💚 حياتي دعوة 💚

‼️خد بالك... ف رمضان مفيش وقت بدل ضائع⁉️ 📃يعني إيه ؟؟ يعني في كل مباراة ، أي وقت بيضيع ، ممكن الحكم بيحتسب بداله وقت بدل ضايع ويضيفه في آخر الماتش ! ولكن  .. في رمضان هما 30 يوم أو 29 يوم .. كل يوم بيعدي منهم مش هيرجع تاني !!😓 ⏰ كل دقيقة بتضيّعها راحت عليك خلاص ومش راجعة تاني ولا هيبقى ليها بديل !!😓 🔅 يعني إيه ؟؟ يعني اظبط ساعتك كويس أوي .. ومن أول دقيقة عينك على الوقت .. 👈 عينك على الوقت علشان ميتسرقش رمضان منك وإنت قاعد في غفلة بتتدلع شوية وتهزر شوية وتنام شوية !! ⏰ قدامك 30 يوم ،  يعني 720 ساعة ،  يعني 43200 دقيقة مش 90 دقيقة !!  يا ترى هتجيب فيهم كام جون ؟؟؟؟؟ يا ترى هتحقق كام هدف ؟؟؟؟؟!! يا ترى هتستغلهم إزاي علشان تغير حياتك وتكون إنسان جديد ؟؟!!! 🙁ولو تأملنا في آيات شهر رمضان في سورة البقرة ، هنلاقي ربنا تبارك وتعالي وصف الشهر بقوله تعالى : (أَيَّامًا مَعْدُودَاتٍ) .. 🌟"أياماً معدودات" يعني قيمتها غالية أووووي .. لأن الشئ اللي بنعدّه ونحسبه هو الشئ المهم أوي وله قيمة .. 👈وقيمة أي شئ في الدنيا مهما كانت متساويش نقطة في بحر من قيمة الآخرة .. فأيام رمضان هي أيام التزود للآخرة .. وقيمتها أغلى من كنوز الدنيا كلها .. وعلشان كده اللي بيعرف قيمة أيام رمضان بيعدّها بالثانية والدقيقة ! 👈واللي مش عارف قيمتها بيصوم وخلاص وهو مش عارف انهاردة كام في الشهر لحد ما يقولوله خلاص بكرة العيد !! 🌟 "أياماً معدودات" يعني مفيش أي وقت فيها للتقصير أو التفريط إطلاقاً .. 🏙️ تخيّل واحد دخل قصر مليان مجوهرات وكنوز ،وقالوله قدامك 5 دقايق بس ، تلحق تاخد اللي إنت عايزه وبعدها هتخرج ! صاحبنا دخل القصر ، شاف قدامه عربية تحفة ، انبهر بها ووقف يتفرج عليها ويشوف امكانياتها ! شوية وشاف بنت جميلة جداً ، جري عليها علشان يتعرف عليها ويكلمها ! وفجأة لقى الـ5 دقايق خلصوا وهو مش واخد باله !! من غير ما يلحق يقتنص الفرصة ويجمع كل اللي يقدر عليه من كنوز القصر !! 👌إحنا بنذكر المثال ده ليه ؟؟؟! ❌عشان محدش يقول هي ساعة بس هتابع كام مسلسل على السريع كده بعد التراويح! ❌محدش يقول هفتح النت أشوف بس أخبار الفيس والواتس والتليجرام ومش هطوّل! ❌محدش يقول هخرج بس مع أصحابي نشمّ شوية هوا بالليل وهنرجع بسرعة ! 👌يا حبيب قلبي رمضان مش وقت للغفلة!إلحق وجمّع أكـــــــبر قدر من الكنوز قبل ما الوقت يعدي !!!متضيّعش الفــــــرصة !!! "أياماً معدودات" يعني سريعة الزوال .. هتعدي بسرعة جداً جداً ..              