ائلیمیز - دیلیمیز elimiz_dilimiz

گلمیشم دیدارینا، تا جانیمی قوربان ائدم، ای دوداغی جان شیرین، گؤر نه فرهاد اولموشام. (عمادالدین نسیمی) 🔸🔷🔶🔷🔶🔷🔶🔷🔶🔷🔸 💠 دان یئلی (کیتاب و ادبیات) 💠 اؤزنــــــه (دیل، توپلوم و ادبیات) 🆔 @Ozne_SZ بیلگــــــی (تورکجه گون بیلگی‌لری) 🆔 @Bilgiazer ســــــؤز (دیل، ادبیات، کولتور) ✅ @a_z_soz میرحسین دلدار بناب (شاعیرین اثرلری) 🆔 @eldilimiz کریپتورک (کریپتو حاققدا بیلگی‌لر) 🆔 @crypturk یونس امــــــره ✅ @yunusamre دیالــــــوق (سئچیلمیش قیسا یازیلار) 🆔 @Dialoq شعیر و ادبیات 🆔 @az_edebiyyat_yayar تورکجه شعر و موسیقی (فاطمه عبدی کؤنول) ✅ @sasliyazilar اوشاقلارا ناغیل (ناغیل، قوشما، چیزگی) 🆔 https://t.me/+SXTegx8F7smly0C5 اینجی قونوشوقلار (دیکلمه، ماهرخ افرا ) 🆔 https://t.me/+QAKis6ZiG92mc4F1 سنسيز دونيا (سئوگی شعرلري و PDF كتابلار) ✅ @SANSIZDUNYAM یاغیــــــش (ماهنی، یازی و... ) 🆔 @yaeeemur مینــــــا پورحیدر (دیکلمه) 🆔 @dinlemeniii سحــــــر خیاوی (شاعیرین سئچیلمیش شعیرلری) ✅ @secilmiseirler سید عمادالدین نسیمی 🆔 @nasimipersianpoet 🔸🔷🔶🔷🔶🔷🔶🔷🔶🔷🔸 ✍تــــــۆرک تبــــــادل

✍ «ایچی‌بوش یاشام» آی‌ی‌ی دیدرگین قورشون هارا گئدیرسن بئله؟! منی گؤرمه‌دین می؟ اوزاقلارا گئتمه‌، من بوردایام منی باغرینا باس! آی‌ی‌ی آغاجدا توولانان یالقیز کندیر نه توولانیرسان‌ بوش بوشونا؟! من بوردایام منی اؤزوندن آس! آی‌ی‌ی ایچی‌بوش یاشام یوردون منی! یئردن یئره ووردون منی! یاخامدان دوش دینجلمک ایسته‌ییرم... #میرحسین_دلداربناب ۱۴۰۳/۰۲/۱۰ @eldilimiz

✍ «اؤتوب کئچن» کئچر بو گونلر ده کئچر داغ باشیندا سوسوز قالان آغاج بیر گون بولودون گؤزوندن سو ایچر... #میرحسین_دلداربناب ۱۴۰۳/۰۲/۰۷ @eldilimiz

🔑Atalar sözü: "Ay işığın aləmə salır, şam işığın dibinə." ┈┈┈┈·┈┈┈┈┈┈┈┈┈·┈┈┈┈┈ 💠 دان یئلی (کیتاب و ادبیات) https://t.me/dan_yeli 🟡 سحر خیاوی (سئچیلمیش شعرلر) https://t.me/secilmiseirler 🟠 سید عمادالدین نسیمی https://t.me/nasimipersianpoet ⚫️ اؤزنه (دیل، توپلوم و ادبیات) https://t.me/Ozne_SZ 🟣 بیلگی (تورکجه گون بیلگی‌لری) https://t.me/Bilgiazer 🔵 سؤز (دیل، ادبیات، کولتور) https://t.me/a_z_soz 🟢 میرحسین دلدار بناب https://t.me/eldilimiz 🔴 کریپتورک (کریپتو حاققدا بیلگی‌لر) https://t.me/crypturk ⚫️ سسلی حئکایه، سسلی یازی، سسلی فایل https://t.me/seslihekaye 🟡 یونس امره https://t.me/yunusamre 🔴 دیالوق (سئچیلمیش قیسا یازیلار) https://t.me/Dialoq 🟢 شعیر و ادبیات https://t.me/az_edebiyyat_yayar 🟣 تورکجه شعر و موسیقی (فاطمه عبدی کؤنول) https://t.me/sasliyazilar 🟡 اوشاقلارا ناغیل https://t.me/+SXTegx8F7smly0C5 🟠 اینجی قونوشوقلار https://t.me/+QAKis6ZiG92mc4F1 ┈┈┈┈·┈┈┈┈┈┈┈┈┈·┈┈┈┈┈ 🔑آتالار سؤزو: "آی ایشیغین عالمه سالیر، شام ایشیغین دیبینه." ☪ تــــــۆرک تبــــــادل ☪

