دانشنامەو هەورامانی

https://youtu.be/FudxIijN-Nk?si=W-9C1jn94j4iwug2 ڕەوت و ڕوومەت بڕگەو 53 دیدارێوە چەنی هومایون موحەممەد نژاد شاعر و نویسەر ئامادەکار: ڕێبوار مەحموودپوور

شینوو مامۆسا وه‌لی فه‌تاحی ✍️: خه‌میار هه‌ورامی هامڕازوو شه‌واو دڵ بێ قه‌راری سه‌رچه‌مه‌و سه‌بری و چه‌م ئێنتزاری وه‌ش¬که‌لامه‌که‌و دڵه‌ی خه‌مباری سه‌رچه‌مه‌و ڕاسی و لاره‌بازاری به‌ خه‌فه‌ت ڕیشه‌و سه‌بووری ماری چن سه‌ختا کۆچوو ده‌می وه‌هاری کۆن تا ڕۆزگار پێسه‌و تۆ بارۆ کام سه‌بروو دڵی نه‌بیه‌یت وجارۆ نیه‌نی و خه‌مت به‌ تاوه‌ وارۆ تا که‌ی چه‌م خه‌مێ نه‌بیه‌یت بژمارۆ دمای تۆ کێ هه‌ن دۆما دڵداری چن سه‌ختا کۆچوو ده‌می وه‌هاری بێ تۆ چێش که‌رۆ باخه‌که‌و جارا ڕه‌فێقێ بێ تۆ چه‌نیش ویارا هه‌راڵێ یادٚیت ڕۆحی به‌رمارا هه‌ر یادٚێ تۆنێ په‌یم گنا سارا زه‌جره‌ژانێوا بڕیای جه‌ یاری چن سه‌ختا کۆچوو ده‌می وه‌هاری ڕۆح وگیان دایێم نامێت چڕانێ خه‌مێت چن یه‌خێ سه‌برێ دڕانێ یانێ ئۆمیدی بێ تۆ وڕانێ بۆ، وینه‌ خه‌مێ چن هۆرپڕانێ داخێوه‌ت وسه‌ ئه‌و ده‌گا و شارێ چن سه‌ختا کۆچوو ده‌می وه‌هاری شۆشمێ به‌ خه‌مت هاوارش به‌رزا ناڵه‌و خه‌رمانگای به‌رشی جه‌ مه‌رزا سۆنی بێ که‌سی چن ده‌سێش له‌رزا کاکه‌ تۆی دڵم چن هه‌زار عه‌رزا ئاخ چه‌نی کریۆ ته‌حه‌مۆڵ باری چن سه‌ختا کۆچوو ده‌می وه‌هاری کۆڵه‌کێو یانه‌و وه‌ته‌نی کاکه‌ هه‌ر مه‌لی به‌ خودٚا، هه‌ر مه‌نی کاکه‌ گۆرانیێ ژیوای هه‌ر وه‌نی کاکه‌ تا ئه‌به‌دٚ جه‌ دڵ هه‌ر مه‌نی کاکه‌ ئاوه‌ڕوو بێنی په‌ی کورده‌واری چن سه‌ختا کۆچوو ده‌می وه‌هاری په‌ی هه‌ورامانی چن قه‌ڵا بێنی تۆ وێت سه‌رچه‌مه‌و حه‌وسه‌ڵا بێنێ ڕۆخانێو عێلمی وه‌روه‌ڵا بێنی تۆ که‌ی قوربانی په‌ی به‌ڵا بێنی باست که‌رانێ شکۆفێ داری چن سه‌ختا کۆچوو ده‌می وه‌هاری کۆ لوای تۆ خودٚا قه‌راره‌کێما چنگێ مێوه‌کێ و حه‌ساره‌کێما هامنوو داخێ هه‌ساره‌کێما پایێز و دیسان هه‌ناره‌کێما چه‌نی گوڵ که‌را جه‌ نۆ هه‌ناری چن سه‌ختا کۆچوو ده‌می وه‌هاری