўлиши керак", деб қайтаравериб, қайтаравериб  натижага эришдик. Йигитлар Уй оляпти, ремонт қиляпти, парда, гилам, мебель, жиҳозлар билан тўлдиргунига қадар ёши ўттизга етяпти... Бир ёмон иллатдан қутулиб, ундан баттар бошқа иллатга йўлиқдик. Биз орзу-ҳавасларимизни қайчилаш, жиловлаш ўрнига, дабдабани бир тарафдан, иккинчи тарафга юкладик. Уй-жой қиммат, иш йўқ, ижтимоий оғир ҳолатда яшайдиган, асосий халқи Россияда тирикчилик қиладиган одамлар учун жуда катта маблағ талаб қиладиган сарф-харажатни куёвга юкладик. Бечора куёвлар уй олиш учун беш йил, ремонти учун икки йил ишлар эди. Энди қўшимча яна беш йил ишлаяпти қандайдир латта-путта ва мебеллар учун. Кўп танишларим, жиянларим уйланмай юрибди. "Ҳа?", деса "уй-жой қилишим керак, ичини ўзим тўлдиришим керак", деб. Уй-жойи бори ичини тўлдириш ғамида. "Келинни диванида ётмайман", деб йиллаб ишлаяпти. Умри ўтиб кетяпти. Кўп йигитлар ўттизга яқинлашиб уйланяпти. Ўзини тутиб, пул топиб, орзуларни рўёбга чиқаргунига қадар, бошқа ердан иккита болалик бўляпти. Охирги бир йилда саноқсиз одамлардан эшитяпман "куёвни бошқа хотини бор экан. Уйланиб олган экан. Боласи ҳам бор экан", деб қизларини ажратиб юбораётган ота-оналарни. Нима деб ўйлаган эдинглар? Ўттизга кириб, қизларга қарамай юради дебми? Ҳадисга мувофиқ уйлантириш ва эрга беришга шошилиш ўрнига, йилдан йилга узайтириб боряпмиз. Натижада фаҳш авжига чиқяпти. Оилалар бузиляпти. Ҳозир замон ўзгарган. Инстаграм, тик-ток ва яна кўплаб тармоқларда аёлларни кўриб, уйланиш ҳам шарт эмас. Бир киши мақтаняпти "Ҳамма совчи бўлиб келаётганлар, паспортни ўзини оламиз, ҳамма нарса тайёр", деяпти деб. Бир ҳисобда хурсандман. Одамлар тушуниб қолди қиз тараф мажбур эмаслигини. Лекин янги ремонт қилинган уй, парда, гилам ва мебеллар ҳам шарт эмаслигини тушунинглар энди.  Борлар учун муаммо эмас. Аммо ҳеч нарсаси тайёр бўлмаган, ҳалол йигитга ҳам эрга берса бўлаверади. Бахтли яшаш учун парда, гилам ва мебеллар шарт эмас. Ҳамма нарса тайёр деб эшик қоқаётган бечора куёвларни аксарини отни калласидай қарзи ёки тўйни ўтказибоқ Россияга кетиш учун билети ёнида. Ёш келинлар парда, гиламлик уйда ястаниб, ёстиқ қучоқлаб ухлаганида, куёвлар мардикорчиликка кетади. Янги келин кечалари ёлғиз ётади. Ёлғизликдан келиб чиқаётган машмашаларни эса санамай қўя қолай. Зотан, сиз ҳам кунда, кун ора эшитиб турибсиз ушланган келинларни, қочиб кетган келинларни, телефонда гаплашган ёш келинчакларни. Дунё матоҳларини деб Россияда ўн йиллаб ишлаб, уйни тўлдириб уйланиш шарт эмас. Борига уйланаверинглар. Куни кеча бир она билан гаплашдим. Ўғли саккиз йилдан бери Россияда ишлар экан. Уй олиш учун керакли пулни йиғибди. Совчиликка борса, онаси билан бир домда турадими, деб одамлар қиз бермаётган экан. Энди уйни олиб, ичларини тўлдириб, кейин бемалол юраман совчиликка деди. Ҳайрон қараб қолдим. Ўн йил хотин олиш учун ишлайди. У йигит Россияда зино қилиб қўймаслигига, бирортага уйланиб олмаслигига гарантия йўқ. Жамият қонун деб қўйган урфларни, удумларни қурбонига айланаётган ёш умрларга ачинасан. Сохта обрў, манманлик, одамлар кўриб қўйсинга яшаш жамиятни чиритяпти. Ўша машҳур гап: "Тўй қиммат бўлган ерда, зино арзон бўлади (кўпаяди)". Европани чиритган нарса зинони ошкор ва очиқ бўлиши, тўйдан кўра "яшаб" кўриш арзон бўлиши. Эркакларни кеч уйланишига сабаб, уйланиш ёшигача бемалол истагани билан, истаган усулда шаҳватни қондириш имкони борлиги. Эркакларни шунга мажбурлаяпсизлар. Яна ҳам ҳозир кўпи Аллоҳдан қўрққани учун "уйланиб" оляпти гарчи уйланишни шартларига тушмаса ҳам. Яқинда ошкора яшашни бошлайди сизларни орзуларинг боп пул топгунига қадар. Биз тўйни қисқартириш, орзу-ҳавасдан воз кечишни эмас, бир юкни бир тарафдан бошқасига олиб бердик, холос. Муаммо шундайлигича турибди. Авваллари келин тараф қарзга кириб, қизни отаси йиллаб Россияда ишлаб сеп йиғган бўлса, энди куёв тараф шу ишни қиляпти.

Азизим,юртимизга Тўкин-сочин, сабзавот ва меваларга бой олтин куз фасли ташриф буюрди.🍂🍂🍂🍂 Алҳамдулиллаҳ. Аллоҳим ўзбекнинг ризқини мўл қилсин. Оилалар тинчлик хотиржамлик, бағри бутунликда жам бўлсин. Орамиздан меҳр-оқибат кўтарилмасин. Қари-ю ёшга иймон-тавфиқ берсин. Бугунги якшанба куни яқинларингизни йуқлаб қуйинг! Ота оналарингизни туртта иссиқ нон ва маззали мевалар олиб бориб куриб келинг, Дуоларини олинг!

ОМОНМИСИЗ АЗИЗИМ? Ассалому   алейкум  ! 🍁🍁🍁🍁 Умримизнинг яна бир тонги муборак ва хайрли бўлсин! Омонат дунёда омон бўлинг! Аллоҳим ҳар бир қилаётган хайрли ишингиздан босган ҳар бир қадамингиздан рози бўлсин. Жисмингизга соғлик қалбингизга хотиржамлик тилайман. Ҳалол топганингиз фақат хурсандчилик, яхшиликка  буюрсин. Ибодатларингиз ажру савобларга тўла бўлсин! 🍁🍁🍁🍁 Кунингиз барокатли ўтсин! Бу фоний ва гўзал дунёда,икки дунё саодати учун яшайлик... Унутманг... кимгадир яхшилик қилиш, ширин сўз улашиш ҳам савобли амаллардандур. Омон бўлинг, Азизим !