گوجلو سس

⭕️آذربایجان فوْلکلور ناغێل‌لاریندان 🟣پالان‌دوز-ون قێزی ✍️یازان: نورالدین سالمی 🔷چئویرن: #سوسن_نواده‌‌‌رضی اوْنونجو بؤلۆم حرامی‌باشی بونو دئییب، قێلینجینی چکیب سوْخدو مجسمه‌نین قارنێنا. تولوق دَلیندی، شیره‌سی آخدێ یئره. حرامی‌باشی دئدی: - سن منیم باشێما چوْخ اوْیون‌لار گتیرمیسن، گرک سنین قانێوی ایچم کی، اۆره‌ڲیم سوْیوسون! شیره‌دن اوْوجونو دوْلدوروب چکدی باشێنا، گؤردۆ شیپ - شیرین‌دیر. ایکی الی اوْلدو بیر تپه‌سی، باغێردی: - ای وااااااای آللّه! قانێ بو قدر شیرین اوْلان قیزین گؤر اؤزۆ نئجه شیرین ایمیش! من نه آحماق آدامام کی، اوْنو اؤلدۆردۆم! عجب باهالی بیر جواهیری ایتیردیم، آرتێق یاشاماق منه حرام‌ اوْلسون، نئینیرم داها بو یاشاماغی؟! حرامی‌باشی ناراحاتچێلیقدان قێلینجینی چکیب، اۆره‌ڲی‌نین باشێنا سوْخماق ایسته‌ییردی کی، پالان‌دوزون قیزی صاندیق‌دان چێخیب، دئدی: - اؤزۆنۆ اؤلدۆرمه، من اؤلمه‌میشم، دیری‌یم! حرامی‌باشی مات - مبهوت، هوْیوخ - هوْیوخ باخدێ قیزا، بیر داها دا قیزین هوش و فراستینه آفرین دئدی اؤز - اؤزۆنه. صاباح اوْلدو، حرامی‌باشی اۆزونو توتدو قیزا دئدی: - آی قیز، قوْجا کیشی مریض‌دیر، من تکباشێما بو قیرخ جنازه‌نی نئینه‌ییم؟ گؤرۆرسن منیم باشێما نه ایشلر آچمێسان؟! پالان‌دوزون قیزی دئدی: - اونو دا من یئر به یئر ائیلرم. سن فقط منه قیرخ دانا کفن گتیر، بونلاری کفن‌لییم. حرامی‌باشی کفن‌لری حاضرلادێ، ایکی یاندان جنازه‌لری کفن‌لدیلر. سوْنرا حرامی‌باشی ایش اۆچون قصردن چێخیب گئتدی. پالان‌دوزون قیزی جنازه‌لرین بیرینی گتیریب قوْیدو کۆچه‌ده قاپێ‌نین قاباغێنا، باشلادێ زار - زار آغلایێب، باشینا دؤڲمه‌ڲه کی: - وای، یازیق اوْلدوم، اَریم! اومودوم! گئتدی الیمدن... وای، ایندی من تک بیر آرواد، تکباشیما بو جنازه ایله نئینه‌ییم؟! اوْردان بیر درویش گئچیردی. گؤردۆ بیر آرواد باشێنا دؤڲۆب، باغێریر، آغلایێر. سوْروشدو: - آی باجی! نیه باغێریب آغلایێرسان؟ پالان‌دوزون قیزی دئدی: - داری دنیادا تکجه بیر اریم وار ایدی، اوْ دا الیمدن گئتدی. ایندی هئچکیمیم یوْخدور آپارێب اوْنو قویولاسێن. درویش دئدی: - منه پول وئرسن آپارێب قویولارام. پالان‌دوزون قیزی دئدی: - آخی بو کیشی منی چوْخ سئوردی، جنازه‌سینی قویولایاندان سوْنرا گینه قایێدیب گلَر. درویش تعجب ائله‌ییب، دئدی: - مۆمکوناتی یوْخدور! بئله بیر ایش اوْلماز. سوْنرا دا اؤز - اؤزۆنه دئدی، "بو تۆن به تۆنو ائیله قویولارام کی، یۆز ایله کیمی بو ائوه قایێتماق فیکرینه دۆشمه‌سین!" #آردێ_گلن_سایێدا.... @SancaqDergisi https://t.me/Sancaq_media/6743

⭕️آذربایجان فوْلکلور ناغێل‌لاریندان 🟣پالان‌دوز-ون قێزی ✍️یازان: نورالدین سالمی چئویرن: #سوسن_نواده‌‌‌رضی دوْققوزونجو بؤلۆم گؤردۆ خبر - اتر یوْخدور. الینی اوزالتدێ دوْستونو صاندێقدان چێخارتسین، گؤردۆ صاندێغین ایچی دوْلودور سویونان، ایچینده‌کی آدام دا بوْغولوب اؤلۆب. اوْ بیری صاندێقلاری دا آچدێلار، گؤردۆلر آداملارین هامێسی اؤلۆب! قوْجا کیشی دئدی: - حرامی‌باشی! هلبت بو بلانی دا، پالان‌دوزون قیزی باشێمیزا آچێب. حرامی‌باشی ایله قوْجا کیشی، خینگ - خراب، غضبلی - ناراحات، صاندێقلاری چاتدیلار دَوه‌لره، گئجه‌نین قارانلێغیندا سس- سمیرسیز پادشاه‌ قیزی‌نین قصریندن چێخیب، اؤز قصرلرینه گئتدیلر. حیرصی باغێرساغینی کَسن حرامی‌باشی، قوْجا کیشی‌یه دئدی: - هر یانداندیر گرک بو قیزی منه ائلچی‌لیک ائده‌سن. قوْجا کیشی دئدی: - منیم الیمدن هئچ نه گلمز! حرامی‌باشی دئدی: - بو سؤزلر منیم باشێما گیرمز! گرک بو قیزی منه ایسته‌یه‌سن. قوْجا کیشی لابید قالێب، قبول ائیله‌دی و صاباحێسی گۆن قیزلارین قصرینه گئتدی. اوْنو شاهزاده خانێمین یانێنا آپاردێلار. شاهزاده خانێم، قوْجا کیشی‌دن گلمه‌سی‌نین سببینی سوْروشدو. قوْجا کیشی دئدی: - گلمیشم پالان‌دوزون قیزینی حرامی‌باشی اۆچون ائلچی‌لیک ائیله‌یم. پادشاهێن قیزی دئدی: - بو ایش غیر مۆمکوندور! پالان‌دوزون قیزی یاواشجا دئدی: - شاهزاده خانێم! سیز بو ایشی قبول بویورون، من اؤزۆم یئر به یئر ائیلرم! پادشاهێن قیزی آرتیق هئچ نه دئمه‌دی، قوْجا کیشی ده سئوینجیندن گۆله گۆله اؤز قصرلرینه قایێدیب، خبری رئیسینه وئردی. *** قوْجا کیشی گئدندن سوْنرا پادشاهێن قیزی دئدی: - آی قیز بو نه ایشدیر گؤرۆرسن؟! اؤزۆنۆ اؤلۆمه وئرمک ایستیرسن؟! پالان‌دوزون قیزی دئدی: - شاهزاده خانێم ساغ اوْلسون! دوْغروسون ایسته‌سز، من حرامی‌باشی‌دان خوْشوم گلیر. اۆرکلی و جسارتلی آدامدیر. بیلیرم اوْ دا منی سئوه‌جک. سیز مندن نیگران اوْلمایین، من اوْنو دوْغرو یوْلا سالاجاغام. آنجاق بیر نئچه شئیه احتیاجیم وار، سیزدن ایستیرم دستور وئره‌سیز اوْنلاری منه حاضێرلاسینلار. پادشاهێن قیزی سوْروشدو: - ایسته‌دییین نه‌دیر؟ پالان‌دوزون قیزی دئدی: - لطفاً امر ائیله‌یین بیر مجسّمه دۆزه‌لتسینلر کی، لاپ منه بنزه‌سین. بیر ده بیر تولوق شیره و بیر صاندێق منه گتیرسینلر. شاهزاده خانیم سوْروشدو: - بونلارلا نئله‌یه‌جکسن؟! پالان‌دوزون قیزی دئدی: - ایندی دییه بیلمه‌رم. سوْنرا باشا دۆشه‌جکسیز! *** نئچه گۆندن سوْنرا توْی مجلیسی قورولدو. توْی گئجه‌سی پالان‌دوزون قیزی مجسّمه‌نی گؤزل- گؤیچک بزه‌دی، اۆزونه توْر سالدێ، باشێنا گلین چادراسێ سالدێ، تولوغو دا مجسّمه‌نین قارنێنا یئرلشدیردی. سوْنرا مجسّمه‌نین بوْینونا بیر ساپ باغلادێ، ساپێ اوزالتدێ صاندێغا کیمی، اؤزۆ ده گیردی صاندێغین ایچینه گیزلندی. حرامی‌باشی صبیرسیزلیکله گؤزلۆردۆ مراسیم باشا چاتسێن، و اؤز - اؤزۆنه فیکرلشیردی پالان‌دوزون قیزینی بئله ائده‌جَـڲم - ائله ائده‌جـڲم... چال - اوْیناسێن قورتولوب توْی باشا چاتدێ، حرامی‌باشی گرده‌یه (حجله‌یه) گیردی. گؤردۆ گلین‌خانێم صندل اۆسته اوْتوروب، باشێنی دا سالێب آشاغا. حرامی‌باشی دئدی: - یاخشی، یاخشی، پالان‌دوزون قیزی، سوْنوندا بیر بیریمیزه چاتدێق! من سنین هوش- باشێوا وورولدوم. آما سن منیم دده‌می یاندێریب، منیم ائویمی یێخدین! دئنه گؤرۆم، قوْجا کیشی‌نی قۇیونون تَکینه سالان، سن ایدین می؟ گئچمیشلرده رسم بؤیله ایمیش کی، گلین دانێشمازمیش، دامادین جوابێندا تکجه باشێنی دَبردرمیش. پالان‌دوزون دا قیزی ساپێ چکدی، مجسّمه باشێنی دَبرتدی، یانی کی، بلی! - قوْجا کیشی‌‌نی چارمێخا چکن ده، سن ایدین می؟ گینه قیز ساپێ چکدی، مجسّمه‌نین باشی ترپَندی کی، بلی! - قوْجا کیشی‌نی زیندانا سالان دا، سن ایدین می؟! - بلی! - گؤیرچین‌لری حاماما سالان دا، سن ایدین می؟! - بلی! - قصرین آچارێ یئرینه قوْجا کیشی‌نین خالێنی منه گؤندرن ده، سن ایدین می؟! - بلی! - منیم قیرخ حرامی‌می قاینار سودا بوْغوب، اؤلدۆرن ده، سن ایدین می؟! - بلی! حرامی‌باشی بیردن باغێردی: - غریبه اۆزون وار سنین! باشێما بو قدر اوْیون گتیرمیسن، اؤزۆن ده بلی دئییرسن؟! ایندیجه سنینکینی سنه وئررم! #آردی_گلن_سایێدا.... @SancaqDergisi https://t.me/Sancaq_media/6687