چراوه‌و به‌زموو وه‌شیما مه‌له‌ دڵوه‌شی گێڵای که‌شیما مه‌له‌ ئای خه‌مت وسته‌ن له‌شیما مه‌له‌ که‌ی وه‌ختوو پۆشای ڕه‌شیما مه‌له‌ هه‌ڵسی چه‌مه‌کام با به‌یا واری چن سه‌ختا کۆچوو ده‌می وه‌هاری سه‌رچه‌مه‌و فام و ئه‌قڵ و شعووری تاته‌و مودارای په‌ی ناسبووری حه‌یفا فاسڵێ مه‌وزه‌ما دووری سۆمایی بڕیان جه‌ چه‌می سووری چکۆنی خه‌مێ نه‌بیه‌یت بژماری چن سه‌ختا کۆچوو ده‌می وه‌هاری لوایت خه‌سار بێ په‌ی هه‌ورامانی ئاخ حاڵوو دڵوو ئێمه‌ بزانی حه‌یفا مه‌ردٚه‌بۆ سێحروو ده‌رمانی سه‌روێره‌گانه‌ی په‌ی کۆ لوانی ئای هه‌زار وه‌شڵه‌یم به‌ ساڵه‌و پاری چن سه‌ختا کۆچوو ده‌می وه‌هاری هه‌ڵای سێریما جه‌ دیه‌یت ناما بۆره‌ی دیدٚه‌نێو په‌ی سه‌روو زاما بێ تۆ دڵوه‌شی که‌ی مه‌نۆ کاما؟ ژیوای دوور جه‌ تۆ په‌یما حه‌راما بێ ده‌وا که‌وته‌ن زاموو زامداری چن سه‌ختا کۆچوو ده‌می وه‌هاری چێش که‌روو چه‌نی چۆڵی یانه‌یه‌و چن خه‌مێت نیه‌ی سه‌روو شانه‌یه‌و هاوارێ هۆرسێ جه‌ بێگانه‌یه‌و چن داخێت وسێ ده‌موو هانه‌یه‌و به‌ش چه‌واشه‌ بۆ چه‌رخوو ڕۆزگاری چن سه‌ختا کۆچوو ده‌می وه‌هاری خیاڵێت په‌یما یادگاروو تۆنێ چه‌مێ چه‌مه‌ڕا بیماروو تۆنێ عاله‌مێو چێگه‌ زامداروو تۆنێ زامداروو له‌فزی تامداروو تۆنێ وه‌ختا خاڵخاڵ بۆ به‌رزی کۆساری چن سه‌ختا کۆچوو ده‌می وه‌هاری بیه‌یت په‌ی ڕۆحی نیازا کاکه‌ ئاخ زانی خه‌مت نه‌سازا کاکه‌ داخێت دڵوه‌شی نمازا کاکه‌ نامێت به‌ڵگه‌ن و جه‌وازا کاکه‌ باوه‌ڕ مه‌کریۆ لوای نازاری چن سه‌ختا کۆچوو ده‌می وه‌هاری هه‌تا هه‌ناسێو ژیوایما بارۆ ڕۆزگار سه‌ر جه‌نۆ سه‌وایما بارۆ په‌ی مه‌نه‌ی ده‌موو هه‌وایما بارۆ ده‌وا په‌ی مه‌نه‌ی و شه‌فایما بارۆ ئینای دڵمانه‌ نه‌فه‌س به‌رماری چن سه‌ختا کۆچوو ده‌می وه‌هاری به‌ وردٚه‌ به‌زمێو سیاچه‌مانێو به‌ یادٚوو تۆوه‌ جه‌ به‌رزه‌بانێو دیدٚارێو به‌شکم که‌رمێ به‌هانێو که‌ره‌مێو که‌رۆ په‌یما سولتانێو گوڵی ته‌ماشه‌ی و سه‌روو پاساری چن سه‌ختا کۆچوو ده‌می وه‌هاری @Daneshnameh_shams

