كن لله كما يريد يكن لك فوق ما تريد

اذهب إلى الله، مهما كانت حالتك.. اذهب إليه بضعفك ، يأتيك بقوّته اذهب إليه بذُلّك ، يأتيك بعزّه اذهب إليه بوحشتك ، يأتيك بأُنسه اذهب إليه بفقرك ، يأتيك بغناه اذهب إليه بهمّك ، يأتيك بفرَجه اذهب إليه بحزنك ، يأتيك بفرحه *الله وحده هو الملجأ والأمان*.💟

انصحنى بشى افعله ما حييت ج/ لا تترك وردك من القرآن ولو صفحة، ولا تفرط في أذكار الصباح والمساء، وليكن الغالب على أخلاقك الرحمة والعفو، والصمت إلا فيما ترجو ثوابه. وكن صاحب سر، ومن عبادات السر العظمى: سلامة الصدر وحب الخير للناس.

العافية هي السقف الخفي الذي يظلل حياتنا دون أن نشعر، والكنز الذي لا يُعرف قدره إلا عند فقدانه ! ‏من استيقظ اليوم مُعافى في جسده آمنًا في سربه، فقد ملك الدنيا بأسرها.. *فله الحمد حمدًا يوافي نعمه* *ويكافئ مزيده.* ❤️

متنساش وسط الحر المُرعب اللي احنا فيه دلوقتي دا تدعي بحاجتين ': ‏- اللَّهُمَّ أجرنا من النار. ‏- اللَّهُمَّ أظلنا تحت ظل عرشك، يوم لا ظل إلا ظلك.

انت بتقول كل يوم في كل ركعة من كل صلاة.. "اهدِنَا الصِّرَاطَ المُستَقِيم" بس عمرك سألت نفسك: ليه بنكررها كتير؟! لأنها الهدف الأسمى، والغاية المطلوبة.. إن ربنا عز وجل يهديك للطريق الصح وبعدها يهديك جوه الطريق؛ فيوفقك للطاعة ويُعينك في جها.دك للمعصية ويثبتك على الهداية لغاية آخر نفس فيك.. فخلي بالك الطريق مش سهل.. وقلوبنا بتتقلّب، والفتن حوالينا كتير، والشهوات بتشد، والهموم بتلهي.. فإنت محتاج كل شوية تقول: "يا رب اهديني، يارب سددني، يارب نَوّرلي طريقي". الصراط المستقيم مش مجرد طريق عادي هتعديه في ثواني! ده مسيرة ورحلة طويلة بدايتها في الدنيا، ونهايتها في الآخرة بإذن الله.. واللي عايز يوصل لازم يفضل يسأل الله الهداية، وياخد بأسبابها.

فمن وثق برحمة ربه، ولم يثق بغير رحمته؛ فقد حقق التوكل على ربه في توفيقه وتسديده …. فهو جدير بأن يتكفل ( الله ) بحفظه ولا يكله إلى نفسه. 🩷

كل حاجة بتعملها في حياتك قايمة ومبنية على ظنك في ربنا، الإيمان الحقيقي بجد هو إنك تتوكل على ربنا: ﴿فَمَا ظَنُّكُم بِرَبِّ الْعَالَمِينَ﴾ اقرأ الآية دي كأنها سؤال متوجّه ليك أنت: يا ترى إيه هو ظنك بربنا؟ هل أنت واثق ومستني الخير من البشر ولا من اللِّي خلقهم؟ هل توكلك على العباد ولا على رب العباد؟ وطول ما ظنك كله خير ويقين في ربنا، هتلاقيه دايمًا بيرزقك بالرضا والقناعة وطول ما أنت ساخط وجازع هتلاقي نفسك مش حابب كل حاجة في إيدك، لمجرد إنك معندكش حُسن الظن.\

الطاعة مش مرة وخلاص، ولا اندفاع لحظي وانتهى! المهم الاستمرار، حتى لو بشيء بسيط. ركعتين قيام كل ليلة، آية واحدة تحفظها كل يوم، ذِكر تردده وتثبت عليه. الله عز وجل يحب العمل القليل الدائم، أكثر من الكثير المنقطع. قال النبي ﷺ: "أَحَبُّ الأعمالِ إلى اللهِ أدْومُها و إن قَلَّ." فخليك ثابت، حتى لو خطواتك صغيرة.

" بدأ تنافس الصالحين بكثرة الصلاة على النبي ﷺ في ليلة الجمعة ويومها، فلا تجعل نصيبك منه قليل، وتذكر أنًّ بكل صلاة على النبي ﷺ يُصلِّي الله عليك بها عشرًا، وترفع عشر درجات، ويُحط عنك عشر خطيئات“.

أوقات بنسمع جملة: "أنا مش مستعد دلوقتي!" لما بنتكلم مع حد عن فعل طاعة واجبة، أو ترك ذنب.. بس الحقيقة إن أوامر ربنا مش حسب استعدادنا.. أوامر ربنا مافيهاش غير "سمعنا وأطعنا".. ولو كل واحد استنى "يستعد"، يمكن العمر يخلص قبل ما يبدأ! واللي بيستنى لحد ما يكون جاهز بنسبة 100 %، ممكن ما مايوصلش أبدًا. فابدأ حالًا، وما تأجلش.

