Sorn Sopheak-ស៊ន សុភក្រ្ត

អំណោយជាថវិកា និងអង្ករ ដែលសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានសន្យាផ្ដល់ជូនសាលាដូងជាប្រចាំខែ ត្រូវបានផ្ដល់ជូនដល់ លោក អ៊ុក វណ្ណដេ នាយកសាលាដូងរួចរាល់ ដើម្បីបម្រើឱ្យតម្រូវការប្រើប្រាស់ប្រចាំថ្ងៃរបស់សាលាដូង។ លោក អ៊ុក វណ្ណដេ នាយកសាលាដូង បានថ្លែងអំណរគុណសម្ដេចមហាបវរធិបតី ដែលបានយកចិត្តទុកដាក់ខ្ពស់ និងបានផ្ដល់នូវការធានានិរន្តរភាពរបស់សាលាដូង និងបានប្ដេជ្ញាបន្តបណ្ដុះបណ្ដាលធនធានមនុស្សសម្រាប់សហគមន៍នៅភ្នំគិរីរម្យឱ្យបានល្អប្រសើរ ។ ការជួយឧបត្ថម្ភប្រចាំនេះ គឺជាការយកចិត្តទុកដាក់ខ្ពស់ចំពោះសាលាដូង ដែលបានចូលរួមចំណែកយ៉ាងសំខាន់ក្នុងការជួយកសាងធនធានមនុស្សសម្រាប់សហគមន៍ ក៏ដូចជាសង្គមកម្ពុជាទាំងមូល៕