بە یادٚوو گیانشادٚ مامۆسا وەلی فەتاحی ئارۆ پەنجوو سیاوکامی په‌نجۆمین ساڵوو کۆچی ناوادٚەو ئی ئازیزیە بێ.

سڵام و ئێراده‌ت ئارۆ دوێ سیاوکامی رۆ جه‌هانی زوانی ئه‌دٚایی بێ. فره‌ هه‌وڵم دا چێوێو جه‌ باره‌و رۆ ئه‌دٚایی و زوانی هه‌ورامی بنویسوو به‌ڵام هیچم په‌ی ناما. وه‌ختێو دڵ وه‌ش نه‌بی، نه‌ هوش کار که‌رۆ و نه‌ قه‌ڵه‌م. ته‌نیا به‌ خاڵێوێ ئیشاره‌ که‌روو. ئا چێوه‌ که‌ فره‌ته‌ر پشتیوانوو زوانیه‌ن و بۆ بایێسوو نه‌فه‌وتیایش، نویسته‌یه‌ن. ئێمه‌ دماو ویس ساڵا نویسته‌ی، ئیسه‌ بیێنمێ ساحیبوو کتێبخانه‌ی و هه‌ر ساڵ چنها کتێبێ به‌ نه‌سری هه‌ورامی چاپێ کریا. ئێساڵ که‌ هه‌ڵای ساڵه‌ نه‌ته‌مامیه‌ینه‌، تا ئیسه‌ 20 کتێبێ به‌ نه‌سری هه‌ورامی چاپێ بیێنێ. ئینه‌ په‌ی ڕۆو زوانی ئه‌دٚایی مزانیێوی وه‌شا. ئینه‌یچه‌ ئێزافه‌ که‌روو دماو چن ساڵا هه‌رمانه‌ سه‌روو کتێبشناسی کتێبخانه‌و هه‌ورامانی، ئه‌گه‌ر عه‌مر باقی بی تا نه‌ورۆز کتێبه‌که‌ ئاماده‌و چاپی بۆ. ڕۆو زوانی ئه‌دٚایی به‌ گردٚیتا پیرۆز بۆ. ئێبراهیم شه‌مس 1404.12.2 https://t.me/Daneshnameh_shams

هونەروو کاکە خالێد حەبیبی نۆتشی 🌹👌

ئەوە شەکیای ئاڵاو زوانی ئەڏایی بە کام وا ؟و چەنی؟ ✍️حەبیبوڵا مستەوفی وەڵێ کوڵچێوی زوان بە عام کیبەرەو ئەنەیاوایەن پەی پێوەرە بیەی، زوانی ئەدایی جە ھەر زیڏوو ماوایوەنە ئاڵا(پەرچەمەو) ئایاگێنەو مشێو پارێزیو. دیارەن پەرچەمە بە واوە پەرچەمەنە ! یاگێ سرێنجەیەن کە ئاڵای لوولە کریای شۆڕە دەردە نموەرۆ بەڵکوو مشیو نە تەنیاوڵاوەکریووە بەڵکوو پشەکیویچۆ، بەڵام سرێنجە ناچێنە، چەنی؟ و بە کام وا؟ پسە حافز ماچۆ؛ «هزار نکتە باریک تر زمو اینجاست» ھەر وایوە دەردەو ئەوەشەکناو پەرچەمێ نموەرۆ ،بەعزێ وای تندوو تێژێ رەشە واینێ و مەتاوان سەرەو پەرچەمەکێو پایەکەیچش بوەران ،پسەماچان؛«نەفعە سەرەو مایەی بوەرۆوە» الف: رەشەواو کەلیمە تاشای؛ پاسشەچەنە مەزانوو کە زوانی ئەدایی ئەمن«ھورامی»یا ئنوو ھەرکەسی تەری ھەرئانەنە کە نا سەروو لچانوو باواو داڏاکانمانۆ نا ئیسە قسێش پەنە مەکەران. ھەر پی بۆنەوە ھەر حەولوو تەقالایوە پەی بە کارگرتەی بڕەی کلیمێ نەگونجێو وێ وەش کەری«بەھەربەھانێوە» دلێ ئی زوانیەنە پسەنە ئا وا تنڏەیە ب: ئەوە شەکناێ بێ سەمەر؛ لایوە تەریچۆ مشێو بزانم، ئەگەر تەنیا ھۆشمان لاو ئەوەشەکیای خاڵی (بەهەرقیمەتێوە)پەرچەمەکێوەبۆ و ئیتر کارمان نەۆو پینەیو کە پەرچەمە تەنیا عەلامەتێوەن پسەو چەقچەقەو ئاساوی، بەڵام ئەسڵ نەوعوو گەنمەکێنوو دماتەریچ ئاردەکێ کە وەشێ مەوان، هەم تەر هەڵەرە لواینم. ئینە کە ئێمە بە زوانی ئەدایی چێش مەنویسمێ ؟ (نە چنڏە مەنویسمێ )تەمام یاگێ سرێنجەیەن! ئەگەر دەقوو دەروونوو بابەتێوە جە بواروو زانایی ئارویۆ سووک بۆ با بە زوانی ئەداییچ واچیابۆ یا نریابۆرە زوو جەبەین مەشۆ، پەرچەمەکێچ تەنیا لەرنای مەلەرنۆوە! جا ئەر واچم لەرەیچ هەرخاسەن! ئایا نمەوم پسەو کێخوا ژەنەکێ نا وێمان ماچم ؟؛ «کەرام پۆرە گۆچوەنی، پەنەم واچان کێخاژەنی» قسێ ئاخرە؛ ئینەنە کە بەڕاسی ئاڵاو زوانی ئەدایی مشیۆ ھەم ھوردریو، ھەمیچ شەکیۆوە، بەڵام بە کام وا؟و چەنی؟ https://t.me/Daneshnameh_shams