يوم ورا يوم وهتبص تلاقيها انتهت !! والعاقل اللي بيفهم اللي يكون مُستعد لها ومنتظرها علشان يلحق كل دقيقة فيها وهي بتجري بسرعة .. "أياماً معدودات" يعني كلها كام يوم هتتعب فيهم ، وهتيجي على نفسك في أكلك وراحتك ونومك ، ولكن كـــل التعب ده هيعدي ومش هتحس به بعد ما تنتهي .. هيروح التعب و هيتبقى الثواب والأجر وتوابعه من انشراح قلبك وفرحتك بطاعة ربك سبحانه وتعالى ..فكل ما تتعب وتحس إنك خلاص مش قادر ..افتكر إن رمضان "أياماً معدودات".. رمضان يا شباب ملوش وقت بدل ضائع ! وعلشان كده عاوزك يا حبيب قلبي تدخل رمضان وقلبك خايف !خايف إن أي وقت يعدّي عليك من غير ما ترضي الله .. 👈 شوفت نفسك وإنت في إمتحان الثانوية بتبقى عامل إزاي؟؟؟ سايب أصحابك والمراقب ومركّز في ورقتك ، وكل دقيقة عمّال تبص في ساعتك ، ومش عاوز أي حد يشغلك ! 👈كل ده علشان خايف للوقت يضيع منك ويضيع منك أي سؤال !! 👌 خايف لتروح منك درجة أو نص درجة !! أنا عاوزك تكون كده في رمضان .. تحاسب نفسك على أي وقت تضيعه .. وماتديش لنفسك أي فرصة تعمل معصية ، اشغلها بالطاعة .. وخلّيك فاكر إن رمضان وقته أخطر مما نتخيل ..! دي أيام معدودة .. ⏳يعني اليوم اللي هيضيع منها:- = ضياع فرصة عتق من النار! = ضياع فرصة إتمام الصيام والقيام ومغفرة الذنوب الماضية! = ضياع دعوات مستجابة. = ضياع كنوز من الحسنات. = ضياع درجات في الجنة !! 👌هات ورقة وقلم ، واكتب كل يوم ورقة ( باقي من رمضان كذا يوم ) ، وعلًقها في أوضتك تبقى قصاد عينك على طول علشان تذكّرك دايماً وترفع من همّتك .. _____ #حياتي_دعوة

‏مقطع صوتي من أدهم

🌸... شرح كامل لقيام الليل او التراويح... #حياتي_دعوة

💡وعلشان كل ده يتحقق لازم نستعد صح لرمضان من دلوقتي أيوة من دلوقتي .. حالاً أياً كان الوقت اللي الكلام ده وصلك فيه .. ابدأ استعد وحتى لو وصلك وإنت في رمضان .. إوعى تيأس واستعن بالله وجدد نيتك واجتهد في الطاعة .. 👈طيب إحنا بنقول الكلام ده ليه من دلوقتي؟ 🌷علشان لازم تكون النية في قلوبنا من دلوقتي وعلشان ربنا يرى في قلوبنا صدق وعزم حقيقي ممكن واحد مننا يموت بُكرة أو بعده محدش عارف فلو ماكنش عنده النية إنه يتغير ويتوب هيموت على حالته السيئة اللي عايشها دلوقتي للأسف ☹ لكن لو كانت عنده النية من دلوقتي ومات قبل رمضان فبإذن الله ربنا هيكتب له الأجر بنيته .. والاستعداد الحقيقي يا إخواني بيكون من شهر رجب أو من قبله كمان .. قال أحد السلف الصالح ويسمى أبو بكر الوراق : " شهر رجب شهر الزرع , و شعبان شهر السقي للزرع , ورمضان شهر حصاد الزرع " نكمل غدا بفضل الله دمتم علي طاعة الله☺ 💚 رمضان قرب.. يلا بقلوبنا الي الله نقرب*💚 ═══ ❁✿❁ ════ #إصحي_يا_نايم #حياتي_دعوة

