دِل سِروهاى عزيزنادرى

#چالش_دکلمه #فاطمه_بارانی_منفرد ‏مِ مَعنایِ دَردِم ، دِ راسِم نیا چِلی کیچَه گَردِم ، دِ راسِم نیا دِ هُوزِ غَم وُ جور وُ دلتنگیِم کُرِ آهِ سَردِم ، دِ راسِم نیا دِ باغِ زِنِئی تا وِ یادِم میا فقط غُصَه حَردِم ، دِ راسِم نیا بِهارِم ، تو کَم شو وِ شونِم بَگَرد مِ پـــاییزِ زَردِم ، دِ راسِم نیـــــا تو جِنسِت دِ شیشه‌آ که زی میشکیه مِ دِ ایلِ بَـــــردِم ، دِ راسِم نیـــا یَلِ بُرده‌میدونِ عشقـــی وُ نـــاز مِ باخته نَوَردِم ، دِ راسِم نیــــا هِزار گِل گِلاره‌ت دِ پا وَنِمَ مِ بی عار وُ دَردِم ، دِ راسِم نیا نیتِ تو خیرَه ولی اَر میحای وِ لا بِفتَه شَر دِم ، دِ راسِم نیا "عزیزِ"م دِ اول چَنی وِت گُتِم؟ وِ دورِت بَگَردِم ، دِ راسِم نیا #عزیز_نادری @AzizNaderi

#چالش_دکلمه #آوا_پرنیان هر چی مِیحایی دِم بِحا ، دَم دِ جگایی نَزِ بَسِـــتَ ای بـــی خــــدا ، دَم دِ جگایی نَزِ دلخوشی عُمرِ مِنی ، بیخودَه ای دُشمِنی خوتَه کُـــرَ بی وفـــــا ، دَم دِ جگایی نَزِ شاپَرِ مِ سُختِسَ ، کـــول وُ کَتِــــم کُفتِسِ حالِ سفر هــــا کجـــا ، دَم دِ جگایی نَزِ رَتِ پَشــــــیمونیَه ، آخِــــــرِ نایـــــونیَه تا آخِرِ خط وا مِ بــــا ، دَم دِ جگایی نَزِ نوُنِم وُ نارِم خَـــوَر ، بی مِ چطوُری مگر ؟ ای که دِلِت ها وِ جــــا ، دَم دِ جگایی نَزِ قیژَ بَزِ وا چَشِت ، عاشِـــقِ طـــالَع رَشِـــت مِیسَ چِنــــو بی‌صدا ، دَم دِ جگایی نَزِ وا یَ که مِ سُختِمَ ، چَش وِ دَسِت دُختِمَ آخَــــــرِ جور وُ جَفا ، دَم دِ جگایی نَزِ تَشی سی جونِ مِنی ، باری وِ شونِ مِنی هــــا بَشینی وا کیـــــا؟ ، دَم دِ جگایی نَزِ کَم سی مِنِ طالَع رَش ، نقشَه بِلاجی بَکَش وَختَ بــــــُؤِم نارضـــــا ، دَم دِ جگایی نَزِ بارِ سِغی سی "عزیز"، آینَه دِغی سی عزیز زیـــرِ رفــــاقت نَــــزا ، دَم دِ جگایی نَزِ #عزیز_نادری @AzizNaderi

#چالش_دکلمه #شیما_والی_زاده کَم بیخودی بؤرِم دِ رآو ، لیوَه‌م نَکو ای بی‌خَوَر چونی چی میاری وِ سَرِم، وَختی که وِم مُونی نظر آوارَه کیچَه گَردِتِم ، قآوْ تیچِسَه وا بَردِتِم دِلگیرِ حَرفیا سَردِتِم ،لاشَه‌م کِسِل ، روحِم پَکَر وَختی دِلِ رُم کِردیَه ، چی بچه‌یی خُم کِردیَه دنیامِ بی طُم کِردیَه ، وا داوِ عشقِ شَر دِ وَر عاجِز دِ کار وُ بارِتِم ، پا شِلپِسَه وا خارِتِم اما هَنی ویردارِتِم ، اَر عُمرِ دیری بیا وِ سَر پاتِ وِ مینِ چَش بَنی ، مِنَت وی مِنَت کَش بَنی چی بافِه‌یی دِم تَش بَنی ، اما نَوَن بارِ سَفَر مِ ماهیِم دریا مِنی ، هِی چی گِداتِم شا مِنی اصلن همه دنیا مِنی ، جُو میِم دِ جالِت سَر وِ سر حَرفیامِ اَر نِیری وِ تیز ، بیا دَس بَکَش دی ناز وُ نیز دِ سیکی دِ قلبِ ‌"عزیز" ، فکری بَکو ، لیزی بَخر #عزیز_نادری @AzizNaderi

