Muxlis.uz

​​​​​​​​​​​​​​#Тонгги_зикрлар 📖 Абу Ҳурайра розияллоҳу анҳудан ривоят қилинади: 📌 Абу Бакр Сиддиқ розияллоҳу анҳу: «Эй Расулуллоҳ, менга бирор калимани ўргатинг, уни тонг отганида ва кеч кирганда айтиб юрай», дедилар. Шунда у зот: اللهُمَّ فَاطِرَ السَّمَاوَاتِ وَالأَرْضِ عَالِمَ الغَيْبِ وَالشَّهَادَةِ رَبَّ كُلِّ شَيْءٍ وَمَلِيكَهُ أَشْهَدُ أَنْ لاَ إِلَهَ إِلاَّ أَنْتَ أَعُوذُ بِكَ مِنْ شَرِّ نَفْسِي وَشَرِّ الشَّيْطَانِ وَشِرْكِهِ وَأَنَّ نَقْتَرِفُ سُوءًا عَلَى أَنْفُسِنَا أَو نَجُرَّهُ إِلَى مُسْلِمٍ 📿 «Аллоҳумма фатирос самавати вал арзи ъалимал ғойби ваш шаҳадати робба кулли шайин ва малийкаҳ, ашҳаду аллаа илаҳа илла анта, аъузу бика мин шарри нафсий ва шарриш шайтони ва ширкиҳи ва ан нақтарифа суан ъала анфусина ав нажурроҳу ила муслим», деб тонг отганида, кеч кирганида ва тўшагингизга ётганингизда айтиб юринг», дедилар. 🗒 Маъноси: Эй еру осмонни бор қилган Аллоҳим, эй ғоибни ва шоҳидни билувчи Раббим, Сен ҳар бир нарсанинг парвардигори ва подшоҳидирсан. Гувоҳлик бераманки, Сендан бошқа илоҳ йўқ. Нафсимнинг ёмонлигидан ва шайтоннинг ёмонлигию ҳийласидан Сенинг номинг ила паноҳ тилайман. Нафсимизга ёмонлик бўлишидан ва мусулмоннинг ҳам ёмонликка гирифтор бўлишидан паноҳ тилаймиз. ✍ Абу Довуд ва Термизий ривоятлари. ♻️Аллоҳ розилиги учун тарқатинг аввало амал билан! 👉 https://t.me/+nkho490OE8I3Y2Uy

Ассалому алайкум ва роҳматуллоҳи ва барокатуҳ! барчамизни яна бир гўзал тонгга етказган, Раббимизга ҳамду санолар бўлсин! Эрталаб ўқиладиган дуо Абдуллоҳ ибн Ғанномдан розияллоҳу анҳудан ривоят қилинади. Расулуллоҳ соллаллоҳу алайҳи васаллам: «Ким тонг отганида: «Аллоҳумма ма асбаҳа бий мин ниъматин фаминка ваҳдака ла шарийка лак, лакал ҳамду ва лакаш шукр», деса, кундузнинг шукрини адо қилибди. Ким шу дуони кеч кирганида айтса, кечанинг шукрини адо этибди», дедилар. Маъноси: Аллоҳим, мен билан тонг оттирган неъматлар Сен томондандир. Сен яккаю ёлғиздирсан, Сенинг шеригинг йўқ. Сенга ҳамд ва шукрлар бўлсин. Абу Довуд ривояти (ҳадис) Аллоҳнинг берган неъматлари биздан узилиб қолмасин! Барчамизга бошланган душанба кун барокатли, файзли, фойдали ўтсин! ♻️ Улашинг https://t.me/+nkho490OE8I3Y2Uy

🕌 Ибн Масъуд розияллоҳу анҳу айтадилар: "Ким Аллоҳга эртага мусулмон ҳолида йўлиқишни хоҳласа улар билан чақириладиган бу беш намозни вақтида адо қилсин. Аллоҳ пайғамбарингизга ҳидоят йўлини берди. У (намоз) ҳидоят йўлидандир". ♻️ https://t.me/+nkho490OE8I3Y2Uy

