ائلیمیز - دیلیمیز elimiz_dilimiz

✍ «من قانی سویوق دئییلم!» داغلاری دومان آلیب هاوادان داریخما یاغیر یئل اسیر کولک باشلاییر شاختا جالانیر جانیما سویوق ایشله‌ییر قانیما اوشویورم، اوشودوم ها اوشودوم کیمی من قانی سویوق دئییلم! گونده اون کز، یوز کز، بلکه ده مین کز کدری اؤپورم حسرتی قوجاقلاییرام بوشونا یاشاماییم دئیه اؤلومو باغریما باسیرام من قانی سویوق دئییلم! کپنک‌لره گول اکیرم آغاجلارین کؤلگه‌سیندن کئچیرم بولاقلارین سویوندان ایچیرم من قانی سویوق دئییلم! یوللار یولدا قالماسین دئیه هارا گلدی گئدیرم داشلاری آیاقلامیرام توپراغی ازمیرم من قانی سویوق دئییلم! ایچیمده بیر کؤرپه اوشاق آغلارکن گؤزومون یاشی‌ آخیر سؤیودلر ساچلارینی یولاندا آنام یادیما دوشور یئلین الی بوش قالاندا آتام یادیما دوشور من قانی سویوق دئییلم! هاوالار سویوقدو باخیشلار سویوقدو قانلار سویوقدو من قانی سویوق دئییلم! هر گئجه بوم بوش ائویمده بیر سایین قوناغیم وار خیال حسرت کدر یالقیزلیق بیر ده دیوارا دوشن یورغون کؤلگه‌‌م... #میرحسین_دلداربناب ۱۴۰۵/۰۱/۰۵ @eldilimiz

✍ «کولبابا گولو» من بیر یابانی چیچه‌یم یاشام چؤلونده آنام پاییزین داریخمالی آخشامیندا یئر اوزونه قوسدو منی آتام قیشین تو دئینده یئره دوشمه‌ین چاغی دونیانین اوزونه توپوردو منی من بیر یابانی یوواسیز قوشام قازانماغا دئییل اودوزماغا گلدیم بو یئرلره من یئمک دلی‌سی دئییلم آی آرای‌یئر ایت‌لری گوزوم توخدو الی‌بوشلارین اوره‌یی کیمی بوشونا هوروب چنه دؤیمه‌یین راحاتجا سومسوکله‌نین چؤپلوک‌لرده من یوکومو بیرینین اوموزلارینا سالماییم دئیه شهرین دووارلارینا دا یاسلانمام بئله من بیر دیدرگین کولبابا گولویم یئل قوجاغیندا سینیرلاردان سیندیرا سیندیرا کئچه‌رم گؤز قیرپیمیندا سرحد نه‌دیر بیلمم گؤیون آلتی یئرین اوستو منیم یوردوم... هاردایدیم گلیب هارا دوشدوم عجبا! بو یئر نه یئردی قارا بولودلارین آلتیندا؟! کوچه‌لر داریسقال پنجره‌لر گؤزو دار قاپی‌لار باغلی هاوا آغیر نه شهردی بو شهر؟! ایکی‌اوزلولوک توزو یاغیر اوزوندن! یانان کیتابلارین قوخوسو گلیر میدان‌لاریندان سؤزجوک‌لر پاس باسیب بوغازیندا باغیمسیزلیق جان وئریر آیاغیندا ائهئی‌ی‌ی دوننکی قارداشلار من بورا یاشاماغا دئییل اؤلمه‌یه گلدیم! آسین منی اینتیحار آغاجیندان بئنیمه بیر ایکی قورشون کیشی‌لیک سیخین دوداقلاریما بیر ایکی داملا اؤپوش دامیزین یاشاماق ایسته‌ین وارسا بویورسون من عؤمرومو پای وئردیم اونا توپراغیم سایی یاشاسین... #میرحسین_دلداربناب ۱۴۰۳/۱۲/۲۴ @eldilimiz

✍ «ایناج‌لا دولو بیر آدام!» من اینانج‌لی بیریسی‌یم گونشه ده اینانیرام آیا دا بوتون دین‌لره اینانجیم تام‌دیر تپه‌مده گیرده پاپاق دولاندیریرام، بوینومدا خاچ مسجید قاپیسیندا ناماز صفینه دورورام اینک‌لرین اؤنونده باش اییرم شنلیک دولو بیر یاشام سورورم اورتا دوغودا من بیر بخته‌ور ایشچی عاییله‌سینده‌نم نه آتامین اوزونو گؤرموشم نه آنامین من بیر لال شهرده یاشاییرام بو شهرده فصیل‌لر ایتیب بو شهرده کئچه بیلمه‌دیییم کؤرپولر وار یاشامادیغیم گونلر وار اوشاقلیغیم بو شهرین قارانلیق کوچه‌لرینده قالیب چؤرک یئرینه هاوا یئییرم سو یئرینه گونش ایچیرم یاتاغیم داشدان یومشاقدی دئییردیلر: گون‌لرین بیر گونونده آتامین دریسینی سویدولار! آنامی داش‌قالاق ائله‌دیلر!... بوش وئر بو سؤزلری... ایندی دینج اوتوروب پنجره‌سیز اوتاقدان آیدین گله‌جه‌یه باخیرام! من ایناج‌لا دولویام من آیدین گله‌جه‌یه اینانیرام بوتون باغلی قاپیلار، بیر گون اومود دولو بوشلوغا آچیلاجاق... #میرحسین_دلداربناب ۱۴۰۳/۱۲/۰۹

