دِل سِروهاى عزيزنادرى

ساقی اِمشو بی جُومِ مِی سَر بَکیم؟ وا دِلی پُر ماتَم وُ وِی سَر بَکیم؟ دی سَر شُو تا سَحر چَن سالیَه! مُرغ روحِم چی قُش بی بالیَه بَزمِتِه اِمشو پُر قو قو میکه حونَه تِ وا آه دِل جارو میکه تا زییَ ساقی تَقِلایی بَکو کور وُ کِز خو نی دسِ پایی بَکو خُت خَوَر داری فقط ساقی تونی مدیون حال ای باقی تونی هرکه دیچِه چَشتَ زیتِر طُم می وِنمیگردَ مگر وا جُم می اَر شِراو ناری دِراغِل وا نَکو اِسمِ ساقینِه چِنی رُسوا نَکو دِم نَرنجی ساقی اِمشو مَی میهام تازَ نه یِ جُم که تا صُو هِی میهام بو بَکَش باوَر بَکو ها بو میا بو شِراوی کُهنَه دو پَستو میا تا ای کُر داره سه تاره کُک میکه جُوم اول هَر خُماره کُک میکه جُوم دو دور وِ گرمی گِت میکه جُوم سه دونی چه کاری وِت میکه دی غریوسون ماتم کِل مویی وا جُوم چارِم دِ مَسی خِل مویی پَنجِمین جومه که ساقی پُر میکه هَر کسی غَم داره زیتِر خُر میکه جُومِ شیشِم نوشِ جون عاشقه هفتِمی سی عاشِقونِ صادقه هفت شهر عاشقینِ طی میکَن آسمون هفتمینِ پُر وِی میکَن جُوم مِی دَرمونِ دردِ کاریه کار ساقی آخِر دلداریه تو قراری سی دل هر بیقِرار اَفتاوِ داغی سی سرما وَر نِسار یار هر کس بی وفایی کِردوهَ پرده عشق وُ عاشقینِ دِردوهَ تا زِمونی چَپ بَکه هِی مِی میها عقلِ بی سامونِنِ دیه کِی میها مَس میکَه تا وقتی که بارِ تَشِش دوُ بِلیزی بِفتَه وا اسرِ چَشِش اَسرِ مَسی عین حوفَه تافیَه مَسی وُ راسی عجب اوصافیه!! پس وِری ساقی که خوم دَس بوسِتِم خوت که دونی هِی قدیمی دوسِتِم بارِ سختی ها سَرِ شونِ "عزیر" دردِتِ مونِم وِ ایی جونِ "عزیز" #عزیز_نادری #ساقی_نامه @AzizNaderi

#اشعاری_که_ترانه_شدند «۹» #میل_سفر #عزیز_نادری #امیر_رحمان_خسروی میکی میلِ سَفَر گِر گِر وِ هَرجايى كه دِلخوات َ خَوَر نارى كه چَن عاشِق اسيرِ تالِ زِلفياتَ تو اى يارِ سَفَر كِردَه كِرِّ داوات وِ دورِت با اگرچه خُم دِ تو ديرِم دلِ بى طاقَتِم واتَ بيا بَس كو دل آزارى دِ حالِم خُو خَوَر دارى كه سُرمَه چَشِ كَم نيرِم غُوارِ زيرِ پایاتَ تو اى ميخونَ چی بالا بُلِنِ شوخِ دِل صافِم خُمارِم نَه خُمارِ مى حِلاجِم جُمِ چَشياتَ اگر چه وِ مِنِ مجنونِ سَرگَردو نَظَر نارى ولى دونِسو اى دِلوَر هَنى كُنجِ دِلِم جاتَ عزيزِ نيفَ جونِت عُمرِيَه ويلو بى وُ نونَ َ دِكُم كيچَه مَكو دارى خوشالِ وَ كه هُمساتَ عزيز نادرى. ⚜⚜⚜⚜⚜⚜⚜⚜ كِرّ داوات: روايت است كه حضرت داوود دچار بیماری صرع بوده است و هر زمان که حالت غش به او دست میداده خطی به دورش می کشیده اند تا به اصطلاح از آسیب موجودات خیالی به دور باشد, کِرّداوات دراصطلاح لر زبانان محافظی است برای اشخاصی که به سفر میروند. کم نیرِم: كم نورم. 🆔 @AzizNaderi 👈