✍️بە بۆنە دوێ سیاوکامی ڕۆ جەهانی زوانی ئەدٚایی. ڕۆڵەی هەورامی نەفۆتنی زوانیت پارێزنەش باوان خاستەر جە گیانیت بە زوان مژناسیەی، بەفەرهەنگ هەنی سەربەرزی ئانەن وێت بی تا مەنی ژەرەژەو زوانیت واشە نەوەرۆش وەهاروو شـادٚیت خەزان نەبەرۆش زوان کێ بیەین، فەرهەنگ ڕۆحمانە با ڕێخە پێکا جەسـە و  دڵمانە بێگانە نمەی خەمیما  وەرۆ فەرهەنگ و زوانما بە تاڵان بەرۆ هـۆرگـێرە قەڵەم بــە هەورامیانە مەولەوی ئاسا  بێسـارانیانە پارێزنە زوانیت بنویسە جە نۆ من هەورامینا  تا گیانم مەنۆ ✍️حسەین خوورا https://t.me/Daneshnameh_shams

ڕۆی جەهانیو زوانی ئەدٚایی موبارەکەن. کێوەڵکانیە دێکلەمەو شێعرەو مامۆسا مەولەوی ئینا ڕاوە. https://t.me/baghchaogorala👈 پەی زانیاری فرەتەری چی کاناڵێنە بەشداری کەردێ

بە بۆنەو ڕۆ جەهانی زوانی ئەدٚایی ئی مزانیە دەو بە ئازیزا: ئەگەر دڵوەشیێو بی، تا نەورۆز کتێبوو [ کتێب‌شناسی کتێبخانەو هەورامانی] کە چن ساڵێ پەی ئامادە بیەیش کار کریان، ملۆ پەی چاپی و پێشکەش کریۆ بە تەماموو ئا کەسا کە دڵشا پەی هەورامانی و زوانەکەیش مدٚو ونە. ئێبراهیم شەمس ۱٤۰٤٫۱۲٫۲ https://t.me/Daneshnameh_shams

