ائلیمیز - دیلیمیز elimiz_dilimiz

✍ یاشاییم نئیله‌ییم، اؤلوم نئیله‌ییم؟! دومان‌سیز داغیما دومان گتیردین کؤنلومون باغیندا حسرت بیتیردین یئدییین چؤره‌یی دوزو ایتیردین یاشاییم نئیله‌ییم، اؤلوم نئیله‌ییم؟ یانیرام یانیرام کوله دؤنوررم آغلاییب آغلاییب سئله دؤنورم آه چکیب آه چکیب یئله دؤنورم یاشاییم نئیله‌ییم، اؤلوم نئیله‌ییم؟ جهننم جهننم آلوو چکیرم یاخشی باخ گؤر نئجه دیزه چؤکورم دردینی نفس‌تک جانا چکیرم یاشاییم نئیله‌ییم، اؤلوم‌ نئیله‌ییم؟ یابانجی یابانجی منه باخیرسان جانیمی یاندیریب اودا یاخیرسان جان یاخان آغی‌سان قانا آخیرسان یاشاییم نئله‌ییم، اؤلوم نئیله‌ییم؟ غریبم غوربتده یئریم داریسقال ایچیمی دولدورور آجی قالماقال ایچیمه جالانان غمدن خبر آل یاشاییم نئیله‌ییم، اؤلوم نئیله‌ییم؟ #میرحسین_دلداربناب ۱۴۰۰/۱۱/۰۱ @eldilimiz

✍ «آیریلیق دردی یاماندی!» گتیر اؤپوم دوداق دوداق اوره‌یینین یاراسیندان یاراسی یار یار دئینده سن دئ اؤپوم هاراسیندان کؤنول داغیندا بوراندی هاواسی چندی دوماندی آیریلیق دردی یاماندی آیریلیق، گلمه آماندی! باشیما کدر تؤکولور اوره‌ییم غمدن سؤکولور یاشامین آغیر یوکوندن بئلیمین بئلی بوکولور! اؤلوم دوشمور یاخامیزدان هرگون کئچیر آرامیزدان درد چکیریک سوسا سوسا قان سیچراییر یارامیزدان اوره‌یین وئر اوره‌ییمه باخ گؤر نئجه آغی دئییر بولود بولود هارای چکیر داغ اوستونده داغی دئییر! #میرحسین_دلداربناب ۱۴۰۳/۰۵/۱۵ @eldilimiz

✍ «آیریلیق» سئودیکلریم بیر بیر گئدیر اوره‌ییمه دویون دوشور گونو گونه جالاییرام دوننیمه بویون دوشور! قورتارمیرام کدرلردن ایچیمی دومان بورویور گؤزومدن دوشور یاشاماق گونلریم بیر بیر چورویور! آیریلیق یولودور بو یول آیریلماق آغیردیر آغیر گؤیون اوره‌یی توتولوب هاوادان آیریلیق یاغیر! اؤلوم اوز اوزه دایانیب آیریلیقدان یورولموشام آی اؤلوم منی ده آپار لیلیدیم‌سه دورولموشام! عزیز دوستوم «امیر جعفرزاده» نین اولو روحونا ایتحاف اولور #میرحسین_دلداربناب ۱۴۰۳/۰۵/۱۰ @eldilimiz

✍ «یارا یاغیر اوره‌ییمه!» اوره‌ییم یارادی، یارا، یارا بیتمه‌ین یارا ساریلمایان یارا گورولمه‌ین یارا ایچیمده داغ وار دره وار داش وار اییلمه‌ین باش وار ایچیمده اوچوروم وار اوچونتو وار اوچوق وار اوچماق ایسته‌ییرم قانادلاریم اوچوقلاییر! اوچا بیلمیرم هئچ یئره قاچا بیلمیرم قیچلاریم گلمیر یورولموشام گؤزلریمین ببه‌یی دومانلانیر بولود یاغیر گؤزلریمه یارا یاغیر اوره‌ییمه!... #میرحسین_دلداربناب ۱۴۰۳/۰۴/۲۸ @eldilimiz