📝 عزیز نادری : 🔻 ها زِمِسو کِل مُؤَه، بلبل خوش خوُ بیا چَهچَه بَزِ گُل بَکو، رونقِ ایوو، بیا ❁ بَرفآوِ سَردِ مِغار، شُر ‌گِرِت ویر وِ هار یعنی که فصل بهار ها مِییرَ جو، بیا... 🔗 @AzizNaderi 🍃

#اشعاری_که_ترانه_شدند «۶» وطن عزيزم! مَر نونَن تو باغِ پُر دِ گلي و هر ايراني پرچينِ تونَ وا دل و جُو مگر كه دُشمِه خواو بينَه بيَه وِ حاوِنِ يِه وژِه دو خاكِ پُر گوهرِت اِ دُرِّ گِرو وا چشِ دل هر كَه بِينَت هِه مِري خاكِ بهشتي دِ قشنگي خاكِ دنيا تو چيئي وا جا نِهِشتي عزيزم اِ ايران عزیزم اِ ايران در و دشتت هميشه گلزارَ كوه و بِرگِت چه سوز و پر دارَ نِمِيينِه هيچ آفتي خاكِ تو اِ ايران اِ پيرِ زمو ♥♥♥♥♥♥♥ مشخصات موسیقی آهنگ ساز: محمود مدیری شاعر: عزیز نادری خواننده: بردیا مهرآوا شیوه اجرا: اركستر رهبر اركستر: میهن @AzizNaderi

شُؤَ کِشماتِ کِشماتَ وفا کو دِ حُونَه سَردِ دِل تَشی وِ پا کو ❀ بِلیزِش کو مِثِ چارشَمَه سیری وِ ای فَن چارَ هر درد وُ بِلا کو #عزیز_نادری @AzizNaderi

شُؤَ کِشماتِ کِشماتَ وفا کو دِ حُونَه سَردِ دِل تَشی وِ پا کو ❀ بِلیزِش کو مِثِ چارشَمَه سیری وِ ای فَن چارَ هر درد وُ بِلا کو #استاد_عزیز_نادری "چارشَمَه سیری مارک" @AzizNaderi

#اشعاری_که_ترانه_شدند «۵» اِ چَرخِ گردو طالَع رَشى تا كِی؟ کُت كُت بويى اِى دِل مِنَت كشى تا كِی؟ 🔹 وا مِ بَخَن اى دوس دُنيا دو روزَه كَس چی مِ دِ داغِ ديريت نمي سوزَه 🔸 مَردِم اگر مِينيت رَنگِم چِنى زَردَه چَن وَختَ كه دوسِم مِيلِش وِ مِ سَردَه 🔹 دِ آسِمونِِ دل رَتَ سِتارَه م اميدِ اى جونِم نورِ دوارهَ‌م 🔸 بَختِى بَكو يارى كه روزِ تَنگیمَه كِه ىِ چِنى روزى دی عمرِ خُم ديمَه 🔹 دوسِ سفر كِردَم رَتَه بَمونَه نونَ غمِ ديريش بارى گِرونَه #عزیز_نادری #حشمت_رجب_زاده #چرخ_گردو 🆔 @AzizNaderi

#اشعاری_که_ترانه_شدند «۴» ای دل تا کِی غم دِ باری!؟ سی نِصیــــوِ روزگــــاری مِ چَنی بِئسِم وِ طَما شادی؟ رَتَه دِ ویــــرِم طُمِ آبــــادی نوبهارِ دلِم چی خَزو زَردَه بهرِ مِ داغ وُ حسرت وُ دردَه بخت خواوالی حُفتیِه تا کِی؟ دِ باغِ دنیا غم چیهِ تا کِی؟ #عزیز_نادری @AzizNaderi #امیر_محمدی #غم_د_بار برای دانلود اثر به این سایت مراجعه بفرمایید: https://venusmusic.ir

خانواده محترم کولیوند اگر ز دست من آید فراق را بکشم که روز هجر سیه باد و خانمان فراق ضایعه ی از دست دادن پدر گرامیتان را تسلیت عرض میکنم.بی تکلف مرا در غم بزرگ خود شریک بدانید. یادش گرامی و دلتان صبور. #عزیز_نادری @AzizNaderi