📕 فرار از تاریخ ✍ اسماعیل شمس 🔸بیش از پنجاه روز است در کانال کردستان‌نامه ننوشته‌ام؛ کردستان‌نامه جایی است که من در آن تنها حرف دلم را می‌زنم؛ حرفی که نتیجه مطالعه، تحلیل ذهنی و تجربه زیسته است؛ اما وقتی دل، قفل می‌شود، چگونه می‌توان حرف زد؟ گفته‌اند در خانه اگر کس است، یک حرف بس است، و در جایی که حرف، شنیده نمی‌شود، باید سکوت پیشه کردکه سرشار از ناگفته‌هاست؛ اما و اما امروز جمله‌ای از شکسپیر خواندم که همه این جملات قصار و پندهای پیرانه‌سر را دود کرد و به هوا فرستاد: "غایبان در لحظه‌های سخت باید تا ابد غایب بمانند". 🔸نسل من و مایِ مرزنشین زحمتکش و مظلوم در کردستان از روزی که چشممان به روی این جهان باز شده است، چیزی جز سختی ندیده‌ایم و دست‌کم در مورد خودم و بسیاری که می‌شناسم، به جرٲت می‌توانم بگویم حتی یک لحظه‌ بدون سختی را تجربه نکرده‌ایم. بیشتر ما حتی در پنجاه سالگی فقط یک آرزوی بردل مانده و رٶیای تحقق نیافته داریم و آن یک ذره زندگی و یک لحظه خوشی و یک خنده از ته دل است. ما در زمانی حاضرانِ در لحظه‌های سخت بودیم که دیگران غایب بودند و ما بار سنگین همه آن سختی‌ها را به تنهایی به دوش کشیدیم،در تنهایی گریستیم و در تنهایی مردیم و فراموش شدیم. با وجود این بازماندگان جان سختِ آن لحظه‌های سخت،هرچند امروز هم سینه‌هایشان مالامال از درد و لحظه‌هایشان پر از سختی است، هنوز آنقدر شرافتمند هستند که غایبان در لحظه‌های سخت گذشته خویش را تنها نگذارند؛ با آنان همدلی و همدردی کنند و هرکاری که از دستشان برمی‌آید، برایشان انجام دهند. 🔸من تاریخ خوانده‌ام و تنها کاری که به عنوان یک شاگرد تاریخ پس از سی و دو سال مطالعه از دستم برمی‌آید و می‌توانم به هموطنانم در این لحظه‌های سخت بگویم، یک جمله است: "در دام تاریخ گرفتار نشوید و از تاریخ فرار کنید". من هم می‌دانم خواندن تاریخ فواید بسیاری در حوزه تخصصی و عمومی دارد، اما در سرزمین نفرین شده خاورمیانه، تاریخ خوانده نمی‌شود، بلکه پرستیده می‌شود؛ تاریخ برای عبرت نیست، بلکه برای تکرار و تمرین و آزمون و خطا در آزمایشگاه سیاست است؛ آزمایشگاهی که عناصر آن انسانهایی هستند که باید زندگی کنند و از اکنون به سمت آینده روند، نه این که توسط متخصصان آزمایشگاه تاریخ همچون موش آزمایشگاهی آزمایش شوند و گرفتار تسلسل و دور باطل گردند. تاریخ باید توسط تاریخدان متخصص با همه محاسن و معایبش به مردم آموزش و نشان داده شود، نه مهندسان و معمارانی که با دستکاری در آن، از ویرانه‌هایش کاخ باشکوه بسازند و جراحانی که غده‌های سرطانی آن را خارج کنند و با جراحی پلاستیک، یک موجود زیبا و سالم از اتاق عمل به بیرون بفرستند. 🔸بگذارید با صراحت بگویم که من شک دارم جامعه ما هنوز وارد عصر تاریخی به معنای واقعی و مدرن آن شده باشد. بخش زیادی از ما هنوز در عصر اسطوره زندگی می‌کنیم و بخشی دیگر که در ظاهر وارد دوران تاریخی شده‌ایم، هرگاه رویمان را به گذشته برمی‌گردانیم، سراغ اسطوره می‌رویم یا اگر در مسیر اسطوره‌یابی بخشی از تاریخ بر سر راهمان سبز شود، بی‌درنگ آن را به اسطوره تبدیل می‌کنیم. همه ما با اصطلاح "دورت بگردم" آشنا هستیم. این اصطلاح اسطوره‌ای یعنی به دور یک شخص یا چیزی گشتن و آمادگی بذل جان برای اوست. در اسطوره‌‌ها آمده است که هر ملتی به یک «بلاگردان» نیاز داشت که جانش را فدا کند و کفاره گناه مردم شود تا پس از مرگ او مردم پاک شوند و به بالندگی و رشد برسند. این افراد به گمان خود با قربانی‌کردن جانشان جامعه را از بلوا و بلا نجات می‌دادند. در دنیای اسطوره و ماقبل تاریخ، مردم با این مفاهیم می‌زیستند و به آنها باور داشتند و شاید نتیجه هم می‌گرفتند، اما جهان تاریخی الزامات خود را دارد و با قهرمانان و پهلوانان و بلاگردانهای اسطوره‌ای هیچ نسبتی ندارد. دعوت از مردمی که قلب و روحشان با تاریخ سرشته شده است برای بازگشت به اسطوره نتیجه‌ای جز روان‌پریشی تاریخی و اختلال در حرکت به سوی آینده ندارد. 🔸در دنیای مدرن، این خود تاریخ است که باید نقش "بلاگردان" را ایفا کند و به دور مردم بگردد و فریاد بزند که من خود را قربانی می‌کنم تا شما زنده بمانید؛ زندگی کنید و به سوی آینده بروید. در این زمانه، جامعه‌ای رشد خواهد کرد که نه تنها از اسطوره عبور کرده و وارد دوران تاریخی شده باشد، بلکه تاریخ را هم فدای آینده‌ای روشن کند، اما اگر این قاعده معکوس گردد و یک جامعه در درون تاریخ، دل به اسطوره ببندد، ممکن است مسکن موقتی برای تسکین آلامش باشد، اما در بلندمدت از کاروان پیشرفت که بار خود را در آینده و به آیندگان تحویل می‌دهد، جا خواهد ماند. تاریخ هم اگر در مسیر اسطوره‌زدایی قرار نگیرد، مانند بختکی است که در خواب به‌شدت انسان را فشار می‌دهد و رهایش نمی‌کند. و حرف آخر اینکه از تاریخی که مانند تار عنکبوت به دور مردم تنیده شده باشد، باید فرار کرد. @kurdistanname