⭕️آذربایجان فوْلکلور ناغێل‌لاریندان 🟣پالان‌دوز-ون قێزی ✍️یازان: نورالدین سالمی چئویرن: #سوسن_نواده‌‌‌رضی سککیزینجی بؤلۆم سوْنرا دا باشلادی قوْجا کیشی‌نین باشێنی داراماغا. دارایاندا الی دَڲدی کیشی‌نین باشێنداکی بؤیۆك خالا. اوجادان سوْروشدو: - عمه جان! بو دا نه‌دیر؟! قوْجا کیشی اوتانا - اوتانا دئدی: - قیزیم خال‌دیر. پالان‌دوزون قیزی دئدی: - واااای! نه ده یئکه خال‌دیر. بونون سیزه خطری وار، ایندیجه گرک بونو کسیب، قوْپاردام! یوْخسا بو خال سیزی آیاقدان سالار. *** قوْجا کیشی اؤزۆنۆ تاپێب، جواب وئرینجه، قیز بیر تیغه گتیریب، اوْنون باشێنداکی خالێ کسدی. سوْنرا دا هوشدان گئدن قوْجا کیشی‌نی آپاردێ قوْناغا مخصوص اوْتاقدا یاتێرتدی. پالان‌دوزون قیزی قوْجا کیشی‌نین خالێنی بۆکدو بیر پارچایا، قوْیدو عمه جانێسی یا همان قوْجا کیشی‌نین میتککه‌سی‌نین آلتێندا. گئجه یارێسی قوْجا کیشی هوشدان آیێلدی، حال‌سێز - اینجارسێز ال آپاردێ میتککه‌نین آلتێنا گؤردۆ قیز آچارێ بۆکوب، پارچایا قوْیوب اوْرا، سئویندی، دوردو دستمالی دا گؤتۆردۆ یاواش قصردن چێخدی. حرامی‌باشێ بۆتون گئجه‌نی یاتمامێشدی و اوْتورموشدو قوْجا کیشی‌نی گؤزلۆردۆ. قوْجا کیشی گلمک همن، حرامی‌باشێ سوْروشدو: - آچارێ گتیره بیلدین؟ - بلی قربان! آرتێق بو اوْیونباز قیزلار اوْوجوموزدادێرلار. قوْجا کیشی بونو دئییب، پارچانێ وئردی حرامی‌باشێ‌یا. حرامی‌باشێ پارچانێ آچدێ، گؤردۆ ایچینده بیر اَت خالێ وار. حیرصی قالخدی تپه‌سینه، دوردو قوْجا کیشی‌یه نه یئمیسَن تورشولو آش، حسابی کؤتک ویردی. قوْجا کیشی دئدی: - قربان منی وێرما! هر نه بلا گتیریب‌سه، اوْ پالان‌دوزون قیزی گتیریب باشێما! سونرا دا بۆتون جریانێ حرامی‌باشێ‌یا تعریفله‌دی. حرامی‌باشێ دئدی: - دئمک پالان‌دوزون قیزی‌نین ایشی اوْرا چاتێب کی، منی سَریییر؟! هامێسی‌نین دده‌سینی یاندێراجاغام، هر نه کلک ایله اوْلسا قصرلرینه گیره‌جَـڲم. قوْجا کیشی دئدی: - قربان عاغلێما بیر فیکر گلدی. - نه فیکری؟! - قربان! دستور وئرین قێرخ دانا صاندێق دۆزه‌‌لتسینلر. سیز و قێرخ حرامی گیرین اوْ صاندێق‌لاردا گیزله‌نین. صاندێق‌لاری دَوه‌لره یۆکله‌ریک، سوْنرا دا مال‌التّجاره‌دیرلر دئیه قیزلارین قصرینه آپارارێق. گئجه صاندێق‌لاردان چێخیب، قیزلارا هجوم ائدریک. حرامی‌باشی دئدی: - آفرین! یاخشی فیکردیر. پالاندوزون قیزی، قوْجا کیشی قصردن چێخاندان سوْنرا گئتمیشدی داما، بۆتون بو سؤزلری ائشیتدی. سحر شاهزاده خانیم یوخودان دوراندان سوْنرا، پالان‌دوزون قیزی گئدیب، اوْنا دئدی: - شاهزاده خانیم ساغ اوْلسون! دستور وئرین قێرخ دانا بؤیۆك قازانێ دوْلدورسونلار سو ایله و قوْیسونلار اوْد اۆستونده قایناسێن. شاه‌ێن قیزی دئدی: - نیه کی؟ نه ایش اۆچوندور بو؟ پالان‌دوزون قیزی دئدی: - سیز نیگران اوْلمایین! قێرخ حرامێ‌لر ایستیرلر گئجه‌ وقتی بیزه سالدێرسینلار. آما من ده اوْنلار ائله بیر نقشه چکمیشم کی، بیر داها بئله بیر فیکرلر بئیین‌لرینه گلمه‌سین! گۆن‌باتان چاغێ، حرامی‌باشی تاجیرلر پالتارێندا ایڲیرمی دانا دَوه‌ده یۆکله‌نمیش اوْلان مال‌التّجاره‌سی ایله تاپێلیب گلدیلر. قوْجا کیشی ده ساریبان اوْلدو. قصرین قاپێسی‌نی دؤڲدۆلر. پالان‌دوزون قیزی، اۆزونده روبند، گلیب آچدێ قاپێنی. حرامی‌باشی دئدی: - خانیم من تاجیرم، چین و ماچین‌دن گلمیشم. شاهزاده خانیم اۆچون مال‌التّجاره گتیرمیشم. قیز اوْنلارا بویور ائله‌ییب، آپاردی قصرین حیطینه. حرامی‌باشی دئدی: - هاوا قارانلێقلاشیر، گئجه وقتی جنس‌لریمیزی امللی - باشلی گؤره بیلمزسیز. اجازه وئرسز گتیردیڲیمیز مال‌لاری صاباح سحر خانیملارا تقدیم ائدك. پالان‌دوزون قیزی قبول ائیله‌ییب، دستور وئردی حرامی‌باشێ و قوْجا کیشی اۆچون بیر اوْتاق حاضرلاسێنلار کی، گئجه‌نی اوْردا قالیب دینجه‌لسینلر. هاوا قارانلاشێنجا، پالان‌دوزون قیزی بۆتون قیزلاری حیطه گتیریب، اوْنلارا دئدی؛ هره‌سی بیر قازان گؤتۆرسۆنلر، قازانێن سویونو یاواش - یاواش صاندێق‌لارین باشێنداکی نفس یوْلو اوْلان باجالاردان صاندێق‌لارین ایچینه تؤکسۆنلر. قیزلار هامێسی اطاعت ائدیب، قازانداکی قاینار سولارێ صاندێق‌لارین ایچینه تؤکدۆلر، سوْنرا دا گئدیب باشلارێنی آتێب یاتدێلار. یارێ‌گئجه، حرامی‌باشێ قوْجا کیشی‌نی اوْیالتدی کی: - قالخ آیاغا! دور تئز گئدک صاندێق‌لاری آچاق! ایکیسی آیاق‌لارێنی دَره - دَره اوْتا‌قدان چێخیب، حیطه گئتدیلر. حرامی‌باشی بیرینجی صاندێغین باشێنی آچێب، دئدی: - یاواش چێخ ائشیڲه! سس سالما! #آردی_گلن_سایێدا.... @SancaqDergisi https://t.me/Sancaq_media/6669