مفيش حد بيحاول وبيجيب صفر! "وَأَن لَّيْسَ لِلْإِنسَانِ إِلَّا مَا سَعَيٰ وَأَنَّ سَعْيَهُ سَوْفَ يُرَيٰ ثُمَّ يُجْزَاهُ الْجَزَاءَ الْأَوْفَيٰ" السعي هيعمل حاجة من التلاتة.. _ يا أما هتنجح من أول مرة. _ يا أما لو منجحتش هيديك خبرة في اللي جاي. _ يا أما هيخليك تتعلم ان مش دا الطريق اللي يستحق المجهود فتشوف طريق تاني غيره. مفيش مجهود بيضيع أبدًا، اسعىٰ💗'))

شرٌ يرحل؛ وخيرٌ يأتي سيئٌ يذهب، وجميلٌ يأتي طُرق تُغلق في وجهك؛ ويفتح الله لك أفضل منها. كل شيء يحدث بسبب ولسبب وكل الأمور تحدث لصالحك. ربّ الخير لا يأتي إلا بالخير.

ساعات وتبدأ أعظم أيام السَّنة.. فركّز معايا لو سمحت 🕋 ​لو اتقال لك إن قدامك ١٠ أيام بس تغيّر فيهم مجرى حياتك بالكامل، هتعمل إيه؟ ​الأيام دي هي اللي ربنا أقسم بيها في القرآن، والعبادة فيها أحب إليه من أي وقت تاني في السنة كلها. ​عشان ما تدخلش الأيام دي وتخرج منها بنفس النسخة القديمة، دي الخطة الذهبية لـ ١٠ أيام هيقلبوا حياتك إن شاء الله: ​١- الصلوات الخمس في وقتها: مع تثبيت ٥ دقائق بعد كل فرض لأذكار ما بعد الصلاة. ​٢- ١٢ ركعة سُنّة راتبة: (٢ قبل الفجر، ٤ قبل الظهر و٢ بعده، ٢ بعد المغرب، ٢ بعد العشاء). يُبنى لك بيهم قصر في الجنة يوميًا، فحافظ عليهم. ​٣- صلاة الضحى: صلاة الأوابين.. بتبدأ بعد الشروق بربع ساعة تقريبًا لحد قبل الظهر بربع ساعة. (أقلها ركعتين وإنت وهمتك). ​٤- أذكار الصباح والمساء: حصنك اليومي الثابت. (أذكار الصباح بعد الفجر، وأذكار المساء بعد العصر). ​٥- القيام والوتر: لو الهمة عالية خليها في الثلث الأخير من الليل، ولو خايف تنام صلّيها بعد العشاء مباشرة زي التراويح. (من ٣ لـ ١١ ركعة)، ويا ريت تسيب ركعتين تخليهم في آخر ساعة قبل الفجر. ​٦- الصدقة اليومية: تصدّق بما يليق بك وبيقينك، وافتكر دايمًا إنك أنت اللي محتاج أجرها وثوابها أكتر من الفقير. ​٧- حجة وعمرة كاملة.. كل يوم! للرجال: صلِّ الفجر في المسجد، واقعد في مكانك اذكر الله واقرأ قرآن لحد بعد الشروق بربع ساعة، وصلِّ ركعتين. للنساء: صلِّي الفجر في أول الوقت في مُصلّاكِ بالبيت، وافضلي في مكانك قولي أذكارك واقرئي قرآن لحد بعد الشروق بربع ساعة، وصلِّي ركعتين.. وليكِ نفس الأجر إن شاء الله، ربنا كريم. ​٨- ورد القرآن: لأصحاب الهمم: ختمة كاملة في العشر. (بواقع ٣ أجزاء يوميًا). للمبتدئين وأصحاب المشاغل: مش أقل من جزء كل يوم. (يعني تقرأ ١٠ أجزاء في العشر). ​٩- الذكر المقيد والمطلق: لسانك ما يقفش ويفضل شغال، وخصوصًا التكبير طول العشر: (الله أكبر الله أكبر الله أكبر، لا إله إلا الله، الله أكبر الله أكبر ولله الحمد) ومعاك كمان الباقيات الصالحات. ​١٠- الصيام: صيام الـ ٩ أيام كلها. (تنبيه: لو في أيام قضاء من رمضان وعاوزه تصوميها، صومي بنية القضاء فقط، ولو عاوزه تقدّمي التطوع وتؤجلي القضاء فلا مانع، والأجر واسع والتطوع وقته ممتد). ​١١- ساعات الإجابة السحرية: ركّز جدًا في الساعة اللي قبل الفجر، والنصف ساعة اللي قبل المغرب وإنت صايم. ​١٢- يوم عرفة (المعركة الكبرى): صيام يكفّر ذنوب سنتين، فضّي نفسك تمامًا في اليوم ده للدعاء والعبادة وبس. اجمع كل أدعيتك وألحّ في الدعاء، وما تنساش تكرر كتير: (لا إله إلا الله وحده لا شريك له، له الملك وله الحمد وهو على كل شيء قدير) واتفرج على جبر ربنا بعدها. ​١٣- الأضحية: طالما قادر ومستطيع، دي من أعظم شعائر الأيام دي. وما تنساش كمان صلة الرحم 🤍 💡​العبادات دي "نقطة تحول"، لو داومت عليها هتخرج من الموسم ده إنسان تاني خالص، والأيام دي هتكون نقطة انطلاقك الحقيقية بإذن الله. 👌 ​اللهم اجعلها عشرًا مباركات تحثّ خطانا نحو الجنان. 🤲