زاڕۆڵێ کەی قۆمیۆشانە (قۆمیۆشاوەنە) و خۆفی مەکەرا؟ ئێمە پێسەو ئەدٚا و تاتەی، مامۆساو وانگای و کتێبداریە عالی چەنی یاردی زاڕۆڵەکاما بدەیمێ و هێمنێشا کەرمێوە؟ وەختیە وەزعەما شڕە مەبۆ و وەنەما مەقۆمیۆ پێسەو وەختیە شەڕ قۆمیۆ، یام بەڵایە ئاسمانیەما پەی مەیاوۆ و بیمێ چێرو مەینەتوو لافاوی و زلزلەیوە (بومەلەرزەیوە)، یام خەیر وەزعەو کۆمەڵگای خرابە مەبۆ و ‌بێپووڵی سەرەما کەرۆنە، وەڵێ وێما مشیۆم ئاگاما لاو زاڕۆڵەکاماوە بۆ. زاڕۆ یوەم کەسەن زەربە مەوینۆ و خۆفی مەکەرۆ چون یاگیە ئەمنە شکە نمەبەرۆ، پەرسێش پەی وەشێ با، جوابو پەرسەکاش نمەوێزۆوە، سەرەش وەنە مەشیویۆ، نمەزانۆ دماڕۆنە چێشش قۆمیۆوەنە و مەگنۆنە دلێ گێجاوەو سەروەنەشیویایی. ئەرکوو ئێمەن ئا هێمنیە بگێڵنمێوە پەی دڵو زاڕۆڵەی، چی گێجاوێنە بەرش بارمێ. یۆ چا هەرمانە عالێ متاومێ بەرمێش، ئانێنە بە گەل یام بە تاک کتێبێ عالێشا پەی بوانمێوە. ڕەنگا ڕواڵەتەنە ئی هەرمانێ سادٚێ برمانۆ، بێ‌کەڵکەش بزاندێ، واچدێ دەی ئینە کەی کارەن؟ هەرمانیە ئێژاینە وەلێم مەرجێش هەنێ. ١. شێوازو ئەوەوانایو داستانەکێ. ٢. ئا بابەتە هۆرش مەچنمێ، ئا کتێبە هۆرش مەچنمێ گرنگێنێ پەی پێکایو ئامانجەکا. ئەوەوانایو داستانێ یام ئەوەگێڵنایو ڕازێ مشیۆم سەرو وەختیە تایبەتەنە و یاگیە دیاری کریاینە واخوا بکریۆوە و نمەبۆ یاگەکێش و وەختەکەش زو زو بواڕمێ. مشیۆم نەزمش بۆ، ئی نەزمە پەی هێمنی زاڕۆی گرنگەن. زاڕۆڵە هەست پانەیە مەکەرۆ وینیۆ و گۆشش پەی گیریۆ. وەختو کتێبوانای خیاڵش باڵێ مەگێرۆوە. چی جەنجاڵەنە وێش مەوزۆنە پاڵو دەنگە گەرم و هێمنەکەو شمە و وێش بە تەنیا نمەزانۆ. وەڵتەر واتما هەم بابەتوو کتێبەکەی هەمیەتش هەن، هەم مشیۆم کتێبەکە عال بۆ. بابەتەکەش ئەر تەرسی، تەنیایی، ڕەفێق، چەنی زاڵبیەی سەرو سەخڵەتیارە بانێ، چون زاڕۆ چەنی ئا کتێبیە هەمزادپنداری مەکەرۆ، مەتاوۆ زاڵ بۆ سەرو خۆفە و دڵەورکێشەرە. ئەر کتێبەکەیچ عال بۆ، چا وەزعە(ئاژە) شڕێنە زاڕۆی پڕنۆوە و هەستیەش پەی وەشە مەکەرۆ کە ئی وەزعێ پەی هەمیشەی پێسە نمەمانۆ و مەواڕیۆ. وێرەپەرمای و تاقەت و هازی پەی زاڕوی وەشە مەکەرۆ و هێمنی مەگێڵنۆوە پەی دڵوو زاڕۆی. دمایین هەرمانەتا ئینێ بۆ جە زاڕۆڵەکەیتا. بپەرسدێ ئەر شمە یاگێ قارەمانو داستانەکێنە بیایاندێ چێش کەرێندێ؟ ڕەنگا زاڕۆلەکە بەیوە قسێ و ئانە ئینا دڵشەنە بدرکنۆش و هێمنی بگێڵۆوە پەی دلێ دڵە میقلەکەیش. کەژەڵێ بیگلەریە https://t.me/baghchaogorala