حنلة الإستعداد لرمضان 💌 الحلقه الرابعة 💌 💟 تعرف ان اللي حيدرك شهر رمضان، ممكن يدرك منزله أعلى من منزلة الشهيد في الجنة؟؟ ✋ايوه .. الكلام ده بجد.. تعالا نشوفوا حديث واحد في منزلة الشهيد.. قال رسول الله ﷺ : 👈" للشهيد عند الله سبع خصال: يغفر له في أول دفعة من دمه، و يرى مقعده من الجنة، و يُحَلَى حُلة من الإيمان، و يزوج اثنين و سبعين زوجة من الحور العين، و يُجَار من عذاب القبر، و يأمن من الفزع الأكبر، و يُوضع على رأسه تاج الوقار، الياقوتة منه خير من الدنيا و ما فيها، و يشفع في سبعين إنسانا من أهل بيته. " (صححه الألباني) 👈يا الله هذه منزلة مايستحقهاش الا إللي حارب و قاتل في سبيل الله و استشهد منزلة عظيمة.. تخيل انك باجتهادك في شهر رمضان ممكن توصل لمنزلة أعلى من منزلة الشهيد؟؟ 👈 لو قلتلك يا اخي شهر واحد هتشتغل فيه و تاخذ أكبر مبلغ هتاخده في حياتك هتصبر ولا؟ ⁉ أهو أنا بقولكم شهر واحد نصبر فيه و ناخذ كل الثواب و الرحمة و المغفرة اللي قلنا عليها.. 💡 هنصبر و الا لا يا شباب بعدما عرفنا خطورة و أهمية شهر رمضان.. ؟؟ 💟 لما تعرف ان الصحابة و السلف الصالح كانوا بيدعوا ربنا قبل رمضان ب 6 اشهر انه يبلغهم رمضان.. و بعد شهر رمضان ما يعدي.. يفضلوا يدعوا ربنا بقية السنة انه يتقبل منهم أعمالهم في رمضان.. يعني رمضان كان محور حياتهم طول السنة.😳. الناس دي عرفت يعني ايه رمضان فكان لازم تبقى دي احوالهم قبل و بعد رمضان.. 👈يا ترى مين فينا زيهم..؟؟ مين فينا اللي هيقدر الموسم العظيم ده و يعطيه حقه.. مين فينا اللي الشيطان مش هيضحك عليه و يخليه يقعد يسوف لغاية ما الشهر يعدي و هو لسه غافل.. ⁉ أنا عايزك تفكر كويس: انت لو ربنا احياك لحد رمضان يبقى انت اخدت فرصة متتخيلهاش..!! هتقول ايه؟؟ ☘ هقولك: كام واحد من اصحابك او من قرايبك مات قبل رمضان..؟؟ فلو ربنا بلغك رمضان، لازم تحس بقيمة النعمة دي و تشكرها حق شكرها بانك تستغلها احسن استغلال و تكون من الفائزين برحمات ربنا و العتق من النار في الشهر المبارك ده.. لازم تجتهد و تجيب اقصى جهد عندك..عارف ليه ؟؟ لانك متعرفش.. هل هتعيش لرمضان اللي جاي و الا لا ؟؟ انت مش ضامن عمرك للسنة الجاية !! ممكن يكون ده آخر رمضان في حياتك..!! خلي الكلام ده في بالك على طول.. علشان متسوفش و يكون حافز و منشط ليك على الطاعة في رمضان.. و خلي شعارك السنة دي👇🏻: ( لئن ادركت رمضان... ليَرينّ الله ما اصنع) ✋نستعد إزااااااي ؟؟ 💡كل سنة يبدأ رمضان .. وتقول هاختم القرآن 10 مرات , وفي النهاية تنتهي بختمة واحدة أو ممكن متكملش ختمة حتى☹ !!! 