✍ «بوغولان دنیز!» بیر منم، بیر سن‌سن، بیرده آیریلیق بو گئجه یوخوما، اؤلوم یاغاجاق! بیر دنیز، مین دالغا،بیر یالقیز گمی بو گئجه دنیزی، قهر بوغاجاق! آغزیمدا سؤزجوکلر، دولاشیق دوشور تومجه‌لر گیجه‌لیر، یئره تؤکولور! بیلمیرم هاردایام، بورا هارادیر! بوردا آنلاملارین، بئلی بوکولور! بوردا قار قیش دوغور، شاختا داغیندا بوردا یول وئرمه‌ییر، یئله کولک‌لر بوردا بوز باغلاییب، دویغو دیلک‌لر بوردا شیطان اولوب، بوتون ملک‌لر! بوردا اوغول دوغور، هر دار آغاجی! بوردا آنالارا، بیر دونیا آجی بوردا آتالارا، بیر ایکی‌قات بئل! بوردا قارداشلارا، وار یازیق باجی! یارالار یئر سالیر، یانیق اورکده اولدوزلار گؤیلرده، دیدرگین قالیب بولودلار سورونور، اویان بویانا اومسوقلوق هامینی، آیاقدان سالیب! بیر سحر، بیر اذان، بیر توتقون تانری! سارماشیر بوغازا، بیر یاغلی کندیر! جان‌قوشو اوچماغی، اؤزلرکن اوچور یاشام‌می؟ اؤلوم‌مو؟، ندیر بو؟ ندیر؟! #میرحسین_دلداربناب ۱۴۰۲/۱۱/۰۶ @eldilimiz

✍ «هر زاد یولوندادیر!» هر زاد یولوندادیر، هر زاد یاخشی‌دیر کؤتولوک هاردایدی، بیزیم دونیادا؟! هامی ساپ ساغلام‌دیر، کئف‌سیز تاپیلمیر انسانلار یاشاییر، سانکی رویادا گئجه‌لر ایشیق‌دیر، قارانلیق یوخدور! اولدوزلار ال اله، یاللی گئدیرلر آی ایله‌شیب تختده، گؤستریش وئریر گؤیده اولان قوللار، قوللوق ائدیرلر نه قیشدان خبر وار، نه قار بوراندان فصیل‌لر یئرینی وئریب باهارا یام یاشیل جننت‌دیر، داغلار دره‌لر پنجره‌لر باخیر، آخار باخارا نه آغلایان واردیر، نه حسرت یئین! باریشیق ایچینده، ایتیب ساواشلار دومان قوجاقلاییر داغی دره‌نی داغدا قوناقلاییر بیر بیرین داشلار قوردلارلا قویونلار، یولداش اولوبلار! ایت‌لر پیشیک‌لره، اگری باخماییر! حیوانلار دوست اولوب نوح چاغی کیمی تولکولر تویوغا، چانقیل آتماییر! هر کیم هر نه دیلده، سئویر دانیشیر دوشونجه یاساقی، یوخدور هئچ یئرده هامی شن یاشاییر، داماق‌سیز یوخدور تانیش دئییل جانلار، کدره درده نه کندیر وار نه دار، نه سورگونلوک وار دورنالاردا داها، وطن‌سیز دئییل قارانقوشلار، سئرچه‌، لاچین، گؤیرچین قیش دا اولسا بئله، هئچ دن‌سیز دئییل اؤزوندن کئچمه‌یه، یاریشما واردیر هامی الدن توتور، ییخیلان یوخدور رؤیالار اؤلکه‌سی اولوب اؤلکه‌لر اورک یاراسی ایله یاخیلان یوخدور دم دمی گتیریر، شنلیک شنلیگی اوره‌یی یارالی، یورغون آرغین یوخ سؤزلردن بال سوزور، دوداقلاردان گول بیغینی گمیرن، دلی دارغین یوخ! سؤزو اوزاتماییم، دونیا جننت‌دیر یالنیز یوخو عالمینده، خیال ایچینده آغی‌نی یئدیردیر، یارانمیشلارا آلدادا آلدادا، او بال ایچینده... #میرحسین_دلداربناب ۱۴۰۳/۰۴/۰۸ @eldilimiz

✍ «من بیر غریب قوشام» بیر قوش بیر بوداغا، سیغیندیغیندا بوداغی کسمزلر، قوشو قوومازلار بیر اوزاق اؤلکه‌دن، گلن قوناغی ایستی قارشیلارلار، باشدان سوومازلار من بیر غریب قوناق، بیر غریب قوشام بوداغیمی کسیب، باشدان سوودولار دوغولدوغوم گوندن، کیمه سیغیندیم اؤگئی اوشاق کیمی، ووروب قوودولار! کیمه اورک وئردیم، سیندیریب وئردی! سینیق اوره‌ییم اوف، سینیق اوره‌ییم! اوشاقلیغیم ایتدی، اوغرو شهرده یانیق اوره‌ییم اوف، یانیق اوره‌ییم! یئنه دومان آلدی، کؤنول داغینی دومانین باغریندا، اؤلمک ایستیرم سن منی سئومه‌دین، من سنی سئودیم ندن بؤیله اولدو، بیلمک ایستیرم! هر زادی یئل آپاردی، کولک آپاردی! بیر داریخما قالدی، بیرده یالقیزلیق! ایستیرم اؤزومو، اکم توپراغا اوخشاما گؤیرسین، بیر دیل آغیزلیق! #میرحسین_دلداربناب ۱۴۰۳/۰۴/۱۷ @eldilimiz