. ❤️قلبیــــم باهــــار شــــلاله‌سی❤️ 🤍ســــئوینج ییغیر، آه داغیدیر🤍 🤍منیم‌ دیلیــــم گؤی‌گؤل، خزر🤍 ❤️منیم دیلیــــم شاه‌داغیم دیر❤️ اسفند آینین ایکیسی آنــــــــــــادیلــــــــــــی گونو قوتلو اولسون🕊 ا𒀭⁺˚*･༓☾✩*˚･𒀭⁺˚*･༓☾✩*˚･༓𒀭⁺˚*･༓☾✩ تورک آخاقلارینا اویه اولماق اوچون آشاغیداکی باغلانتینی تیقلایین⬇️ 🔗 https://t.me/addlist/CnujOVHD2aUyYWU0 ✨«آنا دیلیمیزی قوْروماق میللی بوْرجوموزدور»✨ برای عضویت در کانال های منتخب وارد لینک زیر شوید. ┄┄┄┄┄┄┄┄┄┄┄┄┄┄ https://t.me/addlist/CnujOVHD2aUyYWU0 ┄┄┄┄┄┄┄┄┄┄┄┄┄┄

✍ «قارا قیش دولانیر، دامارلاریمدا» یوللارین سونوندا، کیمسه دورماییب! بیلمیرم بو یوللار، هایانا گئدیر! ایچیمده بیر دلی، دومان ایچینده دایانمادان اویان بویانا گئدیر! جاناوار جالانیر، گؤز ببه‌ییمه ایچیم چالخالانیر، بایقوش سسیندن! قارا قیش دولانیر، دامارلاریمدا توتولور قولاغیم، قارقیش سسیندن! شهرین هاواسی، سیخیر جانیمی باشیمی گؤتوروب، قاچماق ایستیرم گؤزلردن کیر یاغیر، یئر کیفیرله‌شیر قوش اولوب گؤیلره، اوچماق ایستیرم بو حیات قان اولوب، دولوب آغزیما توپوروم یا اودوم؟، بیلنمیرم اوف! یاپیشیب اوزومه، اوز قاراسی تک نه قدر سیلیرم، سیلنمیرم اوف! هر یئره باخیرام، بوشلوق ال وئریر بیر آغی دریندن، آغلاییر منی گئتمک چاغی دئییل، قال قوناغیم اول! آلدادیب دونیایا، باغلاییر منی... #میرحسین_دلداربناب ۱۴۰۳/۱۱/۲۶ @eldilimiz

. ا•┈┈┈┈••✦ ❤ ✦••┈┈┈┈•ا بــــــۇلاق گؤللــــــر بۇلاغــــــی شــــــیرین دیللــــــر بولاغــــــی قۇروماســــــین یــــــوْل اۆستو آخســــــین ائللــــــر بۇلاغــــــی ا•┈┈┈┈••✦ ❤ ✦••┈┈┈┈•ا تورک آخاقلارینا اویه اولماق اوچون آشاغیداکی باغلانتینی تیقلایین⬇️ 🔗 https://t.me/addlist/qByJEjLkN1I2ZmZk ✨«آنا دیلیمیزی قوْروماق میللی بوْرجوموزدور»✨ برای عضویت در کانال های منتخب وارد لینک زیر شوید. ┄┄┄┄┄┄┄┄┄┄┄┄┄┄ https://t.me/addlist/qByJEjLkN1I2ZmZk ┄┄┄┄┄┄┄┄┄┄┄┄┄┄