👈 وتقول هصلي التراويح كاملة بجزءأو جزئين وإحتمال أكمّل الصلاة مع نفسي في البيت , ومع ذلك تكسّل وممكن متكملش ركعتين في التراويح تقول لا يمكن عيني تلمح فيلم ولا مسلسل , ومع ذلك تضعف وتقع في المعاصي تقول أنا هكون أحسن واحد وهصلي كل الفروض صف أول جماعة أولى في المسجد وبعدها تفرط في المطالب دي 👈تقول رمضان ده هيكون بداية إلتزامي ولكن للأسف أول ما رمضان يخلص تنسى كل ده 😥وتندم بعد رمضان لما تلاقي فلان وفلان وفلان ختموا كام ختمة وصلوا التراويح بجزئين وتصدقوا وعملوا كل الخيرات , وإنت كنت موجود معاهم بس سبقوك ! مع إن مفيش فرق كبير بينك وبينهم ..!!! 👈كام مرة عدى عليك رمضان وقلت : " لئن أدركت رمضان المُقبل ليَرَيَنَّ الله ما أفعل " ومع ذلك بيعدّي رمضان ومبتعملش أي حاجة ! ليه بيحصل كدة ؟؟؟ عشان إحنا مستعديناش صح.. علشان إحنا مش متعودين على حاجات كتير من العبادات دي.. 💡ماينفعش نيجي مرة واحدة في رمضان ونقول احنا عاوزين نعمل كل حاجة , ولما نلاقي نفسنا معملناش , غصب عننا يجيلنا إحباط ونقول هو إحنا كدة !! ومفيش فينا أمل ومش نافعين !!! 💡 لو سألتك : عندك كام سنة دلوقتي؟؟. طيب .. عدى عليك كام رمضان وضيعناه؟؟ 👈 فكّرت في الأسئلة دي قبل كدة؟! ⁉ طيب تخيل معايا إنك لسة بتتولد من جديد دلوقتي حالا إيه العيوب اللي نفسك تصلحها في نفسك؟!!! ⁉ إيه الذنوب اللي بتعملها وقرفااااااااااان منها جدا ونفسك ترتاح منها وتبعد عنها ؟!! ⁉ إيه أكتر حاجة حلوة كان نفسك تعملها زمان بس لسة معملتهاش لغاية دلوقت ؟؟! ⁉إيه رأيك من رمضان السنة دي نبتدي صفحة جديدة في حياتنا؟؟!! 💡نفسنا نغيّر .. نعمل حجات كتير .. مش كدة؟؟!! طيب ما تيجي نخلي شعارنا من دلوقتي : 🌻رمضان السنة دي .. هيغيّر حياتي🌻 حط في دماغك إنك هتخرج من رمضان إنسان جديد . من الآخر .. رمضان السنة دي هيكون رمضان مختلف تماما ومفيش حد أحسن مني ..ومفيش حد هيسبقني .. 💜 أيوة.. لازم أعمل ثورة على نفسي واتغير بجد ! مفيش شهوة هتقيدني ولا ذنب هيستعبدني ❌ ورمضان السنة دي هيكون هو بداية التغيير الحقيقي في حياتي ..

حملة الاستعداد لرمضان 💡▪ الحلقه الثانيه ▪ 📢📢السلاااام عليكم☺ 💟 الدنيا كلها بتستعد ياترى انت استعديت ازاااااااااااااااااى؟؟؟؟؟؟ 👈تعالوا نعرف مع بعض ليه لازم نستعد لرمضان ؟؟ وليه كل الاهتمام ده برمضان ؟؟؟ لان شهر رمضان ليه فضائل ومميزات ....... 💟تعالوا نشوف بعض فضائل شهر رمضاااااااااان : 💡1- شهر البركه؛ ⏳ قال رسول الله صلى الله عليه وسلم ( *اتاكم رمضان شهر مبارك ......) صححه الالبانى رمضان شهر بركه ...بركه فى كل حاجه 💡2- تفتح فيه ابواب الجنه وتغلق فيه ابواب الجحيم :🌿🌷 قال رسول الله صلى الله عليه وسلم : " إذا دخل شهر رمضان فُتِّحت أبواب الجنة وغُلّقت أبواب جهنم " متفق عليه 👈ابواب النار كلها مقفوله ....اللهم لك الحمد☺ 📢وابواب الجنه كلها مفتوحه قدامك ...