⭕️آذربایجان فوْلکلور ناغێل‌لاریندان 🟣پالان‌دوز-ون قێزی ✍️یازان: نورالدین سالمی چئویرن: #سوسن_نواده‌‌‌رضی یئددینجی بؤلۆم پالان‌دوزون قیزینا دئدی: - آتام هر آیێن هلالێنی گؤرۆنجه بو سینه‌ریزه باخار. هر نه تهر اوْلسا گرک گئدیب، منیم سینه‌ریزیمی گتیره‌سن، یوْخسا آتاما دئیه‌جَـڲم سن بیزی قێرخ حرامی‌نین قصرینه آپاردێن. پالان‌دوزون قیزی دئدی: - اوْلسون خانێم. فقط منه بیر آز وقت وئرین. صاباحێسی گۆن سحر چاغی پالان‌دوزون قیزی یئنه گئتدی داما. باخدێ گؤردۆ قوْجا کیشی ایشله‌مکده‌دیر، اوْنا دئدی: - سلام عمی جان! سحرین خیر اوْلسون. قوْجا کیشی دئدی: - سنین ده سحرین خیر اوْلسون قیزیم. - عمی! اجازه وئریرسن گلیم آشاغی‌یا؟ - البته قیزیم، گله بیلرسن. قوْجا کیشی یئنه نردووانی دایادێ دووارا، قیز نردوواندان ائندی حرامی‌لرین قصری‌نین حیه‌طینه. قوجا کیشی دئدی: - قیزیم دۆنن بیردن بیره غیب اوْلدوز؟ نئجه حامامدان چێخیب گئتدیز؟ حرامی‌باشێ چوْخ غضبلندی. پالان‌دوزون قیزی دئدی: - عمی جان! حامامدا شاهزاده خانێمین حالی بیردن خراب اوْلدو. گؤردۆک سیزه خبر وئرسک سیزه دردیسر اوْلار بیردن، گئتدیک اؤز قصریمیزه کی، حکیم گتیرک داوا - درمان ائیله‌سین. عمی جان! شاهزاده خانیمین سینه‌‌ریزی حامامدا قالێب، زحمت اوْلماسا اوْنو وئرین آپاریم. قوْجا کیشی دئدی: - قیزیم سینه‌ریزی حرامی‌باشی گؤتوروب. منیم الیمدن هئچ نه گلمز. پالان‌دوزون قیزی دئدی: - عمی جان! سینه‌ریزی منه گتیرسن، من ده قصرین آچارێنی وئررم سیزه. قوْجا کیشی سوْروشدو: - آخی نه تهر قیزیم؟ قیز دئدی: - سن بو گئجه آرواد پالتارێ گئیین، منیم عمه‌م آدێنا گَل بیزیم قصره، سینه‌ریزی ده گتیر. من ده قصرین آچارینی سنه وئره‌جَـڲم. قیزین سؤزۆ عاغیلا باتان ایدی. قوْجا کیشی قبول ائیله‌دی و چوْخ دا سئویندی. چۆنکی یاخشی فرصت قاباغێنا چێخمیشدی کی، حرامی‌باشی‌نین یانێندا یئرینی شیرین سالسێن. گئجه اوْلدو، قێرخ حرامی‌لر و حرامی‌باشی قصره گلدیلر. قوْجا کیشی حرامی‌باشی‌یا دئدی: - قربان من بیر یوْل عاغلیما گلیب کی، قیزلارین قصرینه گئده بیلک. حرامی‌باشی دئدی: - نه یوْلو؟ قصرین بۆتون بور - بوجاغی باغلی‌دیر. هئچ بیر یوْل یوْخدور اوْرادان قصره گیرک. قوْجا کیشی سئوینه - سئوینه پالان‌دوز قێزێن دئدیکلرینی حرامی‌باشێنا تعریفله‌ییب، اوْندان ایسته‌دی بیر دست آرواد پالتاری اوْنا وئرسینلر. قوْجا کیشی آرواد پالتارێ گئیدی، باشێنا بیر چادرا سالدێ، اۆزونه روبند (نیقاب) تاخدێ گئتسین، حرامی باشی دئدی: - عمی! پالان‌دوزون قیزی چوْخ زرنگ‌دیر، گرک چوْخ موغایات اوْلاسان باشێوا بؤرک قوْیوب، سینه‌ریزی موفته‌سینه الیندن چێخارتماسین. باشا دۆشدون مو؟ - بلی قربان! قوْجا کیشی سینه‌ریزی حرامی‌باشی‌دان آلێب، قیزلارین قصرینه سارێ یوْلا دۆشدو. قاپێنی چالماق همان، پالان‌دوزون قیزی قاچا قاچا قاپێ‌یا گلدی. اوجا سس ایله دئدی: - به‌به منیم عزیز عمه جانیم! نه عجب گلمیسن بیزه؟ قوْجا کیشی سسینی اینجه‌لدیب دئدی: - سلام قیزیم. کئفین احوالین نئجه‌دیر؟ ان شاءاللّه کی، لاپ یاخشی‌سان! پالان‌دوزون قیزی دئدی: - چوْخ ساغ اوْل عمه جان. بویور! بویور! خوْش گلمیسن، صفا گتیرمیسن! نئجه ده یاخشی وقت گلمیسن، بیز ده ایستیردیک شام یئیک. ائله کی، شامی یئدیلر. پالان‌دوزون قیزی یاواشجا سوْروشدو: - عمی جان! سینه‌ریزی گتیرمیسیز؟ قوْجا کیشی دئدی: - هن قیزیم گتیرمیشم. بونو دئییب، چێخارتدی سینه‌ریزی وئردی پالان‌دوزون قیزینا. پالان‌دوزون قیزی دئدی: - عمی جان! نئجه کی سؤز وئرمیشم، قصرین آچارێنی گئجه قوْیاجاغام سیزین میتککه‌زین آلتێنا. سوْنرا اوجا سس ایله دئدی: - عمه جان! بیزیم عادتیمیز وار گئجه‌لر ساچێمیزی دارارێق. گتیر سنین ده ساچلاریوی من داراێیم. قوْجا کیشی دئدی: - یوْخ قیزیم! من سحر حامامدان چێخمیشام، اوْردا باشێمی دارامێشام. پالان‌دوزون قیزی ال چکن دڲیلدی، اوْ قدر یالوارێب یاخاردێ، آخێردا کیشی راضی اوْلدو، دئدی: - خانیملار چوْخ باغێشلایین! منیم باشێم یارا تؤکۆب، اۆستونه داوا تؤکۆب باغلامێشام، چَرقدیمی آچا بیلمه‌رم. قیز دئدی: - عیبی یوْخدور عمه جان، ایندی کی بؤیله‌دیر فقط تئلیوی دارایارام. #آردی_گلن_سایێدا... @SancaqDergisi https://t.me/Sancaq_media/6633