#hadis Кавсар нима эканини биласизми? Анас ибн Молик розияллоҳу анҳудан ривоят қилинади: "Бир куни Расулуллоҳ соллаллоҳу алайҳи васаллам билан бирга эдик, шунда бироз жим туриб қолдилар-да, сўнг табассум ила бошларини кўтардилар. Биз: "Сизни нима кулдирди, ё Аллоҳнинг Расули?", дедик. "Менга ҳозиргина бир сура туширилди", деб: "Бисмиллаҳир роҳманир роҳийм. Иннаа аътойнакал Кавсар" сурасини қироат қилдилар. Сўнгра: "Кавсар нималигини биласизларми?" дедилар. "Аллоҳ ва Унинг Расули билувчироқдир", дедик. "У Роббим азза ва жалла менга ваъда қилган дарёдир. Унда кўп яхшилик бордир. У қиёмат куни умматим келиб ҳузуримда сув ичадиган ҳовуздир. Унинг идишлари юлдузлар ададича". ✍ Одилхон қори ЮНУСХОН ўғли ♻️ Улашинг https://t.me/+nkho490OE8I3Y2Uy

🔥 Намоз ўқиб шайтоннинг ишини қиласизми? Аллоҳ таоло айтади: "Албатта, шайтон хамр ва қимор туфайли ораларингизга адоват ва нафрат солишни ҳамда сизларни Аллоҳнинг зикридан ва намоздан тўсишни истайдир. Энди тўхтарсизлар?!" (Моида сураси, 91-оят). 🎤 Устоз Одилхон қори Юнусхон ўғли ♻️ Улашинг https://t.me/+nkho490OE8I3Y2Uy

“Албатта, Аллоҳ ва Унинг фаришталари Пайғамбарга салавот айтурлар. Эй, мўминлар! (сизлар ҳам) унга салавот ва салом айтинг!” (Аҳзоб сураси, 56-оят). Салавот айтсангиз... Ғам-ташвишлар кетади... Гуноҳлар мағфират қилинади... Қалблар юмшайди... Қалбда роҳат-ором пайдо бўлади... Дуолар ижобат бўлади... Касалликларга шифо бўлади... Шафоатга муяссар бўлинади... Фақирлик кетади... Жон беришда енгиллик бўлади... Қабрда роҳат ва нур бўлади... Сиротдан осон ўтилади... ✍ Одилхон қори ЮНУСХОН ўғли ♻️ Улашинг https://t.me/+nkho490OE8I3Y2Uy

Ассалому алайкум ва роҳматуллоҳи ва барокатуҳ! азиз инсоним! Туннинг бағридан тонгларга қучоқ очган қадрдоним! Яна бир тонг отди! Ёлғизлик атрофингда ҳеч ким қолмаслиги эмас, қалбингда ҳеч кимнинг қолмаслигида. Қалбимиздагилар омон бўлсинлар! «Аллоҳумма бика асбаҳнаа ва бика амсайнаа ва бика наҳйа ва бика намуту ва илайкан нушуур». Эзгу амаллар қилиш учун имкон бериб, тонгда уйғотган Aллоҳга беҳисоб шукрлар бўлсин. Якшанба дам олиш кунингиз зикрда, шукрда ўтсин! ♻️ Улашинг https://t.me/+nkho490OE8I3Y2Uy

🕌 Ибн Масъуд розияллоҳу анҳу айтадилар: "Ким Аллоҳга эртага мусулмон ҳолида йўлиқишни хоҳласа улар билан чақириладиган бу беш намозни вақтида адо қилсин. Аллоҳ пайғамбарингизга ҳидоят йўлини берди. У (намоз) ҳидоят йўлидандир". ♻️ https://t.me/+nkho490OE8I3Y2Uy

🔉 Кичик ширк катта ширкдан хавфлирок 🎤 Одилхон қори Юнусхон ўғли ♻️ Улашинг https://t.me/+nkho490OE8I3Y2Uy

#mujda Аллоҳнинг меҳрибонлиги Расулуллоҳ соллаллоҳу алайҳи васаллам айтадилар: "Ким бир яхшиликни кўнгилга тугса-ю, уни қилмаса, Аллоҳ буни Ўз ҳузурида унга тўлиқ бир яхшилик деб ёзади. Агар шуни кўнгилга тугиб, кейин уни қилса, Аллоҳ буни Ўз ҳузурида унга ўнта яхшиликдан етти юз бараваргача қилиб, ундан ҳам бир неча баравар кўп қилиб ёзади. Ким бир ёмонликни кўнгилга тугса-ю, уни қилмаса, Аллоҳ буни Ўз ҳузурида унга тўлиқ бир яхшилик деб ёзади. Агар шуни кўнгилга тугиб, кейин уни қилса, Аллоҳ буни унга биргина ёмонлик деб ёзади" (Имом Бухорий, Имом Муслим ривояти). ✍ Одилхон қори ЮНУСХОН ўғли ♻️ Улашинг https://t.me/+nkho490OE8I3Y2Uy