✍ «یاشام» داغین دؤشونده بیر گوزل داغداغان بودوغیندا بیر یووا یووادا بیر جوت ساغساغان قانادلاری آلتیندا بالالاری میشیل_ میشیل یاتیبلار گؤیدن بیر ساواش اوچاغی کئچیر قارنیندا بومبالار قانادلارینین آلتیندا راكئت‌لر اوچونتولارین آلتیندا اوشاقلار پارام پارچا قانلارینا باتیبلار!... #میرحسین_دلداربناب ۱۴۰۳/۰۲/۰۳ @eldilimiz

✍ «دوغولمامیش، یاشایان!» خیاللاریمین تای‌سیز کرالیچه‌سی! سن یازمادیغیم شعرلرده یاشاییرسان! چکمه‌دیگیم نفس‌لرده یاشاییرسان! یاشامادیغیم گونلرده یاشاییرسان! بللی اولمایان گله‌جه‌گیمده یاشاییرسان! سن تانرینین دوداقلاریندان گولوش یاغاندا ملک‌لر قیسقاناندا شیطان سانجیلاناندا دوغولاجاقسان! یارانمامیشلارین ان گؤزلی... #میرحسین_دلداربناب ۱۴۰۳/۰۱/۲۸ @eldilimiz

✍ «یاغیش» قارا بولود گؤز یاشی تؤکوردو من ده اونا یولداش اولموشدوم کیمسه آغلاماغیمی گؤرمه‌سین دئیه چتریمی باغلادیم! یاغیش اوزومدن آخیردی گؤز یاشلاریم دا یاز بولودو اولموشدوم! چتر آلتیندا گئدن‌لر عاغلیمی ایتیردیگیمی سانیردیلار کئشکه عاغلیمی ایتیرمیش اولایدیم نه یازیق منه کی؛ سنی ایتیرمیشدیم... #میرحسین_دلداربناب ۱۴۰۳/۰۱/۲۵ @eldilimiz

✍ «سون» کوچه‌لر ده یالقیز قالیب سن اولمایاندان ایندی هاوا بولاشیق سو بولاشیق دونیا بولاشیق! ایندی قوجاقلار بوم_ بوز اوجاقلار بوم_ بوز گؤزلریم اوشویور ایچیم اوشویور قوشلارین قانادی سینیب تؤکولور! بالیقلار دنیزدن هورکوب قاچیرلار! دنیزی ترک ائدیب، تک بوراخیرلار ایندی گئجه‌لر آی‌سیزدیر گوندوز گونش‌سیز دئمیشدیم بیر گون ده سن‌سیز یاشامام! آخشاما آز قالیر گل آپار منی... #میرحسین_دلداربناب ۱۴۰۳/۰۱/۲۰ @eldilimiz

✍ «گؤزلنتی» گؤزله‌ییرم گؤزله‌ییرم گؤزومون کؤکو سارالیر! جانیم سیخیلر داریخیرام گلن یوخدور! گلن اولمایاجاق! بوشونا گؤز تیکمیشم! بوش یوللارا! اؤلومدن باشقا، گلن اولمایاجاق اؤلوم گلدیگینده، بیته‌جک توم گؤزلنتی‌لر!... #میرحسین_دلداربناب ۱۴۰۳/۰۱/۱۹ @eldilimiz

✍ «ایتیلمک» اوزاقلاردا منی چاغیریرلار گل_ گل دئییرلر گئتمک ایسته‌ییرم ایتمک ایسته‌ییرم دورنالارین سون گئدیشی کیمی اونوتقانلارین یادداشی کیمی یوخ بو گئدیشین دؤنوشو یوخ! بو یول، تک‌یؤنلو یول‌دور نه موتلو کی؛ گئدن قاییدا بیلمز... #میرحسین_دلداربناب ۱۴۰۳/۰۱/۱۷ @eldilimiz