⭕️آذربایجان فوْلکلور ناغێل‌لاریندان 🟣پالان‌دوز-ون قێزی ✍️یازان: نورالدین سالمی چئویرن: #سوسن_نواده‌‌‌رضی آلتێنجی بؤلۆم پالان‌دوزون قیزی بونو ائشیدجک رنگ - رۇفو آتدێ، اۆر‌‌ه‌ڲی سکسکه‌یه دۆشدو. اؤز - اؤزۆنه دئدی، ایندی من نه داش سالێم باشێما؟! شاهزاده خانیم بیلسه منیم دده‌می یاندێرار. بیر آز اوْتوروب، دامدا فیکرلشدی بلکه بیر چاره یوْلو تاپسێن. سوْنرا دا دامدان ائنیب، گئتدی شاهزاده خانیمین یانێنا کی: - شاهزاده خانیم ساغ اوْلسون! گئتمیشدیم دامدا بیر آز هاوام دَڲیشیلسین، گؤردۆم قیرخ حرامی‌لر حیطده دانێشیرلار. ائشیتدیم ایستیرلر بیزی صاباح شاما چاغێرسینلار. تئز گلدیم سیزه خبر وئرم. شاه‌ێن قیزی بتر عصبانی اوْلدو کی: - مگر من سیزه تاپشێرمامیشدیم قصردن ائشیڲه چێخمایاسیز؟! اوْ قدر گئدیب - گلدیز کی، آخێردا اوْنلار بیزیم سرّیمیزی بیلدیلر. ایندی من نئیله‌ییم؟ حرامی‌باشی‌یا نه جواب وئریم؟! پالان‌دوز‌ون قیزی دئدی: - شاهزاده خانیم! سیز نیگران اوْلمایین، ایشلری تاپشێرین منه، من یوْلونا سالارام. شاهزاده خانیم دئدی: - بس صاباحین دعوتینی نئینه‌یک؟ پالان‌دوزون قیزی دئدی: - سیز دعوتی قبول ائیله‌یین. فقط امر ائیله‌یین قێرخ‌بیر دانا چمدان، قێرخ‌بیر دانا دا گؤیرچین بیزه حاضێرلاسینلار. شاه‌ێن قیزی قبول ائله‌دی. صاباحێسی گۆن سحر چاغی، قوْجا کیشی گلدی شاهزاده خانیمین قصرینه و اوْنلاری شاما قوْناق چاغێردی. شاهزاده خانیم دا قبول ائیله‌دی. قوْجا کیشی گلیب حرامی‌باشی‌یا خبر وئردی، قێرخ حرامی‌لر و حرامی‌باشی سئویندیلر. گئجه اوْلدو، قیزلار هامێسی عینی هم پالتار گئیدیلر، اۆزلرینه روبند تاخدێلار، هره‌سی بیر چمدان گؤتۆردۆلر گلدیلر قێرخ حرامی‌لرین قصرینه. بیر بیر گیردیلر ایچری، سلام وئردیلر. قێرخ حرامی‌لر اوْنلار اۆچون اعلا و مفصل شام تدارک گؤرمۆشدۆلر. شامی یئیندن سوْنرا، شاهزاده خانیم حرامی‌باشی‌یا دئدی: - شاهزاده خانیم و اوْ بیری خانیملار عادتلری وار شامدان سوْنرا حامام ائیله‌سینلر. لطفاً دستور وئرین حامامی قێزدیرسینلار. حرامی‌باشی قوْجا کیشی‌یه دستور وئردی: - گئت حامامی قێزدیر، حاضێرلا! حامام قێزیشاندان سوْنرا قیزلار گئتدیلر سوْیۇنان یئره، شاهزاده خانیم باشلادێ پالتارلارێنی سوْیونماغا. پالان‌دوزون قیزی دئدی: - شاهزاده خانیم نه قایێریرسیز؟ تئز گئیین پالتارێزی. سوْنرا اۆزونو توتدو قیزلارا، دئدی: - قیزلار! چمدانلارێزی آچێن و گؤیرچین‌لری اؤتۆرۆن حاماما. قیزلار بؤیله ائیله‌دیلر. سوْنرا دا یاواشجاسێنا قصرین دالێ قاپێسیندان اکیلیب، گئتدیلر اؤز قصرلرینه. بیر آز گئچدی. حرامی باشی قوْجا کیشی‌یه دئدی: - عمی، گئت گؤر قیزلارین حامامی قورتولمادی؟! قوْجا کیشی گلیب پالتار سوْیونان یئرین دالێسیندان قولاق وئردی، گؤردۆ شالاپ - شۇلوپ سسی گلیر. قایێدیب دئدی: - خیر قوربان! قیزلار هله یۇیونورلار. یۇیونوب سولاشێرلار. ائیله سس - کۆی سالیبلار گل گؤره‌سن! بیر آز دا گئچدی. حرامی‌باشی دئدی: - عمی اوْنلار نئینیرلر؟! گئت گؤر حامام ائیله‌مکلری باشا چاتمادی؟! قوْجا کیشی یئنه گئدیب، قاپێ دالێندان قولاق یاتێرتدی، هله ده شالاپ - شولوپ سسی گلیردی. قایێدیب دئدی: - هله قورتولماییبلار یویونماقدان. حرامی‌باشی غضب‌لَنیب دئدی: - آخێ آی کیشی، حامام ائیله‌مک بو قدر چکمز کی! منیم حوصله‌م قاچدێ داها، دورون بیرلیکده اوْنلارا سالدێراق! قوْجا کیشی دئدی: - قوربان اوْنلار قوْناقدیرلار. حرامی‌‌باشی دئدی: - منیم قولاغێما گیرمز بو سؤزلر. قوْناق - موْناق بیلمه‌رم. دئنه هاممێ حاضێرلاشسین، سالدێراجاغیق. قێرخ حرامی، حرامی‌باشی ایله بیرگه یۇمولدولار حاماما. حامامین قاپێسینی وێریب سێندیردیلار، آما گؤردۆلر قیزلاردان خبر - اتر یوْخدور! گؤردۆلر حامامین ایچینده قێرخ بیر دانا گؤیرچین قاناد چالێب، بو یان – اوْ یانا اوچوشورلار! حرامی‌لر قایێدیردیلار، حرامی‌باشی‌نین گؤزۆ ساتاشدێ بیر سینه‌ریزه. دئمه شاه‌ێن قیزی گئییننده سینه‌ریزی دۆشوب یئره، اوْ دا بیلمه‌ییب. حرامی‌باشی دئدی: - یاخشی، عمی! پالان‌دوزون قیزی یئنه بیزی رنگلدی. اوْنونکونو اوْنا وئررم! بو یاندان، شاهزاده خانیم قصره یئتیشندن سوْنرا گؤردۆ سینه‌ریزینی حرامی‌لرین قصرینده قوْیوب! چوْخ ناراحات اوْلوب، ال - ایاغا دۆشدو. #آردی_گلن_سایێدا.... @SancaqDergisi https://t.me/Sancaq_media/6598