کوڵە حەکایەتێوە جوانێو پاسەشە گێڵناوە: چەنێ تاتەیم بحسما بی و دەنگێما بەرزێ بیێوە. جە تاتەیم تۆریانێ چەنیش جیا بیانێوە. شەوێ هەرچی فکرش کرێناوە، ناڕەحتی تەمامۆ وجوڐیش گرتەبێنارە. پێسەو گردٚ وەختێوی سەرەم نیا سەروو سەرنگای، چوون هەر عان خەم و خەفەتەم بییایا، سەعیە کەرێنا بووسوو تا پاسە وێم دەسوو ئا خەم و خەفەتیەو ڕزگار کەروو ... ڕۆی دماین وەختێو دانشگانە ئامانێ بەر، مۆبایڵەکەم کیسەمەنە بەر ئارد، پەیامێم نویست پەی تاتەیم تا  دڵنەوایەم چەنە کەردٚەبۆ. نویستم:  تاتە گیان، ژنیەنم چێروو پاو ئێنسانی جە پەشتەو پایش نەرمتەرا. ئایا پاو جەنابیتا ئێجازە مڐۆ بە لچام جە ڕاسی ئی ئێدعایە دڵنیا بوو؟ وختێو یاوانەی یانە و بەرو هاڵەکەیم کەرڐۆ،،مڐیەو تاتەم بەچەمێ هرسینەوە فرماواش: هەرگێز ئێجازە مەڐەو پەیم ماچێ کەرێ. بەڵام ئی ئێدێعا تەمام ڕاسەنە.  من شەخسوو وێم عانێو کەتۆ گۆڵانە بینێ، فرەو جارا، سەر و چێروو پەیات ماچم کەرڐەن. وەختێو ئینەمە ئەژنی، هەرسیم بەخۆر وەرێ بییێ... ڕۆێو تاتە باروو سەفەری بینۆ  و چی دنیانە مەمەنۆ. بەڵام وەڵێ ئانەینە جە دەسش دەیدێ، بە عێشق و موحەبەت نزیکێش بیدێوە. ئەگەریچ چی دنیانە نەمەنەن، هەمیشە و دایێم دۆعاو خەیریش پەی کەردێ و با یاڐش دڵتانە همیشە و دایێم سەوز بۆ. هۆرئەوەگێڵنای داود ئۆستوار 1404/9/1  کۆچی ڕۆجیاری https://t.me/Daneshnameh_shams

👆چاپکریای تازێ بە قەڵەموو دوکتر هەدایت حسین( ملازادە) بە ئاواتەو سەربەرزی و سڵامەتی ئی نویسەرە ئازیزیە.