♥️#جمعة_الشهداء_كتاباتنا🖤🔥

ربنا يرحمه ❤️

https://masba7a.com/tasbih/زكريا-عبد-القادر-محمد-جندي/6 لروح عمي الطاهرة نسألكم الدعاء ..

#عاش_الشهيد_ومتنا_نحن أقرأها دارجي أو فصيح ما فارقة ما دام الوطن ببكي في زاوية خراب رقصت سهواً للقصيد أُمسك نزغاتُ قلبي دهشةً ما لقيت دليل بس دا ياهو السودان كدا بعيش شهيد وبدون ثواب حولت حال محل حـبي من سـرابي لـهفـةً يجونا ناس ويفوتوا ناس ونشتت الهم في المدى فأنا الذي ما أرتجيت بحثاً عن أو مع الحـب يوماً بس نحن جند الله جند الوطن والحب يا كدا يا كدا وأنا الذي تعهد تركك فـي جواز الـعمر نِداً ما لقيت بديل وكيف الرحيل من بلد مهيرة وهدهده وفجأةً كل الدروب تغيرت فوضعت حروف الحب درباً ما العشم لازم يسوق زولاً صغير حيكون بصير يوديهو في درب الشقى ثم إستويت على مشارفي كمقطعٍ مبتورٍ من أغانيَّ فرحاً وبقيت مِتل شافعاً شليق بفتش في لعبة شليل نص ليل عبوس ووضعت في كفى شمسًا أو أثنتين أو ربما قمراً متهللاً وبرضو الضلام وسوط الظلم يجلد في روحنا مُعنِدا وتحولت فِتن الوجود إلى السماء السابعة فأضفت فصلاً خامساً بس برضو مارقين للربا والتلاف ويشقوا في أرض الشقى ورويت زرعاً في زحل، وهمست لبدر التمام منادياً بس مافي رد ياهو الشغب حاميهو يسمع صوت الصدى يا مرتجي هم الحبيب مشاوراً أوليس الحب يصبح شافياً قصدي حب بلد فيها روحنا مُعَندة لا راضيه تفوتها يوت وحابسه ظلم الأفئده كوميدياً سوداءَ تطرقُ خيالات الطبيب مداوياً مافيش علاج وأولاد هناك بتموت بجوع لمتين مجاعة سته دي ترحل تفوت؟ تسلك شقوق الأمكنة مجافياً لتصل لبيتك خاوياً من وين رغيف ولا حتى جاز قال ليك صفوص تشوفها سراب سراب سم الإنتظار السرمدي يرسم لوحات الهروب وتزين متحف الحزن الدؤوب ملاقياً عشان ما تجوع ولا تحس يوماً بأنك زول كذوب وحاجات تحبها تفقدها ليس للمطاف نهايةً ولا يختفي الحب النبيل ليصبح سجناً مظلماً وأصعب من الصبر الرضا، رضا بالهلاك في حب سدى لله در الناهيات عن الهوى، سنبوح بالشعر الكئيب تارةً وبرضو ما بنلقى الحروف البتكتب ألم الشعوب المابيه تسكت للألم أو نحتمل ظلم الحكم ونرتجي إليه من القوافي قواصداً بي غنوة ما شبه البلد ولا ظروف بتسامح طفلاً خلوق مارق في شارع دمار وتعب إنكبت أحمل حزن غموس مفكراً في بشيرٍ راح ولن يعود ويشق الصداع في زوايا رأسي جامحاً غالبني أكتب للبلد حتى الحروف بقت تموت ما عايزة تقبل بالظلم كل الألم يرتل لي تنهيدةً تمسك في حنايا قلبي مرهفاً ما عايزة تمشِ ولا تفتش للرمش البنوم في سودان عِمش أحسن نموت يرجون ماء زمزم مقصداً ومنا من يموت بين حنايا البيوت تعففاً وعادي بنموت بسبب العطش وبدون خبر ومنو البشيل جنازة فقير ويكففى في وطن شروره مؤسسة تدور العقارب لشعبٍ شغوف يحمل ثرايا العزم مُعفَفاً وناساً تفوت وتانين يموتوا مع الضلام عشان لقمه بدون وفاء بين مدِّ الانتهاكات وجزر الحكم غارقين في الهواءِ الطلق متبجلين تكلفاً ما ياهو شجرة نيم وزير لا كهرباء ولا ضحكة من شفع فريق كانت زمان متكثفة وأرواح مواطنين كغيومٌ مصطفة على مدى الحيوات طوقاً كل البنادق الدخلت جوف شهيد وشالت رويحه بنألفها يوماً ستعود كما القصور الشاهقات معنداتِ تعجرفاً عاش الشهيد ومتنا نحن في أحلام سدى بس دا ياهو السودان كدا حنموت وروحنا تروح سُدى #رزان_هـــشــام.