⭕️آذربایجان فوْلکلور ناغێل‌لاریندان 🟣پالان‌دوز-ون قێزی ✍️یازان: نورالدین سالمی چئویرن: #سوسن_نواده‌‌‌رضی بئشینجی بؤلۆم قوْجا کیشی دئدی: - یوْخ قیزیم! عیبی یوْخدور، جانین ساغ اوْلسون. هله کی گؤردۆڲۆن کیمی حالێم یاخشێ‌دیر. پالان‌دوزون قیزی دئدی: - عمی جان! اجازه وئریرسن یئنیم آشاغایا؟ قوْجا کیشی دئدی: - البته قیزیم. قوْجا کیشی نردووانی قوْیدو، قیز یئندی حیطه و هر گۆنکو کیمی گئتدیلر بیرلیکده قصری گزیب دوْلانماغا. قوْجا کیشی دئدی: - بو گۆن سنی گزدیرمییه‌جَـڲم. گرک منه دییه‌سن کیمسن و سؤزۆنۆ ائتدیڲین شاهزاده خانیم کیمدیر؟ پالان‌دوزون قیزی گؤردۆ بو کز گرک اؤزۆنۆ تانێتدیرسین، لابید قالێب، دئدی: - گرک سؤز وئره‌سیز منیم سرّیمی هئچ یئرده دئمیه‌جکسیز. قوْجا کیشی دئدی: - سؤز وئریرم. پالان‌دوزون قیزی اؤزۆنۆ تانێتدیریب، دئدی: - من و اوْتوز دوْققوز نفر آیرێ قیز، شاهزاده خانیم ایله بیرلیکده سیزین قوْنشولوغوزدا یاشایێریق. البته بو بیر سرّدیر، سیز بونو قێرخ حرامی‌لردن گیزلین ساخلامالێ‌سیز. قوْجا کیشی دئدی: - آرخایێن اوْل قیزیم! سوْنرا اوْتاقلاری بیر بیر گزدیلر تا یئتیشدیلر قارانلێق، قوْرخمالێ بیر اوْتاغا. قیز سوْروشدو: - عمی جان، بورا هارادێر؟ قوْجا کیشی دئدی: - قیزیم بورا زنداندیر. بورانێن دیبینده ده قارانلێق یئر وار. قێرخ حرامی‌باشی ارباب‌لاری، پوللولاری و باشێ بدنینه دَڲن آداملاری گتیریب بوردا توتساق ائیلر کی، آغێزلاریندان سؤز چکسین سوْنرا دا مال - مۆلک‌لرینی یییه‌لنسین. پالان‌دوزون قیزی دئدی: - عمی جان، گئدک ایچری یاخێندان گؤرک نئجه بیر یئردیر بورا؟! قوْجا کیشی دئدی: - قیزیم بورا خطرلی‌دیر، بیردن قوْرخوب هوشدان گئدرسن. قوْی اوّل من گئدیم، سوْنرا سن منیم آرخامجا گیر ایچری. قوْجا کیشی قارانلێق یئره گیرمک همن، قیز تئز قاپێنی باغلادێ! قوْجا کیشی‌نین هارای – بیدادلارێنی سایمادێ، تئز اوْردان چێخدی. گئچن گۆنلر کیمی گئدیب بیر مئژمئیی گؤتۆردۆ، ایچینی دوْلدوردو قێزیل، جواهیر و باهالێ شئیلرله، سوْنرا دا قصردن چێخدی. شاه‌ین قیزی یوخودان دوراندان سوْنرا پالان‌دوزون قیزی مئژمئیینی اوْنا گتیریب، دئدی: - شاهزاده خانیم ساغ اوْلسون! قوْجا خالام سفردن گلیب، منه بونلاری سوغات گتیریب. شاهزاده خانیم بو ایشه لاپ هوْیوخ قالمێشدی آما اۆزونه گتیرمه‌دی. گۆن‌باتان چاغێ یئنه ده پالان‌دوزون قیزی گیزلینجه اکیلیب، گئتدی داما. اؤزۆنۆ یئتیردی قێرخ حرامی‌لرین قصری‌نین دام‌باجاسێنا، اوْردان قولاق آسدێ. قێرخ حرامی‌لر و باشچێ‌لار یوْلدان یئتیشدیلر، هر نه آختاردێلار قوْجا کیشی‌نی تاپا بیلمه‌دیلر. هر یئره باخدێلار آخێردا گؤردۆرلر سسی زنداندا قارانلێق یئردن گلیر. گئدیب قارانلێق یئرین قاپێسینی آچدێلار، قوْجا کیشی‌نی اوْردان چێخارتدیلار. قێرخ حرامی‌باشی آرتێق بو ایشلردن شبهه‌لنمیشدی. حیرص- غضب ایله سوْروشدو: - سن اوْردا نه غلط دارتێردین؟ قوْجا کیشی دئدی: - گیردیم زندانین ایچینه باخام، بیردن قاپی اؤز – اؤزۆنه باغلاندێ. حرامی‌باشی باغێردی: - توتاق کی سن اؤزۆن گیرمیسن زندانین ایچینه، بس قاپێنی کیم سنین دالێنجا قێفیل‌لاییب؟! قوْجا کیشی مات – معطل قالدی کی نه جواب وئرسین. *** حرامی‌لرین باشچێ‌سی بؤیۆك بیر قامچێ گؤتۆرۆب، اوْنو خوبونجا ینجیب، دئدی: - دۆزونو دئمه‌سن سنین دده‌وی یاندێراجاغام. قوْجا کیشی گؤردۆ بو سَفر بتر گیره گئچیب‌ و دۆزونو دئمسه حرامی‌باشی اوْنون حسابێنا بتر یئتیشه‌جک! اوْ اۆزدن لابید قالێب، دئدی: - قربانین اوْلوم، دؤڲمه دۆزونو دئییم. بیزیم قوْنشولوغوموزدا شاه‌ین قیزی، قێرخ دانا قیز ایله یاشایێرلار. قێرخ قیزین آراسێندا بیری وار، آدێ پالان‌دوزون قیزی‌دیر. بۆتون بو اوْیونلاری اوْ منیم باشێما آچێب. حرامی‌باشی دئدی: - یاخشی! دئمک بؤیله! نیه بس بونو قاباقجادان دئمه‌دین؟ قوْجا کیشی دئدی: - قربان! من اؤزۆم ده بو گۆن بو ماجرانی بیلمیشم. حرامی‌باشی بیر آز داشێنیب - دۆشوندو، سوْنرا دئدی: - بیز اوْنلارلا قوْنشویوق، بو اۆزدن ده گرک بیر بیریمیزی یاخشی تانێیاق. صاباح سحر گئت و اوْنلاری شاما قوْناق چاغێر. #آردی_گلن_سایێدا.... @SancaqDergisi https://t.me/Sancaq_media/6580

عکس بده، متن تحویل بگیر! 😊 چطوری؟ به راحتی! با استفاده از روبات متن‌کاو با استفاده از فناوری OCR عکس یا فایل ارسالی شما رو با دقت بالایی بررسی و متنش رو استخراج می‌کنم همین حالا امتحان کن 👇👇👇 http://telegram.me/TextRactorBot?start=70124329