ياترى هتلحق كام باب فيها ؟؟؟؟ دعاء مستجاب ورحمه وغفران وخيييييييير كبيييير مستنيييييييييك 💡3 - *شهر صيام ..ثواب سنه صيام.. قال - صلى الله عليه وسلم -: (( *صيام شهر رمضان بعشرة أشهر وصيام ستة أيام بعده بشهرين فذلك صيام السنة*)) (صححه الألباني). ▪30(رمضان )+6(من شوال )=360 !!!!!!▪ ........................... 💡4- *شهر تكفير الذنوب والخطايا.. قال رسول الله صلى الله عليه وسلم: "الصلوات الخمس،والجمعة إلى الجمعة، ورمضان إلى رمضان، مكفرات لما بينهن ما اجتنبت الكبائر" رواه مسلم. ................................................ 💡5- *شهر الصله بين السماء والارض.. انزل الله فى رمضان كلامه وكتبه وخاطب فيه خلقه النَّبِيَّ صَلَّى اللَّهُ عَلَيْهِ وَسَلَّمَ قَالَ : " (( أُنْزِلَتْ صُحُفُ إِبْرَاهِيمَ أَوَّلَ لَيْلَةٍ مِنْ شهر رَمَضَانَ ، وَأُنْزِلَتِ التَّوْرَاةُ لِسِتٍّ مَضَت مِنْ رَمَضَانَ ، وَأُنْزِلَ الإِنْجِيلُ بثَلاثَ عَشْرَةَ مضت مِنْ رَمَضَانَ ، وَأُنْزِلَ الزَّبُورُ لِثَمَانِ عَشْرَةَ خَلَتْ مِنْ رَمَضَانَ ، وَأُنْزِلَ الْقُرْآنُ لأَرْبَعٍ وَعِشْرِينَ خَلَتْ مِنْ رَمَضَان ))" (حسنه الالبانى ) 💡6- كل يوم وليله فى رمضان فرصه للعتق من النار... قال رسول الله صلى الله عليه وسلم : ( إذا كان أول ليلة من شهر رمضان صفدت الشياطين ومردة الجن وغلقت أبواب النار فلم يفتح منها باب وفتحت أبواب الجنة فلم يغلق منها باب وينادي مناد كل ليلة : يا باغي الخير أقبل ويا باغي الشر أقصر ولله عتقاء من النار وذلك كل ليلة ) صححه الالبانى 😳انت عارف يعنى ايه العتق من النار ؟؟؟؟ تخيل نفسك انك عبد عند فلان من الناس .... لو اعتقك يبقى انت بقيت حر خلاص والانسان ده مبقاش له ولايه عليك ... 👈وكذلكم النااااااااار قال تعالى ( مَأْوَاكُمُ النَّارُ هِيَ مَوْلَاكُمْ وَبِئْسَ الْمَصِير*ُ )[الحديد 15] يعنى العتق هو الخروج من هذه الولايه يعنى النار متكونش مولاك 💟العتق من النار يعنى خلاااااص مفيش عذاب 😍!!!!! ياترى يا شباب هنعمل ايه فى الشهر ده علشان نكون من عتقاء الله من النار ...؟؟؟؟؟؟ 👈لسه مخلصناااااااش فضائل رمضان .. 💚 رمضان قرب.. يلا بقلوبنا الي الله نقرب 💚 ═══ ❁✿❁ ═══ #إصحي_يا_نايم #حياتي_دعوة