✍ «بوشلوق» سونراسی سیغیناجاق یئر قالماییر! نه آنانین ایستی قوجاغی نه آتانین یانار اوجاغی قالیم‌سیز ایمیش قالیم‌لی ساندیقلاریم! هر زاد سویوماغا باشلاییر قانلار سئوگی‌لر ایلگی‌لر باخیشلار بئله سونوندا توپراق باغرینا باساراق سؤندورور یالقیزلیغین اودونودو!... #میرحسین_دلداربناب ۱۴۰۳/۰۱/۱۴ @eldilimiz

✍ «آرزو» کئشکه بیر سیلگی اولایدیم یئر اوزوندن سرحدلری ساواشی آجلیغی آجیلیغی نه بیلیم توم کؤتولوک‌لری پوزایدیم! اؤزوم بئله یوخا چیخسایدیم دا... #میرحسین_دلداربناب ۱۴۰۳/۰۱/۱۲ @eldilimiz

✍ «سورغو» دوغولورلار یاشاییرلار اؤلورلر قازانان کیم می؟ دوغولانلارمی؟ یاشایانلارمی؟ اؤلوم مو؟ بو سورغولاری کیم یانیتلامالی؟!... #میرحسین_دلداربناب ۱۴۰۳/۰۱/۱۰ @eldilimiz

✍ «سورگون دورنالار» آه، بیجلیک بیلمه‌ین اوره‌ییم، آه ایلک باهاردا سون باهاردا دورنالارین کؤچدویون ساناردین، آه دورنالار کؤچمزمیشلر سورگون‌دوشرمیشلر یوردلاریندان دیدرگین دوشرمیشلر یووالاریندان آه، قاتار قاتار سورگون دوشن دورنالار آه، سرحد سرحد دیدرگین دوشن دورنالار گؤیلرین دنیزی، سیزی گؤزله‌ییر... #میرحسین_دلداربناب ۱۴۰۳/۰۱/۰۹ @eldilimiz

✍ «بوغونتو» کندیرلر بوغازلاری گؤزله‌ییر سؤزو اولان وارسا بویورسون... #میرحسین_دلداربناب ۱۴۰۳/۰۱/۰۷ @eldilimiz

✍ «بوغولموش» بولودلانمیشام یاغیش اولموشام آغ یاغیش قارا یاغیش ساغاناق یاغیش ایچیمه یاغیرام دنیز اولورام اؤزوم اؤزومده بوغولورام... #میرحسین_دلداربناب ۱۴۰۳/۰۱/۰۶ @eldilimiz

✍ «منی اونوتما، منی اونوت» منی اونوتما یالقیزلیق منی اونوتما یورغونلوق منی اونوتما کدر من اولماسام یالقیزلیق یورولار یورغونلوق کدرله‌نر کدر یئتیم قالار منی اونوت یالان دونیا... #میرحسین_دلداربناب ۱۴۰۳/۰۱/۰۵ @eldilimiz

✍ «بئزیکمک» دونن قالدی دوننده کئشکه من ده دوننده قالمیش اولایدیم دونن سن وار ایدین، من وار ایدیم، اومود وار ایدی بوگون سن یوخسان، من یوخام، اومود یوخدو یارین یالنیز یالقیزلیق وار سن‌سیزلیک وار یورغونلوق وار بئزیکمک وار... #میرحسین_دلداربناب ۱۴۰۳/۰۱/۰۴ @eldilimiz

✍ «یالقیز اینسان» یالقیزلیغیم دونیادان بؤیوک یالقیزلیغیم داغلاردان آغیر دنیزلردن درین بولودلار یالقیزلیغیمی آغلاییر داغلار یالقیزلیغیمی داشیییر دنیزلر بوغولاجاق یالقیزلیغیمدان یالقیزلیق کندیر کیمی سارماشیر بوغازیما بوغازیم دویونله‌نیر آه یازیق اینسان یالقیزلیغینی یالنیز توپراق بیتیره بیلر توپراق ایتیره بیلر... میرحسین_دلداربناب ۱۴۰۳/۰۱/۰۲ @eldilimiz