«برای ایران» منتشر شد خواننده: حمید خزاعی شاعر: رضا زنگنه موسیقی: حبیب خزایی‌فر این ویدئو را برای دوستان خود بفرستید #بازگشت_زندگی #برای_ایران #دکتر_مسعود_پزشکیان ‏🇮🇷ستاد رسمی دکتر مسعود پزشکیان @irpezeshkian

🔻🔻🔻🔻🔻🔻 میرحسین دلدار بناب (شاعیرین یازیلاری) ➔ @eldilimiz کریپتورک (کریپتو حاققدا بیلگی‌لر) ➔ @crypturk یونس امــــــره ➔ @yunusamre دیالــــــوق (سئچیلمیش قیسا یازیلار) ➔ @Dialoq شعیر و ادبیات یایاری ➔ @az_edebiyyat_yayar ✅ @Az_edebiyyat (قوروپ) ادبیات اوجاغی ➔ @Anayurd1 ✅ @varliq1 (قوروپ) تورکجه شعر و موسیقی (فاطمه عبدی کؤنول) ➔ @sasliyazilar سنسيز دونيا (سئوگی شعرلري و PDF كتابلار) ➔ @SANSIZDUNYAM سحــــــر خیاوی (سئچیلمیش شعیرلر) ➔ @secilmiseirler سید عمادالدین نسیمی ➔ @nasimipersianpoet ایشیق سپه‌لنمیش ➔ @arzuisikyol بیلگــــــی (تورکجه گون بیلگی‌لری) ➔ @Bilgiazer بیزیم عشق حیکایه‌میز ➔ @gamli_canim ســــــؤز (دیل، ادبیات، کولتور) ➔ @a_z_soz 🔺🔺🔺🔺🔺🔺 ☪ تـــــــــــــۆرک تبـــــــــــــادل ☪

🔻🔻🔻🔻🔻🔻 بیزیم عشق حیکایه‌میز ➔ @gamli_canim ســــــؤز (دیل، ادبیات، کولتور) ➔ @a_z_soz میرحسین دلدار بناب (شاعیرین یازیلاری) ➔ @eldilimiz کریپتورک (کریپتو حاققدا بیلگی‌لر) ➔ @crypturk یونس امــــــره ➔ @yunusamre دیالــــــوق (سئچیلمیش قیسا یازیلار) ➔ @Dialoq شعیر و ادبیات یایاری ➔ @az_edebiyyat_yayar ✅ @Az_edebiyyat (قوروپ) ادبیات اوجاغی ➔ @Anayurd1 ✅ @varliq1 (قوروپ) تورکجه شعر و موسیقی (فاطمه عبدی کؤنول) ➔ @sasliyazilar سنسيز دونيا (سئوگی شعرلري و PDF كتابلار) ➔ @SANSIZDUNYAM سحــــــر خیاوی (سئچیلمیش شعیرلر) ➔ @secilmiseirler سید عمادالدین نسیمی ➔ @nasimipersianpoet ایشیق سپه‌لنمیش ➔ @arzuisikyol بیلگــــــی (تورکجه گون بیلگی‌لری) ➔ @Bilgiazer 🔺🔺🔺🔺🔺🔺 ☪ تـــــــــــــۆرک تبـــــــــــــادل ☪

🔻🔻🔻🔻🔻🔻 دان یئلی | کیتاب و ادبیات 🆔 @Dan_yeli ایشیق سپه‌لنمیش ➔ @arzuisikyol بیلگــــــی (تورکجه گون بیلگی‌لری) ➔ @Bilgiazer بیزیم عشق حیکایه‌میز ➔ @gamli_canim ســــــؤز (دیل، ادبیات، کولتور) ➔ @a_z_soz میرحسین دلدار بناب (شاعیرین یازیلاری) ➔ @eldilimiz کریپتورک (کریپتو حاققدا بیلگی‌لر) ➔ @crypturk یونس امــــــره ➔ @yunusamre دیالــــــوق (سئچیلمیش قیسا یازیلار) ➔ @Dialoq شعیر و ادبیات یایاری ➔ @az_edebiyyat_yayar 💬 @Az_edebiyyat (قوروپ) ادبیات اوجاغی ➔ @Anayurd1 💬 @varliq1 (قوروپ) تورکجه شعر و موسیقی (فاطمه عبدی کؤنول) ➔ @sasliyazilar اوشاقلارا ناغیل (ناغیل، قوشما، چیزگی) ➔ @afraurmiaa اینجی قونوشوقلار (شعر، دیکلمه، ماهنی، ماهرخ افرا ) ➔ @afraurmia سنسيز دونيا (سئوگی شعرلري و PDF كتابلار) ➔ @SANSIZDUNYAM سحــــــر خیاوی (سئچیلمیش شعیرلر) ➔ @secilmiseirler سید عمادالدین نسیمی ➔ @nasimipersianpoet 🔺🔺🔺🔺🔺🔺 ☪ تـــــۆرک تبـــــادل ☪