⭕️آذربایجان فوْلکلور ناغێل‌لاریندان 🟣پالان‌دوز-ون قێزی ✍️یازان: نورالدین سالمی چئویرن: #سوسن_نواده‌‌‌رضی اۆچونجو بؤلۆم ایکیسی گئدیب گیردیلر قصرین ایچینه. پالان‌دوزون قێزی قصرین بؤیۆک - بؤیۆک دالان‌لارێنی، جاه - جلال‌لی اوْتاقلارێنی گؤردۆکجه تعجبدن آغزێ آچێلا قالێردی. هر هانسی اوْتاغا گیریردیلر، قێزیل - گۆموش‌لر، جواهیرلر، زینت اسباب‌لاری گؤز قاماشدێریردی. بیر اوْتاق‌ قێزیل - گۆموشه مخصوص ایدی، بیری باهالێ داش‌لارا - جواهیرلره مخصوص ایدی. بیر اوْتاق‌ دوْلو ایدی باهالی - باهالی زربَفت پارچالارلار، بیرینده ده تایی - بنزه‌ری تاپێلمایان قاب - قاجاقلار قوْیموشدولار... خلاصه هر اوْتاقدا اؤزۆنه گؤره مخصوص شئیلر وار ایدی، بیری بیریندن باهالی. قصری دوْلانا - دوْلانا قوْجا کیشی قێزدان سوْروشدو: - قێزیم، دئمه‌دین سن کیم‌سن، کیملردن‌سن؟ پالان‌دوزون قێزی دئدی: - بونو سوْنرا سنه دییرم عمی جان! قصری گزیب دوْلاندێقدان سوْنرا قوْجا کیشی قێزا دئدی: - قیزیم من گرک قویودان سو چکم، آپارێب قیرخ حرامی‌لره یئمک پیشیرم. بو گۆنلوک بسدیر، گرک گئدم ایش - گۆجومه یئتیشم. بیرلیکده گئتدیلر قویونون باشێنا. قوْجا کیشی بیر نئچه دوْلچا سو چکدی. پالان‌دوزون قیزی دئدی: - عمی جان سن یوْرولدون. اجازه وئر بیر آز دا من سو چکیم. قوْجا کیشی دئدی: - یوْخ قێزیم، دوْلچا آغێردیر. سنین گۆجون چاتماز. قیز دئدی: - قوْی بیر امتحان ائله‌یک دا... کیشی قبول ائله‌دی. پالان‌دوزون قیزی ایپی قوْجا کیشی‌دن آلێب، بیر آز یوخاری چکدی. سوْنرا بیله بیله ایپی اؤتۆردۆ، دوْلچا شاپپێلتی ایله دۆشدو قویونون ایچینه. پالان‌دوزون قیزی دئدی: - ائی‌وای عمی جان! آللّه منی اؤلدۆرسۆن، دوْلچا دۆشدو قویویا! اجازه وئرین گیریم قویودان دوْلچانی چێخاردیم. قوْجا کیشی دئدی: - یوْخ قێزیم، قویونون ایچی قارانلێقدیر، هم ده دوْلودور سویونان. سنین ایشین دڲیل، ایپی باغلا منیم بئلیمه، من اؤزۆم گیره‌رم قویونون ایچینه دوْلچانی چێخاردارام. *** قێز ایپی باغلادی قوْجا کیشی‌نین بئلینه، کیشی یاواش - یاواش گیردی قویونون ایچینه. ائله کی کیشی قویونون تَکینه یئتیشدی، قیز ایپین اۇجونو اؤتۆردۆ، تئز گئتدی قصره، اوْتاق‌لارین بیریندن بیر قێزیل مئژمئیی گؤتۆردۆ، ایچینی دوْلدوردو قێزیل، گۆموش، جواهیر و باهالی پارچالارلا. سوْنرا گلدی حیطه، نردووانی قوْیدو یئرینه، قایێدیب گلدی اؤز قصرلرینه. گؤردۆ قیزلار هله یاتێبلار. پادشاه‌ێن قیزی یوخوندان دوراندان سوْنرا، پالان‌دوزون قیزی غنیمت آلدێغی مئژمئیی‌نی آپاردی اوْنون قۇللوغونا، دئدی: - شاهزاده خانیم ساغ اوْلسون! بو مئژمئیی‌نی عمیم منه هدیه گؤندریب. پادشاه‌ێن قیزی تعجب ائیله‌دی. اؤز - اؤزۆنه دئدی، پالان‌دوز قیزی اوْلاسان بؤیله هدیه گؤندره‌لر بیله‌وه؟! هر نه! هاممێ قیزلار سئوینیب، هدیه‌لری اؤز آرالارێندا پایلاشدێلار. گۆن باتاندان سوْنرا، پالان‌دوزون قێزی گینه ده گیزلینجه گئدیب چێخدی داما بیر یوخلاسین گؤرسۆن نه خبر وار. گؤردۆ قیرخ حرامی‌لر گلیبلر و گیلی - گیلی قوْجا کیشی‌نی آختارێرلار. هر یئره باش چکیردیلر. قیرخ حرامی‌لر باشچێسی گؤردۆ قویودان سس گلیر. قولاق وئردی گؤردۆ قوْجا کیشی‌نین سسی‌دیر. ایپ گتیریب، قوْجا کیشی‌نی قویودان چکیب چێخارتدیلار. قیرخ حرامی‌لر باشچێسی ایری گؤوده‌لی، اوجا بوْیلو بیر کیشی ایدی. اوْ، اۆزونو قوْجا کیشی‌یه توتوب، حیرص ایله قابا سسله سوْروشدو: - قویونون تَکینده نه غلط دارتێردین؟ قوْجا کیشی دئدی: - واللّه ایستیردیم سو چکم، سیزین اۆچون خؤرک پیشیرم، ایپ الیمدن زۆیولده‌ییب قورتولدو، دوْلچا قویونون تَکینه دۆشدو. گیردیم قویویا دوْلچانی چێخاردام، ایپ قێریلدی دۆشدوم قویویا. ایندی ده حمد اوْلسون، سیزلر گلیب دادێما چاتدێز. حرامی‌باشی چێمخیردی کی: - یاخشێ، بوراخ بو سؤزلری، تئز اوْل گئت بیزه شام حاضیرلا! پالان‌دوزون قیزی، قوْجا کیشی‌نین، اوْلوب بیتن‌ ماجرانێ حرامی‌باشێنا دئمه‌دیڲی اۆچون چوْخ سئویندی. آرخایێنجا دامدان اَنیب گئتدی قصره. صاباحێسی گۆن، قێزلارین هامێسی یوخودا ایکن، پالان‌دوزون قیزی یئنه ده یاواشجا قصرین آچارێنی گؤتۆرۆب، گئتدی داما. باخدی گؤردۆ قوْجا کیشی حیطی سۆپورور. قیز دئدی: - سلام عمی جان! قوْجا کیشی دئدی: - سلام قیزیم، نئجه‌سن؟ #آردی_گلن_سایێدا... @SancaqDergisi https://t.me/Sancaq_media/6543