«۳» #اشعاری_که_ترانه_شدند #خیال_دوسی دلِ وا تو خیالِ دوسی دارِم رفیقِ روزِ روشِ، شُؤِ تارِم مِنَت بارِم اگر وِرگَردی اِی دل وِ شرطی هم گِرِی نونی دِ کارِم بِلایی بِیری ای دل بُؤَه سِجِلدِت باطل سیچی گاهی وِ سِیلِ چَشِ کالی مُویی فوری چی لیوَه وَرِ گالی اگر روزی بیا سر انتظارِم وِ خَنَه وا مُؤَه لو پُر دِ بارِم می‌پِرِم گُردَه نو زینِ خیالِم می‌تازِم تا درِ حونَه نگارِم سرِم وِ نَذرِ سِیلِش مُؤِم وِ باوِْ میلِش میکِم سُورمَه گِلارَه‌م خاکِ پاشِ وِ جونِم مونِم او درد وُ بِلاشِ #عزیز_نادری نام اهنگ : #خیالِ_دوسی خواننده: #ماریا_خسروی اشعار ،استاد عزیز نادری @AzizNaderi تنظیم ،شهاب عباسی @shahababbasimusic ویلون، روزبه قربانی @ghorbani.rouzbeh رکورد ، استودیو مدرن @zstudio_modern_official برای دانلود اهنگ وارد این سایت شوید www.lor-music.com

«۲» سلام زمسو با صدای: آرش سوری شعر: استاد عزیز نادری تنظیم آهنگ: شهاب عباسی پیانو: شهاب عباسی کمانچه: علیرضا صحرایی کوبه ای: علیرضا صحرایی رکورد، میکس و مسترینگ: استودیو مدرن ای برارم، ای هُم  زِوونم تک ستاره م دِ  هفت آسمونم وا تو تنیاییام کِل مُؤَن کُل وختی میبینم تونی شو وِ شونِم آخــــر عمر پــــاییز زردَ موسم برف وُ بارونِ سردَ تو گلی دل مُؤَه پاپریکِت وا دل وُ جو وِ  دورِت می‌گردَ ایمشو که شوه اول قِهارَ خیر وُ شادی وِ حونه‌ت بَوارَ ایسه که هر دو مو لر زوونیم چه خوه شعر شادی  بُحُونیم تقاص عمری که کِل بی ای دوس زی دِ ای چرخ گَردو بَسونیم اَخمتِ وا بَکو تا بَخَنیم دَر وِ ری غصه وُ غم بَوَنیم چون دِ ای عمرمو زیرِ بارِ ظلم وُ جور ستمگر نَمَنیم ایمشو که شوه اول قهارَ خیر وُ شادی وِ حونَت بوارَ #سلام_زمسو شعر: استاد#عزیز_نادری با صدای گرم: #آرش_سوری @AzizNaderi https://www.instagram.com/arashsam.music?igsh=MzRlODBiNWFlZA==

#اشعاری_که_ترانه_شدند «۱» نی خدا کاری بسیار زیبا و به یاد ماندنی اثری مشترک از استاد #عزیز_نادری  و استاد #داریوش_نظری #سایِقَه_شويی دِ حونَ زَم وِ دَر رِکِ رَکِم بی دِ پا تا فَرخِ سَر لیوِيی دیم پا تَشی کور وُ کِلیز هی میگُت تَش بُو بِلیز تَش بُو بِلیز بُو بِلیز حا وات بیام تا تی خُدا حا بُحُونِم مورِه‌ئی وا نی خُدا جاشِ دونِم ها کجا نی میزِنَ کَس چی مِ نونَ خُدا کی میزِنَ نِصمِ شُو ،وَختی که مِ سَردِم مُؤَ وَختِ جَرّ و تاوِّ قی دَردِم مُؤَ وَختی مِ سَر تا وِ پام دی میزِنَ آسِمو سیم سازِ چَپی میزِنَ وَختی تا صو یی مِجُو بارُو میا وِ مینِ تَژگا نُؤَ دارُ میا وَختی ژاری شُونِ بی شُم سَر میکَ دَردِ دِل وا ساقیِ کوثَر میکَ وَختی درویشی میمیرَ بی صدا پُرسِ پُوه‌َش گَرمِ گَرمَ تی خدا هَر کَ گوش بیرَ خدا نی میزِنَ دِل زِوینَ رِنگِ وِی وِی میزِنَ هی میوَن وِ شونِ رونِ نی خُدا هی میگُت:« مَر هی خُدا، مَر هی خُدا مَر خدا ای شُونِ زیتِر کِل بَکَ زِل وِرَز اَفتاو دِرا مِل مِل بَکَ شُو دِرازَ ای تش کور وُ کِلیز بُو بِلیز وُ بُو بِلیز وُ بُو بِلیز» یِ دَفَ سِیلی دِ سَر تا پا مِ کِرد تُن وِریسا دَس تَمَنا وامِ کِرد گُت فِدای قَد وُ بالات بام مِری دیرَ جونِت تو دِمِ لیوَه تِری مَر چی مِ آوارَ وُ بی مَسکِنی نَنگِ دوُس وُ خَنِه‌زارِ دُشمِنی رُو مِنِ وِل کو وِ حالِ زارِ خُم تا دِرارِم سَر دِ کار وُ بارِ خم وِش گُتِم ای عاشِق پاکِ خُدا باثِ بانی رونَقِ خاکِ خُدا تو دِ ظاهِر لیوِئی جونِ دلِم مِنِ بیچارَ دِ ظاهِر عاقِلِم #عزیز_نادری 🔥🔥🔥🔥🔥🔥🔥🔥🔥 سایقه:شبی برفی که  هوای بسیار سردی دارد و آسمان صاف و برف هم نشسته است. رِکِ رَك : تکان و لرزش بدن به علت سرما یا ترس بلیز: شعله ور کور و کِلیز : مقابل شعله ور. یی مِجُو: یکسره و بدون وقفه پُرسِ پُوئَش  : مراسم عزاداری اش دِل زِوین  : ناراحت رِنگِ : آهنگ وی وی : نوای شیون و زاری زِل : ستاره زحل وِرَز : قبل از. 🆔 @AzizNaderi