اليقين" هو ان الدنيا تبقي ملخبطه جدًا معاك والظروف صعبه، وانت واثق انها هاتتعدّل، مع انك مش عارف ازاي ولا امتى بس متأكد بإن الرحيم الكريم مش هيسيبك وبإنه هيدبر امرك بأفضل مما تتمنى. إطمن..🤍

أصعب حاجة في موت الفجأة إنه مابيسيبش مساحة للوداع ولا فرصة لتصحيح الغلط. فجأة بنلاقي خبر وفـاة حد كان لسه باعت رسالة أو بنضحك معاه، وكأن الدنيا بتقولنا "أنا فعلًا مش مضمونة". الحقيقة إننا مش محتاجين نكبر عشان نموت، إحنا محتاجين نكون جاهزين في أي وقت بقلب نظيف موصول بالله. ​بلاش تأجل توبتك ولا تظلم حد ولا تنام وفي قلبك خصومة، لأن ملك الموت مابيستأذنش حد. ابدأ النهاردة صحح مسارك، وقرب من ربك، وخلي النفس اللي طالع منك دايماً في طاعة. ​اللهم إنا نعوذ بك من الغفلة، وارزقنا توبة قبل الممات وحسن الخاتمة. 🤲

"إذ نَادَىٰ رَبَّهُ نِدَاءً خَفِيًّا" 🤍 في لحظةٍ لا يراك فيها أحد، ولا يسمع أنين قلبك أحد ترفع صوتك إلى السماء، لا بالصراخ، بل بالصدق. نداءٌ خفيّ. لكنَّه عند الله جليٌّ عظيم. لم يحتج زكريا عليه السلام أن يرفع صوته، فالله يسمع الهمس قبل الجهر، ويعلم ما في القلب قبل أن يُقال. فإذا ضاقت بك الدنيا فلا تبحث عمّن يسمعك، بل توجّه إلى من يفهمك دون شرح، ويُعطيك دون سؤال، ويجبرك ولو كان نداؤك خفيًّا. بينك وبين الله نداءات لا يعلمها أحد، فاحرص أن تكون صادقة، فربّ نداءٍ خفيّ… غيّر حياة كاملة.

ربى لقد زادت ذنوبي ... ولا زلت تستر عيوبي... ربى لقد وعدتك وأخلفت... وأنت برحمتك ترزقني وما قطعت... ربى لقد كرهت نفسي لعدم طاعتك... ربى لقد يئست من نفسي ولكنى لم أيأس من رحمتك.... ربى اعني على ذكرك... واعني على شكرك... واعني على حسن عبادتك

في حاجات عمرك ما كنت هتفهمها لولا الابتلاء!! فجأة تلاقي نفسك بتطوّل في الدعاء، وبتلِحّ، وبتزود في العبادة، وتحس إن القرآن بيكلمك أنت وبيوجّهك، والذكر بقى الملاذ إللي من سنين كنت ناسيه!! ساعتها هتدرك إن رحمة ربنا مش بس في العطاء، دي كمان في المنع، في الابتلاء، في كل حاجة وجعتك وكسرتك! وهتفهم إن لُطف اللَّه كان محاوطك طول الوقت.. في مدرسة الابتلاء، بتتعلّم دروس ماكنتش هتفهمها وقت الرخاء، هتتعلم دروس تنوّر بصيرتك وتغيّر نظرتك للدنيا كلها.

التوبة ليست أن تقول "تُبت" ثم تعود كما كنت! التوبة أن تعود إلى الله أفضل مما كنت.. وأن يرى الله صدق قلبك، واجتهادك في السير إليه. قال ابن القيم رحمه الله: "فَالتَّوْبَةُ الْمَقْبُولَةُ الصَّحِيحَةُ لَهَا عَلَامَاتٌ. مِنْهَا: أَنْ يَكُونَ بَعْدَ التَّوْبَةِ خَيْرًا مِمَّا كَانَ قَبْلَهَا". فيكون حالك مع الله بعد التوبة أفضل من حالك معه قبل الوقوع في الذنب: • قلبك أكثر خشوعًا. • أعمالك الصالحة أكثر. • خوفك من الذنوب أشد. • تعلقك بالله أوثق. "ورُبَّ معصية أورثت ذلًا وانكسارًا خير من طاعة أورثت عِزًا واستكبارًا." #التوبة