✍ «سون گئجه» آیریلیق تؤکولور، ثانییه‌لردن حسرت‌له باخیرام، کئچن گون‌لره سن‌سیزلیک جالانیر، گؤز ببه‌ییمه قاییتماق اولار می، بیرده دون‌لره؟! یالنیز بیر بوش خیال، بیر بوش دوشونجه! کئچن ثانییه‌لر، دؤنمه‌یه‌جک‌دیر بو بیر یانار اوددور، جان اوداسیندا قییامت قوپونجا، سؤنمه‌یه‌جک‌دیر دهشتلی گئجه‌ده، هارا سیغینیم؟ درین یوخودادیر، قارانلیق گئجه! گئجه‌نین نه دردی، کیمه نه کئچیر! کیم دردلی یاشاییر، کیم اؤلور نئجه! سون گئجه، سون دوراق، بیر قارا خبر! آیریلیق، یالقیزلیق، قارانلیق آن‌لار کیم بیلیر نه کئچیر، اینسانا او آن باشینا گلمه‌ین، بونو نه آنلار؟!... #میرحسین_دلداربناب ۱۴۰۳/۱۱/۱۲ @eldilimiz

✨«آنا دیلیمیزی قوْروماق میللی بوْرجوموزدور»✨ تورک آخاقلارینا اویه اولماق اوچون آشاغیداکی باغلانتینی تیقلایین⬇️ 🔗 https://t.me/addlist/1aGovb7RV0ViMzA0

✍ «قارا یئل‌لر اسیر، آغ ساچلاریما!» من قوزئیده قالدیم، سن کؤچوب گئتدین من قفسده قالدیم، سن اوچوب گئتدین سنی گؤرمه‌ییمه، گومان قالمادی! کئچیلمز یوللاردان، سن کئچیب گئتدین! داها یاز دا‌ گلسه، گلمه‌یه‌جکسن دورنا دئییلسن کی، یازدا گله‌سن! یانیق اوره‌ییمده، یاشایاجاقسان نه قدر یاشاسام، بونو بیله‌سن! قارا یئل‌لر اسیر، آغ ساچلاریما دوداغیمدا اسن کولک‌لر کیمی من ده کولک اولوب، یوخ اولاجاغام یئل قارشیندا دوران، یئلک‌لر کیمی بیر گئجه یول آزیب، یوخوما گلسن آیاغین آلتیندا، توپراق اولارام پاییز تابلوسونون، آغاجلاریندا بوداغا ساریلان، یاپراق اولارام داریخیرام سنه، هر آخشام چاغی قابارجیق الینی، اوره‌ییمه قوی آرخاسیز قالمیشام، سن گئدن گوندن الینی بیر داها، کوره‌ییمه قوی... #میرحسین_دلداربناب ۱۴۰۳/۱۰/۲۹ @eldilimiz

✍ «سن‌سیزلیک!» اوره‌ییم توتولوب، سن گئدن گوندن بیلمیرسن کی نئجه، سن‌سیز قالمیشام! بیلمزدیم بیر بئله، منه یاخینسان سن کی یوخسان من ده، من‌سیز قالمیشام! ایندی نفس نفس، بوغولماقدایام دومان جالانیبدیر، دوداقلاریما گئدیرم ایزلریم، گلمیر دالیمجا یولاق‌لار دولاشیر، آیاقلاریما پاییز باغلاییرام یارالاریما الیم چاتمیر سنه، قالیب قوینومدا باخیشلاریم سولور، پنجره‌لرده یالقیزلیغین یوکو، قالیب بوینومدا داریخما دولانیر دامارلاریمدا اوزله‌ییرم سنی، سسیمین سسی گؤزلریم یوللاری، قوناق چاغیریر گل یورغون یولچونون، دارغین نفسی سن‌سیزلیک چوخ چتین، چوخ آغیر کئچیر گونلرین آدی وار، دادی یوخ داها سیندی قانادلاریم، قانادسیز قالدیم آنامین روحونا، آند اولسون آتا... #میرحسین_دلداربناب ۱۴۰۳/۱۰/۱۳ @eldilimiz سس: علی وصالی

✍ «سن‌سیزلیک!» اوره‌ییم توتولوب، سن گئدن گوندن بیلمیرسن کی نئجه، سن‌سیز قالمیشام! بیلمزدیم بیر بئله، منه یاخینسان سن کی یوخسان من ده، من‌سیز قالمیشام! ایندی نفس نفس، بوغولماقدایام دومان جالانیبدیر، دوداقلاریما گئدیرم ایزلریم، گلمیر دالیمجا یولاق‌لار دولاشیر، آیاقلاریما پاییز باغلاییرام یارالاریما الیم چاتمیر سنه، قالیب قوینومدا باخیشلاریم سولور، پنجره‌لرده یالقیزلیغین یوکو، قالیب بوینومدا داریخما دولانیر دامارلاریمدا اوزله‌ییرم سنی، سسیمین سسی گؤزلریم یوللاری، قوناق چاغیریر گل یورغون یولچونون، دارغین نفسی سن‌سیزلیک چوخ چتین، چوخ آغیر کئچیر گونلرین آدی وار، دادی یوخ داها سیندی قانادلاریم، قانادسیز قالدیم آنامین روحونا، آند اولسون آتا... #میرحسین_دلداربناب ۱۴۰۳/۱۰/۱۳ @eldilimiz