💟 لما الواحد فينا بيكون غايب عنه حد بيحبه أوي وبقاله كام شهر مستنيه ييجي بفارغ الصبر .. بتلاقيه عمال يفكر؛ يا ترى هقابله في المطار إزاي ؟؟ 😱 أنا لازم أجهز كل حاجة علشانه ده من أعز الناس عليا ..هو أنا ضامن أشوفه تاني ..؟؟!! لو تأمّلت ؛ هتلاقي إن أي حَدَث مهم في الدنيا ، الناس بتجهز له وبتستعد له ... 💟طيب .. يا ترى إحنا إستعدينا إزاي لأهم حدث في السنة كلها ‼ إستعدينا إزاي لأضخم أوكازيون حسنات ورحمة ومغفرة في السنة كلها ⁉ ⏪ ياترى يا شباب ....ماذا اعددنا لرمضان ⁉ ⏪وحالااااااااااااا هتلاقى ناس بترد وتقول يااااااااه احنا فين ورمضان فين😑 ؟؟؟؟!!!! وناس تانيه حتى لو فاضل كام يوم على رمضان تقولك : يا عم لسه بدرى 😅 لما يجى رمضان يبقى ربنا يحلها !!!!!!! وللاسف الكلام ده على لسان كتيييييييييييييييييير مننا☹ 😳يا شباب لو اى لاعب فى اى مباره مسخنش قبل ماينزل الملعب بيجيله شد عضلى فى اول 5 دقايق اذا كان ده كلامنا ودى احوالنا قبل رمضان ليه بنستغرب بقى اننا مش بنقدر نكمل رمضان بنفس الروح والعزيمه اللى الكل بيبدا بيها اول الشهر ⁉ متستغربوش ...ماهو احنا ما استعديناش صح قبل رمضان فكان لازم يحصل كده فى رمضان😑 💟لازم نسال نفسنا يا اخوانى استعدينا لرمضان 👈ازاااااااااااااااااااى ؟؟؟ 👈انا عارف ان الاجابه محرجه جداااااااااا عند معظم الناس الا من رحم الله وخاصه لما نقرا فى سير الصحابه والسلف الصالح... 👈 ونشوف كانوا بيجهزوا ازاى للشهر العظيم ده وقد ايه فعلا كانت عزيمتهم وصدقهم مع الله فكان الواحد بيبقى هاين عليه يعمل اى حاجه فى نفسه علشان تبطل الاستهتار والتهاون والغفله اللى احنا عايشين فيها !!!! 💟اللى عايز يفوز برمضان لازم يجهز له من دلوقتى يا شباب لو تاملنا فى احوال الناس اللى عندهم امتحانات قد ايه عمالين يذاكروا ويجتهدوا وفيه ناس والله مش بتنام ده كله علشان امتحان دنيوى لو الواحد حتى رسب فيه *لا قدر الله* مش هتبقى مشكله كبيره ⁉ 💟انما لما يكون الواحد دخل على شهر رمضان يبقى لازم يفووووووووووووووووووووووق الناس العاديين بيستعدوا لرمضان من قبلها بشهور يخزنوا التمر والياميش والمكسرات ومالذ وطاب من الاكل ... 📺التلفزيون ...وما ادراك ما التلفزيون ؟؟؟ وتلاقى نفسك قدام اكتر من 100مسلسل والف برنامج ترفيهى ومسابقات وفوازير والذى منه !!!! استعداد رهيييييييييييييييييييييييب!!!!!!* وده حتى الشياطين بتستعد لرمضان☹ !!!!! تلاقى الشيطان بيبذل اقصى جهد علشانيوقعك فى معصيه قبل رمضان متفوقش منها غير بعد فوات الشهر المبارك .. 🌹وكذلك بيبذلوا اقصى جهد فى تجنيد شياطين الانس علشان يبعدوك باى وسيله عن الطاعه فى رمضان !!!!! 💟 الدنيا كلها بتستعد ياترى انت استعديت ازاااااااااااااااااى؟؟؟؟؟؟ ‼ هنعرف ازااااااااى المره الجايه باذن الله تااابعوا معايا✋ 💡دمتم علي طاعة الله💡 💚 رمضان قرب.. يلا بقلوبنا الي الله نقرب 💚 ═══ ❁✿❁ ════ #إصحي_يا_نايم #حياتي_دعوة

‏مقطع صوتي من أدهم

‏مقطع صوتي من أدهم

‏غدا يوم ‎#الخميس كن في قوافل الصائمين إن لم تستطع فذكر بها غيرك