🎙 عزیزان همراه، مسابقه دکلمه فراموش نشه، همچنان ما منتظر شنیدن صدای شما دوستان هستیم. سریع تر دکلمه ها رو برای ادمین های کانال ارسال کنید تا مسابقه برگزار بشه.سپاس❤️ 🇯 🇴🇮 🇳 👇 °•🌸 @AzizNaderi 🌸•°

#چالش_دکلمه #حانیه_رهسپار @AzizNaderi

#چالش_دکلمه #بهمن_سالاروند دکلمه بخشی از شعر زیبا و معروف #سایقه_شو @AzizNaderi

پست #چالش_دکلمه جناب #سعید_شیری @saeidshiri_ • شعر:استادعزیزنادری دکلمه:سعیدشیری موسیقی:قطعه سوزدل ازاستادسعیدفرج پوری تنظیم:استودیو صدر مه که مال تونم نونم،تو هم مال منی یانه؟ ده تشی که منه سوخته وه دامو میزنی یانه؟ ده صحرا عشق تو یه عمره ویلونم،ولی نونم ده ایی پایا پتینم خاری آخر،میکنی یانه؟ مه ده چشیا قشنگت،صدهزارافسانه خوو هنم توچی؟ده چش مه حنی ،چیی اشنفتنی یانه؟ ده لا مه خاطرت جمع با که هیسم وه سرقولم ولی نونم،قراره بستمونه،میشکنی یانه؟ All rights reserved to the copyright holder and i have only باسپاس فراوان اززحمات همیشگی دوست نازنینم انوش صدر @anoosh.sadr یوسف حسنی زاده(مدیرکافه کلام خرم آباد) @yousef.hasanizadeh و سامان محمدی عزیز @saman.mohamadi1 #عزیزنادری #سعید_شیری @aziznaderii @anoosh.sadr @amindehestaniii @kalam_cafe @hoozhe_ @anahiddalvand @farnaz.sadraa @stori_lorii @navay__lori @lorestani.gap @lorestanihaofficial @lorestan.music1 @lorestan_clip @hesbartar.orginal

با درود فراوان خدمت همراهان گرانقدر کانال ضمن تشکر از عزیزانی که در برنامه لایو پیج ادب لری حاضر شدند و به صورت آنلاین اشعار استادان را شنیدند به عرض می رسانیم برای آن دسته از علاقمندان و طرفداران اشعار بی نظیر استاد عزیز نادی که به هر دلیلی موفق به شرکت در این محفل ادبی نشدند بخشهایی از این برنامه که مربوط به دکلمه های استاد عزیز نادری هستند را برش داده و خدمت شما عزیزان تقدیم میکنیم. با تشکر و احترام تیم مدیریتی کانال تلگرامی و پیج اینستاگرامی استاد عزیز نادری t. me/AzizNaderi https://instagram.com/aziznaderii?igshid=YmMyMTA2M2Y=

وِم بو ای گل، چَنی بُؤِم تَنیا، تو گلِ باغِ آرزویامی تا سحر ویرِ تو مُؤَه کارِم، یِ مِجو هِی پَژاره لویامی باغِ پُر بارِ نوبهارونِم، گلِ خوش عطرِ سیکِ اِیوونِم تو عزیزی سی مِ مِثِ جونِم، منظِرَه دل نشینِ دریامی بی تو دنیا سی مِ چی زِندونَ، روحِ بیمارِم اَر غَزلخونه دِ خیالاتِ خُم خدا دونَه، مِ مؤِم یوسف‌وزِلیخامی مِ غَمِم، حسرَتِم، دِقِم، دردِم، شیوِسَه لیزِ چرخِ نامَردِم مُردِم وُرَتِمَ، اَر که وِرگَردِم، هِی تونی که هِناسَه عیسامی تو چی تیلِ تَری که پُر گُل با، باعِثِ شور وُ شوقِ بلبل با زونِ دنیا دِ خوشگلیش کُل با، رونَقِ قلبِ ژیرِ تَنیامی هِی تو تَنیا دلیلِ مَنِنِمی، شوق وُ ذوقِ ترانَه حَنِنِمی باعِثِ قورِ غُصَه کَنِنِمی، تو گلِ شوخِ مَجلِس‌آرا می تیرِ دِلتَنگیامِ خو شَنِم، دِل دِ دِلگَرمیِ زِمو کَنِم شعرمِ وا دو چَشِ تَر حَنِم، سی تو که وِردِ روز وُ شویامی یا بیا وا «عزیزِ» خُت تا کو، سَر بُلِنگِش وِ تِی هُمالیا کو یا دِ بیخ عاشِقی‌نِ حاشا کو، بِیل بَمیرَه وِ دردِ ناکامی #عزیز_نادری @AzizNaderi

دعوت هستید به محفل ادبی در لایو ابنستاگرام پیج ادب لری..... @adab.lori جمعه شب ساعت ۲۲