دکلمه ای زیبا، در فضایی زیبا  از دختر عزیزم #دنیا_دکامی شعری از:  استاد #عزیز_نادری با زیر صدای کمانچه نوازی استاد : #محمد_باجلاوند خوانش : #دنیا_دکامی مِ كه مالِ تونِم، نونِم تو هَم مالِ مِنى يا نه؟ دِ تَشى كه مِنِ سُختَ وِ دامو ميزِنى يا نه؟ ❁ دِ صحرا عشقِ تو، ىِ عُمرَ ويلونِم وَلى نونِم دِ اى پایا پَتينِم خارى آخِر ميكِنى يا نه؟ ❁ مِ دِ چَشيا قِشنگِت صدهزار اَفسانَه خو حَنِم تو چی؟ دِ چَشِ مِ حَنى چییِ اِشنَفتِنى يا نه؟ ❁ هَنى دِ سَر سِرآوِ بوسونِ عشقِت وِ نازارى سى مُرغِ بَسته زُنى چی مِ دُمى ميتِنى يا نه؟ ❁ دِ لا مِ خاطِرِت جَم با كه هيسِم وِ سَرِ قولِم ولى نونِم قِرار بَستَمونِ ميشكنى يا نه؟ ❁ اگر بِينى"عزيز" مَنصورِ حَلاجى دِ سَر ساختَ طنافِ دارِش وا بافَه زِلفِت ميچِنى يا نه؟ @AzizNaderi @donya_dekami2015 #عزیز_نادری #دنیا_دکامی #شعر_لری #دختر_ایران #دختر_زیبای_لر #استاد_محمد_باجلاوند #کمانچه #کمانچه_نوازی_لری

با عرض سلام خدمت همراهان عزیز و گرانقدر قصد داریم فعالیتی را در کانال راه اندازی کنیم تحت معنای #اشعاری_که_ترانه_شدند و آنچنان که متوجه شده‌اید تمامی اشعار استاد #عزیز_نادری که تا بحال توسط هنرمندان عزیز و توانمندمان به ترانه تبدیل شده اند را در این کانال جمع‌آوری کنیم. طبق تحقیقات به عمل آمده ، تعدادی بالغ بر ۶۰۰ شعر از سروده های استاد#عزیز_نادری تا کنون در وادی آهنگینِ ترانه پای نهاده اند. و اما... درخواستمان از شما عزیزان این است که در این امر فرهنگی ما را یاری نموده و چنانچه اطلاعاتی در این باره در اختیار دارید به دست ما و به آیدی ادمین کانال تلگرامی #دلسروهای_عزیز_نادری برسانید. تا پس از ویرایش در معرض دید عموم قرار دهیم. از همراهی شما مهربانان، نهایت سپاسگزاری را داریم. با احترام، افتخار و امتنان: مدیر روابط عمومی کانال @gashasbanoo #دلسروهای_عزیز_نادری @AzizNaderi

بشنویم صحبتهای ارزشمند دکتر #بیژن_الماسیان را به مناسبت روز زبان مادری  دکتر الماسیان  دانشمند، پژوهشگر و محقق بززگ خرم‌آبادی کاشف داروی درمان آلزایمر ،  بنیان گزار و مدیر کل کمپانی داروسازی CaroGen در امریکا هستند. افتخاری بزرگ و ستاره ای درخشان در آسمان ایران و لرستان. #بیژن_الماسیان #عزیز_نادری @AzizNaderi