🔥🔥

لما اشتراك النت يخلص واطلع برا غرفتي

- لاقتني بوستات كتيرة وأخبار من أصدقاء موثوقين بالنسبة لي، عن إنو بعض الكيزان المعروفين والرافضين للثورة بدأوا يروجوا لثورة تصحيحية تبدأ بموكب يتجه للقيادة العامة يوم 21 اكتوبر لإسقاط الحكومة الإنتقالية، واستغلوا نوايا الثوار النزيهين الأعلنوا للموكب أمثال عبدالله جعفر. - واخبار عن علماء السلطان في المساجد بدأوا يحشدوا الرأي العام ضد الحكومة الإنتقالية، ويمهدوا لقبول الإنقلاب والتصحيح، بل وصل بيهم الحد يكفروا الحكومة ويقولوا إنها جاءت لتلغي الدين!! - وأخبار عن اجتماعات مكثفة للمؤتمر الوطني، آخرها إجتماع داهمته لجان المقاومة بمحلية الخوي بكردفان، وانتهى بهم الأمر محبوسين كلجان مقاومة بواسطة قوى أمنية!! وأخبار عن إعادة سلطة الإعتقال لجهاز الأمن. - التايملاين الآن يحشد ويروج لفشل الحكومة الإنتقالية بعد أسابيع قلائل من إعلانها، ويخوّن قيادات الثورة ويتهمها بإزهاق دماء الشهداء وخيانتها رغم علمه بعدم وجود نائب عام و رئيس قضاء للثورة حتى الان و رغم علمهم بهوية القتلة. - العاقل يفهم براهو ، ما تنساقوا بدون وعي ، و دي ثورة وعي، إذا انتفى الوعي إنتهت الثورة ، أفصلوا بين مشاعركم وافكاركم، المشاعر قابلة للإستغلال، بس الأفكار دائماً مستقلة. - والبوست دا ضروري يوصل للناشطين الإبتدروا موكب 21 اكتوبر دي ، عشان ينتجوا خطط تجنبنا خطط الدولة العميقة. - واخيراً نحن لمن نعمل ثورة تصحيحة حنتفق اول شئ مع كل لجان المقاومة في الاحياء ثم حنتجه لوزارة العدل فقط لا غير ، لا للقيادة العامة ، ولا للقصر الجمهوري ، وبعدها حيتم اعلان الموكب او المليونية في صفحة التجمع الرسمية ، خليكم واعيين وفوتوا الفرصة على الكيزان و جدادهم الإلكتروني ، ماف اي مليونية يوم 21 اكتوبر دا كله طلس كيزان وجدادهم ، فرفرتهم دي كلها سببها التاخر في تعيين النائب العام ، وبعد يتم تعيين النائب العام في عقارب كتيرة حترجع جحرها و اصوات كيزان كتيرة حتسكت وحيفتشوا الطرق التخلصهم من المحاسبات و المحاكمات ، لكن هيهات العدالة أتية لا محالة. - شارِك المنشور دا إذا فهِمت. #ما_تمشوا_للعسكر #القيادة_لا #تحديات_المرحلة_الإنتقالية