⭕️آذربایجان فوْلکلور ناغێل‌لاریندان 🟣پالان‌دوز-ون قێزی ✍️یازان: نورالدین سالمی تۆرکجه‌یه چئویرن: #سوسن_نواده‌‌‌رضی ایکینجی بؤلۆم فرّاش سوْروشدو: - آتاز هاردادێر؟ پالان‌دوزون قێزی دئدی: - آتام بیر ایش دالێسیجا گئدیب، بیر آز اوْتورساز تاپێلار گلر. هاندان - گئجدن پالان‌دوز هێنقینا - هێنقینا یوْلدان یئتیشدی. فرّاش ماجرانێ پالان‌دوز کیشی‌یه تعریفلدی. پالان‌دوز دئدی: - منیم دنیادا تک بیر وارێم بو قێزیم‌دیر، اوْنو سیزه وئره بیلمه‌رم مگر اینکی اؤزۆنۆن گؤیلۆ اوْلا. پالان‌دوزون قێزی اۆزونو توتوب آتاسێنا دئدی: - آتا جان! منیم چوْخ گؤیلۆم ایستیر قصره گئدم و پادشاهێن قێزینی گؤرم. آما سنین گؤیلۆن اوْلماسا گئتمه‌رم. آتاسێ دئدی: - قێزیم من سنین خوْشبخت اوْلماغیوی ایستیرم. سنین گؤیلۆن ایسته‌سه گئده بیلرسن، من راضێیام. فرّاش خیلک خلعت - خندان و هدیه وئردی قوْجا کیشی‌یه، قێزی اؤزۆیله گؤتۆرۆب آپاردێ قصره. * ائیله کی، قصر دریلیب دؤشندی، قێرخ قێزلار و شاهزاده خانێم اۆچون حاضێرلاندی، شاه‌ێن قێزی اۆزونو توتدو قێرخ قێزلارا دئدی: - قێزلار! بیزیم قوْنشولوغوموزدا قێرخ حرامی‌لر یاشایێرلار. اوْنلار هامێسی قوْرخماز و بی‌رحم‌ (آجێماسیز)دیرلار. منیم اجازه‌م اوْلمادان هئچ بیریزین حقّی یوْخدور آیاغێنی بو قصردن ائشیڲه قوْیسون. قێزلار هامێسی قبول ائیله‌دیلر و بیرلیکده گئتدیلر قصره. قصرده قێزلارین گؤزل یاشایێشلاری وار ایدی؛ یئییردیلر، ایچیردیلر، چالێب اوْینایێردیلار، یاتێب دوروب بیرلیکده خوْش گۆنلر یاشایێردیلار. بیر مدّت بئله‌جه گئچدی. آنجاق پالان‌دوزون قێزی هر زامان قوْنشو قصرین فیکرینده ایدی، همیشه ماراق ائدیردی گؤرسۆن اوْرا کیمیندیر، اوْردا نه وار، نه یوْخ..! اؤز - اؤزۆنه دئییردی، گرک بو اوْغرولارێن ایشیندن باش چێخاردام. آخێ بونلار کیمدیلر کی، شاهزاده خانێم بو قدر بونلاردان قوْرخور؟! بیر گۆن سحر تئزدن، هله هاوا تماماً ایشێقلاشمامیشدان، پالان‌دوزون قێزی یوخودان دوروب، سس‌سیز - سمیرسیز یئریندن قالخدێ. پالتارلارێنی گئیدی، باخدێ گؤردۆ قێزلار خوْررا - خوْر یاتێبلار. یاووه‌جه قصرین قاپێ آچارێنی گؤتۆردۆ، آیاق‌لارێنی دَره - دره گئتدی چێخدی قصرین دامێنا. دامدان بوْیلانێب، قێرخ حرامی‌لرین قصرینه باخدێ. گؤردۆ چوْخ بؤیۆک، گؤزل و تماشالی بیر قصردیر کی، شاهزاده خانێمین قصری اوْنون یانێندا هئچ گؤزه گلمز، آنجاق غریبه بیر سس‌سیزلیک وار ایدی اوْردا، هئچ‌کیم یوْخ ایدی، قوو وێریردین قولاق توتولوردو. قێز خِیلک باخدێ - باخدێ، یوْرولدو ایستیردی قایێتسین، گؤردۆ بیر آرێق، اوجا قوْجا کیشی قصرین ایچیندن چێخیب گئتدی قویونون باشێنا، قویودان سو چکمه‌ڲه. قێز گؤردۆ یاخشی فرصت الینه دۆشوب کی، قێرخ حرامی‌لرین ایشیندن باش چێخارتسین. تئز گلدی دامێن قێراغیندان اَڲیلیب دئدی: - سلام عمی جان! قوْجا کیشی سسی ائشیتجک تعجب ایله باشێنی قوْوزادی باخدێ داما. گؤردۆ آی پارچاسی کیمی گؤزل - گؤیچک قێز اوْتوروب دامێن قێراغیندا. قوْجا کیشی گۆلومسونوب دئدی: - سلام قێزیم. سن کیمسن؟ اوْردا نه قاییریرسان؟ پالان‌دوزون قیزی دئدی: - عمی جان من سیزین قوْنشوزام. اجازه وئریرسن گلم حیطیزه؟ قوْجا کیشی دئدی: - البته کی گله بیلرسن قێزیم. سئوینرم گلسن. قوْجا کیشی گئدیب نردووان گتیردی، قێز دیوار‌دان ائندی اوْنلارێن حیطینه. قێز سوْروشدو: - عمی جان! بورا کیمین قصری‌دیر؟ قوْجا کیشی دئدی: - بورا قێرخ حرامی‌لرین قصری‌دیر. بوردا قێرخ دانا اوْغرو، باشچێ‌لاری، حرامی‌باشی ایله یاشایێرلار. پالان‌دوزون قیزی دئدی: - بللی‌دیر قێرخ حرامی‌نین ایش - گۆجلری بَتردیر کی، بؤیله جلال‌لی قصرلری واردێر! قوْجا کیشی دئدی: - هن قێزیم! ایش - گۆجلری چوْخ یاخشی‌دیر. سحر گۆن چێخمامیش آت‌لارێنا مینیب، چؤللره گئدرلر، کروانلاری، قافیله‌لری سوْیوب تالارلار. گئجه اوْلونجا خِیلک مال - پول، قێزیل - جواهیر ایله قصره قایێدارلار. قێرخ حرامی‌لر چوْخ قوْرخماز و شجاعتلی‌دیرلر. هئچ نه‌دن قوْرخمازلار. من ده اوْنلارین نؤکری‌یم، اوْنلارا پیشمیش پیشیررم، ایشلرینی گؤر‌رم. قیز دئدی: - عمی جان! منی آپاراسان قصرین ایچینی منه گؤستره‌سن؟! قوْجا کیشی دئدی: - البته کی آپارارام، نیه آپارمیرام! #آردی_گلن_سایێدا.... @SancaqDergisi https://t.me/Sancaq_media/6508

▫️اوشاقلیغی آلدی بیزدن ائتدی زامان بؤیوک بیزی بؤیودوکجه بوراخمادی بو قارا گونچولوک بیزی حسرت بیزله یولداش اولدو ایستک‌لریمیز کاش اولدو اوره‌یی داشدان داش اولدو دونیا ائتدی چوروک‌ بیزی باشیمیزی قاتان قاتدی بیزی آخی کیم یاراتدی یاشامامیشدیق قوجالتدی باشیمیزدا کی توک بیزی زاریما یولداش زاریما یارادان یازیب یاریما بیزی آی آللاه‌ ساریما ائتمه بؤلوک‌-بؤلوک بیزی داشیمیزی آتیبسان سن آرخایینسان، یاتیبسان سن یالان یئره چاتیبسان سن دونیا بئلینه یوک بیزی #میلاد_فطین_حور @SheirOcagi

«باسمه تعالی »              ضمن عرض سلام و ارادت خدمت شما تک،تک همراهان همیشگی و عزیزانم. این هم باز کلیپی  دو تا کلیب با دو اجرای مختلف از اشعار این حقیر با عنوان شعری خان اوغلو می باشد که قبلاً از این حقیر منتشر شده است. خان اوغلو در این مضمون اشاره به زند یاد فتح الله محمودی کلیان پدر دلسوز و فوق العاده فداکار جناب آقای مهندس سعید محمودی کلیان می باشد. ایشان اصالتا از خان های مبادی آداب و معاشرت و مقتدر سعدلو و از اقوام خیلی نزدیک این حقیر محسوب می شدند. خان های سعدلو زمانی در مقطعی از تاریخ در منطقه خلخال و کاغذکنان و همچنین شهرستان میانه با تدابیر حکیمانه شون جلوی راهزنان همچون سدی قوی ایستادگی نمودند. نامبرده در روستای کلیان کارهای خیر و جاودانه ی زیادی انجام دادند که از دید هیچ انسان منصفی دور نخواهند ماند. ارادتمند همیشگی و برادر کوچک تون علیائی کلیان 1403/7/12 https://t.me/Qoshabulaq

داریخما، ساغالماز  یارادیر منده ایسلانیر هر آخشام دوداق‌لاریمدا یاریر اوره‌گیمی، یولور ساچیمی دالغالی سئل اولور یاناق‌لاریمدا داریخیر ال‌لریم غزل‌لریمده اؤسگورور جانیمدا یالقیز اوره‌گیم شعریمین پوزولان قادینلیغیندا آجیییر باخیشیم، سولور دیله‌گیم داریخیر ایچیمده کؤرپه دویغولار باغی شاختا ووروب داغی چن باسیب اؤزونده سیخیلان داغلی بیر قادین دردی داملا-داملا گؤزوندن آسیب داریخیر خیالیم دایانیر  قانیم وارلیغیم چکیلیر اؤزومده  دارا جان‌آییم آه چکیر گئجه‌لر بویو سسینده سیخینتی، کؤکسونده یارا جانای 🥀🥀🥀🥀🥀

. #بیر_شعیر #بیر_تنقیدسل_قیسا_اوخونوش #کامیل_قهرمان‌اوغلو (سنی آختارمیشام بو یئرده بال قیز تاپمیشام زهرله دولو بیر کاها یالقیزسان، گئتدیین او ائوده یالقیز تنهایام، مین آدام ایچینده تنها نه هورن ایت اولدوم ، نه گلن ایشیق سن نئجه تاپایدین یولو ، یولاغی بیز نییه واختیندا تاپیشمامیشیق؟ بیز نه‌یی واختیندا تاپمیشیق آخی؟ بلکه‌ده اوتانیب او گون هؤنکوره گلین کؤچورنده او قیزلیغینی ، دردلیجه م، یاخشی‌کی هله باکیره ساخلایا بیلیبسن یالقیزلیغینی سن اوخو شعیریمی، اوخو اوزاقدا خوش عطیر گتیرسین کولک ساچیندان... بیر سئوگی دوغولوب بو آیریلیقدا ایکی یالقیزلیغین ازدواجیندان توحید نامور «آدلیم» ) اؤنجه‌لر بؤیوک تی. اِس. اِئلیوت‌دان اوخوموشدوم: «یاخشی شعیر اوولجه اینسانا لذت وئریر، سونرا اونو باشا دوشمک اوچون اوتوروب آراشدیریریق» و سئوگیلی قارداشیم توحید بئی آدلیمین شعیری منی بئله وورغولادی، دئمک، شعیر ذؤوقله و حیس‌له دولودور. و شعیرین گؤزل باشلانغیجی وار. سئوگی قوخویان حیس و دویغولارین ماهییتی‌ایله. حیس باغ، باغاتلارینین خیابانیندا نوستالژی‌ایله موشایعت اولونان « قارا بیر نوستالژی دالغالانان» سئوگی‌دن سؤز آچیلیر و دانیشیلیر: ( سنی آختارمیشام بو یئرده بال قیز تاپمیشام زهرله دولو بیر کاها یالقیزسان، گئتدیین او ائوده یالقیز تنهایام، مین آدام ایچینده تنها نه هورن ایت اولدوم ، نه گلن ایشیق سن نئجه تاپایدین یولو ، یولاغی بیز نییه واختیندا تاپیشمامیشیق؟ بیز نه‌یی واختیندا تاپمیشیق آخی؟ ) دئمک لازیمدیر شاعیر شعیرین اورتاسیندا میصراعلارینا داها چوخ سِئحر وئره بیلیر. و شعیری داها چوخ آرزولادیغی سئوگی‌یه قوربان وئریر. خیالین و حیسین ذیروه‌سی ایله قارشی: (بلکه‌ده اوتانیب، او گون هؤنکوره گلین کؤچورنده او قیزلیغینی) منجه، چیلغینلیغین، و شعیرین یوکسک حیسلرینین ذیروه‌سی بیزیم اوخودوغوموز بو آن، بو یئر و بو زاماندیر: (بلکه‌ده اوتانیب...). و بو سطیرلرده اوخوجو، و حرفه‌ای مخاطب اوچون سِئحیرلی شکیلده دویغو و عاطفه‌ایله دولو لذت باغیشلاییر سئوگیلی شاعیر قارداشیم توحید بئی. بعضن شعیرلر وار آدامین یاخاسیندان یاپیشیب، و اَلدن بوراخمیر و داها اعلا قدر راضی سالیر. داخیلده آلیشیب یانان لذتدن بهره‌لنمک اوچون بو ایشه، قاریشیریقسا، مخاطب اوچون شیرین و دویولماز لذت وئریر و باغیشلاییر. یاخشی شعیرین اؤزه‌للییی اونون دینله‌یجیسی‌ایله یاراتدیغی، چاغیریش‌دادیر منجه. ایندی اوخودوغوم بو شعیرده یاخامدان یاپیشان او شعیرلردن بیری‌ایدی آمما الیمده اولان بهانه‌لردن باشقا بیر فورصتده اؤزومو یئنیدن اونا گئتمه‌یه و داها چوخ دوشونمه‌یه مجبور ائتدیم. بو شعیر، بوتون اوبرازلا دولوب، داشیر « ایمگه» و نه اولورسا، ایستر مئتافورا، ایستر میف، و ایسترسه‌ده ماهنی و سؤزلرین هارمونیاسی اولسون، ایستر آغ صحیفه‌‌ده ائشیتدییمیز و یا گؤردویوموز سؤزجوکلرین بیرلشمه‌لرینین سایی، هئچ بیر تفاوتی یوخدور. و بیر مطفاوط شعیرررر حتمن لازیمدیرررر، بوتون بونلارلا، بو وورغولادیقلاریم واریانتلارلا دولوب داشا بیلسین و بوش قالمامالیغی گرَکلی‌دیر. (بلکه‌ده اوتانیب او گون هؤنکوره گلین کؤچورنده او قیزلیغینی ، دردلیجه م، یاخشی‌کی هله باکیره ساخلایا بیلیبسن یالقیزلیغینی...) بو سطیرلرده قات، قات ایچه‌ریسینده گیزلنمیش میصراعلار آراسیندا و داخیلی متنی تحلیل، طلب ائدن بیر دونیایا راست گلیریک: (سن اوخو شعیریمی، اوخو اوزاقدا خوش عطیر گتیرسین کولک ساچیندان... بیر سئوگی دوغولوب بو آیریلیقدا ایکی یالقیزلیغین  ازدواجیندان) بو یئنیلیک‌چی و درین دوشونجه‌لی شاعیر سایین توحید بئی آدلیمین شعیرلرینده دفه‌لرله گؤردویوموز چاغداش یاناشمالار بلکه‌ده، موعاصیر کومپونئنتلری اولان بو جور یوزوملو متن‌لرله مشغول اولماق مندن داها گوجلو قلملر و اؤز تنقید و مولاحیظه‌لرینی اساس گؤتوره بیله‌جک دوشونجه‌لر طلب ائدیر.و موعاصیر تنقیدده داها درین و بیلیک‌له قارشیلاشاجاق کی، دیگر عزیز چاغداش شاعیرلریمیزین قیمتلی اثرلرینین کئیفيتینی یوکسلتمک اوچون داها چوخ گؤزل تنقیدلر گؤره‌جه‌ییک، انشالله. سایغیلارلا: #کامیل_قهرمان‌اوغلو

📚📚📚 #قیمت_قدیم #کتابفروشی_مجازی_آیدین_خزر معرفی، نقد، و فروش کتاب لینک عضویت 👇 https://t.me/Aydinkhazarpub

#ماهنامه_سخن در #سال_نهم شروع: #آبان ۱۳۹۵ ویژه نامه جبهه ملی ایران شورای ششم (۱) • پرونده ادبی - فرهنگی استاد #شمس_خلخالی • به یاد دکتر محمود مصدق و خاندان مصدق / پروفسور #سید_حسن_امین • روح پدیده های جهان مادی / #عبدالرحمان_حسنی • روشنفکران آزادی خواه نمونه: کورش زعیم / #معصومه_قربانی • انواع ساختارهای حکمرانی! / #کورش_الماسی • تاریخچه فرقه گرایی/ #روزبه_یقینی • به ملی گرایی افتخار کنیم!/ #نوشاد_ذوالفقاری_ونکی • گفتگو با #علیرضا_شکریز • گفتکو با #عیسی_طاهریانفر • گفتگو با #مرتضی_یاوریان • آموزش با نون اضافه جدید / #محبوبه_پاکدل فرق فروید با نیچه(۲): دکتر #حسین_سلیمان_پناه ترجمه های به زبان ترکی از سروده های: #سیمین_بابایی/ #سمیه_بحرکاظمی/ #بدری_دهنوی/ #فریده_نورمحمدی_یگانه/ #مراد_قلی_پور/ #رویا_شاه_حسین_زاده/ از دکتر #کامیل_قهرمان_اوغلو از شاعران محترم تقاضای ارسال آثارشان در این ماهنامه ادبی و بین‌المللی را خواستارم . لوطفن به این آیدی ارسال بفرمایید @kamil qahramanoglu همکاران: پروفسور نورجمشید پیامی/ دکتر افراسیاب بهمنی/ دکتر بهناز شهریاری نژاد/ پگاه آرمانی #قضیه: خاستگاه سخن، رسالت تاریخی اندیشه انسانی و جمهوری آن، تبلور یافته خرد گرایی است. مدیر مسئول و سردبیر: دکتر #آریا_پورفریاد https://t.me/mahnsmeh